ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠲᠦᠷᠦᠵᠦ ᠮᠡᠡᠳᠦᠯᠡᠬᠦ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-05-31
    ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠠᠩᠬ᠎ᠠ ᠲᠦᠷᠦᠭᠰᠡᠨ ᠭᠡᠤᠭᠡᠳ ᠢ ᠨᠢᠭᠡ ᠨᠠᠰᠤᠲᠠᠢ ᠭᠡᠵᠤ ᠦᠵᠡᠳᠡᠭ᠃ ᠭᠡᠬᠦ ᠳᠡᠭᠡᠨ ᠨᠢᠭᠡ ᠨᠠᠰᠤᠲᠠᠢ ᠭᠡᠵᠤ ᠬᠡᠯᠡᠬᠦ ᠦᠭᠡᠢ᠂ ᠤᠢ ᠲᠤᠯᠤᠭᠠᠳᠤᠢ ᠭᠡᠭᠦ ᠪᠤᠶᠤ ᠭᠡᠳᠦᠨ ᠰᠠᠷ᠎ᠠ ᠪᠤᠯᠵᠤ ᠪᠠᠶᠢᠨ᠎ᠠ ᠭᠡᠳᠡᠭ᠃ ᠠᠩᠬ᠎ᠠ ᠲᠦᠷᠦᠭᠰᠡᠨ ᠬᠡᠤᠬᠡᠳ ᠢ ᠨᠢᠭᠡ ᠨᠠᠰᠤᠲᠠᠢ ᠭᠡᠵᠤ ᠦᠵᠡᠳᠡᠭ ᠨᠢ ᠡᠭᠡ ᠶᠢᠨ ᠢᠶᠠᠨ ᠬᠡᠪᠡᠯᠢ ᠳᠤ ᠠᠴᠢᠭᠳᠠᠵᠤ ᠶᠠᠪᠤᠭᠰᠠᠨ ᠠᠷᠪᠠᠨ ᠰᠠᠷ᠎ᠠ ᠶᠢ ᠨᠢ ᠵᠢᠭᠠᠭᠰᠠᠨ ᠪᠤᠯᠤᠯᠲᠠᠢ᠃     ᠬᠡᠤᠬᠡᠳ ᠤᠨ ᠨᠠᠰᠤ ᠶᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠢᠶᠠᠷ ᠲᠤᠭᠠᠴᠠᠯᠠᠳᠠᠭ ᠪᠤᠯᠬᠤᠷ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠰᠢᠨ᠎ᠡ ᠵᠢᠯ ᠪᠤᠯᠤᠮᠠᠭᠴᠠ ᠨᠠᠰᠤ ᠨᠢ ᠨᠢᠭᠡ ᠨᠡᠮᠡᠭᠳᠡᠳᠡᠭ᠃ ᠲᠡᠭᠡᠬᠦ ᠪᠠᠷ ᠪᠢᠲᠡᠭᠦᠨ ᠤ ᠡᠳᠦᠷ ᠲᠦᠷᠦᠭᠰᠡᠨ ᠬᠡᠤᠬᠡᠳ ᠮᠠᠷᠭᠠᠰᠢ  ᠨᠢ ᠬᠤᠶᠠᠷ ᠨᠠᠰᠤᠲᠠᠢ ᠪᠤᠯᠴᠢᠬᠠᠳᠠᠭ᠃ ᠨᠠᠢᠮᠠᠨ ᠨᠤᠲᠤᠭ ᠲᠤ ᠵᠢᠷᠮᠦᠰᠦᠨ ᠪᠤᠯᠬᠤ ᠶᠢ ︽ᠲᠠᠪᠬᠤᠷ ᠪᠤᠯᠤᠭᠰᠠᠨ᠂ ᠰᠠᠷ᠎ᠠ ᠲᠠᠢ ᠪᠤᠯᠤᠭᠰᠠᠨ᠂ ᠰᠢᠯᠲᠠᠭᠠᠲᠠᠢ ᠪᠤᠯᠵᠠᠢ᠂ ᠪᠡᠶ᠎ᠡ ᠬᠦᠡᠳᠦ ᠪᠤᠯᠵᠠᠢ︾ ᠭᠡᠳᠡᠭ᠃     ᠵᠢᠷᠮᠦᠰᠦᠨ ᠪᠦᠰᠡᠬᠦᠢ ᠶᠢᠨ ᠴᠡᠭᠡᠷᠯᠡᠬᠦ ᠵᠦᠢᠯ ᠤᠯᠠᠨ ᠪᠠᠶᠢᠳᠠᠭ᠃ ᠢᠳᠡᠵᠦ ᠤᠤᠭᠤᠬᠤ᠂ ᠶᠠᠪᠤᠵᠤ ᠰᠠᠭᠤᠬᠤ  ᠠᠴᠠ ᠡᠬᠢᠯᠡᠭᠡᠳ ᠴᠡᠭᠡᠷ ᠤᠯᠠᠡᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠦᠢᠮᠡᠭᠡᠨ ᠳᠡᠪᠵᠢᠶᠡᠨ᠂ ᠬᠤᠷᠢᠮ ᠨᠠᠶᠢᠷ᠂ ᠪᠡᠯᠪᠡᠰᠤᠷᠡᠯ ᠭᠠᠰᠢᠭᠤᠳᠠᠯ ᠳᠤ ᠤᠴᠢᠬᠤ ᠶᠢ ᠴᠤ ᠴᠡᠭᠡᠷᠯᠡᠳᠡᠭ ᠪᠢᠯᠨ᠃ ᠮᠠᠭᠤ ᠢᠲᠡᠭᠡᠨ ᠤᠮᠲᠠᠭᠠᠨ᠂ ᠡᠯᠵᠢᠭᠡ ᠲᠡᠮᠡᠭᠡ ᠯᠠᠭᠤᠰᠠᠨ  ᠤ ᠮᠢᠬ᠎ᠠ᠂ ᠦᠪᠡᠷ ᠢᠶᠠᠨ ᠦᠭᠦᠭᠰᠡᠨ ᠠᠮᠢᠲᠠᠨ ᠤ ᠮᠢᠬ᠎ᠠ ᠵᠡᠷᠭᠡ ᠶᠢ ᠢᠳᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠢᠷᠮᠦᠰᠦᠨ ᠪᠦᠰᠡᠬᠦᠢ ᠪᠤᠰᠤᠳ ᠤᠨ ᠢᠳᠡᠵᠦ ᠪᠠᠶᠢᠭ᠎ᠠ ᠶᠠᠭᠤᠮᠠᠨ ᠳᠤ ᠳᠤᠷᠠᠯᠠᠪᠠᠯ ᠵᠠᠪᠠᠯ ᠤᠯᠵᠤ ᠢᠳᠡᠬᠦᠯᠳᠡᠭ᠂ ᠤᠯᠵᠤ ᠢᠳᠡᠬᠦ ᠦᠭᠡᠢ ᠪᠤᠯ ᠬᠡᠪᠡᠯᠢ ᠳᠠᠬᠢ ᠬᠡᠤᠬᠡᠳ ᠤᠨ ᠨᠢᠳᠦ ᠨᠢ ᠤᠯᠠᠭᠠᠨ ᠪᠤᠯᠤᠨ᠎ᠠ ᠭᠡᠳᠡᠭ᠃ ᠱᠠᠭᠠᠵᠠᠭᠠᠢ ᠶᠢᠨ ᠦᠡᠳᠡᠭᠡ ᠵᠡᠷᠭᠡ ᠠᠯᠠᠭ ᠴᠤᠬᠤᠷ ᠦᠡᠳᠡᠭᠡ ᠶᠢ ᠢᠳᠡᠪᠡᠯ ᠬᠡᠤᠬᠡᠳ ᠨᠢ ᠴᠤᠬᠤᠷ ᠴᠢᠷᠠᠶᠢᠲᠠᠢ ᠲᠦᠷᠦᠨ᠎ᠡ ᠭᠡᠳᠡᠭ᠃ ᠶᠠᠪᠤᠵᠤ ᠰᠠᠭᠤᠬᠤ ᠳᠠᠭᠠᠨ ᠯᠠᠪᠲᠠᠭᠤᠨ ᠲᠤᠭᠲᠠᠭᠤᠨ ᠪᠠᠶᠢᠵᠤ᠂ ᠶᠠᠭᠠᠷᠠᠵᠤ ᠰᠠᠡᠳᠤᠷᠬᠤ ᠦᠭᠡᠢ᠂ ᠭᠡᠷᠡᠮ ᠬᠠᠰᠢᠶ᠎ᠠ ᠲᠠᠪᠠᠭ᠋ᠤ ᠦᠭᠡᠢ ᠪᠠᠶᠢᠵᠤ᠂ ᠬᠡᠤᠬᠡᠳ ᠨᠢ ᠰᠢᠯᠵᠢᠬᠦ ᠠᠴᠠ ᠬᠢᠴᠢᠶᠡᠬᠦ ᠭᠡᠷᠡᠭᠲᠡᠢ᠃ ᠵᠢᠷᠮᠦᠰᠦᠨ ᠪᠦᠰᠡᠬᠦᠢ ᠡᠯᠵᠢᠭᠡ ᠪᠠ ᠲᠡᠮᠡᠭᠡ ᠤᠨᠤᠵᠤ ᠪᠤᠯᠬᠤ ᠦᠭᠡᠢ᠂ ᠤᠨᠤᠪᠠᠯ ᠬᠡᠤᠬᠡᠳ ᠨᠢ ᠴᠠᠭ ᠲᠠᠭᠠᠨ ᠭᠠᠷᠬᠤ ᠦᠭᠡᠢ᠂ ᠰᠠᠷ᠎ᠠ ᠬᠡᠲᠦᠷᠡᠵᠦ ᠠᠷᠪᠠᠨ ᠬᠤᠶᠠᠷ ᠰᠠᠷ᠎ᠠ ᠪᠤᠯᠤᠨ᠎ᠠ ᠭᠡᠳᠡᠭ᠃ ᠳᠡᠭᠡᠰᠦᠨ ᠳᠡᠭᠡᠬᠦᠷ ᠬᠢᠰᠬᠢᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠂ ᠬᠢᠰᠬᠢᠪᠡᠯ ᠬᠦᠢᠰᠦ ᠨᠢ ᠬᠡᠪᠡᠯᠢ ᠳᠠᠬᠢ ᠬᠡᠤᠬᠡᠳ ᠤᠨ ᠬᠦᠵᠦᠬᠦᠦ ᠶᠢ ᠤᠷᠢᠶᠠᠵᠤ ᠨᠤᠭᠲᠤ ᠲᠠᠢ ᠲᠦᠷᠦᠨ᠎ᠡ ᠭᠡᠳᠡᠭ᠃ ᠪᠤᠱᠤᠭ᠎ᠠ᠂ ᠱᠦᠬᠦᠷ ᠵᠡᠷᠭᠡ ᠶᠠᠭᠤᠮᠠᠨ ᠤ ᠳᠡᠭᠡᠷ᠎ᠡ ᠪᠦᠷ ᠬᠢᠰᠬᠢᠵᠦ ᠪᠤᠯᠳᠠᠭ ᠦᠭᠡᠢ᠃ ᠤᠯᠠᠨ ᠬᠦᠮᠦᠨ ᠤ ᠦᠢᠮᠡᠭᠡᠨ ᠳᠡᠪᠵᠢᠶᠡᠨ᠂ ᠭᠡᠷᠡᠬᠦᠯ ᠱᠤᠤᠬᠢᠶᠠᠨ᠂ ᠶᠠᠷᠢᠶ᠎ᠠ ᠬᠡᠯᠡᠯᠴᠡᠭᠡ ᠶᠢ ᠰᠤᠨᠤᠰᠪᠠᠯ ᠬᠡᠤᠬᠡᠳ ᠨᠢ ᠮᠠᠭᠤ ᠵᠠᠩ ᠲᠠᠢ᠂ ᠮᠠᠭᠤ ᠠᠪᠢᠶᠠᠰ ᠲᠠᠢ ᠪᠤᠯᠵᠤ ᠲᠦᠷᠦᠨ᠎ᠡ ᠭᠡᠳᠡᠭ᠃ ᠬᠤᠷᠢᠮ ᠨᠠᠶᠢᠷ ᠪᠠ ᠨᠦᠭᠴᠢᠭᠰᠡᠳ ᠤᠨ ᠪᠤᠶᠠᠨ ᠳᠡᠭᠡᠷ᠎ᠡ ᠤᠴᠢᠪᠠᠯ ᠬᠡᠤᠬᠡᠳ ᠨᠢ ᠰᠡᠪᠳᠤᠨ᠎ᠠ ᠭᠡᠳᠡᠭ᠃ ᠲᠠᠪᠬᠤᠷ ᠪᠦᠰᠡᠬᠦᠢ ᠦᠨᠡᠰᠦ ᠬᠤᠭ ᠢᠶᠠᠨ ᠴᠠᠭ ᠳᠤᠬᠠᠢ ᠳᠤᠨᠢ ᠴᠡᠪᠡᠷᠯᠡᠵᠦ ᠭᠡᠭᠡᠬᠦ ᠦᠭᠡᠢ ᠪᠤᠯ ᠬᠤᠶᠢᠳᠤᠬᠢ ᠨᠢ ᠬᠤᠴᠤᠷᠴᠦ ᠶᠡᠭᠡᠳᠡ ᠵᠤᠪᠠᠨ᠎ᠠ ᠭᠡᠳᠡᠭ᠃ ᠲᠠᠪᠬᠤᠷ ᠪᠦᠰᠡᠬᠦᠢ ᠪᠠᠰᠠ ᠠᠪᠲᠠᠷ᠎ᠠ ᠪᠠᠨ ᠤᠨᠢᠰᠤᠯᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠤᠨᠢᠰᠤᠯᠠᠪᠠᠯ ᠲᠦᠷᠦᠬᠦ ᠳᠡᠭᠡᠨ ᠮᠦᠨ ᠶᠡᠭᠡᠪᠡᠷ ᠵᠤᠪᠠᠳᠠᠭ ᠭᠡᠨ᠎ᠡ᠃ ᠬᠤᠶᠠᠷ ᠵᠢᠷᠮᠦᠰᠦᠨ ᠪᠦᠰᠡᠬᠦᠢ ᠵᠠᠮ ᠳᠡᠭᠡᠷ᠎ᠡ ᠵᠦᠷᠢᠵᠦ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠂ ᠵᠦᠷᠢᠵᠦ ᠭᠠᠷᠪᠠᠯ ᠬᠡᠤᠬᠡᠳ ᠨᠢ ᠰᠤᠯᠢᠭᠳᠠᠴᠢᠬᠠᠨ᠎ᠠ ᠭᠡᠳᠡᠭ᠃     ᠨᠠᠢᠮᠠᠡᠴᠤᠳ ᠬᠦᠡᠭᠭᠡᠵᠢᠬᠦ ᠶᠢ ︽ᠦᠵᠡᠭᠳᠡᠬᠦ᠂ ᠨᠢᠷᠠᠶᠢᠯᠠᠬᠤ᠂ ᠲᠦᠷᠦᠬᠦ᠂ ᠠᠩᠭ᠎ᠠ ᠲᠠᠢ ᠪᠤᠯᠬᠤ︾ ᠭᠡᠳᠡᠭ᠃ ᠬᠦᠡᠭᠭᠡᠵᠢᠬᠦ ᠪᠤᠯᠬᠤ ᠳᠤ ᠢᠲᠤᠭᠠᠨ ᠵᠠᠯᠠᠵᠤ ᠬᠦᠡᠭᠭᠡᠵᠢᠬᠦᠯᠳᠡᠭ᠃ ᠬᠦᠡᠭᠭᠡᠵᠢᠬᠦ ᠳᠡᠭᠡᠨ ᠬᠦᠴᠢᠷᠳᠡᠪᠡᠯ ᠰᠤᠬᠠᠢ ᠮᠤᠳᠤ  ᠪᠠᠷ ᠬᠦᠡᠭᠭᠡᠨ ᠭᠤᠶᠠᠳᠠᠪᠠᠯ ᠠᠮᠠᠷᠬᠠᠨ ᠬᠦᠡᠭᠭᠡᠵᠢᠨ᠎ᠡ ᠭᠡᠳᠡᠭ᠃ ᠪᠡᠷᠭᠡ ᠬᠦᠡᠭᠭᠡᠵᠢᠯᠲᠡ ᠪᠤᠯᠪᠠᠯ ᠠᠮᠠᠰᠠᠷ ᠲᠠᠢ ᠶᠠᠭᠤᠮ᠎ᠠ ᠪᠦᠬᠦᠨ ᠢᠶᠠᠨ ᠤᠡᠭᠭᠤᠶᠢᠯᠭᠠᠵᠤ ᠤᠷᠬᠢᠪᠠᠯ ᠬᠦᠡᠭᠭᠡᠵᠢᠬᠦ ᠨᠢ ᠰᠢᠯᠤᠭᠤᠨ ᠪᠤᠯᠤᠨ᠎ᠠ ᠭᠡᠳᠡᠭ᠃ ᠰᠡᠬᠦᠯ ᠤᠨ ᠦᠶ᠎ᠡ ᠳᠤ ᠠᠶᠢᠯ ᠤᠨ ᠪᠤᠶᠤ ᠰᠤᠮᠤᠨ ᠤ ᠲᠤᠰᠬᠠᠢ ᠬᠦᠡᠭᠭᠡᠵᠢᠬᠦᠯᠦᠭᠴᠢ ᠡᠮᠴᠢ ᠶᠢ ᠵᠠᠯᠠᠵᠤ ᠬᠦᠡᠭᠭᠡᠵᠢᠬᠦᠯᠳᠡᠭ ᠪᠠᠶᠢᠭᠰᠠᠨ ᠪᠤᠯ ᠰᠢᠨ᠎ᠡ ᠵᠠᠭᠤᠨ ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠪᠦᠷ ᠡᠮᠨᠡᠯᠭᠡ ᠳᠤ ᠤᠴᠢᠵᠦ ᠬᠦᠡᠭᠭᠡᠵᠢᠳᠡᠭ ᠪᠤᠯᠵᠠᠢ᠃     ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠬᠡᠤᠬᠡᠳ ᠤᠨ ᠢᠶᠠᠨ ᠬᠦᠢᠰᠦ ᠶᠢ ᠤᠭᠲᠤᠯᠤᠭᠰᠠᠨ ᠬᠤᠶᠢᠨ᠎ᠠ ᠤᠯᠠᠭᠠᠨ ᠪᠦᠰ ᠪᠤᠶᠤ ᠤᠯᠠᠭᠠᠨ ᠲᠤᠷᠭᠠᠨ ᠦᠭᠡᠳᠡᠰᠦᠨ ᠳᠤ ᠪᠠᠭᠯᠠᠭᠠᠳ᠂ ᠦᠯᠦᠭᠡᠢ ᠶᠢᠨ ᠬᠠᠷᠠᠭᠠᠨ ᠳᠡᠭᠡᠷ᠎ᠡ ᠡᠯᠬᠦᠵᠦ ᠲᠠᠯᠪᠢᠬᠤ ᠪᠤᠶᠤ ᠶᠡᠭᠡ ᠪᠤᠯᠲᠠᠯ᠎ᠠ ᠨᠢ ᠬᠦᠵᠦᠬᠦᠨ ᠳᠤᠨᠢ ᠵᠡᠬᠦᠯᠭᠡᠳᠡᠭ᠃ ᠬᠦᠢᠰᠦ ᠶᠢ ᠨᠢ ᠳᠤᠷ᠎ᠠ ᠪᠠᠷ ᠭᠡᠭᠡᠵᠦ ᠤᠷᠬᠢᠪᠠᠯ ᠬᠡᠤᠬᠡᠳ ᠬᠤᠵᠢᠮ ᠨᠢ ᠲᠤᠭᠤᠷᠢᠮᠠᠲᠠᠭᠠᠢ ᠪᠤᠯᠤᠨ᠎ᠠ ᠭᠡᠳᠡᠭ᠃ ᠲᠡᠶᠢᠮᠦ ᠠᠴᠠ ᠨᠠᠢᠮᠠᠨᠴᠤᠳ ᠲᠤᠭᠤᠷᠢᠵᠦ ᠲᠠᠩᠰᠢᠬᠦ ᠵᠠᠩ ᠲᠠᠢ ᠬᠦᠮᠦᠨ ᠢ ︽ᠬᠦᠢᠰᠦ ᠪᠠᠨ ᠭᠡᠭᠡᠴᠢᠬᠡᠭᠰᠡᠨ ᠶᠤᠮ ᠤᠤ︖︾ ᠭᠡᠵᠤ ᠬᠡᠯᠡᠳᠡᠭ ᠪᠢᠯᠨ᠃ ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠬᠦᠦ ᠲᠠᠢ ᠪᠤᠯᠪᠠᠯ ᠨᠤᠮᠤᠨ ᠳᠤ ᠰᠤᠮᠤ ᠶᠢ ᠨᠢ ᠡᠰᠢᠯᠡᠨ᠂ ᠤᠯᠠᠭᠠᠨ ᠪᠦᠰ ᠤᠶᠠᠲᠠᠯ ᠢᠶᠠᠷ ᠤᠶᠠᠭᠠᠳ᠂ ᠰᠤᠮᠤ ᠶᠢ  ᠨᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠵᠤ ᠡᠬᠦᠳᠡᠨ ᠬᠠᠪᠢ ᠳᠠᠭᠠᠨ ᠡᠯᠬᠦᠳᠡᠭ᠃ ᠡᠨᠡ ᠨᠢ ᠬᠡᠤᠬᠡᠳ ᠢ ᠠᠪᠠᠴᠢᠬᠤ᠂ ᠠᠶᠤᠯᠭᠠᠬᠤ ᠴᠢᠳᠬᠦᠷ ᠱᠤᠯᠤᠮ ᠢ ᠠᠶᠤᠯᠭᠠᠵᠤ ᠪᠠᠶᠢᠭ᠎ᠠ ᠰᠠᠨᠠᠭᠠᠲᠠᠢ᠂ ᠮᠦᠨ ᠬᠦᠦ ᠬᠦᠮᠦᠨ ᠨᠤᠮᠤ ᠰᠤᠮᠤ ᠠᠭᠰᠠᠵᠤ᠂ ᠠᠪᠠ ᠰᠢᠪᠠᠭᠤᠨ ᠳᠤ ᠶᠠᠪᠤᠳᠠᠭ ᠤᠨ ᠪᠡᠯᠭᠡᠳᠡᠯ ᠪᠤᠯᠭᠠᠵᠤ ᠪᠠᠶᠢᠭ᠎ᠠ ᠨᠢ ᠡᠨᠡ ᠠᠵᠢ᠃ ᠦᠬᠢᠨ ᠵᠠᠶᠠᠭᠠᠪᠠᠯ ᠬᠠᠷᠢᠨ ᠨᠤᠮᠤ ᠰᠤᠮᠤ ᠪᠢᠰᠢ᠂ ᠤᠯᠠᠭᠠᠨ ᠪᠦᠰ ᠤᠶᠠᠳᠠᠯ ᠡᠯᠬᠦᠳᠡᠭ᠃ ᠡᠳᠡᠭᠡᠷ ᠡᠯᠬᠦᠭᠡᠰᠦᠲᠡᠢ ᠲᠡᠮᠳᠡᠭ ᠢ ᠭᠠᠳᠠᠨᠠᠬᠢ ᠬᠦᠮᠦᠨ ᠦᠵᠡᠪᠡᠯ ᠡᠨᠡ ᠠᠶᠢᠯ ᠳᠤ ᠰᠠᠷ᠎ᠠ ᠲᠠᠢ ᠪᠦᠰᠡᠬᠦᠢ ᠪᠠᠶᠢᠭ᠎ᠠ ᠶᠢ ᠮᠡᠳᠡᠵᠦ ᠳᠤᠷ᠎ᠠ ᠪᠠᠷ ᠤᠷᠤᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃     ᠬᠡᠤᠬᠡᠳ ᠢᠶᠠᠨ ᠭᠤᠷᠪᠠ ᠬᠤᠨᠤᠭ ᠳᠡᠭᠡᠷ᠎ᠡ ᠨᠢ ᠭᠤᠷᠪᠠᠨ ᠬᠤᠨᠤᠭ ᠤᠨ ᠪᠠᠶᠠᠷ ᠬᠢᠵᠦ ᠦᠯᠦᠭᠡᠢ ᠳᠤ ᠤᠷᠤᠭᠤᠯᠳᠠᠭ᠃ ᠦᠪᠡᠷ ᠢᠶᠠᠨ ᠦᠯᠦᠭᠡᠢ ᠪᠠᠶᠢᠬᠤ ᠦᠭᠡᠢ ᠪᠤᠯ ᠠᠶᠢᠯ ᠠᠴᠠ ᠵᠢᠭᠡᠯᠡᠳᠡᠭ᠃ ᠦᠯᠦᠭᠡᠢ ᠶᠢ ᠤᠯᠠᠩᠬᠢ  ᠳᠠᠭᠠᠨ ᠬᠠᠶᠢᠯᠠᠰᠤᠨ ᠮᠤᠳᠤ ᠪᠠᠷ ᠬᠢᠳᠡᠭ᠃ ᠨᠠᠭᠠᠴᠦ ᠠᠴᠠ ᠨᠢ ᠦᠯᠦᠭᠡᠢ ᠬᠢᠵᠦ ᠦᠭᠪᠡᠯ ᠬᠡᠤᠬᠡᠳ ᠲᠤᠨᠢ ᠰᠠᠶᠢᠨ ᠭᠡᠳᠡᠭ᠃ ᠠᠶᠢᠯ ᠳᠤ ᠵᠢᠭᠡᠯᠡᠬᠦᠯᠦᠭᠰᠡᠨ ᠦᠯᠦᠭᠡᠢ ᠶᠢ ᠵᠢᠭᠡᠯᠡᠭᠰᠡᠨ ᠬᠦᠮᠦᠨ ᠪᠤᠴᠠᠭᠠᠨ ᠠᠪᠴᠢᠷᠠᠵᠤ ᠦᠭᠭᠦ ᠦᠭᠡᠢ ᠪᠤᠯ ᠬᠤᠶᠢᠨ᠎ᠠ ᠠᠴᠠ ᠨᠢ ᠠᠪᠬᠤ ᠭᠡᠵᠤ ᠨᠡᠭᠡᠬᠦ ᠪᠠᠷ ᠤᠴᠢᠬᠤ ᠶᠢ ᠮᠠᠭᠤ ᠢᠷᠸ᠎ᠠ ᠭᠡᠵᠤ ᠴᠡᠭᠡᠷᠯᠡᠳᠡᠭ᠃ ᠦᠯᠦᠭᠡᠢ ᠶᠢᠨ  ᠢᠶᠠᠨ ᠤᠯᠠᠭᠠᠨ ᠪᠦᠰ ᠬᠠᠲᠠᠭᠰᠠᠨ ᠬᠠᠷᠠᠭᠠᠨ ᠳᠡᠭᠡᠷ᠎ᠡ ᠤᠯᠠᠭᠠᠨ ᠪᠤᠭᠤᠯᠲᠠ ᠲᠠᠢ ᠬᠦᠢᠰᠦᠨ ᠠᠴᠠ ᠨᠢ ᠭᠠᠳᠠᠨ᠎ᠠ ᠲᠡᠭᠷᠢ ᠶᠢᠨ ᠰᠤᠮᠤ᠂ ᠲᠤᠯᠢ᠂ ᠡᠷᠲᠡᠨ ᠤ ᠭᠠᠤᠯᠢᠨ ᠵᠤᠭᠤᠰ᠂ ᠲᠦᠪᠡᠳ ᠵᠠᠩᠭᠤᠤ᠂ ᠲᠤᠩ᠂ ᠯᠠᠪᠠᠢ᠂ ᠱᠢᠷᠦ᠂ ᠤᠭ᠍ᠶᠦ ᠵᠡᠷᠭᠡ ᠶᠠᠭᠤᠮ᠎ᠠ ᠶᠢ ᠳᠡᠬᠦᠵᠢᠯᠡᠨ ᠡᠯᠬᠦᠵᠦ ᠦᠭᠳᠡᠭ᠃ ᠲᠤᠩ ᠯᠠᠪᠠᠢ ᠡᠯᠬᠦᠪᠡᠯ ᠬᠡᠤᠬᠡᠳ ᠨᠢ ᠰᠢᠳᠤ ᠪᠠᠨ ᠬᠠᠪᠢᠷᠬᠤ ᠦᠭᠡᠢ ᠪᠤᠯᠵᠤ᠂ ᠱᠢᠷᠤ᠂ ᠤᠭ᠍ᠶᠦ ᠵᠡᠷᠭᠡ ᠡᠷᠳᠡᠨᠢᠰ ᠤᠨ ᠵᠦᠢᠯ ᠢ ᠡᠯᠬᠦᠪᠡᠯ ᠬᠡᠤᠬᠡᠳ ᠨᠢ ᠬᠤᠵᠢᠮ ᠡᠳ᠋ ᠡᠷᠳᠡᠨᠢ ᠪᠠᠷ ᠡᠯᠪᠡᠭ ᠳᠡᠯᠪᠡᠭ ᠪᠤᠯᠤᠨ᠎ᠠ ᠭᠡᠳᠡᠭ᠃ ᠰᠠᠷ᠎ᠠ ᠳᠦᠬᠦᠷᠡᠭᠰᠡᠨ ᠡᠳᠦᠷ ᠨᠢ ᠦᠯᠦᠭᠡᠢ ᠶᠢᠨ ᠬᠠᠷᠠᠭᠠᠨ ᠲᠠᠯ᠎ᠠ  ᠶᠢ ᠨᠢ ᠡᠮᠦᠨ᠎ᠡ ᠵᠦᠭ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠪᠠᠯ ᠬᠡᠤᠬᠡᠳ ᠨᠢ ᠪᠤᠡᠭ ᠦᠭᠡᠢ ᠪᠤᠯᠤᠨ᠎ᠠ ᠭᠡᠳᠡᠭ᠃     ᠰᠠᠷ᠎ᠠ ᠳᠤ ᠰᠠᠭᠤᠭ᠎ᠠ ᠪᠦᠰᠡᠬᠦᠢ ᠬᠠᠲᠠᠭᠤ᠂ ᠬᠦᠢᠲᠡᠨ᠂ ᠲᠠᠪᠤᠰᠤᠯᠢᠭ ᠢᠲᠡᠭᠡᠨ ᠤᠮᠲᠠᠭᠠᠨ ᠢᠳᠡᠵᠦ ᠪᠤᠯᠳᠠᠭ ᠦᠭᠡᠢ᠂ ᠨᠠᠷᠢᠮᠤᠨ ᠰᠢᠩᠭᠡᠨ᠂ ᠬᠤᠨᠢᠨ ᠱᠦᠯᠦ ᠤᠤᠭᠤᠬᠤ ᠶᠢᠨ ᠬᠠᠮᠳᠤ ᠦᠡᠳᠡᠭᠡ᠂ ᠰᠢᠷ᠎ᠠ ᠲᠤᠰᠤ ᠵᠡᠷᠭᠡ ᠰᠢᠮ᠎ᠡ  ᠲᠠᠢ ᠢᠲᠡᠭᠡᠨ ᠢ ᠵᠤᠬᠢᠰᠲᠠᠢ ᠲᠠᠭᠠᠷᠠᠭᠤᠯᠤᠨ ᠢᠳᠡᠳᠡᠭ᠃ ᠰᠠᠷ᠎ᠠ ᠳᠤ ᠰᠠᠭᠤᠭ᠎ᠠ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠤᠬᠢᠶᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠨᠡᠩ ᠴᠤ ᠬᠦᠢᠲᠡᠨ ᠤᠰᠤ ᠪᠠᠷ ᠨᠢᠭᠤᠷ ᠤᠬᠢᠶᠠᠬᠤ ᠪᠤᠶᠤ ᠬᠤᠪᠴᠠᠰᠤ ᠤᠬᠢᠶᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠲᠡᠭᠡᠪᠡᠯ ᠰᠢᠷᠪᠤᠰᠤ ᠲᠠᠲᠠᠬᠤ ᠭᠡᠮ ᠲᠠᠢ ᠪᠤᠯᠳᠠᠭ᠂ ᠡᠰᠡᠬᠦᠯ᠎ᠡ ᠬᠤᠵᠢᠮ ᠬᠦᠢᠲᠡᠨ ᠤᠰᠤᠨ ᠳᠤ ᠭᠠᠷ ᠬᠢᠪᠠᠯ ᠵᠠᠭᠠᠳᠤᠨᠠᠬᠤ ᠪᠤᠯᠳᠠᠭ᠃ ᠮᠦᠨ ᠪᠤᠰᠤᠳ ᠬᠦᠡᠳᠦ ᠠᠵᠢᠯ ᠢ ᠴᠤ ᠬᠢᠵᠦ ᠪᠤᠯᠳᠠᠭ ᠦᠭᠡᠢ᠃ ᠰᠠᠷ᠎ᠠ ᠳᠤ ᠰᠠᠭᠤᠭ᠎ᠠ ᠪᠦᠰᠡᠬᠦᠢ ᠶᠢ ᠬᠠᠳᠠᠮ ᠡᠵᠢ ᠨᠢ ᠪᠤᠶᠤ ᠡᠵᠢ ᠨᠢ᠂ ᠡᠰᠡᠬᠦᠯ᠎ᠡ ᠪᠡᠷᠭᠡᠳ ᠨᠢ ᠢᠯᠡᠬᠦᠲᠡᠢ ᠰᠤᠪᠢᠯᠠᠳᠠᠭ᠃     ︵ᠬᠠᠩᠳᠠᠭᠤᠳ ᠤᠰᠤᠨᠪᠣᠳᠤᠭ ᠡᠮᠬᠢᠳᠭᠡᠪᠡ︶
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭᠠᠨ ᠳᠠᠬᠢᠯᠭ᠎ᠠ
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠬᠡᠤᠬᠡᠳ ᠤᠨ ᠤᠢ ᠶᠢ ᠪᠡᠯᠭᠡᠯᠡᠬᠦ ᠶᠤᠰᠤᠨ
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠲᠦᠯᠡᠰᠢ ᠲᠤᠶ᠋ᠢᠩ ᠡᠷᠬᠦᠬᠦ ᠶᠤᠰᠤᠨ
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠤᠷᠤᠰᠢᠭᠤᠯᠭ᠎ᠠ ᠶᠢᠨ ᠶᠤᠰᠤᠨ
ᠨᠠᠢᠮᠠᠨ ᠮᠤᠩᠭᠤᠯᠴᠤᠳ ᠤᠨ ᠤᠷᠤᠭ ᠤᠨ ᠶᠤᠰᠤᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备06000874号