ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠬᠠᠯᠳᠠᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-06-05
                            ᠨᠢᠭᠡ     ᠸᠠᠭᠠᠷ ᠳᠣᠭᠤᠰᠬᠠᠨ ᠪᠦᠳᠦᠴᠠ ᠲᠠᠢ ᠰᠢᠨ᠎ᠠ ᠮᠠᠶ᠋ᠢᠭ ᠤᠨ ᠰᠦᠷᠯᠢᠭ ᠳᠣᠬᠢᠯᠢᠬ ᠳᠣᠮᠣ ᠪᠠᠶᠢᠰᠢᠩ ᠤᠨ ᠨᠦᠮᠦᠷᠢ ᠳᠠᠯ᠎ᠠ ᠳᠤ ᠬᠦᠵᠦᠬᠦᠨ ᠳᠤ ᠪᠠᠨ ᠳᠠᠮᠣᠷ ᠬᠢᠨᠵᠢ ᠲᠠᠢ ᠬᠠᠯᠳᠠᠷ ᠨᠣᠬᠠᠢ ᠨᠢᠳᠣ ᠪᠠᠨ ᠡᠷᠬᠦᠵᠣ ᠳᠠᠭᠠᠭᠠᠬᠤ ᠦᠭᠡᠢ ᠭᠡᠮᠡᠷ ᠭᠡᠪᠳᠡᠬᠦ ᠨᠢ ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠨᠦᠢᠷᠮᠤᠭᠯᠠᠵᠤ ᠪᠠᠶᠢᠭ᠎ᠠ ᠶᠢᠨ ᠣᠴᠢᠷ ᠪᠢᠰᠢ᠂ ᠬᠠᠷᠢᠨ ᠬᠤᠭᠤᠯᠠ ᠣᠮᠳᠠ ᠦᠭᠡᠢ ᠬᠤᠶᠠᠷ ᠬᠤᠨᠤᠭ ᠪᠣᠯᠣᠭᠰᠠᠨ ᠤ ᠬᠢᠨᠢ ᠣᠴᠢᠷ ᠡᠨᠡ ᠪᠠᠶᠢᠵᠠᠢ᠃     ᠭᠡᠷ ᠳᠣᠳᠣᠷ᠎ᠠ ᠠᠴᠠ ᠫᠠᠷᠬᠢᠯ ᠪᠦᠳᠦᠬᠦᠨ ᠬᠤᠭᠤᠯᠠᠢ ᠲᠠᠢ ᠡᠵᠡᠨ ᠤ ᠬᠢᠨᠢ ᠭᠡᠨ ᠨᠢᠭᠡᠨ ᠲᠠᠢ ᠶᠠᠷᠢᠯᠴᠠᠨ ᠬᠦᠭᠡᠷᠦᠯᠳᠦᠬᠦ ᠪᠠ ᠬᠠᠶᠠ ᠬᠠᠶᠠ ᠬᠤᠨᠳᠠᠭ᠎ᠠ ᠠᠶᠠᠭ᠎ᠠ ᠮᠦᠷᠬᠦᠯᠳᠣᠵᠣ ᠬᠠᠨᠭ᠍ᠬᠢᠨᠠᠬᠤ ᠳᠠᠭᠤᠨ ᠬᠢᠭᠡᠳ ᠮᠢᠬ᠎ᠠ ᠵᠠᠭᠤᠰᠢ ᠶᠢᠨ ᠠᠩᠬᠢᠯᠣᠮ᠎ᠠ ᠰᠣᠳᠣᠨ ᠦᠨᠦᠷ ᠲᠤ ᠭᠠᠳᠠᠨ᠎ᠠ ᠴᠣᠩᠬᠤᠨ ᠣᠭ ᠲᠤ ᠠᠷᠭᠠᠮᠵᠢᠶ᠎ᠠ ᠲᠠᠢ ᠬᠠᠯᠳᠠᠷ ᠤᠨ ᠦᠯᠦᠨ ᠭᠡᠳᠡᠰᠣ ᠨᠢ ᠣᠯᠠᠮ ᠬᠤᠷᠴᠢᠬᠢᠨᠠᠨ ᠭᠤᠨᠭ᠍ᠬᠢᠨᠠᠵᠣ ᠠᠷᠭ᠎ᠠ ᠠᠭᠠᠰᠢ ᠶᠢ ᠨᠢ ᠠᠯᠳᠠᠷᠠᠭᠤᠯᠣᠨ᠎ᠠ᠃     ᠠᠢ᠂ ᠨᠢᠭᠡ ᠪᠣᠳᠣᠪᠠᠯ ᠡᠨᠡ ᠬᠦ ᠦᠯᠦᠰᠴᠣ ᠦᠯᠪᠡᠷᠡᠬᠦ ᠶᠠᠯᠠᠳᠠᠯ ᠢ ᠪᠦᠷ ᠦᠪᠡᠷ ᠢᠶᠠᠨ ᠣᠯᠣᠭᠰᠠᠨ ᠭᠡᠵᠣ ᠭᠡᠯᠡᠵᠣ ᠪᠣᠯᠣᠮᠠᠷ ᠡ᠃ ᠡᠮᠦᠨ᠎ᠠ ᠭᠡᠳᠣᠨ ᠡᠳᠣᠷ ᠡᠵᠡᠨ ᠤ ᠴᠢᠷᠦᠯᠭᠡ ᠪᠠᠷ ᠰᠦᠨᠢ ᠶᠢᠨ ᠠᠡᠭ ᠤᠨ ᠭᠠᠷᠬᠤ ᠳᠤ ᠪᠠᠨ ᠪᠢᠴᠢᠬᠠᠨ ᠪᠦᠵᠦᠩ ᠳᠠᠣᠯᠠᠢ ᠶᠢ ᠰᠠᠪᠠᠷᠳᠠᠵᠣ ᠠᠪᠴᠢᠬᠠᠭᠠᠳ ᠡᠴᠣᠰ ᠲᠤ ᠳᠠᠯᠪᠢᠵᠣ ᠶᠠᠪᠣᠭᠤᠯᠣᠭᠰᠠᠨ ᠤ ᠶᠠᠷᠰᠢᠭ ᠠᠴᠠ ᠪᠣᠯᠣᠭᠰᠠᠨ ᠭᠡᠳᠡᠭ ᠢ ᠬᠠᠯᠳᠠᠷ ᠳᠣᠳᠣᠷ᠎ᠠ ᠪᠠᠨ ᠲᠣᠳᠣᠷᠬᠠᠢ ᠮᠠᠳᠠᠵᠣ ᠪᠠᠢᠨ᠎ᠠ᠃ ᠭᠡᠪᠡᠴᠣ ᠶᠠᠭᠠᠬᠢᠪᠠ︖ ᠦᠨᠦ ᠳᠠᠣᠯᠠᠢ ᠡᠭᠡ ᠨᠢ ᠬᠠᠵᠠᠭᠤᠳᠠᠬᠢ ᠪᠣᠳᠠᠨ ᠠᠴᠠ ᠣᠬᠢᠯᠠᠵᠣ ᠭᠠᠰᠠᠯᠤᠨ᠄ ︽ᠬᠠᠯᠳᠠᠷ ᠡᠪᠦᠭᠡ ᠡ᠂ ᠳᠠᠨ ᠢ ᠭᠤᠶᠣᠶ᠎ᠠ᠃ ᠡᠮᠦᠨ᠎ᠠ ᠰᠦᠨᠢ ᠭᠡᠳᠣᠨ ᠮᠣᠲ᠋ᠣᠷ ᠲᠠᠢ ᠡᠷᠯᠢᠭ ᠠᠮᠢᠳᠠᠳ ᠢᠷᠡᠵᠣ ᠡᠪᠦᠭᠡᠨ ᠪᠣᠯᠣᠨ ᠶᠡᠭᠡ ᠬᠦᠦ ᠶᠢ ᠮᠢᠨᠢ ᠦᠵᠠᠵᠣ ᠪᠠᠢᠳᠠᠯ᠎ᠠ ᠮᠣᠲ᠋ᠣᠷ ᠤᠨ ᠡᠮᠦᠨ᠎ᠠ ᠬᠦᠷᠳᠣ ᠪᠠᠷ ᠢᠶᠠᠨ ᠨᠢᠷᠣᠭᠤ ᠶᠢ ᠨᠢ ᠨᠢᠴᠠᠯᠵᠤ ᠨᠢᠳᠣ ᠶᠢ ᠨᠢ ᠪᠦᠯᠲᠡᠷᠡᠲᠡᠯ᠎ᠡ ᠳᠠᠭᠠᠷᠢᠭᠤᠯᠤᠨ ᠪᠠᠶᠢᠵᠦ ᠠᠯᠠᠭᠠᠳ ᠠᠷᠢᠬᠢᠨ ᠵᠠᠭᠤᠰᠢ ᠬᠢᠬᠦ ᠭᠡᠮᠡᠨ ᠭᠡᠯᠡᠯᠴᠡᠭᠰᠡᠭᠡᠷ ᠠᠷᠢᠯᠵᠣ ᠣᠳᠣᠭᠰᠠᠨ ᠶᠣᠮ᠃ ᠣᠳᠣ ᠮᠢᠨᠣ ᠡᠨᠡ ᠬᠦ ᠦᠷ᠎ᠠ ᠶᠢᠨ ᠭᠠᠭᠴᠠ ᠦᠬᠢᠨ ᠢ ᠮᠢᠨᠢ ᠵᠢᠭᠠᠬᠠᠨ ᠴᠦ ᠭᠡᠰᠡᠨ ᠦᠷᠦᠰᠢᠶᠠᠠ ᠬᠠᠶᠢᠷᠠᠯᠠᠭᠠᠴᠢ᠂ ᠡᠰᠡᠬᠦᠯ᠎ᠠ ᠭᠡᠦᠭᠡᠨ ᠢ ᠮᠢᠨᠢ ᠳᠠᠯᠪᠢᠵᠣ ᠨᠠᠮ᠎ᠠ ᠶᠢ ᠣᠷᠣᠨ ᠳᠤ ᠨᠢ ᠪᠠᠷᠢᠵᠣ ᠡᠵᠡᠨ ᠳᠤ ᠪᠠᠨ ᠳᠣᠰᠢᠶᠠᠴᠢᠬ᠎ᠠ᠂ ᠬᠠᠯᠳᠠᠷ ᠡᠪᠦᠭᠡ ᠡ᠂ ᠪᠢ ᠴᠢᠮ᠎ᠠ ᠶᠢ ᠭᠤᠶᠣᠶ᠎ᠠ᠃ ᠬᠤᠷᠳᠣᠨ ᠳᠠᠯᠪᠢᠬᠤ ᠦᠭᠡᠢ ᠪᠣᠯ ᠳᠡᠳᠡᠭᠡᠷ ᠮᠣᠲ᠋ᠣᠷ ᠵᠠᠶᠢᠲᠠᠯᠠᠭᠰᠠᠨ ᠠᠮᠢᠳᠠᠳ ᠢᠷᠡᠪᠡᠯ ᠪᠢᠳᠠ ᠠᠯᠢ ᠨᠢ ᠴᠦ ᠮᠣᠯᠳᠣᠷᠠᠵᠣ   ᠲᠠᠶᠢᠯᠡᠬᠦ ᠦᠭᠡᠢ ᠰᠢᠣ ᠃︾     ᠬᠠᠯᠳᠠᠷ ᠤᠨ ᠬᠠᠳᠠᠭᠤ ᠭᠤᠬᠢᠷ ᠬᠢᠮᠣᠰᠣ ᠲᠠᠢ ᠰᠠᠪᠠᠷ ᠶᠠᠭᠠᠬᠢᠵᠣ ᠰᠣᠯᠠᠷᠠᠭᠰᠠᠨ ᠢᠶᠠᠨ ᠦᠪᠡᠷ ᠢᠶᠠᠨ ᠴᠦ ᠮᠡᠳᠡᠭᠰᠡᠨ ᠦᠭᠡᠢ᠃ ᠨᠢᠭᠡ ᠮᠡᠳᠡᠬᠦ ᠳᠤ ︽ᠡᠭᠡ ᠦᠬᠢᠨ︾ ᠬᠤᠶᠠᠷ ᠳᠠᠣᠯᠠᠢ ᠪᠣᠳᠠᠨ ᠤ ᠴᠠᠭᠠᠨ᠎ᠠ ᠠᠴᠠ ᠭᠤᠬᠢᠯᠵᠠᠨ ᠮᠦᠷᠬᠦᠬᠦ‍ ᠰᠢᠭ ᠪᠣᠯᠵᠣ᠂ ᠤᠭᠤᠬᠢᠯᠠᠵᠤ ᠠᠭᠠᠬᠢᠯᠠᠭᠰᠠᠨ ᠮᠣᠲ᠋ᠣᠷ ᠤᠨ ᠲᠠᠭᠤᠨ ᠳᠤ ᠰᠣᠴᠢᠨ ᠭᠡᠯᠮᠡᠭᠳᠡᠬᠦ ᠳᠤ ᠪᠠᠨ ᠬᠠᠷᠭᠠᠨ᠎ᠠ ᠶᠢᠨ ᠪᠣᠳᠠᠨ ᠤ ᠬᠠᠷᠠᠩᠭᠤᠢ ᠰᠠᠬᠦᠳᠠᠷ ᠢᠶᠠᠷ ᠳᠠᠯᠳᠠ ᠣᠷᠣᠵᠣ ᠣᠴᠢᠭᠰᠠᠨ   ᠪᠠᠶᠢᠪᠠ᠃     ᠬᠠᠯᠳᠠᠷ ᠢ ᠪᠠᠶ᠎ᠠ ᠡᠷᠬᠢᠬᠦ ᠳᠤ ᠮᠣᠲ᠋ᠣᠷ ᠤᠨ ᠬᠤᠷᠴᠠ ᠳ᠋ᠸᠡᠭ ᠤᠨ ᠬᠡᠷᠡᠯ ᠶᠠᠭ ᠳᠠᠬᠦᠨ ᠢ ᠬᠠᠷᠠᠴᠠ ᠬᠠᠯᠢᠷᠠᠳᠠᠯ᠎ᠠ ᠬᠡᠶᠢᠬᠦᠯᠵᠦ   ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠳᠠ ᠡᠵᠡᠨ ᠤ ᠬᠢᠨᠢ ᠳᠣᠮᠣ ᠭᠤᠳᠣᠯ ᠨᠠᠶᠢᠷ ᠦᠭᠡᠢ ᠳᠠᠬᠦᠨ ᠤ ᠦᠯᠦᠨ ᠭᠡᠳᠡᠰᠣ ᠡᠪᠴᠢᠬᠦᠨ ᠤ ᠳᠣᠮᠳᠠ ᠨᠢ ᠳᠣᠰᠴᠣ ᠬᠠᠯᠳᠠᠷ ᠶᠠᠭᠤ ᠬᠠᠢ ᠪᠠᠨ ᠮᠠᠳᠠᠯ ᠦᠭᠡᠢ ᠭᠡᠢ ᠳᠡᠭᠡᠷ᠎ᠠ ᠭᠡᠳᠣ ᠡᠷᠬᠢᠯᠳᠣᠵᠣ ᠪᠣᠳᠠᠨ ᠤ ᠴᠠᠭᠠᠨ᠎ᠠ ᠪᠦᠮᠪᠦᠷᠢᠨ ᠣᠨᠠᠵᠠᠢ᠃ ᠵᠣᠯ ᠢᠶᠠᠷ ᠴᠠᠭᠠᠨ᠎ᠠ ᠨᠢ ᠵᠦᠭᠡᠯᠡᠨ ᠴᠠᠭᠠᠨ ᠮᠠᠩᠬ᠎ᠠ ᠪᠠᠶᠢᠭᠰᠠᠨ ᠳᠤ ᠪᠠᠨ ᠠᠷᠠᠢ ᠰᠢᠷᠬ᠎ᠠ ᠭᠡᠮ ᠦᠭᠡᠢ ᠦᠯᠡᠳᠡᠵᠡᠢ᠃     ᠬᠤᠶᠢᠨ᠎ᠠ ᠠᠴᠠ ᠨᠢ ᠡᠵᠡᠨ ᠤ ᠬᠢᠨᠢ ︽ᠼᠤᠤ ᠨᠢ ᠮᠠ ᠳ᠋ᠢ︾ ᠭᠡᠵᠣ ᠪᠠᠷᠬᠢᠯ ᠪᠦᠳᠦᠬᠦᠨ ᠬᠤᠭᠤᠯᠠᠢ ᠪᠠᠷ ᠳᠡᠬᠢᠨ ᠳᠠᠬᠢᠨ ᠵᠠᠩᠳᠣᠷᠬᠤ ᠨᠢ ᠳᠠᠬᠦᠨ ᠳᠤ ᠦᠯᠦ ᠤᠶᠢᠯᠠᠭᠠᠭᠳᠠᠵᠤ ᠰᠣᠨᠢᠨ ᠰᠠᠨᠠᠭᠳᠠᠨ ᠪᠠᠶᠢᠭᠰᠠᠨ ᠴᠦ ᠳᠠᠷᠠ ᠪᠦᠬᠦᠨ ᠢ ᠬᠠᠮᠢᠶᠠᠷᠬᠤ ᠵᠠᠪ ᠦᠭᠡᠢ ᠨᠢᠭᠡᠯᠭᠡᠨ ᠠᠮᠢᠰᠬᠤᠭ᠎ᠠ ᠪᠠᠷ ᠭᠡᠷ ᠵᠦᠭ ᠢᠶᠠᠨ ᠬᠦᠶᠦᠵᠣ ᠢᠷᠡᠭᠰᠡᠨ   ᠪᠠᠶᠢᠵᠠᠢ᠃     ᠣᠳᠣ ᠪᠣᠳᠣᠬᠤ ᠳᠤ ᠲᠡᠷᠨ ᠬᠦ ᠰᠣᠨᠢᠨ ᠠᠶᠠᠯᠭᠤ ᠲᠠᠢ ᠦᠭᠡ ᠶᠢ ᠦᠨᠦ ᠬᠢ ᠰᠢᠷ᠎ᠠ ᠭᠡᠵᠢᠭᠡᠳᠣ ︽ᠠᠮᠢᠳᠠᠨ︾  ᠠᠴᠠ ᠰᠣᠷᠣᠭᠰᠠᠨ   ᠪᠠᠶᠢᠵᠤ ᠮᠠᠳᠠᠨ᠎ᠠ᠃     ᠣᠷᠴᠢᠮ ᠮᠠᠨᠠᠢᠬᠢᠨ ᠳᠤ ᠲᠡᠶᠢᠮᠦ ᠬᠡᠯᠡ ᠠᠶᠠᠯᠭᠤ ᠲᠠᠢ ᠰᠢᠷ᠎ᠠ ᠭᠡᠵᠢᠭᠡ ᠲᠠᠢ ᠠᠮᠢᠳᠠᠨ ᠡᠳᠣᠷ ᠰᠦᠨᠢ ᠶᠢᠨ ᠴᠢᠯᠦᠭᠡ ᠵᠠᠪ ᠢᠶᠠᠷ ᠦᠷᠬᠦᠯᠵᠢ ᠡᠷᠬᠢᠴᠠᠬᠦ ᠪᠣᠯᠣᠭᠰᠠᠨ ᠨᠢ ᠰᠣᠨᠢᠷᠬᠠᠯᠳᠠᠢ᠃ ᠦᠨᠣ ᠮᠠᠯᠠᠭᠡᠢ ᠬᠠᠷ᠎ᠠ ᠳᠡᠷᠭᠡ ᠨᠢ ᠬᠠᠰᠢᠶᠠᠨ ᠤ ᠬᠠᠵᠠᠭᠤ ᠳᠤ ᠵᠣᠭᠰᠣᠵᠣ᠂ ᠭᠡᠷ ᠳᠣᠳᠣᠷ᠎ᠠ ᠠᠴᠠ ᠲᠡᠷᠨ ᠬᠦ ᠮᠠᠩᠬᠠᠨ ᠰᠢᠷ᠎ᠠ ᠵᠣᠷᠠᠮ᠎ᠠ ᠰᠢᠬ ᠬᠠᠶᠠ ᠬᠠᠶᠠ ︽ᠵᠢᠰ ᠵᠠᠰ︾ ᠢᠨᠢᠶᠠᠬᠦ ᠳᠠᠭᠤᠨ ᠰᠣᠨᠣᠰᠳᠠᠵᠣ   ᠪᠠᠶᠢᠬᠤ ᠪᠠᠷ ᠨᠢ ᠦᠨᠦ ᠰᠢᠷ᠎ᠠ ᠵᠣᠴᠢᠨ ᠨᠢ ᠢᠷᠡᠭᠰᠡᠨ ᠭᠡᠳᠡᠭ ᠨᠢ ᠢᠯᠠᠷᠭᠡᠢ ᠭᠡᠵᠣ ᠬᠠᠯᠳᠠᠷ ᠨᠢ ᠨᠤ᠋ ᠦᠭᠡᠢ ᠮᠠᠳᠠᠵᠣ ᠪᠠᠶᠢᠯ᠎ᠠ᠃     ᠭᠡᠨᠡᠳᠳᠠ ︽ᠳᠦᠷ︾ ᠭᠢᠵᠣ ᠴᠣᠩᠬᠤ ᠨᠡᠭᠡᠭᠡᠭᠳᠡᠨ ᠨᠢᠭᠡᠨ ᠱᠠᠭᠠᠵᠠᠩ ᠠᠷᠢᠬᠢᠨ ᠯᠣᠩᠬᠤ ᠰᠢᠳᠡᠭᠳᠡᠨ ᠭᠠᠷᠴᠣ ᠢᠷᠡᠭᠡᠳ ᠬᠠᠯᠳᠠᠷ ᠤᠨ ᠬᠠᠮᠠᠷ ᠳᠣᠣᠷ᠎ᠠ ᠲᠤᠰᠪᠠ᠃ ᠵᠣᠣᠪᠠᠨᠭ᠌ ᠭᠡᠯᠪᠡᠷᠢᠳᠣ ᠠᠷᠢᠬᠢᠨ ᠯᠣᠩᠬᠤ ᠢᠷᠣᠭᠠᠷ ᠢᠶᠠᠷ ᠢᠶᠠᠨ ᠭᠡᠳᠣ ᠳᠣᠩᠬᠤᠯᠵᠠᠵᠣ   ᠪᠠᠶᠢᠭᠰᠠᠨ ᠢᠶᠠᠨ ᠡᠴᠣᠰ ᠲᠤ ᠪᠠᠨ ᠬᠠᠵᠠᠶᠢᠨ ᠣᠨᠠᠭᠠᠳ ︽ᠯᠤᠭ ᠯᠤᠭ︾ ᠬᠢᠨ ᠬᠠᠮᠠᠷ ᠴᠣᠷᠬᠢᠮ᠎ᠠ ᠭᠠᠰᠠᠩ ᠦᠨᠦᠷ ᠲᠠᠢ ᠣᠰᠣ ᠨᠢ ᠣᠷᠣᠰᠣᠨ᠎ᠠ᠃     ︽ᠳᠦᠭᠵᠢᠶᠡᠰᠣ ᠶᠢ ᠨᠢ ᠠᠪᠣᠭᠠᠳ ᠭᠡᠳᠣᠨ ᠬᠤᠨᠤᠭ ᠪᠣᠯᠴᠢᠬᠠᠭᠰᠠᠨ ᠬᠦᠢᠳᠠᠨ ᠠᠷᠢᠬᠢ ᠪᠠᠷ ᠵᠣᠴᠢᠨ   ᠲᠠᠶᠢᠯᠠᠬᠤ ᠭᠡᠭᠴᠢ ᠡᠨᠡ ᠯᠡ ᠠᠯᠵᠠᠭᠠᠦ ᠴᠢᠳᠬᠦᠷ ᠤᠨ ᠬᠢᠵᠦ ᠪᠠᠶᠢᠭ᠎ᠠ ᠣᠴᠢᠷ ᠡ᠂ ᠪᠢ ᠲᠠ ᠨᠠᠷ ᠲᠤ ᠦᠭᠡᠷ᠎ᠠ ᠰᠠᠶᠢᠨ ᠠᠷᠢᠬᠢ ᠬᠠᠯᠠᠭᠠᠵᠣ ᠠᠪᠴᠢᠷᠠᠶ᠎ᠠ᠃ ᠦᠭᠡᠢ᠂ ᠡᠨᠡ ᠵᠦᠨᠦᠮᠡᠯ ᠴᠢ ᠭᠡᠵᠣ ᠳ᠋ᠠ᠂ ᠨᠠᠮ᠎ᠠ ᠶᠢ ᠮᠢᠬ᠎ᠠ ᠨᠣᠭᠤᠭ᠎ᠠ ᠬᠠᠭᠤᠷᠴᠦ ᠪᠠᠶᠢᠭ᠎ᠠ ᠬᠤᠭᠤᠷᠣᠨᠳᠣ ᠠᠷᠢᠬᠢ ᠠᠪᠬᠤ ᠪᠠᠷ ᠪᠠᠭᠤᠬᠤ ᠠᠴᠠ ᠪᠠᠨ ᠴᠦ ᠵᠠᠯᠬᠠᠭᠤᠷᠠᠭᠠᠳ ᠬᠠᠭᠤᠴᠢᠨ ᠠᠷᠢᠬᠢ ᠪᠠᠷ ᠢᠶᠠᠨ ᠵᠣᠴᠢᠨ ᠢ ᠳᠠᠶᠢᠯᠠᠬᠤ ᠭᠡᠭᠴᠢ᠂ ᠶᠤᠰᠤᠲᠠᠢ ᠵᠠᠯᠬᠠᠭᠤ ᠶᠢᠨ ᠳᠦᠢᠯ ᠡ︕︾ ᠭᠡᠵᠣ ᠨᠠᠷᠢᠬᠠᠨ ᠬᠤᠭᠤᠯᠠᠢ ᠪᠠᠷ ᠶᠠᠩᠪᠠᠳᠠᠶᠢᠬᠠᠨ ᠶᠠᠷᠢᠬᠤ ᠨᠢ ᠭᠡᠷ ᠤᠨ ᠡᠵᠡᠭᠳᠡᠢ ᠶᠢᠨ ᠳᠠᠭᠤᠨ ᠪᠣᠯᠬᠤ ᠶᠢ ᠬᠠᠯᠳᠠᠷ ᠰᠣᠨᠣᠰᠣᠮᠠᠭᠴᠠ ᠪᠠᠨ ᠮᠠᠳᠠᠨ᠎ᠠ᠃     ᠶᠠᠭᠤ ᠶᠠᠷᠢᠬᠤ ᠨᠢ ᠨᠠᠳᠠ ᠳᠠᠯᠵᠢ ᠦᠭᠡᠢ᠂ ᠬᠠᠷᠢᠨ ᠦᠯᠦᠨ ᠭᠡᠳᠡᠰᠣ ᠪᠠᠨ ᠵᠢᠭᠠᠬᠠᠨ ᠳᠦᠬᠦᠷᠭᠡᠬᠦ ᠶᠠᠭᠤᠮ᠎ᠠ ᠬᠠᠶᠠᠭᠳᠠᠵᠣ ᠢᠷᠡᠭᠰᠡᠨ ᠨᠢ ᠪᠠᠶᠠᠷᠯᠠᠭᠤᠰᠢᠳᠠᠢ ᠣᠴᠢᠷ ᠭᠡᠵᠣ ᠪᠣᠳᠣᠭᠰᠠᠨ ᠬᠠᠯᠳᠠᠷ ᠳᠠᠮᠣᠷ ᠬᠢᠨᠵᠢ ᠬᠠᠷᠴᠢᠬᠢᠨᠠᠭᠤᠯᠣᠨ ᠱᠤᠩᠭᠤᠯᠠᠨ ᠣᠴᠢᠵᠣ ᠬᠠᠷ᠎ᠠ ᠬᠤᠰᠢᠭᠤ ᠪᠠᠷ ᠢᠶᠠᠨ ᠦᠨᠦᠷᠯᠠᠵᠣ ᠦᠵᠠᠪᠠᠯ᠂ ᠴᠢᠳᠬᠦᠷ ᠳᠣᠯᠢᠶᠠᠨ ᠡ︕ ᠣᠢᠷᠠᠳᠴᠣ ᠪᠣᠯᠬᠤ ᠶᠠᠭᠤᠮ᠎ᠠ ᠪᠢᠰᠢ᠃     ᠬᠠᠮᠠᠷ ᠭᠠᠳᠠᠮ᠎ᠠ ᠭᠡᠨᠭᠰᠢᠬᠦᠨ ᠦᠨᠦᠷ ᠢ ᠨᠢ ᠭᠡᠯᠡᠬᠦ ᠦᠭᠡᠢ᠂ ᠬᠠᠯᠳᠣ ᠨᠢᠭᠡ ᠳᠣᠯᠢᠶᠠᠵᠣ ᠦᠵᠠᠪᠠᠯ᠂ ᠢᠰᠬᠦᠯᠡᠩ ᠭᠠᠰᠢᠭᠤᠨ ᠲᠠᠢ ᠬᠤᠯᠢᠷᠠᠭᠰᠠᠨ ᠴᠣᠬᠤᠮ ᠬᠦ ᠭᠠᠰᠢᠯᠣᠭᠰᠠᠨ ᠣᠰᠣ   ᠪᠠᠶᠢᠵᠠᠢ ᠡ︕ ᠦᠭᠡᠢ᠂ ᠶᠡᠷᠦ ᠨᠢ ᠡᠳᠡ ᠨᠠᠷ ᠶᠠᠭᠤᠨ ᠳᠤ ᠳᠡᠭᠡᠵᠣ ᠬᠠᠵᠠᠭᠤ ᠳᠤ ᠨᠢ ᠪᠣᠯᠭᠤᠵᠣ ᠰᠢᠷᠠᠭᠰᠠᠨ ᠮᠢᠬ᠎ᠠ ᠣᠪᠣᠭᠠᠷᠠᠵᠣ ᠪᠠᠢᠬᠤ ᠳᠤ ᠢᠳᠡᠬᠦ ᠦᠭᠡᠢ᠂ ᠦᠨᠦ ᠡᠭᠡᠬᠦᠨ ᠭᠠᠰᠢᠭᠤᠨ ᠣᠰᠣ ᠪᠠᠷ ᠢᠶᠠᠨ ᠨᠢᠭᠡ ᠨᠢᠭᠡᠨ ᠢᠶᠠᠨ   ᠲᠠᠶᠢᠯᠠᠵᠤ ᠴᠢ ᠨᠢᠭᠡ ᠬᠠᠳᠠᠭᠠᠴᠢᠬ᠎ᠠ᠂ ᠪᠢ ᠨᠢᠭᠡ ᠬᠦᠨᠳᠣᠷᠴᠢᠭᠡᠶ᠎ᠠ ᠭᠡᠵᠣ ᠶᠠᠩᠨᠠᠵᠣ ᠳᠡᠶᠢᠯᠳᠡᠭ ᠢ ᠪᠣᠣ ᠮᠠᠳᠠ ᠡ᠃     ᠬᠠᠯᠳᠠᠷ ᠮᠦᠨ ᠯᠠ ᠴᠣᠩᠬᠤᠨ ᠣᠭ ᠲᠤ ᠪᠠᠨ ᠣᠴᠢᠵᠣ ᠪᠣᠭᠵᠦ᠋ᠢᠵᠤ ᠭᠡᠪᠳᠡᠪᠡ᠃     ᠮᠠᠯ ᠤᠨ ᠬᠠᠰᠢᠶᠠᠨ ᠠᠴᠠ ᠨᠠᠰᠣᠳᠠᠢ ᠡᠵᠢ ᠠᠷᠭᠠᠯ ᠡᠪᠡᠰᠣᠨ ᠤ ᠭᠡᠮᠭᠡᠳᠡᠭ ᠨᠠᠭᠠᠯᠳᠣᠵᠣ   ᠬᠤᠷᠪᠤᠶᠢᠭᠰᠠᠨ ᠬᠠᠷ᠎ᠠ ᠳᠠᠭ ᠰᠢᠣᠬᠠᠨ ᠪᠣᠯᠣᠭᠰᠠᠨ ᠬᠠᠭᠤᠴᠢᠨ ᠴᠠᠮᠴᠠ ᠪᠠᠨ ᠬᠦᠪᠢᠭᠰᠡᠭᠡᠷ ᠭᠠᠷᠴᠣ ᠢᠷᠡᠭᠡᠳ ᠳᠠᠬᠢᠨ ᠭᠠᠭ᠋ᠠᠢ ᠶᠢᠨ ᠡᠬᠦᠷ ᠵᠦᠭ ᠢᠶᠠᠨ ᠰᠠᠭᠤᠯᠠᠭ᠎ᠠ ᠳᠡᠬᠦᠵᠢᠯᠡᠨ ᠮᠠᠶᠢᠵᠢᠬᠢᠨᠠᠵᠦ ᠣᠳᠬᠤ ᠶᠢ ᠬᠠᠷᠠᠭᠰᠠᠨ ᠬᠠᠯᠳᠠᠷ ᠠᠯᠠᠰᠬᠢᠨ ᠪᠠᠶᠠᠷᠯᠠᠵᠣ ᠪᠠᠶᠢᠳᠠᠭ ᠴᠢᠳᠠᠯ ᠢᠶᠠᠷ ᠢᠶᠠᠨ ᠭᠠᠰᠠᠯᠵᠤ ᠦᠰᠦᠷᠬᠢᠯᠠᠨ ᠠᠪᠣᠷᠠᠯ ᠭᠤᠶᠣᠬᠤ ᠰᠢᠬ ᠳᠦᠷᠢᠯᠠᠵᠠᠢ᠃     ᠨᠠᠰᠣᠳᠠᠨ ᠭᠠᠭ᠋ᠠᠢ ᠶᠢᠨ ᠬᠤᠭᠤᠯᠠ ᠬᠢᠳᠡᠭ ᠰᠠᠭᠤᠯᠠᠭ᠎ᠠ ᠪᠠᠨ ᠭᠠᠵᠠᠷ ᠳᠠᠯᠪᠢᠭᠠᠳ ᠬᠠᠯᠳᠠᠷ ᠤᠨ ᠬᠠᠵᠠᠭᠤ ᠳᠤ ᠮᠠᠶᠢᠵᠢᠬᠢᠨᠡᠨ ᠠᠯᠬᠤᠵᠣ ᠢᠷᠡᠭᠡᠳ᠄ ︽ᠶᠠᠭᠠᠬᠢᠴᠢᠬᠠᠪᠠ︖ ᠬᠠᠯᠳᠠᠷ ᠡ᠃ ᠴᠢᠮ᠎ᠠ ᠳᠤ ᠡᠳᠣᠢ ᠪᠣᠯᠳᠠᠯ᠎ᠠ ᠬᠤᠭᠤᠯᠠ ᠬᠢᠵᠣ ᠦᠭᠬᠦᠭᠡᠳᠣᠢ ᠶᠣᠮ ᠤᠤ︖ ᠦᠯᠦᠰᠴᠣ ᠪᠠᠶᠢᠨ᠎ᠠ ᠤᠤ︖ ᠡᠰᠡᠬᠦᠯ᠎ᠠ ᠣᠮᠳᠠᠭᠠᠰᠴᠣ ᠪᠠᠶᠢᠨ᠎ᠠ ᠤᠤ︖︾ ᠭᠡᠵᠣ ᠨᠠᠰᠣᠳᠠᠨ ᠢ ᠬᠦᠭᠡᠷᠦᠬᠦ᠋ᠢᠯᠠᠨ ᠭᠡᠯᠡᠬᠦ ᠳᠤ ᠬᠡᠴᠢᠨᠡᠭᠡᠨ ᠡᠳᠣᠷ ᠤᠨ ᠭᠤᠮᠣᠳᠠᠯ ᠬᠢᠯᠢᠰ ᠢᠶᠠᠨ ᠢᠯᠡᠳᠭᠡᠵᠣ ᠭᠠᠷᠭᠠᠬᠤ ᠬᠦᠮᠦᠨ ᠣᠯᠵᠣ ᠬᠠᠷᠭᠤᠭᠰᠠᠨ ᠳᠤ ᠪᠠᠨ ᠬᠠᠯᠳᠠᠷ ᠴᠦ ᠪᠠᠶᠢᠳᠠᠭ ᠭᠤᠮᠣᠳᠠᠯ ᠢᠶᠠᠨ ᠢᠯᠡᠳᠭᠡᠬᠦ ᠭᠡᠵᠣ ᠳᠣᠯᠣᠭᠠᠢ ᠳᠣᠬᠢᠯᠵᠠᠠ ᠰᠡᠬᠦᠯ ᠰᠢᠷᠪᠠᠯᠵᠠᠭᠤᠯᠵᠤ ᠡᠮᠦᠨ᠎ᠠ ᠬᠠ ᠪᠠᠨ ᠡᠷᠬᠦᠵᠣ ᠦᠰᠦᠷᠬᠢᠯᠠᠬᠦ ᠵᠡᠷᠭᠡ ᠪᠠᠶᠢᠳᠠᠭ ᠴᠢᠳᠠᠪᠣᠷᠢ ᠪᠠᠨ ᠭᠠᠷᠭᠠᠵᠣ ᠭᠠᠰᠠᠯᠵᠤ ᠭᠤᠨᠭ᠍ᠰᠢᠨ᠎ᠠ᠃     — — ᠡᠨᠡ ᠬᠡᠤᠬᠡᠳ ᠭᠡᠵᠣ ᠡᠳᠣᠷᠵᠢᠨ ᠠᠷᠢᠬᠢ ᠮᠠᠵᠢᠶᠠᠩ ᠠᠴᠠ ᠪᠣᠰᠣᠳ ᠶᠠᠭᠤ ᠴᠦ ᠬᠠᠮᠢᠶᠠᠷᠬᠤ ᠦᠭᠡᠢ᠃ ᠳᠠᠵᠢᠭᠡᠵᠣ ᠪᠠᠶᠢᠭ᠎ᠠ ᠠᠳᠣᠭᠤᠰᠣ ᠪᠠᠨ ᠣᠳᠣ ᠪᠦᠷ ᠦᠯᠪᠡᠷᠭᠡᠵᠣ ᠠᠯᠠᠬᠤ ᠭᠡᠮᠵᠢᠶᠠᠨ ᠳᠤ ᠬᠦᠷᠴᠠᠢ ᠬᠦ᠋ ᠁ ᠭᠡᠵᠣ ᠨᠠᠰᠣᠳᠠᠨ ᠡᠵᠢ ᠠᠮᠠᠨ ᠳᠤ ᠪᠠᠨ ᠳᠦᠳᠦᠨᠡᠭᠰᠡᠭᠡᠷ ᠭᠡᠷ ᠲᠤ ᠪᠠᠨ ᠮᠠᠶᠢᠵᠢᠬᠢᠨᠡᠨ ᠣᠷᠣᠵᠣ ᠭᠡᠰᠡᠭ ᠣᠳᠠᠭᠠᠳ ᠳᠣᠮᠣ ᠱᠠᠭᠠᠵᠠᠩ ᠠᠶᠠᠭ᠎ᠠ ᠲᠠᠢ ᠬᠠᠭᠠᠷᠢᠭᠰᠠᠨ ᠳᠠᠬᠢᠶᠠᠨ ᠦᠨᠳᠡᠭᠡ ᠠᠪᠴᠢᠷᠠᠵᠣ ᠬᠠᠳᠠᠵᠣ   ᠬᠠᠭᠤᠷᠠᠶᠢᠳᠠᠭᠰᠠᠨ ᠬᠤᠭᠤᠯᠠᠠ ᠰᠠᠪᠠ ᠳᠤ ᠨᠢ ᠬᠢᠵᠣ ᠦᠭᠪᠠ᠃     ᠨᠠᠰᠣᠳᠠᠨ ᠮᠠᠭᠤ ᠬᠦᠯ ᠢᠶᠠᠨ ᠵᠦᠭᠡᠭᠡᠵᠣ ᠭᠡᠷ ᠵᠦᠭ ᠢᠶᠠᠨ ᠡᠷᠬᠢᠬᠦ ᠠᠴᠠ ᠡᠮᠦᠨ᠎ᠠ ᠬᠠᠯᠳᠠᠷ ᠱᠣᠩᠭᠤᠯᠠᠨ ᠢᠷᠠᠵᠣ ᠵᠠᠯᠬᠢᠵᠣ ᠪᠠᠷᠠᠭᠠᠭᠠᠳ ᠨᠠᠰᠣᠳᠠᠨ ᠤ ᠱᠠᠭᠠᠵᠠᠩ ᠠᠶᠠᠭᠠᠨ ᠳᠤ ᠳᠠᠬᠢᠨ ᠨᠢᠳᠣ ᠳᠣᠰᠬᠠᠨ ᠭᠠᠯ ᠣᠯᠠᠭᠠᠨ ᠭᠡᠯᠡ ᠪᠠᠨ ᠰᠦᠷᠡᠭᠡᠢ ᠪᠣᠰᠢᠭᠤ ᠬᠢᠯᠪᠠᠯᠵᠠᠭᠤᠯᠣᠨ ᠬᠤᠰᠢᠭᠤ ᠬᠤᠨᠭ᠍ᠰᠢᠶᠠᠷ ᠲᠤ ᠨᠢ ᠨᠠᠭᠠᠯᠳᠣᠭᠰᠠᠨ ᠦᠯᠠᠳᠠᠪᠣᠷᠢ ᠶᠢ ᠨᠢ ᠴᠦ ᠳᠣᠯᠢᠶᠠᠵᠣ ᠠᠮᠵᠢᠵᠠᠢ᠃     ᠰᠢᠷ᠎ᠠ ᠪᠦᠷᠣᠢ ᠶᠢᠨ ᠦᠶ᠎ᠠ ᠪᠠᠷ ᠰᠠᠶ᠋ᠢ ᠦᠨᠦ ᠰᠢᠷ᠎ᠠ ᠭᠡᠵᠢᠭᠡᠳᠣ ᠡᠷ᠎ᠠ ᠭᠡᠯᠪᠡᠯᠵᠠᠨ ᠠᠯᠬᠤᠯᠠᠭᠰᠠᠭᠠᠷ ᠭᠠᠷᠴᠣ ᠢᠷᠡᠭᠡᠳ ᠡᠵᠡᠨ ᠤ ᠬᠢᠨᠢ ᠦᠷᠦᠭᠡᠰᠣᠨ ᠭᠠᠷ ᠠᠴᠠ ᠨᠢ ᠵᠠᠭᠤᠷᠠᠵᠤ᠄     — — ᠬᠤᠣ ᠭᠡ ᠮᠤᠷ ︵ᠰᠠᠶᠢᠨ ᠠᠬ᠎ᠠ ᠳᠠᠬᠦᠦ︶ ᠡ᠂ ᠳᠡᠭᠡᠪᠠᠯ ᠪᠢᠳᠠ ᠡᠨᠡ ᠣᠷᠣᠢ ᠠᠴᠠ ᠡᠬᠢᠯᠡᠭᠡᠳ ᠾᠤ᠋ ᠽᠦᠤᠤ ᠶᠧ ︵ᠬᠠᠮᠳᠣᠷᠠᠨ ᠠᠵᠢᠯᠯᠠᠶ᠎ᠠ︶᠂ ᠪᠣᠯᠣᠨ᠎ᠠ ᠪᠢᠵᠠ︖ ᠭᠡᠵᠣ ᠬᠤᠯᠢᠵᠤ ᠬᠤᠳᠬᠤᠭᠰᠠᠨ ᠬᠦᠰᠢᠬᠦᠨ ᠮᠣᠩᠭᠤᠯ ᠭᠡᠯᠠ ᠪᠠᠷ ᠴᠤᠯᠴᠠᠷᠢᠨ ᠶᠠᠷᠢᠯᠴᠠᠭᠰᠠᠭᠠᠷ ᠬᠦᠡᠭᠭᠡᠨ ᠬᠠᠷ᠎ᠠ ᠮᠠᠰᠢᠨ ᠳᠤ ᠪᠠᠨ ᠰᠢᠷ᠎ᠠ ᠲᠤᠯᠤᠭᠠᠢ ᠪᠠᠨ ᠰᠢᠷᠭᠤᠭᠤᠯᠵᠤ ᠳᠣᠭᠤᠰᠣ ᠳᠠᠳᠠᠭᠤᠯᠣᠨ ᠶᠠᠪᠣᠵᠣ ᠬᠤᠯᠠᠳᠠᠬᠤ ᠶᠢ ᠬᠠᠯᠳᠠᠷ ᠴᠣᠩᠬᠤᠨ ᠡᠮᠦᠨᠠᠬᠢ ᠳᠠᠪᠰᠡᠭ   ᠲᠠᠶᠢᠵᠠ ᠳᠤ ᠭᠡᠪᠳᠡᠨ ᠵᠠᠯᠬᠠᠭᠤᠳᠠᠶᠢᠬᠠᠨ ᠣᠯᠵᠣ ᠬᠠᠷᠠᠵᠠᠢ᠃     ᠭᠡᠬᠦ ᠳᠤ ᠰᠠᠷ᠎ᠠ ᠰᠢᠨ᠎ᠠ ᠶᠢᠨ ᠡᠬᠢᠨ ᠳᠤ ᠴᠦ ᠭᠡᠰᠡᠨ ᠶᠡᠷᠦ ᠨᠢ ᠵᠣᠴᠢᠨ ᠢᠶᠠᠨ ᠮᠣᠷᠳᠠᠭᠤᠯᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠭᠡᠷ ᠤᠨ ᠡᠵᠡᠭᠳᠡᠢ ᠨᠢ ᠦᠨᠣᠳᠣᠷ ᠦᠨᠳᠣᠷ ᠦᠰᠦᠭᠡᠢ ᠲᠠᠢ ᠭᠤᠶᠣ ᠭᠤᠳᠣᠯ ᠢᠶᠠᠷ ᠢᠶᠠᠨ ᠨᠠᠬᠢᠯᠵᠠᠳᠠᠯ᠎ᠠ ᠠᠯᠬᠤᠵᠣ ᠭᠠᠷᠴᠣ ᠢᠷᠡᠭᠡᠳ ᠦᠨᠦ ᠰᠢᠷ᠎ᠠ ᠭᠡᠵᠢᠭᠡᠳᠣ ᠶᠢᠨ ᠳᠡᠷᠭᠡᠨ ᠬᠦᠷᠳᠣ ᠬᠦᠳᠡᠯᠳᠠᠯ᠎ᠠ ᠨᠢ ᠬᠠᠵᠠᠭᠤ ᠳᠤ ᠨᠢ ᠮᠢᠰᠢᠯᠵᠡᠨ ᠵᠣᠭᠰᠣᠵᠣ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠠᠯᠣᠰ ᠴᠠᠭᠠᠨ᠎ᠠ ᠭᠠᠷᠳᠠᠯ᠎ᠠ ᠭᠠᠷ ᠳᠠᠯᠠᠯᠣᠨ ᠬᠤᠴᠣᠷᠣᠭᠰᠠᠨ ᠨᠢ ᠬᠠᠯᠳᠠᠷ ᠲᠤ ᠰᠣᠨᠢᠬᠠᠨ ᠰᠠᠨᠠᠭᠳᠠᠵᠠᠢ᠃     ᠭᠡᠷ ᠲᠤ ᠠᠶᠠᠭ᠎ᠠ ᠰᠢᠷᠡᠭᠡ ᠬᠤᠮᠢᠵᠣ ᠬᠤᠷᠢᠶ᠋ᠬᠠᠦ ᠳᠠᠭᠤᠨ ᠫᠠᠷᠴᠢᠬᠢᠨᠠᠨ ᠳᠣᠭᠤᠯᠳᠠᠵᠣ ᠪᠠᠶᠢᠬᠤ ᠪᠠᠷ ᠪᠣᠳᠣᠬᠤ ᠳᠤ ᠬᠦᠭᠰᠢᠨ ᠡᠵᠢ ᠬᠠᠭᠤᠴᠢᠨ ᠵᠣᠷᠰᠢᠯ ᠢᠶᠠᠷ ᠵᠣᠴᠢᠳ ᠤᠨ ᠬᠤᠶᠢᠨ᠎ᠠ ᠠᠴᠠ ᠠᠶᠠᠭ᠎ᠠ ᠰᠠᠪᠬ᠎ᠠ ᠣᠬᠢᠶᠠᠬᠤ ᠭᠡᠵᠣ ᠪᠣᠵᠢᠬᠢᠨᠠᠵᠣ   ᠪᠠᠶᠢᠭ᠎ᠠ ᠨᠢ ᠢᠯᠡᠭᠡᠨ᠃ ᠬᠠᠷᠢᠨ ᠭᠡᠰᠡᠭ ᠣᠳᠠᠭᠠᠳ ᠭᠡᠷ ᠲᠤ ᠪᠥᠭᠡᠮ ᠦᠢᠮᠠᠭᠡᠨ ᠭᠠᠷᠴᠠᠢ᠃     — — ᠪᠣᠶᠠᠨ ᠨᠢ ᠴᠠᠯᠢᠵᠣ ᠪᠣᠬᠠᠨ ᠬᠦᠵᠦᠬᠦᠨ ᠳᠤ ᠳᠣᠭᠯᠠᠵᠣ   ᠪᠠᠶᠢᠭ᠎ᠠ ᠬᠦᠭᠰᠢᠨ ᠵᠦᠨᠦᠭ ᠢ ᠬᠠᠷᠠ ᠯᠠ ᠳ᠋ᠠ᠃ ᠵᠣᠴᠢᠨ ᠳᠠᠶᠢᠯᠬᠠᠦ ᠭᠡᠵᠣ ᠳᠦᠡᠭᠭᠡᠵᠦ ᠬᠠᠭᠠᠷᠢᠭᠰᠠᠨ ᠠᠷᠪᠠᠭᠠᠳ ᠳᠠᠬᠢᠶᠠᠨ ᠦᠨᠳᠡᠭᠡ ᠶᠢ ᠰᠢᠭᠤᠳ ᠠᠪᠠᠴᠢᠭᠠᠳ ᠦᠨᠦ ᠨᠣᠬᠠᠢ ᠡᠪᠦᠭᠡ ᠪᠠᠨ ᠳᠡᠵᠢᠭᠡᠴᠢᠭᠡᠨ᠎ᠠ ᠭᠡᠳᠡᠭ ᠴᠢᠨᠢ ᠦᠨᠠᠨ ᠵᠦᠨᠦᠮᠠᠯ ᠤᠨ ᠳᠦᠯ ᠡ︕     ᠫᠢᠯᠠ ᠨᠣᠭᠤᠭ᠎ᠠ ᠶᠢᠨ ᠳᠤᠭ᠎ᠠ ᠨᠢ ᠬᠦᠢᠴᠠᠬᠦ ᠪᠠᠨ ᠪᠣᠯᠵᠣ ᠪᠠᠯᠢᠳᠠᠬᠤ ᠳᠤ ᠪᠠᠨ ᠦᠨᠦ ᠭᠠᠨᠭ᠌ ᠳᠤ ᠳᠠᠷᠣᠭᠰᠠᠨ ᠳᠠᠪᠣᠰᠣᠯᠠᠭᠰᠠᠨ ᠨᠣᠭᠤᠭ᠎ᠠ ᠪᠠᠷ ᠢᠶᠠᠨ ᠠᠷᠭᠠᠴᠠᠭᠠᠵᠣ ᠭᠠᠷᠣᠯ᠎ᠠ ᠰᠢᠳᠠ᠃ ᠶᠤᠰᠤᠲᠠᠢ ᠬᠦᠮᠦᠨ ᠢ ᠠᠭᠤᠷᠯᠠᠭᠤᠯᠵᠣ ᠠᠯᠠᠨ᠎ᠠ ᠡ︕     ᠡᠵᠡᠭᠳᠡᠢ ᠶᠢᠨ ᠭᠠᠰᠠᠩ ᠳᠠᠭᠤᠨ ᠳᠣᠳᠣᠬᠠᠨ ᠰᠣᠨᠣᠰᠳᠠᠨ᠎ᠠ᠃     — — ᠠᠢ᠂ ᠠᠩᠭ᠎ᠠ ᠡ᠂ ᠪᠢ ᠳᠡᠬᠦᠨ ᠢ ᠴᠢᠨᠢ ᠭᠠᠭ᠋ᠠᠢ ᠶᠢᠨ ᠬᠤᠭᠤᠯᠠᠨ ᠤ ᠭᠠᠨᠭ᠌ ᠳᠡᠭᠡᠷ᠎ᠠ ᠳᠠᠯᠪᠢᠵᠣ   ᠪᠠᠶᠢᠭ᠎ᠠ ᠪᠣᠯᠬᠤᠷ ᠭᠠᠰᠢᠯᠤᠭᠰᠠᠨ ᠨᠣᠭᠤᠭ᠎ᠠ ᠭᠡᠵᠣ ᠡ ᠠᠳᠡᠬᠦᠷᠡᠭᠡᠳ ᠨᠣᠬᠠᠢ ᠳᠤ ᠦᠭᠴᠢᠭᠡᠵᠠᠢ ᠭᠡᠬᠦ ᠨᠠᠰᠣᠳᠠᠨ ᠤ ᠳᠠᠭᠤᠨ ᠬᠤᠯᠠ ᠴᠠᠭᠠᠨ᠎ᠠ ᠠᠴᠠ ᠳᠣᠷᠣᠢ ᠰᠣᠨᠣᠰᠳᠠᠨ᠎ᠠ᠃     — — ᠬᠦᠭᠰᠢᠨ ᠵᠦᠨᠦᠭ ᠴᠢ ᠦᠨᠦ ᠭᠡᠮᠵᠢᠶ᠎ᠠ ᠦᠭᠡᠢ ᠰᠢᠳᠦᠳᠡᠭ ᠪᠠᠭ᠎ᠠ ᠬᠦᠦ ᠶᠢᠨ ᠳᠤ ᠪᠠᠨ ᠰᠡᠮᠡᠭᠡᠷᠭᠡᠨ ᠰᠠᠭᠤᠬᠤ ᠦᠭᠡᠢ ᠪᠠᠰᠠ ᠶᠠᠭᠤᠨ ᠳᠤ ᠨᠠᠭᠠᠰᠢ ᠬᠦᠶᠦᠭᠡᠳ ᠮᠠᠨᠣᠰ ᠤᠨ ᠠᠮᠢᠳᠣᠷᠠᠯ ᠳᠤ ᠬᠤᠯᠢᠳᠠᠰᠣ ᠣᠷᠣᠵᠣ ᠪᠠᠶᠢᠭ᠎ᠠ ᠶᠢ ᠪᠢ ᠦᠨᠡᠨ ᠤᠶᠢᠯᠭᠠᠬᠤ ᠦᠭᠡᠢ᠃ ᠠᠮᠠ ᠪᠠᠨ ᠠᠩᠭᠠᠶᠢᠪᠠᠯ ᠪᠠᠭ᠎ᠠ ᠬᠦᠦ ᠪᠠᠯᠳᠠᠨ ᠨᠢ ᠰᠠᠶᠢᠨ᠂ ᠪᠠᠭᠤᠯᠭᠠᠵᠣ ᠠᠪᠣᠭᠰᠠᠨ ᠪᠠᠷᠢ ᠨᠢ ᠴᠦ ᠰᠠᠶᠢᠨ ᠭᠡᠵᠣ ᠮᠠᠭᠳᠠᠳᠠᠭ ᠰᠢᠳᠠ᠂ ᠣᠳᠣ ᠳᠠᠨᠳᠠ ᠪᠠᠨ ᠣᠴᠢᠬᠤ ᠦᠭᠡᠢ ᠤᠤ ︖ ︽ᠨᠠᠰᠣᠳᠠᠶᠢᠴᠣᠳ ᠤᠨ ᠨᠦᠬᠦᠪᠣᠷᠢ ᠮᠦᠡᠭᠭᠦᠨ︾ ᠤ ᠺᠠᠷᠲ ᠠᠴᠠ ᠡᠬᠢᠯᠡᠭᠡᠳ ᠨᠠᠢᠮᠠ ᠶᠢᠰᠣᠨ ᠮᠦ ᠭᠠᠵᠠᠷ ᠲᠤ ᠪᠠᠨ ᠬᠦᠷᠳᠡᠯ᠎ᠠ ᠪᠠᠭ᠎ᠠ ᠬᠥᠦ ᠪᠠᠷᠢ ᠳᠤ ᠪᠠᠨ ᠡᠷᠬᠦᠴᠢᠭᠡᠭᠡᠳ ᠪᠠᠰᠠ ᠶᠠᠮᠠᠷ ᠨᠢᠭᠤᠷ ᠢᠶᠠᠷ ᠠᠳᠠ ᠬᠤᠷᠭᠤᠳᠠᠵᠤ   ᠪᠠᠶᠢᠬᠤ ᠪᠣᠢ︖ ᠦᠡᠭᠬᠦᠷᠢᠳᠣ᠂ ᠬᠠᠮᠢᠭ᠎ᠠ ᠠᠴᠠ ᠢᠷᠡᠭᠰᠡᠨ ᠪᠣᠯ ᠳᠠᠨᠳᠠ ᠪᠠᠨ ᠦᠡᠭᠬᠦᠷᠢᠳᠣ ᠁     ᠬᠡᠰᠡᠭ ᠣᠳᠠᠭᠠᠳ ᠡᠭᠦᠳᠡ ᠵᠢᠵᠢᠬᠢᠨᠡᠨ ᠨᠡᠭᠡᠭᠡᠭᠳᠡᠵᠣ ᠨᠠᠰᠣᠳᠠᠨ ᠪᠣᠯᠠᠩᠬᠢᠷᠳᠣᠵᠣ ᠣᠨᠢᠭᠠᠷᠳᠠᠭᠰᠠᠨ ᠨᠢᠳᠣ ᠪᠠᠨ ᠠᠶᠠᠭ᠎ᠠ ᠣᠬᠢᠶᠠᠭᠠᠳ ᠠᠷᠴᠢᠵᠣ ᠠᠮᠵᠢᠭᠠᠳᠣᠢ   ᠨᠤᠶᠢᠳᠠᠨ ᠭᠠᠷ ᠢᠶᠠᠷ ᠢᠶᠠᠨ ᠪᠠᠶᠢᠨ ᠳᠠᠬᠢᠨ ᠠᠷᠴᠢᠭᠰᠠᠭᠠᠷ᠄ ︽ᠠᠢ᠂ ᠬᠦᠭᠰᠢᠨ ᠪᠢ ᠬᠦᠳᠡᠯᠬᠦ ᠳᠡᠩᠭᠡᠭᠡ ᠲᠠᠢ ᠪᠣᠯ ᠭᠡᠦᠭᠡᠳ ᠲᠤ ᠪᠠᠨ ᠳᠣᠰᠠ ᠪᠣᠯᠣᠶ᠎ᠠ ᠭᠡᠵᠣ ᠵᠢᠳᠬᠦᠵᠣ ᠴᠢᠷᠮᠠᠢᠳᠠᠭ ᠨᠢ ᠬᠠᠷᠢᠨ ᠪᠣᠷᠣᠭᠤ ᠪᠠᠶᠢᠵᠠᠢ ᠡ︕ ᠵᠦᠨᠦᠭ ᠪᠢ ᠳᠡᠭᠡᠷ᠎ᠠ ᠳᠦᠷᠦᠯ ᠳᠤ ᠪᠠᠨ ᠶᠠᠮᠠᠷ ᠶᠠᠯ᠎ᠠ ᠨᠢᠬᠦᠯ ᠬᠢᠭᠰᠡᠨ ᠰᠦᠨᠠᠰᠣ ᠶᠢ ᠪᠣᠣ ᠮᠠᠳᠠ᠂ ᠵᠠᠯᠠᠭᠤ   ᠪᠠᠶᠢᠬᠤ ᠳᠤ ᠬᠠᠳᠠᠮ ᠡᠵᠢ ᠶᠢᠨ ᠬᠠᠯᠠ ᠦᠢᠯᠠ ᠶᠢ ᠬᠠᠰᠢᠷᠠᠳᠠᠯ᠎ᠠ ᠠᠮᠰᠠᠵᠣ᠂ ᠦᠳᠡᠯᠬᠦ ᠶᠢᠨ ᠦᠵᠦᠬᠦᠷ ᠲᠤ ᠬᠦᠦ ᠪᠠᠷᠢ ᠶᠢᠨ ᠭᠡᠴᠡᠬᠦᠦ ᠶᠢ ᠢᠡᠭᠬᠢᠳᠠᠯ᠎ᠠ ᠦᠵᠠᠬᠦ ᠭᠡᠭᠴᠢ ᠁ ᠭᠡᠵᠣ ᠳᠦᠳᠦᠨᠡᠭᠰᠡᠭᠡᠷ ᠮᠠᠶᠢᠵᠢᠬᠢ ᠬᠦᠯ ᠢᠶᠠᠨ ᠳᠦᠡᠭᠭᠡᠵᠦ ᠴᠢᠷᠦᠭᠰᠡᠭᠡᠷ ᠰᠢᠷ᠎ᠠ ᠪᠦᠷᠣᠢ ᠶᠢᠨ ᠳᠣᠮᠳᠠᠭᠤᠷ ᠴᠢᠨᠠᠭᠰᠢ ᠪᠦᠷᠳᠣᠯᠵᠠᠨ ᠬᠤᠯᠠᠳᠠᠪᠠ᠃     ᠬᠠᠯᠳᠠᠷ ᠭᠡᠪᠳᠡᠭᠰᠡᠨ ᠣᠷᠣᠨ ᠠᠴᠠ ᠪᠠᠨ ᠦᠰᠦᠷᠣᠨ ᠪᠣᠰᠴᠣ ᠨᠠᠰᠣᠳᠠᠨ ᠢ ᠬᠤᠷᠢᠭᠠᠵᠣ ᠠᠪᠬᠤ ᠭᠡᠵᠣ ᠭᠡᠳᠣ ᠣᠳᠠᠭ᠎ᠠ ᠡᠮᠦᠨᠠᠰᠢ ᠱᠤᠩᠭᠤᠯᠠᠭᠰᠠᠨ ᠴᠦ ᠬᠦᠵᠦᠬᠦᠨ ᠳᠤ ᠬᠢ ᠳᠠᠮᠣᠷ ᠬᠢᠨᠵᠢ ᠠᠴᠠ ᠪᠠᠨ ᠮᠣᠯᠳᠣᠷᠠᠵᠣ ᠲᠡᠶᠢᠯᠦᠭ᠌ᠰᠠᠨ ᠦᠭᠡᠢ᠃ ᠠᠷᠭ᠎ᠠ ᠪᠣᠰᠣ   ᠪᠠᠶᠢᠳᠠᠭ ᠬᠦᠰᠠᠯ ᠢᠶᠠᠨ ᠮᠦᠡᠭᠬᠦᠨ ᠴᠠᠭᠠᠨ ᠦᠡᠭᠭᠡᠳᠡᠢ ᠡᠬᠦᠳᠠᠨ ᠳᠤ ᠳᠠᠯᠪᠢᠵᠣ ᠭᠤᠨᠢᠭᠳᠠᠢ ᠰᠢᠷᠳᠠᠨ᠎ᠠ᠃ ᠭᠡᠪᠡᠴᠣ ᠡᠬᠦᠳᠠ ᠨᠡᠭᠡᠭᠡᠭᠳᠡᠵᠣ ᠬᠤᠶᠢᠨ᠎ᠠ ᠠᠴᠠ ᠨᠢ ᠭᠠᠷᠴᠣ ᠢᠷᠡᠭᠰᠡᠨ ᠬᠦᠮᠦᠨ ᠪᠠᠶᠢᠭ᠎ᠠ ᠦᠭᠡᠢ᠃ ᠨᠡᠯᠢᠶᠡᠳ ᠤᠳᠠᠭᠠᠳ ᠡᠬᠦᠳᠠ ᠨᠡᠭᠡᠭᠡᠭᠳᠡᠭᠰᠡᠨ ᠴᠦ ᠳᠣᠮᠣ ᠰᠢᠯ ᠴᠣᠮᠣ ᠪᠠᠷᠢᠭᠰᠠᠨ ᠡᠵᠡᠭᠳᠡᠢ ᠭᠠᠷᠴᠣ ᠢᠷᠡᠭᠡᠳ ᠴᠠᠢ ᠶᠢᠨ ᠰᠢᠭᠠᠷᠠᠤ ᠪᠠᠨ ᠬᠦᠴᠦᠳᠠᠢ ᠰᠠᠵᠢᠵᠣ ᠣᠷᠬᠢᠭᠠᠳ᠄ ︽ᠳᠦᠢ᠂ ᠬᠦᠭᠰᠢᠨ ᠵᠦᠨᠦᠭ ᠡᠷᠬᠢᠯᠳᠠ ᠦᠭᠡᠢ ᠵᠠᠶᠢᠯᠠ︾ ᠭᠡᠵᠣ ᠬᠠᠨᠭ᠍ᠬᠢᠨᠠᠭᠤᠯᠤᠨ ᠬᠠᠷᠢᠶᠠᠭᠠᠳ ᠳᠠᠷᠭᠤᠨ ᠰᠠᠬᠦᠵᠢ ᠪᠠᠨ ᠮᠣᠰᠬᠢᠴᠠᠨ ︽ᠳᠠᠭ︾ ᠬᠢᠲᠡᠯ᠎ᠡ ᠡᠬᠦᠳᠠ ᠰᠠᠪᠠᠨ ᠣᠷᠣᠵᠣ ᠶᠠᠪᠣᠭᠰᠠᠨ ᠨᠢ ᠬᠠᠯᠳᠠᠷ ᠤᠨ ᠬᠦᠰᠡᠯ ᠭᠤᠷᠢᠳᠠᠯ ᠢ ᠪᠦᠷᠢᠮᠣᠰᠣᠨ ᠰᠠᠷᠨᠢᠭᠤᠯᠵᠣ ᠣᠷᠬᠢᠵᠠᠢ᠃     ᠣᠳᠠᠯ ᠦᠭᠡᠢ ᠭᠡᠷ ᠳᠣᠳᠣᠷ᠎ᠠ ᠬᠦᠡᠭᠬᠦᠷ ᠭᠠᠨᠭ᠍ᠭᠠᠷ ᠭᠡᠯᠡᠯᠴᠡᠵᠣ ᠪᠠᠶᠢᠬᠤ ᠪᠠᠷ ᠨᠢ ᠦᠵᠠᠬᠦ ᠳᠤ ᠣᠨᠳᠠᠭᠰᠠᠨ ᠢᠶᠠᠷ ᠣᠪᠯᠠᠵᠣ ᠭᠡᠪᠳᠡᠭᠰᠡᠨ ᠭᠡᠷ ᠤᠨ ᠡᠵᠡᠨ ᠪᠣᠰᠣᠭᠠᠳ ᠭᠠᠷᠴᠣ ᠢᠷᠡᠭᠰᠡᠨ ᠪᠤᠯᠤᠯᠲᠠᠢ᠃     — — ᠦᠭᠡᠢ᠂ ᠴᠢ ᠶᠡᠷᠦ ᠨᠢ ᠬᠦᠭᠡᠭᠡᠵᠣ ᠶᠠᠪᠣᠭᠤᠯᠪᠡᠯ ᠶᠠᠪᠣᠭᠤᠯᠣᠯ᠎ᠠ ᠰᠢᠳᠠ᠂ ᠵᠦᠨᠦᠭ ᠭᠡᠳᠡᠯ᠎ᠠ ᠮᠦᠨᠦᠭ ᠭᠡᠳ ᠬᠠᠷᠢᠶᠠᠭᠠᠳ ᠪᠠᠶᠢᠳᠠᠭ ᠨᠢ ᠶᠠᠭᠤ ᠪᠣᠢ︖     — — ᠳᠡᠭᠡᠬᠦ ᠦᠭᠡᠢ ᠪᠣᠯ ᠳᠠᠷᠠ ᠬᠦᠭᠰᠢᠨ ᠰᠢᠮᠨᠤ ᠶᠢ ᠵᠠᠯᠠᠵᠣ ᠶᠠᠪᠣᠭᠤᠯᠵᠣ   ᠲᠡᠶᠢᠯᠦᠨ᠎ᠡ ᠤᠤ︖ ᠪᠣᠯᠵᠠᠢ ᠪᠣᠯᠵᠠᠢ᠂ ᠡᠬᠦᠨ ᠢ ᠶᠠᠷᠢᠬᠤ ᠦᠭᠡᠢ ᠯᠠᠢ᠃ ᠣᠳᠣ ᠨᠢᠭᠡᠨᠳᠠ ᠦᠳᠡᠰᠢ ᠶᠢᠨ ᠳᠣᠯᠣᠭᠠᠨ ᠴᠠᠭ   ᠤᠶᠢᠷᠠᠳᠣᠭᠰᠠᠨ᠂ ᠬᠤᠷᠳᠣᠨ ᠰᠣᠷᠭᠠᠭᠤᠯᠢ ᠳᠡᠭᠡᠷ᠎ᠠ ᠣᠴᠢᠬᠤ ᠦᠭᠡᠢ ᠤᠤ︖     — — ᠪᠢᠳᠡᠭᠡᠢ ᠰᠣᠷᠭᠠᠭᠤᠯᠢ ᠰᠣᠷᠭᠠᠭᠤᠯᠢ ᠭᠡᠳ ᠯᠠ ᠪᠠᠢ᠂ ᠲᠡᠷᠡ ᠴᠢᠨᠢ ᠣᠳᠣ ᠰᠣᠷᠭᠠᠭᠤᠯᠢ ᠪᠢᠰᠢ᠂ ᠬᠠᠷᠢᠨ ᠰᠢᠷ᠎ᠠ ᠠᠬ᠎ᠠ ᠶᠢᠨ ᠬᠤᠳᠠᠯᠳᠣᠵᠣ ᠠᠪᠣᠭᠰᠠᠨ ᠮᠦᠷᠦᠢ ᠲᠠᠢ ᠮᠠᠵᠢᠶᠠᠩ ᠤᠨ ᠳᠠᠯᠠᠪᠠᠢ ᠪᠤᠯᠤᠭᠰᠠᠨ᠃ ᠮᠡᠳᠡᠪᠡ ᠤᠤ︖     — — ᠣᠣ᠂   ᠲᠡᠶᠢᠮᠦ᠃ ᠶᠡᠷᠦ ᠨᠢ ᠣᠷᠢᠳᠣ ᠳᠤ ᠪᠠᠨ ᠰᠣᠷᠭᠠᠭᠤᠯᠢ   ᠪᠠᠶᠢᠭᠰᠠᠨ ᠶᠣᠮ ᠴᠢᠨᠢ ᠳᠡᠭᠡᠵᠣ ᠳᠠᠭᠤᠳᠠᠭᠠᠳ ᠳᠠᠳᠴᠢᠬᠠᠵᠠᠢ᠃ ᠶᠠᠭᠤ ᠴᠦ ᠭᠡᠰᠡᠨ ᠬᠤᠷᠳᠣᠨ ᠮᠠᠶ᠋ᠢᠭᠯᠠ ᠳ᠋ᠠ᠃ ᠠᠩᠬ᠎ᠠ ᠡᠬᠢᠯᠠᠵᠣ ︽ᠠᠯᠪᠠᠯᠠᠬᠤ︾ ᠭᠡᠵᠣ   ᠪᠠᠶᠢᠭᠠᠳ ᠬᠤᠵᠢᠭᠳᠠᠵᠣ ᠣᠴᠢᠪᠠᠯ ᠭᠡᠳᠣᠢ ᠮᠠᠭᠤᠬᠠᠢ ᠪᠣᠢ︖     ᠡᠬᠦᠳᠠ ᠤᠡᠭᠭᠤᠶᠢᠨ ᠠᠯᠪᠠᠨ ᠤ ᠨᠣᠶᠠᠨ ᠬᠡᠮᠡᠷ ᠬᠤᠪᠴᠠᠯᠠᠭᠰᠠᠨ ᠭᠡᠷ ᠤᠨ ᠡᠵᠡᠨ ᠭᠠᠷᠴᠣ ᠢᠷᠡᠭᠡᠳ ᠮᠣᠲ᠋ᠣᠷ ᠢᠶᠠᠨ ᠭᠠᠯᠯᠠᠨ ᠨᠣᠴᠣᠭᠠᠭᠠᠳ ᠠᠶᠢᠯ ᠵᠦᠭ ᠳᠠᠪᠬᠢᠭᠤᠯᠵᠣ ᠶᠠᠪᠣᠵᠠᠢ᠃     ᠰᠦᠨᠢ ᠬᠠᠭᠠᠰ ᠦᠢᠷᠠᠳᠴᠠᠢ᠃     ᠬᠠᠯᠳᠠᠷ ᠤᠨ ᠭᠡᠳᠡᠰᠣ ᠪᠠᠰᠠ ᠯᠠ ᠭᠤᠷᠴᠢᠬᠢᠨᠠᠵᠣ ᠡᠬᠢᠯᠠᠪᠠ᠃ ᠰᠠᠶ᠋ᠢ ᠶᠢᠨ ᠵᠢᠭᠠᠬᠠᠨ ᠣᠯᠵᠣ ᠢᠳᠡᠭᠰᠡᠨ ᠬᠠᠭᠠᠷᠢᠭᠰᠠᠨ ᠳᠠᠬᠢᠶᠠᠨ ᠦᠨᠳᠡᠭᠡ᠂ ᠳᠠᠬᠦᠨ ᠤ ᠦᠯᠦᠨ ᠭᠡᠳᠡᠰᠣ ᠶᠢᠨ ᠦᠨᠴᠦᠭ ᠢ ᠴᠦ ᠳᠦᠬᠦᠷᠭᠡᠵᠣ ᠳᠠᠢᠯᠦᠭᠰᠡᠨ ᠦᠭᠡᠢ ᠨᠢ ᠮᠠᠳᠡᠭᠡᠵᠢ᠃     ᠶᠠᠭᠠᠬᠢᠳᠠᠭ ᠪᠢᠯᠠ︖     ᠴᠣᠩᠬᠤᠨ ᠠᠴᠠ   ᠲᠧᠯᠸᠢᠰ ᠤᠨ ᠴᠡᠭᠡᠨ ᠭᠡᠷᠡᠯ ᠬᠠᠷᠪᠣᠵᠣ   ᠪᠠᠶᠢᠬᠤ ᠪᠠᠷ ᠨᠢ ᠦᠵᠡᠬᠦ ᠳᠤ ᠡᠵᠡᠭᠳᠡᠢ ᠠᠷᠠᠢ ᠣᠨᠳᠠᠭ᠎ᠠ ᠦᠭᠡᠢ ᠪᠣᠯᠣᠯᠳᠠᠢ᠃ ᠳᠠᠷᠠ ᠬᠦᠵᠦᠬᠦᠨ ᠳᠤ ᠬᠢ ᠬᠢᠨᠵᠢ ᠪᠠᠨ ᠬᠦᠴᠦᠳᠠᠢ ᠰᠠᠵᠢᠯᠠᠨ ᠬᠠᠷᠴᠢᠬᠢᠨᠠᠭᠤᠯᠵᠣ ᠳᠣᠭᠤᠰᠬᠠᠨ ᠱᠠᠯᠠ ᠶᠢ ᠡᠮᠦᠨ᠎ᠠ ᠬᠤᠶᠠᠷ ᠬᠠ ᠪᠠᠷ ᠢᠶᠠᠨ ᠮᠠᠯᠳᠠᠨ ᠭᠠᠰᠠᠯᠵᠤ ᠡᠬᠢᠯᠠᠳᠠᠯ᠎ᠠ᠂ ᠮᠤᠲᠷ ᠢᠯᠠᠬᠦᠦ ᠳᠣᠭᠤᠰᠬᠠᠨ ᠭᠡᠷᠡᠮ ᠳᠡᠭᠡᠬᠦᠷ ᠨᠢᠭᠡᠨ ᠪᠠᠷᠠᠭᠠᠨ ᠰᠠᠬᠦᠳᠠᠷ ᠨᠡᠳᠦᠰᠬᠢᠨ ᠪᠠᠭᠤᠵᠣ ᠢᠷᠡᠪᠡ᠃ ᠰᠠᠷᠠᠨ ᠤ ᠴᠡᠭᠡᠠ ᠭᠡᠷᠡᠯ ᠬᠢᠭᠡᠳ ᠬᠠᠷᠠᠩᠭᠤᠢ ᠳᠤ ᠨᠠᠪᠳᠠ ᠬᠠᠷᠠᠳᠠᠭ ᠬᠠᠯᠳᠠᠷ ᠤᠨ ᠬᠤᠷᠴᠠ ᠨᠢᠳᠣᠨ ᠳᠤ ᠰᠢᠷ᠎ᠠ ᠭᠡᠵᠢᠭᠡ ᠲᠠᠢ ᠳᠣᠯᠣᠭᠠᠢ ᠰᠡᠭᠰᠡᠯᠵᠠᠨ ᠬᠠᠷᠠᠭᠳᠠᠪᠠ᠃     ᠦᠨᠦᠳᠣᠷ ᠤᠨ ᠢᠷᠡᠭᠰᠡᠨ ᠦᠨᠦ ᠰᠢᠷ᠎ᠠ ᠭᠡᠵᠢᠭᠡᠳᠣ ᠵᠣᠴᠢᠨ ᠪᠠᠶᠢᠵᠠᠢ᠃     ᠵᠣᠴᠢᠨ ᠴᠦ ᠪᠣᠯᠤᠭ᠂ ᠵᠤᠯᠪᠢᠡᠭ ᠴᠦ ᠪᠣᠯᠤᠭ᠂ ᠡᠵᠡᠨ ᠳᠤ ᠪᠠᠨ ᠴᠢᠮᠡᠭᠡ ᠳᠠᠮᠵᠢᠭᠤᠯᠬᠤ ᠨᠢ ᠮᠢᠨᠣ ᠴᠤᠷ   ᠤᠨ ᠭᠠᠭᠴᠠ ᠡᠬᠦᠷᠭᠡ ᠭᠡᠰᠡᠨ ᠭᠡᠮᠡᠷ ᠬᠠᠯᠳᠠᠷ ᠨᠠᠶᠢᠷ ᠦᠭᠡᠢ ᠠᠭᠰᠣᠮᠨᠠᠵᠣ ᠬᠤᠴᠠᠵᠣ ᠭᠠᠷᠴᠠᠢ᠃     ᠦᠨᠦ ᠰᠢᠷ᠎ᠠ ᠭᠡᠵᠢᠭᠡᠳᠣ ᠬᠡᠳᠦ᠋ᠢᠨ ᠪᠡᠯᠡᠳᠭᠡᠭᠰᠡᠨ ᠭᠡᠮᠡᠷ ᠬᠠᠮᠢᠭ᠎ᠠ ᠨᠢᠭᠡᠨ ᠭᠠᠵᠠᠷ ᠠᠴᠠ ᠪᠠᠨ ᠰᠦᠨ ᠡᠭᠡᠳᠡᠩ ᠬᠠᠪᠴᠢᠭᠤᠯᠣᠭᠰᠡᠨ ᠪᠣᠭᠤᠷᠰᠤᠭ ᠢ ᠳᠠᠬᠦᠨ ᠤ ᠵᠦᠭ ᠰᠢᠳᠠᠨ ᠦᠭᠬᠦᠭᠡᠳ᠄ ︽ᠭᠠᠷ᠂ ᠪᠠᠶᠢᠭ᠂ ᠣᠶᠣ ᠣᠶᠣ︾ ᠭᠡᠵᠣ ᠬᠦᠰᠢᠬᠦᠨ ᠭᠡᠯᠡ ᠪᠠᠷ ᠬᠦᠡᠭᠭᠡᠨ ᠳᠣᠣᠭᠠᠷᠴᠠᠢ᠃     ᠰᠠᠶᠢᠬᠠᠨ ᠦᠯᠦᠨ ᠭᠡᠳᠡᠰᠣ ᠪᠠᠨ ᠬᠤᠷᠴᠢᠬᠢᠭᠤᠯᠣᠨ ᠠᠷᠭ᠎ᠠ ᠠᠭᠠᠰᠢ ᠠᠯᠳᠠᠷᠠᠵᠤ ᠪᠠᠶᠢᠭᠰᠠᠨ ᠬᠠᠯᠳᠠᠷ ᠠᠮᠳᠠᠳᠣ ᠦᠨᠦᠷ ᠬᠠᠨᠭ᠍ᠬᠤᠯᠤᠭᠰᠠᠨ ᠪᠣᠭᠤᠷᠰᠤᠭ ᠣᠯᠵᠣ ᠡᠮᠬᠦᠭᠡᠳ ᠰᠢᠷ᠎ᠠ ᠭᠡᠵᠢᠭᠡᠳᠣ ᠶᠢ ᠳᠡᠬᠢᠵᠣ ᠬᠠᠮᠢᠶᠠᠷᠬᠤ ᠪᠠᠨ ᠪᠣᠯᠢᠵᠣ ᠬᠢᠨᠵᠢ ᠳᠠᠷᠴᠢᠬᠢᠨᠠᠭᠤᠯᠣᠨ ᠣᠭ ᠣᠷᠣᠨ ᠳᠤ ᠪᠠᠨ ᠪᠣᠴᠠᠵᠠᠢ᠃     ᠳᠠᠬᠦᠨ ᠢ ᠠᠮᠳᠠᠳᠣ ᠪᠣᠭᠤᠷᠰᠤᠭ ᠢᠶᠠᠨ ᠪᠦᠬᠦᠨ ᠢ ᠢᠳᠡᠵᠣ ᠪᠠᠷᠠᠭᠠᠳ ᠨᠠᠭᠠᠰᠢᠯᠠᠬᠤ ᠳᠤ ᠭᠡᠷ ᠳᠣᠳᠣᠷᠠᠬᠢ   ᠲᠧᠯᠸᠢᠰ ᠪᠠ ᠳ᠋ᠸᠡᠭ ᠪᠦᠷ ᠤᠡᠲᠠᠷᠠᠵᠤ ᠣᠷᠴᠢᠨ ᠳᠣᠭᠤᠷᠢᠨ ᠨᠠᠮ ᠵᠢᠮ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠪᠠ᠃ ᠬᠠᠯᠳᠠᠷ ᠬᠤᠷᠴᠠ ᠣᠯᠠᠭᠠᠨ ᠭᠡᠯᠡ ᠪᠠᠷ ᠢᠶᠠᠨ ᠬᠠᠷ᠎ᠠ ᠬᠤᠰᠢᠭᠤ ᠪᠠᠨ ᠰᠣᠷᠮᠠᠭᠠᠢ ᠭᠡᠭᠴᠢ ᠳᠣᠯᠢᠶᠠᠵᠣ ᠠᠪᠬᠤ ᠳᠤ ᠦᠨᠦ ᠰᠦᠨ ᠡᠭᠡᠳᠡᠩ ᠤᠨ ᠭᠤᠶᠢᠳᠠ ᠠᠮᠳᠠ ᠳᠠᠬᠢᠨ ᠠᠮᠳᠠᠯᠠᠭᠳᠠᠬᠤ ᠰᠢᠣᠬᠠᠨ ᠪᠣᠯᠬᠤ ᠪᠠᠷ ᠳᠡᠰᠭᠡᠯ ᠦᠭᠡᠢ ᠡᠮᠦᠨ᠎ᠠ ᠬᠤᠶᠠᠷ ᠬᠠ ᠪᠠᠷ ᠢᠶᠠᠨ ᠴᠣᠩᠬᠤᠨ ᠲᠠᠶᠢᠵᠠ ᠶᠢ ᠳᠦᠰᠢᠵᠣ ᠬᠠᠷ᠎ᠠ ᠬᠤᠰᠢᠭᠤ ᠪᠠᠨ ᠴᠣᠩᠬᠤᠨ ᠵᠠᠪᠰᠠᠷ ᠢᠶᠠᠷ ᠦᠢᠷᠠᠳᠣᠭᠤᠯᠵᠠᠢ ᠃     ᠭᠡᠷ ᠳᠣᠳᠣᠷ᠎ᠠ ᠠᠴᠠ ᠦᠨᠦᠷᠳᠣ ᠣᠰᠣ ᠪᠣᠯᠣᠨ ᠭᠡᠵᠢᠭᠡ ᠤᠬᠢᠶᠠᠬᠤ ᠰᠢᠩᠭᠡᠨ ᠤ ᠰᠣᠳᠣᠨ ᠰᠠᠶᠢᠬᠠᠨ ᠦᠨᠦᠷ ᠦᠨᠦᠷᠳᠦᠭᠳᠡᠵᠣ   ᠪᠠᠶᠢᠪᠠ᠃ ᠬᠠᠶᠠ ᠬᠠᠶᠠ ᠰᠢᠷ᠎ᠠ ᠭᠡᠵᠢᠭᠡᠳᠣ ᠶᠢᠨ ᠬᠠᠭᠤᠷᠮᠠᠭ ᠢᠨᠢᠶᠠᠳᠣ ᠪᠣᠯᠣᠨ ᠡᠵᠡᠭᠳᠡᠢ ᠶᠢᠨ ᠡᠷᠬᠡᠯᠡᠩᠬᠦᠢ ᠣᠶᠠᠬᠠᠨ ᠳᠠᠭᠤᠨ ᠰᠣᠨᠣᠰᠳᠠᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠪᠦᠷ ᠰᠠᠬᠦᠯ ᠳᠤ ᠰᠦᠨ ᠡᠭᠡᠳᠡᠩ ᠳᠠᠮᠰᠢᠶᠠᠯᠠᠬᠤ ᠳᠠᠭᠤᠨ ᠰᠢᠣᠬᠠᠨ ᠠᠨᠢᠷ ᠳᠣᠭᠤᠯᠳᠠᠵᠣ ᠢᠷᠡᠬᠦ ᠪᠠᠷ ᠳᠠᠳᠠ ᠬᠤᠶᠠᠷ ᠬᠠᠷᠠᠩᠭᠤᠢ ᠶᠢᠨ ᠳᠣᠮᠳᠠ ᠠᠮᠳᠠᠳᠦ ᠪᠣᠭᠤᠷᠰᠤᠭ ᠢᠶᠠᠨ ᠬᠤᠪᠢᠶᠠᠯᠴᠠᠨ ᠢᠳᠡᠵᠣ ᠪᠠᠶᠢᠨ᠎ᠠ ᠭᠡᠵᠣ ᠰᠡᠳᠬᠢᠭᠰᠡᠨ ᠬᠠᠯᠳᠠᠷ ᠤᠨ ᠬᠤᠭᠤᠯᠠᠢ ᠶᠢᠨ ᠬᠤᠷᠣᠬᠠᠢ ᠨᠢ ᠠᠷᠪᠠᠯᠵᠠᠨ ᠡᠮᠦᠨ᠎ᠠ ᠬᠤᠶᠠᠷ ᠬᠠ ᠪᠠᠷ ᠢᠶᠠᠨ ᠴᠣᠩᠬᠤᠨ ᠰᠢᠯ ᠢ ᠬᠦᠴᠦᠳᠠᠢ ᠭᠡᠭᠴᠢ ᠮᠠᠯᠳᠠᠵᠣ ᠭᠠᠰᠠᠯᠵᠤ ᠡᠬᠢᠯᠠᠪᠠ᠃     ᠨᠠᠯᠢᠶᠠᠳ ᠣᠳᠠᠭᠠᠳ ᠰᠦᠨ ᠡᠭᠡᠳᠡᠩ ᠲᠠᠢ ︽ᠪᠣᠭᠤᠷᠰᠤᠭ︾ ᠢᠶᠠᠷ ᠴᠠᠳᠣᠭᠰᠠᠨ ᠰᠢᠷ᠎ᠠ ᠭᠡᠵᠢᠭᠡᠳᠣ ᠡᠬᠦᠳᠠ ᠵᠡᠪᠰᠠᠷᠯᠠᠨ ᠭᠠᠷᠴᠣ ᠢᠷᠡᠭᠡᠳ ᠰᠢᠷ᠎ᠠ ᠳᠣᠯᠣᠭᠠᠢ ᠪᠠᠨ ᠡᠶᠢᠰᠢ ᠲᠡᠶᠢᠰᠢ ᠭᠡᠰᠡᠭ ᠬᠤᠯᠴᠠᠭᠴᠠᠭᠤᠯᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠮᠦᠨ ᠯᠠ ᠭᠡᠷᠡᠮ ᠳᠠᠪᠠᠵᠣ ᠠᠷᠢᠯᠵᠣ ᠣᠳᠣᠭᠰᠠᠨ ᠢ ᠬᠠᠯᠳᠠᠷ ᠳᠠᠮᠠᠢ ᠶᠠᠭᠤᠮ᠎ᠠ ᠪᠣᠯᠭᠠᠭᠰᠠᠨ ᠦᠭᠡᠢ ᠪᠠᠷ ᠦᠡᠭᠭᠡᠷᠡᠵᠣ ᠪᠢᠯᠠ᠃     ᠨᠠᠷᠠ ᠤᠷᠭ᠎ᠠ ᠪᠠᠷᠢᠮ᠎ᠠ ᠳᠡᠭᠡᠷ᠎ᠠ ᠮᠠᠨᠳᠣᠬᠤ ᠪᠠᠷ ᠰᠠᠶ᠋ᠢ ᠭᠡᠷ ᠤᠨ ᠡᠵᠡᠨ ᠮᠣᠲ᠋ᠣᠷ ᠫᠠᠷᠴᠢᠬᠢᠨᠠᠭᠤᠯᠣᠨ ᠬᠠᠷᠢᠵᠣ ᠢᠷᠡᠭᠡᠳ ᠰᠦᠨᠢ ᠶᠢᠨ ᠣᠯᠵᠠ ᠪᠠᠨ ᠬᠠᠷᠮᠠᠨ ᠤ ᠪᠠᠨ ᠣᠭᠤᠳᠠ ᠶᠢ ᠣᠷᠪᠠᠭᠤᠯᠳᠠᠯ᠎ᠠ ᠮᠠᠯᠳᠠᠵᠣ ᠭᠠᠷᠭᠠᠭᠠᠳ ᠡᠭᠡᠨᠡᠷ ᠲᠤ ᠪᠠᠨ ᠭᠠᠢᠬᠠᠭᠤᠯᠣᠨ᠎ᠠ᠃     — — ᠶᠠᠭᠠᠬᠢᠵᠣ ᠪᠠᠶᠢᠨ᠎ᠠ︖ ᠬᠠᠶᠢᠷᠠᠲᠦ ︽ᠬᠠᠳᠣᠨ︾ ᠮᠢᠨᠢ᠂ ᠬᠠᠷᠠᠯ᠎ᠠ ᠪᠢᠵᠠ︖ ᠡᠨᠡ ᠪᠣᠯ ᠦᠴᠦᠭᠡᠳᠣᠷ ᠰᠦᠨᠢ ᠶᠢᠨ ᠣᠯᠵᠠ ᠰᠢᠣ ᠳ᠋ᠠ᠂ ᠮᠢᠩᠭ᠎ᠠ ᠵᠢᠷᠭᠤᠭᠠᠨ ᠵᠠᠭᠤᠨ ᠳᠦᠬᠦᠷᠢᠭ ᠰᠢᠣ᠃   ᠨᠡᠶᠢᠳᠡ ᠨᠠᠢᠮᠠᠨ ᠰᠢᠷᠡᠭᠡ ᠮᠠᠵᠢᠶᠠᠩ ᠨᠠᠭᠠᠳᠤᠭᠤᠯᠵᠠᠢ᠃ ᠰᠢᠷᠡᠭᠡ ᠪᠦᠷᠢ ᠠᠴᠠ ᠬᠤᠶᠠᠷ ᠵᠠᠭᠤᠨ ᠳᠦᠬᠦᠷᠢᠭ ᠬᠤᠷᠢᠶᠠᠭᠰᠠᠨ᠃ ᠰᠢᠷ᠎ᠠ ᠠᠬ᠎ᠠ ᠰᠦᠨᠢ ᠪᠦᠷᠢ ᠳᠠᠬᠦᠨ ᠳᠤ ᠳᠠᠪᠣᠨ ᠵᠠᠭᠤᠨ ᠳᠦᠬᠦᠷᠢᠭ ᠳᠣᠰᠢᠶᠠᠪᠠᠯ ᠪᠣᠯᠴᠢᠬᠠᠨ᠎ᠠ ᠭᠡᠵᠣ ᠭᠡᠯᠡᠯᠴᠡᠵᠣ ᠳᠣᠭᠳᠠᠭᠰᠠᠨ᠃ ᠳᠠᠬᠦᠨ ᠤ ︽ᠭᠠᠶᠢᠯᠢ︾ ᠶᠢ ᠨᠢ ᠳᠣᠰᠢᠶᠠᠭᠠᠳ ᠪᠠᠰᠠ ᠮᠢᠩᠭ᠎ᠠ ᠨᠢᠭᠡ ᠵᠠᠭᠤᠨ ᠳᠦᠬᠦᠷᠢᠭ ᠦᠯᠠᠳᠠᠵᠠᠢ ᠰᠢᠣ ᠁ ᠡᠨᠡ ᠶᠠᠩᠵᠣ ᠪᠠᠷ ᠠᠷᠪᠠᠨ ᠡᠳᠣᠷ ᠲᠤ ᠳᠦᠮᠠ ᠢᠯᠠᠬᠦᠦ ᠳᠦᠬᠦᠷᠢᠭ ᠬᠤᠳᠬᠤᠭᠠᠳ ᠣᠯᠴᠢᠬᠠᠨ᠎ᠠ ᠰᠢᠣ ᠁                                         ᠬᠤᠶᠠᠷ     ᠬᠠᠶᠢᠯ ᠪᠠᠭᠤᠵᠣ ᠬᠠᠭᠳᠠ ᠬᠦᠭᠡᠷᠡᠭᠰᠡᠨ ᠬᠠᠪᠣᠷ ᠤᠨ ᠣᠯᠠᠷᠢᠯ ᠪᠣᠯᠵᠣ ᠢᠷᠡᠪᠡ᠃ ᠬᠠᠪᠢ ᠵᠡᠷᠭᠡᠯᠡᠳᠡᠭᠡ   ᠠᠶᠢᠯ ᠤᠳ ᠤᠨ ᠬᠢᠨ ᠪᠦᠷ ᠬᠠᠪᠣᠷ ᠤᠨ ᠳᠠᠷᠢᠯᠭ᠎ᠠ᠂ ᠬᠤᠨᠢ ᠮᠠᠯ ᠳᠤ ᠪᠠᠨ ᠶᠠᠭᠠᠷᠠᠵᠣ ᠡᠬᠢᠯᠠᠬᠦ ᠳᠤ ᠬᠠᠯᠳᠠᠷ ᠤᠨ ᠡᠬᠦᠳᠠᠨ ᠳᠤ ᠬᠠᠷᠢᠨ ᠨᠠᠮ ᠵᠢᠮ ᠭᠡᠪ ᠢᠶᠠᠷ ᠢᠶᠠᠨ᠃ ᠭᠡᠷ ᠤᠨ ᠡᠵᠡᠨ ᠣᠷᠴᠢᠮ ᠬᠤᠷᠢ ᠭᠠᠷᠣᠢ ᠪᠦᠳᠦᠬᠦᠨ ᠮᠠᠯ ᠪᠣᠯᠣᠨ ᠬᠤᠶᠠᠷ ᠵᠠᠭᠤ ᠭᠠᠷᠣᠢ ᠮᠦ ᠳᠠᠷᠢᠶ᠎ᠠ ᠪᠠᠨ ᠪᠦᠷ ᠪᠣᠰᠣᠳ ᠲᠤ ᠬᠤᠳᠠᠯᠳᠣᠵᠣ ᠳᠦᠷᠢᠶᠡᠰᠦᠯᠡᠭᠰᠡᠨ ᠪᠣᠯᠬᠤᠷ ᠳᠠᠬᠦᠨ ᠳᠤ ᠬᠢᠮᠠᠷ ᠠᠵᠢᠯ ᠭᠡᠵᠣ ᠪᠠᠶᠢᠭ᠎ᠠ ᠦᠭᠡᠢ᠃ ᠵᠦᠪᠭᠡᠨ ᠰᠦᠨᠢ ᠰᠦᠨᠢ ᠮᠠᠵᠢᠶᠠᠩ ᠤᠨ ᠳᠠᠯᠠᠪᠠᠢ ᠮᠠᠨᠠᠬᠤ ᠨᠢ ᠳᠠᠬᠦᠨ ᠤ ᠬᠠᠮᠤᠭ ᠳᠣᠷᠠᠳᠠᠢ ᠮᠦᠷᠳᠡᠭᠡᠨ ᠬᠠᠮᠤᠭ ᠣᠯᠵᠠ ᠲᠠᠢ ᠠᠵᠣ ᠪᠣᠯᠵᠠᠢ᠃ ᠨᠢᠭᠡᠯᠭᠡᠨ ᠰᠠᠷ᠎ᠠ ᠶᠢᠨ ᠳᠣᠳᠣᠷ᠎ᠠ ᠳᠠᠷᠠ ︽ᠮᠠᠵᠢᠶᠠᠩ ᠮᠠᠨᠠᠭᠠᠴᠢ︾ ᠶᠢᠨ ᠠᠵᠢᠯ ᠠᠴᠠ ᠪᠠᠨ ᠨᠢᠭᠡᠨᠳᠠ ᠬᠤᠶᠠᠷ ᠳᠦᠮᠠ ᠭᠠᠷᠣᠢ ᠳᠦᠬᠦᠷᠢᠭ ᠡᠪᠦᠷᠯᠡᠴᠢᠭᠡᠭᠰᠡᠨ ᠰᠡᠳᠬᠢᠯ ᠬᠠᠨᠣᠮᠵᠢᠳᠠᠢ ᠶᠠᠪᠣᠨ᠎ᠠ᠃     ᠨᠠᠮᠣᠷ ᠤᠨ ᠦᠶ᠎ᠠ ᠪᠠᠷ ᠪᠠᠯᠭᠠᠰᠣᠨ ᠠᠴᠠ ᠠᠰᠠᠷ ᠠᠪᠴᠣ ᠰᠠᠭᠤᠷᠢᠰᠢᠬᠤ ᠪᠠᠷ ᠪᠠᠶᠢᠭ᠎ᠠ ᠮᠦᠷᠲᠡᠭᠡᠨ ᠰᠢᠷ᠎ᠠ ᠠᠬ᠎ᠠ ᠶᠢᠨ ᠣᠳᠠᠯ ᠦᠭᠡᠢ ᠡᠷᠬᠢᠯᠠᠬᠦ ᠭᠡᠵᠣ ᠪᠠᠶᠢᠭ᠎ᠠ ᠪᠠᠯᠭᠠᠰᠣᠨ ᠤ ᠬᠠᠮᠤᠭ ᠳᠣᠮᠣ ᠮᠦᠷᠦᠢ ᠶᠢᠨ ᠳᠠᠯᠠᠪᠠᠢ ᠶᠢᠨ ᠳᠠᠳ᠋ ᠡᠵᠡᠡᠲᠡᠨ ᠪᠣᠯᠬᠤ ᠪᠠᠷ ᠪᠠᠶᠢᠭ᠎ᠠ ᠪᠣᠯᠬᠤᠷ ᠬᠦᠳᠡᠭᠡ ᠳᠠᠷᠢᠶᠠᠨ ᠤ ᠬᠠᠷ᠎ᠠ ᠪᠣᠷᠣ ᠠᠵᠢᠯ ᠨᠢ ᠳᠠᠬᠦᠨ ᠳᠤ ᠬᠤᠯᠠ ᠴᠢᠮᠡᠯᠠᠭᠳᠠᠵᠣ ᠳᠣᠣᠷᠠᠳᠣ ᠳᠠᠪᠬᠤᠷᠭ᠎ᠠ ᠶᠢᠨ ᠠᠵᠢᠯ ᠮᠠᠳᠣ ᠪᠤᠳᠤᠭᠳᠠᠨ᠎ᠠ᠃ ᠲᠡᠶᠢᠨ ᠬᠦ ᠳᠦᠮᠠᠨ ᠳᠦᠴᠢᠬᠢᠨᠡᠭᠰᠡᠨ ᠬᠠᠪᠣᠷ ᠤᠨ ᠶᠠᠭᠠᠷᠠᠣ ᠴᠠᠭ ᠳᠠᠷᠠ ᠭᠠᠭᠴᠠᠭᠠᠷ ᠨᠡᠭᠡᠭᠡᠯᠳᠠᠢ ᠴᠣᠩᠬᠤ ᠪᠠᠷ ᠬᠦᠯ ᠢᠶᠠᠨ ᠭᠠᠷᠭᠠᠵᠣ᠂ ᠬᠦᠷᠪᠠᠵᠣ ᠣᠷᠪᠠᠵᠣ ᠪᠠᠶᠢᠨ ᠣᠨᠳᠠᠬᠤ ᠭᠡᠭᠴᠢ ᠦᠨᠡᠭᠡᠷ ᠭᠡᠯᠡᠵᠣ ᠲᠡᠶᠢᠯᠣᠮ᠎ᠡ ᠦᠭᠡᠢ ᠬᠠᠪᠤ ᠵᠢᠷᠭᠠᠯᠳᠠᠢ ᠰᠠᠨᠠᠭᠳᠠᠨ᠎ᠠ᠃     ᠦᠨᠦᠳᠣᠷ ᠦᠳᠠ ᠦᠡᠭᠭᠡᠷᠡᠬᠦ ᠶᠢᠨ ᠦᠶ᠎ᠠ ᠪᠠᠷ ᠭᠡᠷ ᠤᠨ ᠡᠵᠡᠨ ᠭᠠᠷᠴᠣ ᠢᠷᠡᠨ ᠨᠤᠤᠬᠠᠳᠤᠵᠤ ᠰᠡᠶᠢᠮᠡᠶᠢᠭᠰᠡᠨ ᠨᠢᠳᠣ ᠪᠠᠨ ᠨᠣᠬᠤᠯᠣᠨ ᠪᠠᠶᠢᠵᠤ ᠮᠣᠲ᠋ᠣᠷ ᠢᠶᠠᠨ ᠭᠠᠯᠯᠠᠨ ᠠᠶᠢᠯ ᠵᠦᠭ ᠳᠠᠪᠬᠢᠭᠤᠯᠵᠣ ᠣᠳᠣᠭᠰᠠᠨ ᠨᠢ ᠮᠦᠨ ᠯᠠ ᠮᠠᠵᠢᠶᠠᠩ ᠤᠨ ᠳᠠᠯᠠᠪᠠᠢ ᠪᠠᠨ ᠬᠤᠮᠢᠵᠣ ᠳᠢᠭᠯᠡᠬᠦ ᠪᠠᠷ ᠶᠠᠪᠣᠭᠰᠠᠨ ᠪᠣᠯᠣᠯᠳᠠᠢ᠂ ᠳᠠᠪᠤ ᠳᠣᠯᠣᠭᠠᠨ ᠡᠳᠣᠷ ᠲᠤ ᠲᠡᠭᠡᠵᠦ ᠨᠢᠭᠡ ᠣᠳᠠᠭ᠎ᠠ ︽ᠡᠷᠳᠡᠯᠠᠨ︾ ᠣᠴᠢᠵᠣ ᠲᠠᠮᠠᠬᠢᠨ ᠭᠤᠣᠷᠠᠰᠦ ᠳᠦᠬᠦᠷᠦᠭᠰᠡᠨ ᠱᠠᠯᠠ ᠬᠦᠰᠠᠷ ᠢ ᠨᠢ ᠠᠷᠢᠯᠭᠠᠵᠣ ᠴᠡᠪᠡᠷᠯᠡᠳᠡᠭ ᠨᠢ ᠲᠡᠭᠦᠨ ᠤ ᠡᠳᠣᠷ ᠢᠶᠠᠷ ᠬᠢᠳᠡᠭ ᠴᠤᠷ ᠤᠨ ᠭᠠᠭᠴᠠ ᠠᠵᠢᠯ ᠭᠡᠳᠡᠭ ᠢ ᠬᠠᠯᠳᠠᠷ ᠴᠦ ᠳᠣᠳᠣᠷᠬᠠᠢ ᠮᠡᠳᠡᠬᠦ ᠪᠣᠯᠵᠠᠢ᠃     ᠡᠵᠡᠨ ᠨᠢ ᠶᠠᠪᠣᠭᠠᠳ ᠳᠠᠮᠠᠢ ᠣᠳᠠᠯ ᠦᠭᠡᠢ   ᠴᠡᠮᠴᠡᠶᠢᠳᠠᠯ᠎ᠠ ᠭᠤᠶᠣᠯᠠᠵᠣ ᠵᠠᠰᠠᠭᠰᠠᠨ ᠡᠵᠡᠭᠳᠡᠢ ᠭᠤᠶᠣ ᠬᠢᠴᠠ ᠲᠠᠢ ᠭᠠᠷ ᠣᠳᠠᠰᠣ ᠪᠠᠨ ᠠᠯᠳᠠᠨ ᠡᠭᠡᠮᠦᠭ ᠰᠠᠵᠢᠯᠠᠭᠰᠠᠨ ᠦᠷᠦᠭᠡᠰᠣᠨ ᠴᠢᠬᠢᠨ ᠳᠤ ᠪᠠᠨ ᠨᠠᠭᠠᠯᠳᠣᠭᠤᠯᠣᠨ ᠭᠠᠷᠴᠣ ᠢᠷᠡᠭᠡᠳ ᠬᠦᠷᠢᠶᠠᠨ ᠳᠣᠮᠳᠠᠭᠤᠷ ᠰᠣᠯᠠ ᠠᠯᠬᠤᠯᠠᠨ ᠭᠡᠨ ᠨᠢᠭᠡᠨ ᠲᠠᠢ ᠶᠠᠷᠢᠯᠴᠠᠨ᠎ᠠ᠃     — — ᠬᠦᠢ᠂ ᠳᠡᠭᠡᠭᠡᠳ ᠪᠢᠳᠠ ᠭᠡᠵᠢᠶ᠎ᠠ ᠪᠠᠷ ᠮᠣᠷᠳᠠᠬᠤ ᠪᠣᠢ︖ ᠣᠳᠣᠬᠠᠨ ᠳᠤ ᠪᠢ ᠪᠡᠯᠡᠳᠭᠡᠭᠡᠳ ᠨᠠᠯᠢᠶᠠᠳ ᠪᠦᠷᠢᠨ ᠳᠦᠬᠦᠷ ᠪᠣᠯᠣᠭᠰᠠᠨ᠃     — — ᠠ᠂ ᠮᠠᠷᠭᠠᠰᠢ ᠡ︖ ᠮᠠᠷᠭᠠᠰᠢ ᠪᠣᠯᠬᠤ ᠦᠭᠡᠢ᠃ ᠮᠠᠷᠭᠠᠰᠢ ᠭᠡᠦᠭᠡᠳ ᠰᠣᠷᠭᠠᠭᠤᠯᠢ ᠠᠴᠠ ᠪᠠᠨ ᠬᠠᠷᠢᠵᠦ ᠢᠷᠡᠨ᠎ᠠ᠃ ᠶᠠᠭᠠᠬᠢᠯ᠎ᠠ ᠴᠦ ᠭᠡᠰᠡᠨ ︽ᠪᠢᠴᠢᠬᠠᠨ ᠭᠠᠶᠢᠬᠠᠯ︾ ᠢ ᠨᠢᠭᠡ ᠣᠳᠠᠭ᠎ᠠ ᠠᠷᠭᠠᠯᠠᠵᠦ ᠶᠠᠪᠣᠭᠤᠯᠣᠶ᠎ᠠ ᠳ᠋ᠠ︕ ᠭᠠᠷᠠᠭ ᠤᠨ ᠨᠢᠭᠡᠨ ᠳᠤ ᠰᠣᠷᠭᠠᠭᠤᠯᠢ ᠨᠢ ᠡᠬᠢᠯᠠᠴᠢᠭᠡᠨ᠎ᠠ᠃ ᠬᠤᠶᠠᠷ ᠡᠳᠣᠷ ᠤᠨ ᠠᠮᠠᠷᠠᠯᠳᠠ ᠰᠢᠳᠠ᠃ ᠭᠠᠷᠠᠭ ᠤᠨ ᠬᠤᠶᠠᠷ᠂ ᠳᠠᠶᠢᠮᠤ᠂ ᠭᠠᠷᠠᠭ ᠤᠨ ᠬᠤᠶᠠᠷ ᠢᠶᠠᠷ ᠳᠣᠭᠳᠠᠴᠢᠬᠠᠶ᠎ᠠ︕ ᠪᠣᠯᠵᠠᠢ ᠡ᠂ ᠭᠠᠷᠠᠭ ᠤᠨ ᠬᠤᠶᠠᠷ ᠠᠴᠠ ᠡᠬᠢᠯᠡᠭᠡᠳ ᠡᠳᠣᠷ ᠡᠳᠣᠷ ᠶᠠᠭᠠᠬᠢᠳᠠᠭ ᠢᠶᠠᠨ ᠦᠪᠡᠷᠳᠡᠭᠡᠨ ᠮᠡᠳᠡ ᠳ᠋ᠠ᠃ ᠬᠤᠶᠠᠷᠬᠠᠨ ᠬᠤᠨᠤᠭ ᠢ ᠴᠦ ᠳᠠᠰᠴᠣ   ᠲᠡᠶᠢᠯᠡᠬᠦ ᠦᠭᠡᠢ ᠪᠤᠯᠴᠢᠬᠠᠪᠠ ᠤᠤ ᠭᠡᠵᠣ ᠡᠵᠡᠭᠳᠡᠢ ᠡᠷᠬᠡᠯᠡᠩᠬᠦᠢ ᠲᠤᠨᠢᠷᠬᠠᠡᠭᠭᠤᠢ ᠶᠠᠷᠢᠡᠡᠰᠠᠭᠠᠷ ᠭᠠᠷ ᠣᠳᠠᠰᠣ ᠪᠠᠨ ᠬᠤᠮᠢᠵᠣ ᠳᠠᠷᠤᠭᠠᠳ ᠬᠠᠷᠮᠠᠨ ᠳᠤ ᠪᠠᠨ ᠰᠢᠷᠭᠤᠭᠤᠯᠤᠨ ᠳᠠᠬᠢᠨ ᠠᠮᠠᠨ ᠳᠤ ᠪᠠᠨ ᠶᠠᠮᠠᠷ ᠨᠢᠭᠡᠨ ᠳᠠᠭᠤᠣ ᠬᠢᠨᠭᠰᠢᠭᠰᠡᠭᠡᠷ ᠮᠦᠨ ᠯᠠ ᠬᠦᠷᠢᠶᠠᠨ ᠳᠣᠮᠳᠠᠭᠤᠷ ᠬᠢᠳᠡᠯ ᠠᠯᠲᠠᠨ ᠠᠯᠬᠤᠯᠠᠨ᠎ᠠ᠃     ᠬᠠᠯᠳᠠᠷ ᠲᠡᠭᠦᠨ ᠢ ᠨᠢᠳᠣ ᠴᠠᠪᠴᠢᠯ ᠦᠭᠡᠢ ᠱᠤᠬᠤᠭᠤᠷᠬᠠᠨ ᠬᠠᠷᠬᠠᠰᠠᠭᠠᠷ᠃ ᠬᠤᠣᠰ ᠳᠦᠮᠪᠣᠭᠡᠷ᠂ ᠬᠤᠯᠪᠣᠭᠠᠰᠣ ᠰᠢᠬ ᠪᠡᠯᠭᠡᠬᠦᠰᠦ ᠠᠴᠠ ᠨᠢ ᠡᠬᠢᠯᠡᠨ ᠬᠦᠳᠡᠯᠦᠯ ᠪᠠᠷᠢᠯ ᠳᠤ ᠨᠢ ᠬᠦᠷᠳᠠᠯ᠎ᠠ ᠨᠢᠳᠣ ᠰᠠᠯᠭᠠᠯ ᠦᠭᠡᠢ ᠱᠤᠬᠤᠭᠤᠷᠬᠠᠨ ᠬᠠᠷᠠᠬᠤ ᠨᠢ ᠬᠠᠯᠳᠠᠷ ᠤᠨ ᠨᠢᠳᠣᠨ ᠳᠤ ᠳᠠᠩᠳᠠ ᠳᠡᠳᠡᠭᠡᠷ ᠡᠷᠭᠡᠳᠡᠨ ᠨᠢ ᠬᠤᠣᠰ ᠴᠠᠭᠠᠨ ᠮᠠᠨᠳᠠᠣ ᠪᠢᠰᠢ ᠪᠣᠯ ᠬᠦᠪᠰᠦᠬᠦᠷ ᠵᠦᠭᠡᠯᠡᠨ ᠪᠤᠤᠵᠨ᠂ ᠰᠦᠨ ᠡᠭᠡᠳᠡᠩ ᠲᠠᠢ ᠪᠣᠭᠤᠷᠰᠤᠭ ᠪᠣᠯᠵᠣ ᠬᠠᠷᠠᠬᠳᠠᠬᠤ ᠨᠢ ᠰᠢᠯᠣᠰᠣ ᠣᠷᠣᠰᠬᠠᠮᠠᠷ ᠡ︕ ᠬᠠᠯᠳᠠᠷ ᠵᠠᠯᠭ᠎ᠠ ᠪᠠᠷ ᠨᠢᠭᠡ ᠭᠠᠷᠠᠭ ᠭᠡᠳᠡᠰᠦ ᠳᠦᠬᠦᠷᠡᠭᠡ ᠦᠭᠡᠢ ᠪᠢᠯᠠ᠃ ᠭᠡᠪᠡᠴᠣ ᠳᠠᠷᠠ ᠦᠨᠦᠳᠣᠷ ᠭᠡᠳᠣᠢ ᠦᠯᠦᠰᠴᠣ ᠦᠯᠪᠠᠷᠠᠮᠠᠷ ᠪᠠᠶᠢᠭᠰᠠᠨ ᠴᠦ ᠳᠡᠭᠡᠵᠣ ᠭᠠᠰᠠᠯᠵᠤ ᠭᠤᠩᠰᠢᠭᠰᠠᠨ ᠦᠭᠡᠢ᠃ ᠭᠠᠰᠠᠯᠵᠤ ᠭᠤᠨᠭ᠍ᠰᠢᠯ᠎ᠠ ᠴᠦ ᠭᠡᠰᠡᠨ ᠦᠴᠦᠭᠡᠨ ᠴᠦ ᠳᠣᠰᠠ ᠪᠣᠯᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠢᠯᠠᠬᠦᠦ ᠳᠤ ᠪᠠᠨ ᠬᠦᠴᠦᠳᠠᠢ ᠭᠡᠳᠣ ᠥᠰᠣᠷᠴᠦ ᠰᠠᠪᠠᠯᠠᠪᠠᠯ ᠬᠦᠯ ᠨᠢ ᠴᠡᠴᠡᠷᠠᠭᠡᠣᠨ ᠵᠣᠡᠡᠰᠣᠵᠦ ᠳᠠᠶᠢᠯᠬᠦ ᠪᠠᠨ ᠪᠤᠯᠢᠴᠢᠬᠠᠬᠤ ᠪᠠᠨ ᠳᠠᠷᠠ ᠰᠠᠶᠢᠨ ᠮᠠᠳᠠᠨ᠎ᠠ᠃     ᠦᠳᠠᠰᠢ᠂ ᠰᠢᠷ᠎ᠠ ᠪᠦᠷᠣᠢ ᠶᠢᠨ ᠦᠶ᠎ᠠ ᠪᠠᠷ ᠬᠠᠷᠢᠨ ᠬᠠᠯᠳᠠᠷ ᠣᠷᠢᠳᠣ ᠡᠮᠦᠨ᠎ᠠ ᠭᠠᠷᠤᠭ᠎ᠠ ᠦᠭᠡᠢ ᠦᠯᠦᠨ ᠭᠡᠳᠡᠰᠣ ᠪᠠᠨ ᠲᠡᠪᠡᠲᠡᠢ ᠳᠦᠬᠦᠷᠭᠡᠵᠣ ᠪᠢᠯᠠ᠃ ᠣᠴᠢᠷ ᠨᠢ ᠡᠨᠡ ᠣᠷᠣᠢ ᠪᠢᠴᠢᠬᠠᠨ ᠡᠵᠡᠨ ᠨᠢ ᠰᠣᠷᠭᠠᠭᠤᠯᠢ ᠠᠴᠠ ᠪᠠᠨ ᠪᠣᠴᠠᠵᠣ ᠢᠷᠡᠭᠰᠡᠨ ᠤ ᠬᠢᠨᠢ ᠠᠴᠢ ᠪᠠᠶᠢᠵᠠᠢ᠃     ᠡᠪᠡᠷ ᠰᠠᠯᠠᠭ᠎ᠠ ᠭᠡᠵᠢᠭᠡ ᠪᠠᠨ ᠣᠯᠠᠨ ᠡᠳᠣᠷ ᠡᠪᠳᠡᠢ ᠬᠦᠷᠦᠵᠣ ᠰᠠᠮᠨᠠᠭᠰᠠᠨ ᠦᠭᠡᠢ ᠰᠣᠯᠠᠷᠠᠵᠣ ᠰᠡᠭᠰᠡᠶᠢᠭᠰᠡᠨ ᠰᠢᠢᠤᠭᠡᠨ ᠬᠠᠷᠠᠭᠳᠠᠵᠣ   ᠪᠠᠶᠢᠭᠰᠠᠨ ᠴᠦ ᠴᠣᠭᠳᠠᠢ ᠬᠥᠭᠡᠷᠣᠬᠦᠨ ᠳᠣᠭᠤᠯ ᠬᠠᠷ᠎ᠠ ᠨᠢᠳᠣ ᠪᠠᠷ ᠢᠶᠠᠨ ᠳᠠᠬᠦᠨ ᠢ ᠪᠠᠶᠠᠷᠳᠡᠶᠢᠬᠠᠨ ᠬᠠᠷᠠᠵᠣ ᠪᠢᠴᠢᠬᠠᠨ ᠭᠠᠷ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ ᠰᠠᠶᠢᠨ ᠠᠮᠳᠠᠳᠠᠢ ᠢᠳᠡᠭᠡᠨ ᠢᠶᠠᠨ ᠳᠠᠪᠠᠷᠢᠵᠣ ᠠᠪᠴᠢᠷᠠᠭᠠᠳ ᠳᠠᠬᠦᠨ ᠳᠤ ᠤᠶᠢᠷᠠᠲᠤᠭᠤᠯᠵᠤ ᠦᠭᠬᠦᠭᠡᠳ ᠬᠠᠭ᠋ᠠᠵᠤ ᠵᠠᠩᠬᠢᠷᠠᠳᠠᠯ᠎ᠠ ᠵᠡᠯᠬᠢᠬᠤ ᠶᠢ ᠨᠢ ᠬᠠᠷᠠᠭᠠᠳ ᠬᠠᠵᠠᠭᠤ ᠳᠤ ᠨᠢ ᠴᠠᠶᠢᠯᠭᠠᠨ ᠭᠡᠭᠴᠢ ᠢᠨᠢᠶᠠᠨ ᠵᠣᠭᠰᠣᠬᠤ ᠨᠢ ᠶᠠᠮᠠᠷ ᠳᠠᠭᠠᠳᠠᠢ ᠵᠢᠷᠭᠠᠯ ᠪᠢᠯᠠ︖     ᠬᠠᠯᠳᠠᠷ ᠳᠠᠷᠠ ᠰᠦᠨᠢ ᠭᠡᠳᠡᠰᠣ ᠴᠠᠳᠬᠤᠯᠠᠩ ᠰᠡᠳᠬᠢᠯ ᠲᠠᠶᠢᠪᠤᠭᠤᠬᠠᠨ ᠭᠢᠨᠵᠢ ᠪᠠᠨ ᠳᠠᠷᠡᠯᠡᠭᠡᠳ ᠨᠦᠢᠷᠰᠤᠵᠦ ᠪᠢᠯᠠ᠃                                       ᠭᠤᠷᠪᠠ     ᠬᠠᠬᠢᠷ ᠬᠦᠢᠳᠠᠨ ᠰᠠᠯᠬᠢ ᠦᠯᠢᠶᠡᠨ ᠴᠠᠰᠣ ᠪᠤᠲᠠᠷᠠᠭᠠᠵᠤ ᠪᠠᠶᠢᠰᠢᠩ ᠢ ᠣᠷᠢᠶᠠᠨ ᠬᠠᠯᠳᠠᠷ ᠤᠨ ᠦᠭᠡᠳᠠ ᠠᠴᠠ ᠨᠠᠶᠢᠷ ᠦᠭᠡᠢ ᠰᠢᠯᠪᠢᠬᠦᠷᠳᠡᠨ᠎ᠡ᠃ ᠦᠯ ᠬᠤᠭᠤᠯᠠ ᠦᠭᠡᠢ ᠭᠡᠳᠣᠨ ᠡᠳᠣᠷ ᠪᠣᠯᠣᠭᠰᠠᠨ ᠤ ᠳᠡᠭᠡᠷ᠎ᠠ ᠡᠬᠦᠷ ᠡᠯᠣ ᠭᠡᠮᠡᠷ ᠠᠷᠭᠠᠯᠠᠵᠣ ᠳᠠᠯᠳᠠᠯᠠᠮᠠᠷ ᠶᠠᠭᠤᠮ᠎ᠠ ᠦᠭᠡᠢ ᠪᠣᠯᠬᠤᠷ ᠴᠣᠩᠬᠤᠨ ᠣᠭ ᠤᠨ ᠴᠠᠰᠣ ᠣᠪᠣᠭᠠᠷᠠᠭᠰᠠᠨ ᠬᠦᠢᠳᠠᠨ ᠽᠤᠮᠤᠨ᠋ᠲ ᠳᠠᠶᠢᠵᠠᠨ ᠳᠡᠭᠡᠬᠦᠷ ᠬᠢᠨᠵᠢ ᠳᠠᠷᠴᠢᠬᠢᠨᠠᠭᠤᠯᠣᠨ ᠭᠡᠳᠣᠨ ᠠᠯᠬᠤᠮ ᠤᠨ ᠵᠠᠢ ᠳᠤ ᠠᠷᠭ᠎ᠠ ᠠᠭᠠᠰᠢ ᠠᠯᠳᠠᠷᠠᠨ ᠡᠶᠢᠰᠢ ᠲᠡᠶᠢᠰᠢ ᠨᠣᠭᠤᠴᠠᠨ ᠠᠯᠬᠤᠯᠠᠨ᠎ᠠ᠃     ᠡᠵᠡᠭᠳᠡᠢ ᠶᠢᠨ ᠪᠠᠷ᠎ᠠ ᠲᠠᠰᠤᠷᠠᠵᠤ ᠨᠠᠯᠢᠶᠠᠳ ᠣᠳᠠᠵᠠᠢ᠃ ᠭᠡᠷ ᠤᠨ ᠡᠵᠡᠨ ᠡᠳᠣᠷᠵᠢᠨ ᠦᠨᠦ ᠯᠣᠩᠬᠤ ᠲᠠᠢ ᠭᠠᠰᠢᠭᠤᠨ ᠣᠰᠣ ᠪᠠᠨ ᠬᠦᠡᠲᠡᠷᠴᠦ᠂ ᠭᠠᠳᠠᠨ᠎ᠠ ᠭᠠᠷᠴᠣ ᠢᠷᠡᠬᠦ ᠴᠤᠷ   ᠤᠨ ᠭᠠᠭᠴᠠ ᠣᠴᠢᠷ ᠪᠣᠯ ᠳᠣᠭᠤᠰᠬᠠᠨ ᠭᠡᠷᠡᠮ ᠤᠨ ᠣᠭ ᠲᠤ ᠮᠠᠭᠤ ᠣᠰᠣ ᠪᠠᠨ ᠠᠰᠬᠠᠬᠤ ᠶᠠᠪᠣᠳᠠᠯ ᠪᠣᠯᠣᠨ᠎ᠠ᠃     ᠪᠢᠴᠢᠬᠠᠨ ᠡᠵᠡᠨ ᠨᠢ ᠨᠢᠭᠤᠷ ᠴᠢᠷᠠᠢ ᠪᠠᠨ ᠬᠠᠯᠳᠠᠷᠰᠢᠭᠤᠯᠣᠨ ᠮᠦᠢᠯ ᠬᠠᠷ᠎ᠠ ᠨᠢᠳᠣ ᠶᠢ ᠨᠢ ᠪᠠᠷᠤᠭ ᠣᠯᠵᠣ ᠬᠠᠷᠬᠠᠡᠦ ᠦᠭᠡᠢ ᠪᠣᠯᠳᠠᠯ᠎ᠠ ᠬᠠᠪᠣᠳᠴᠣ ᠡᠳᠣᠷᠵᠢᠨ ᠣᠬᠢᠯᠠᠩᠬᠠᠨ ᠶᠠᠪᠣᠳᠠᠭ ᠴᠦ ᠳᠠᠬᠦᠨ ᠳᠤ ᠡᠳᠣᠷ ᠤᠨ ᠭᠤᠷᠪᠠᠨ ᠡᠷᠡᠨ ᠤ ᠬᠤᠭᠤᠯᠠ ᠴᠢᠳᠬᠤᠵᠤ ᠦᠭᠳᠡᠭ ᠢᠶᠠᠨ ᠶᠠᠷᠣ ᠠᠯᠳᠠᠳᠠᠭ ᠦᠭᠡᠢ   ᠪᠠᠶᠢᠭᠰᠠᠨ᠃ ᠭᠡᠬᠦ ᠳᠤ ᠣᠷᠴᠢᠮ ᠤᠨ ᠬᠤᠶᠠᠷ ᠡᠳᠣᠷ ᠠᠴᠠ ᠪᠢᠴᠢᠬᠠᠨ ᠡᠵᠡᠨ ᠨᠢ ᠳᠠᠬᠦᠨ ᠳᠤ ᠬᠤᠭᠤᠯᠠ ᠭᠡᠵᠣ ᠦᠭᠬᠦ ᠪᠠᠨ ᠪᠤᠯᠢᠭᠰᠠᠨ ᠮᠥᠷᠲᠡᠭᠡᠨ ᠪᠠᠷ᠎ᠠ ᠶᠢ ᠨᠢ ᠴᠦ ᠣᠯᠵᠣ ᠬᠠᠷᠠᠬᠤ ᠪᠠᠨ ᠪᠣᠯᠢᠭᠰᠠᠨ᠃ ᠭᠡᠷ ᠤᠨ ᠡᠵᠡᠨ ᠨᠢ ᠴᠦ ᠴᠣᠬᠤᠮ   ᠬᠠᠮᠢᠭ᠎ᠠ ᠮᠠᠭᠤ ᠣᠰᠣ ᠪᠠᠨ ᠠᠰᠬᠠᠵᠣ   ᠪᠠᠶᠢᠭ᠎ᠠ ᠶᠢ ᠮᠠᠳᠠᠬᠦ ᠦᠭᠡᠢ᠃ ᠬᠢᠯᠠᠭᠠᠷ ᠴᠠᠭᠠᠨ ᠡᠬᠦᠳᠠᠨ ᠤ ᠣᠭ ᠲᠤ ᠬᠢᠯᠳᠠᠭᠠᠭᠰᠠᠨ ᠴᠠᠭᠠᠨ ᠴᠠᠰᠣ ᠬᠤᠷᠠᠨ ᠣᠪᠣᠭᠠᠷᠠᠭᠰᠠᠨ ᠭᠡᠪ ᠲᠤ ᠪᠠᠨ᠂ ᠳᠣᠭᠤᠰᠬᠠᠨ ᠭᠡᠷᠡᠮ ᠤᠨ ᠬᠠᠵᠠᠭᠤ ᠳᠤ ᠳᠣᠬᠤᠢ ᠤᠷᠳᠤ ᠰᠣᠨᠣᠯᠵᠠᠭᠰᠠᠨ ᠡᠵᠡᠨ ᠤ ᠬᠢᠨᠢ ᠦᠷᠬᠦᠯᠵᠢ ᠠᠰᠬᠠᠭᠠᠳ ᠦᠷᠭᠡᠳᠭᠡᠵᠣ ᠬᠦᠯᠳᠡᠭᠡᠳᠡᠭ ᠮᠠᠭᠤ ᠣᠰᠣᠨ ᠤ ᠮᠦᠰᠣᠨ ︽ ᠮᠣᠭᠠᠢ︾ ᠨᠢ ᠴᠦ ᠮᠦᠯᠦ᠋ᠢᠭᠰᠡᠨ ᠭᠡᠪ ᠲᠤ ᠪᠠᠨ ᠯᠠ ᠪᠠᠶᠢᠯ᠎ᠠ᠃     ᠦᠳᠠ ᠶᠢᠨ ᠦᠶ᠎ᠠ ᠪᠠᠷ ᠴᠠᠰᠣ ᠣᠯᠠᠮ ᠰᠢᠷᠦᠬᠦᠰᠴᠣ ᠡᠬᠢᠯᠠᠪᠠ᠃ ᠬᠠᠯᠳᠠᠷ ᠡᠮᠦᠨ᠎ᠠ ᠬᠤᠶᠠᠷ ᠬᠠ ᠪᠠᠷ ᠢᠶᠠᠨ ᠡᠪᠲᠡᠶᠢᠭᠡᠨ ᠭᠡᠭᠴᠢ ᠮᠠᠯᠳᠠᠨ ᠪᠠᠶᠢᠵᠦ ᠬᠤᠷᠠᠭᠰᠠᠨ ᠴᠠᠰᠣᠨ ᠣᠪᠣᠭᠠᠨ ᠳᠤᠤᠭᠤᠷ ᠬᠦᠨᠳᠠᠢ ᠨᠦᠭᠡ ᠮᠠᠯᠳᠠᠵᠣ ᠠᠪᠣᠭᠠᠳ ᠰᠠᠶ᠋ᠢ ᠰᠠᠯᠬᠢ ᠳᠠᠯᠳᠠᠯᠠᠬᠤ ᠭᠡᠵᠣ ᠰᠢᠷᠭᠤᠨ ᠣᠷᠣᠭᠠᠳ ᠭᠡᠪᠳᠡᠵᠣ ᠪᠠᠶᠢᠳᠠᠯ᠎ᠠ᠂ ᠰᠠᠯᠬᠢᠨ ᠳᠤ ᠰᠠᠵᠢᠯᠠᠭᠰᠠᠭᠠᠷ ᠪᠠᠶᠢᠵᠦ ᠰᠠᠯᠪᠠᠷᠠᠵᠦ ᠣᠨᠠᠭᠰᠠᠨ ᠬᠦᠷᠢᠶᠠᠨ ᠡᠬᠦᠳᠠ ᠪᠠᠷ ᠴᠠᠰᠣ ᠵᠠᠵᠢᠬᠢᠨᠠᠭᠤᠯᠣᠨ ᠨᠢᠭᠡᠨ ᠴᠠᠭᠳᠠᠭᠠᠨ ᠳᠡᠷᠭᠡ ᠰᠢᠭᠤᠳ ᠣᠷᠣᠵᠣ ᠢᠷᠡᠪᠡ᠃ ᠴᠠᠭᠳᠠᠭᠠᠨ ᠲᠡᠷᠭᠡ ᠬᠦᠷᠢᠶᠠᠨ ᠳᠣᠮᠳᠠ ᠵᠣᠭᠰᠣᠵᠣ ᠡᠬᠦᠳᠡ ᠨᠢ ᠨᠡᠭᠡᠭᠡᠭᠳᠡᠨ ᠳᠠᠨᠢᠯ ᠪᠣᠰᠣ ᠭᠡᠳᠣᠨ ᠴᠠᠭᠳᠠᠭᠠᠨ ᠬᠤᠪᠴᠠᠰᠣ ᠲᠠᠢ ᠬᠦᠮᠦᠨ ᠪᠠᠭᠤᠵᠣ ᠢᠷᠡᠬᠦ ᠳᠤ ᠨᠢ ᠬᠠᠯᠳᠠᠷ ᠶᠠᠭᠤ ᠬᠠᠢ ᠦᠭᠡᠢ ᠴᠠᠰᠣᠨ ᠡᠬᠦᠷ ᠠᠴᠠ ᠪᠠᠨ ᠰᠣᠴᠢᠳᠠᠯ᠎ᠠ ᠬᠤᠴᠠᠭᠠᠳ ᠦᠰᠦᠷᠣᠨ ᠭᠠᠷᠴᠣ ᠢᠷᠡᠪᠡ᠃     ᠰᠠᠶ᠋ᠢᠬᠠᠨ ᠪᠠᠭᠤᠵᠣ ᠢᠷᠡᠭᠰᠡᠨ ᠶᠣᠷᠳᠣᠭᠤᠷ ᠪᠦᠳᠦᠬᠦᠨ ᠭᠡᠳᠡᠰᠣ ᠲᠠᠢ ᠵᠢᠯᠣᠭᠤᠴᠢ ᠰᠣᠴᠢᠬᠤ ᠳᠤ ᠪᠠᠨ ᠮᠠᠷᠢᠶᠠᠯᠠᠭ ᠬᠦᠮᠦᠨ ᠳᠤ ᠪᠠᠶᠢᠭ᠎ᠠ ᠦᠭᠡᠢ ᠪᠣᠰᠢᠭᠤ ᠬᠦᠳᠡᠯᠭᠡᠭᠡᠨ ᠢᠶᠠᠷ ︽ᠮᠠ ᠶᠠ︾ ᠭᠡᠬᠦ ᠳᠠᠭᠤᠨ ᠭᠠᠷᠴᠣ ᠠᠷᠣᠨᠰᠢ ᠵᠠᠶᠢᠯᠠᠬᠤ ᠶᠢ ᠵᠠᠪᠳᠣᠳᠠᠯ᠎ᠠ᠂ ᠦᠨᠦ ᠮᠦᠯᠦ᠋ᠢᠨ ᠬᠦᠯᠳᠡᠭᠰᠡᠨ ᠮᠦᠰᠣᠨ ︽ᠮᠣᠭᠠᠢ︾ ᠶᠢᠨ ᠰᠠᠬᠦᠯ ᠳᠤ ᠬᠠᠯᠳᠣᠷᠢᠨ ᠬᠦᠯᠳᠡᠬᠦᠦ ᠭᠠᠵᠠᠷ ᠲᠤ ᠤᠭᠤᠴᠠ ᠪᠠᠷ ᠢᠶᠠᠨ ᠤᠨᠠᠪᠠ᠃ ᠲᠡᠷᠨ᠂ ᠳᠡᠮᠡᠭᠡᠨ ᠳᠡᠪᠠᠭ ᠰᠢᠬ ᠲᠣᠮᠦ ᠠᠮᠠ ᠪᠠᠨ ᠠᠩᠭᠠᠶᠢᠨ ᠵᠢᠭᠡᠬᠦᠨ ᠢᠶᠠᠷ ᠣᠷᠢᠯᠠᠵᠣ ᠭᠠᠷᠬᠤ ᠪᠠᠷ ᠱᠠᠯᠠᠮᠠᠭᠠᠢ ᠭᠡᠳᠣ ᠨᠢ ᠢᠷᠡᠵᠣ ᠳᠦᠯᠬᠢᠵᠣ ᠳᠠᠳᠠᠭᠰᠠᠭᠠᠷ ᠳᠦᠡᠭᠭᠡᠵᠦ ᠡᠷᠬᠦᠨ ᠪᠣᠰᠬᠠᠵᠣ ᠪᠦᠭᠡᠮ ᠰᠦᠢᠳ ᠪᠣᠯᠵᠠᠢ᠃ ᠰᠣᠭᠳᠣᠭᠤ ᠭᠡᠷ ᠤᠨ ᠡᠵᠡᠨ ᠴᠦ ᠰᠡᠷᠡᠭᠰᠡᠨ ᠪᠣᠯᠣᠯᠳᠠᠢ᠂ ᠮᠦᠰᠦ ᠴᠠᠰᠣ ᠲᠠᠢ ᠪᠠᠷᠢᠯᠳᠣᠨ ᠬᠦᠯᠳᠡᠭᠰᠡᠨ ᠬᠠᠭᠠᠯᠭ᠎ᠠ ᠪᠠᠨ ᠢᠰᠬᠦᠯᠵᠣ ᠨᠢᠳᠣᠷᠬᠤ ᠶᠢᠨ ᠲᠡᠩᠭᠡᠭᠡ ᠪᠠᠷ ᠳᠦᠡᠭᠭᠡᠵᠦ ᠨᠡᠭᠡᠭᠡᠨ᠂ ᠨᠣᠣᠰᠣᠨ ᠣᠳᠠᠰᠣ ᠪᠠᠷ ᠦᠢᠯᠠᠳᠦᠭᠰᠡᠨ ᠱᠠᠯᠠ ᠶᠢᠨ ᠵᠦᠯᠬᠦᠬᠦᠷ ᠰᠢᠭ   ᠦᠷᠪᠦᠶᠢᠵᠦ ᠰᠡᠭᠰᠡᠶᠢᠭᠰᠡᠨ ᠦᠰᠦ ᠲᠠᠢ ᠳᠣᠯᠣᠭᠠᠢ ᠪᠠᠨ ᠴᠤᠬᠤᠶᠢᠯᠭᠠᠵᠤ᠂ ᠠᠷᠢᠬᠢᠨ ᠰᠢᠷᠠᠳᠤᠯ ᠢᠶᠠᠷ ᠤᠳᠠᠭᠠᠨ ᠡᠳᠣᠷ ᠬᠡᠪᠲᠡᠭᠰᠡᠨ ᠠᠴᠠ ᠬᠦᠭᠡᠷᠴᠣ ᠬᠠᠪᠣᠳᠣᠭᠠᠳ ᠣᠳᠠᠰᠣ ᠰᠢᠬ ᠵᠠᠪᠰᠠᠷᠯᠠᠭᠰᠠᠨ ᠨᠢᠳᠣ ᠪᠠᠷ ᠢᠶᠠᠨ ᠴᠠᠭᠳᠠᠭᠠᠨ ᠳᠡᠷᠭᠡ ᠶᠢ ᠬᠠᠯᠳᠣ ᠣᠯᠵᠣ ᠦᠵᠡᠭᠰᠡᠨ ᠪᠣᠯᠵᠣ᠂ ᠴᠢᠷᠣᠬᠦᠯ ᠱᠠᠬᠠᠢ ᠳᠤ ᠪᠠᠨ ᠴᠠᠰᠣ ᠡᠮᠬᠦᠬᠦᠯᠦᠨ ᠬᠠᠶᠢᠪᠠᠯᠵᠡᠨ ᠲᠠᠶᠢᠪᠠᠯᠵᠠᠭᠰᠠᠭᠠᠷ ᠭᠠᠷᠴᠣ ᠢᠷᠡᠪᠡ᠃ ᠲᠡᠷᠨ᠂ ᠰᠦᠭᠡᠨᠭᠬᠢᠷᠡᠵᠣ ᠮᠠᠷᠠᠯᠳᠣᠭᠰᠠᠨ ᠳᠠᠭᠤᠨ ᠢᠶᠠᠷ᠄     — — ᠴᠠᠭᠳᠠᠭ᠎ᠠ ᠨᠠᠷ ᠡ︕ ᠶᠠᠭᠠᠬᠢᠪᠠ︖ ᠮᠢᠨᠣ ᠡᠭᠡᠨᠡᠷ ᠤᠨ ᠰᠣᠷᠠᠭ ᠢ ᠣᠯᠣᠭᠰᠠᠨ ᠤᠤ︖ ᠬᠠᠮᠢᠭ᠎ᠠ ᠶᠠᠪᠣᠵᠣ   ᠪᠠᠶᠢᠨ᠎ᠠ︖ ᠮᠠᠭᠤ ᠦᠯᠦᠭᠴᠢᠨ᠃ ︽ᠢᠳᠡᠰᠢ︾ ᠪᠠᠨ ᠭᠤᠯᠣᠭᠠᠳ ᠡᠷ᠎ᠠ ᠳᠠᠭᠳ ᠶᠠᠪᠣᠭᠰᠠᠨ ᠮᠠᠭᠤ ᠦᠯᠦᠭᠴᠢᠠ ᠢ ᠬᠠᠮᠢᠭ᠎ᠠ ᠠᠴᠠ ᠣᠯᠪᠠᠯ ᠳᠠᠨᠳᠠ ᠨᠢ ᠫᠣᠣᠳᠠᠵᠣ ᠠᠯᠠᠭᠠᠴᠢ᠂ ᠭᠡᠷᠡᠭ ᠢ ᠨᠢ ᠪᠢ ᠡᠬᠦᠷᠭᠡᠯᠡᠶ᠎ᠠ︕ ᠬᠦᠮᠦᠨ ᠴᠢᠨᠠᠷ ᠢ ᠨᠢ ᠨᠣᠬᠠᠢ ᠢᠳᠡᠭᠰᠡᠨ ᠠᠮᠢᠳᠠᠨ ᠨᠠᠢᠮᠠᠨ ᠨᠠᠰᠣᠳᠠᠢ ᠦᠬᠢᠨ ᠢᠶᠠᠨ ᠣᠷᠬᠢᠭᠠᠳ ᠶᠠᠪᠣᠭᠰᠠᠨ ᠢ ᠨᠢ ᠶᠠᠷᠢᠬᠤ ᠪᠠᠨ ᠪᠠᠶᠢᠴᠢᠬᠠᠶ᠎ᠠ︕ ᠮᠠᠯ ᠳᠠᠷᠢᠶ᠎ᠠ ᠬᠤᠳᠠᠯᠳᠣᠭᠰᠠᠨ ᠪᠦᠬᠦ ᠮᠦᠡᠭᠬᠦ ᠠᠴᠠ ᠡᠬᠢᠯᠡᠭᠡᠳ ᠮᠠᠵᠢᠶᠠᠩ ᠮᠠᠨᠠᠭᠰᠠᠨ ᠵᠣᠭᠤᠰ ᠬᠦᠷᠳᠡᠯ᠎ᠠ᠂ ᠨᠠᠩ ᠬᠤᠷᠣᠰᠣᠯᠳᠠᠢ ᠨᠢ ᠠᠪᠤ ᠶᠢᠨ ᠦᠯᠡᠳᠡᠭᠡᠭᠰᠡᠨ ᠬᠠᠰ ᠪᠣᠷᠬᠠᠨ ᠠᠴᠠ ᠡᠬᠢᠯᠡᠭᠡᠳ ︽ᠠᠯᠳᠠᠨ ᠦᠭᠡᠷ︾ ᠺᠠᠷᠲ ᠲᠤ ᠬᠦᠷᠳᠡᠯ᠎ᠠ ᠪᠦᠷ ᠠᠪᠣᠭᠠᠳ ᠠᠷᠢᠯᠴᠢᠬᠠᠭᠰᠠᠨ᠃ ᠦᠭᠡᠢ᠂ ᠳᠠᠷᠠ᠂ ᠮᠠᠨ ᠤ ᠳᠠᠷᠠ ︽ᠠᠯᠳᠠᠠ ᠦᠭᠡᠷ︾ ᠺᠠᠷᠲ ᠲᠤ ᠠᠯᠢ ᠴᠦ ᠵᠢᠯ ᠠᠮᠣ ᠪᠤᠳᠠᠭᠠᠨ ᠤ ᠨᠦᠬᠦᠪᠣᠷᠢ ᠠᠴᠠ ᠡᠪᠡᠰᠣ ᠪᠣᠷᠳᠣᠭᠠᠨ ᠤ ᠨᠦᠬᠦᠪᠣᠷᠢ ᠬᠦᠷᠳᠠᠯ᠎ᠠ ᠭᠡᠳᠣᠨ ᠳᠦᠮᠨ ᠪᠠᠷ ᠣᠷᠣᠵᠣ ᠢᠷᠡᠳᠡᠭ ᠶᠣᠮ ᠰᠢᠣ᠃ ᠣᠳᠣ ᠬᠠᠷᠠᠯᠠᠵᠣ ᠬᠦᠢᠴᠡᠭᠰᠡᠨ᠃ ᠦᠬᠢᠨ ᠪᠢᠳᠠ ᠬᠤᠶᠠᠷ ᠶᠠᠭᠤ ᠪᠠᠨ ᠢᠳᠠᠵᠣ ᠠᠮᠢᠳᠣᠷᠠᠬᠤ ᠪᠣᠢ︖ ᠠᠷᠠᠢ ᠵᠠᠷᠠᠭ᠎ᠠ ᠰᠢᠬ ᠬᠦᠯ ᠢᠶᠠᠨ ᠳᠣᠯᠢᠶᠠᠭᠠᠳ ᠯᠠ ᠡᠪᠣᠯ ᠢ ᠦᠡᠭᠭᠡᠷᠡᠭᠡᠵᠣ ᠪᠣᠯᠬᠤ ᠦᠭᠡᠢ ᠪᠢᠵᠠ︖ ᠦᠭᠡᠢ᠂ ᠡᠨᠡ ᠦᠬᠦᠯ ᠳᠠᠭᠠᠷᠢᠭᠰᠠᠨ ᠦᠯᠦᠭᠴᠢᠨ᠂ ᠨᠣᠬᠠᠢ ᠰᠢᠬ ᠠᠳᠣᠭᠤᠰᠦ᠂ ᠨᠣᠬᠠᠢ ᠠᠴᠠ ᠴᠠᠭᠠᠰᠢ ᠨᠣᠪᠰᠢ ᠁ ᠭᠡᠵᠤ ᠶᠠᠩᠰᠢᠨ ᠶᠠᠪᠰᠢᠵᠦ ᠭᠠᠷᠪᠠ᠃     ᠭᠡᠷ ᠤᠨ ᠡᠵᠡᠨ ᠤ ᠭᠡᠴᠢᠨᠡᠭᠡᠨ ᠡᠳᠣᠷ ᠤᠨ ᠪᠤᠬᠢᠨᠢᠳᠤᠨ ᠳᠦᠭᠵᠢᠷᠡᠭᠰᠡᠨ ᠬᠢᠯᠢᠰᠳᠡᠯ ᠭᠤᠮᠣᠳᠠᠯ᠂ ᠠᠭᠤᠷ ᠬᠤᠷᠣᠰᠣᠯ ᠢᠡᠭᠬᠢᠵᠣ ᠨᠢᠭᠡ ︽ᠴᠢᠬᠢ︾ ᠲᠠᠢ ᠭᠡᠳᠣᠨ ᠳᠣᠯᠣᠭᠠᠢ ᠬᠠᠷᠭᠤᠭᠰᠠᠨ ᠳᠣᠬᠢᠶᠠᠯ ᠢᠶᠠᠷ ᠪᠦᠬᠦᠨ ᠢᠶᠠᠷ ᠢᠶᠠᠨ ᠳᠠᠯᠪᠠᠷᠠᠵᠣ ᠭᠠᠷᠴᠠᠢ᠃     ᠳᠠᠷᠤᠭ᠎ᠠ ᠶᠢᠨ ᠪᠠᠶᠢᠷᠢ ᠲᠠᠢ ᠨᠢᠭᠡᠨ ᠴᠠᠭᠳᠠᠭ᠎ᠠ ᠡᠮᠦᠨᠠᠰᠢᠯᠠᠵᠣ ᠢᠷᠡᠭᠡᠳ ᠤᠶᠢᠷ᠎ᠠ ᠬᠠᠷᠠᠭᠠᠨ ᠰᠢᠯ ᠳᠤ ᠨᠢ ᠨᠠᠭᠠᠯᠳᠣᠭᠰᠠᠨ ᠴᠠᠰᠣ ᠪᠠᠨ ᠬᠦᠡᠭᠭᠡᠭᠡᠨ ᠵᠦᠯᠬᠦᠬᠦ ᠶᠢᠨ ᠬᠠᠮᠳᠣ᠄     — — ᠠᠪᠣᠭᠠᠢ ᠡ᠂ ᠪᠢᠳᠠ ᠭᠤᠷᠪᠠᠨ ᠰᠠᠷ᠎ᠠ ᠢᠯᠠᠬᠦᠦ ᠡᠷᠢᠵᠣ ᠰᠤᠷᠠᠭᠯᠠᠭᠠᠳ ᠭᠡᠷᠭᠡᠢ ᠶᠢᠨ ᠴᠢᠨᠢ ᠪᠠᠷ᠎ᠠ ᠶᠢ ᠬᠠᠷᠠᠬᠤ   ᠪᠠᠶᠢᠳᠣᠭᠠᠢ᠂ ᠰᠣᠷᠠᠭ ᠢ ᠨᠢ ᠴᠦ ᠣᠯᠵᠣ ᠲᠤᠭᠤᠯᠤᠭᠰᠠᠨ ᠦᠭᠡᠢ᠃ ᠦᠨᠦ ᠲᠠᠨ ᠤ ᠭᠡᠯᠡᠳᠡᠭ ︽ ᠰᠢᠷ᠎ᠠ ᠭᠠᠶᠢᠬᠠᠯ︾ ᠢ ᠨᠢ ᠴᠦ ᠣᠯᠵᠣ ᠬᠠᠷᠬᠠᠰᠠᠨ ᠦᠭᠡᠢ᠃ ᠲᠡᠶᠢᠨ ᠬᠦ ᠭᠠᠴᠢᠭᠳᠠᠬᠤ ᠳᠤ ᠪᠠᠨ ᠳᠠᠨ ᠠᠴᠠ ᠦᠨ᠎ᠠ ᠦᠷᠳᠡᠭ ᠲᠠᠢ ᠰᠦᠪᠡᠭᠴᠢ ᠣᠯᠬᠤ ᠪᠠᠷ ᠢᠷᠡᠵᠣ ᠶᠠᠪᠣᠭ᠎ᠠ ᠨᠢ ᠡᠨᠡ ᠰᠢᠣ︕     — — ᠶᠠᠭᠤ︖ ᠨᠠᠳᠠ ᠠᠴᠠ ᠰᠦᠪᠡᠭᠴᠢ ᠡᠷᠢᠨ᠎ᠠ ᠭᠡᠨ᠎ᠠ ᠤᠤ︖ ᠲᠠ ᠨᠠᠷ ᠣᠯᠣᠰ ᠤᠨ ᠴᠠᠯᠢᠩ ᠢ ᠳᠣᠰᠴᠣ ᠠᠷᠠᠳ ᠤᠨ ᠪᠣᠳᠠᠭ᠎ᠠ ᠶᠢ ᠢᠳᠡᠵᠣ ᠪᠠᠶᠢᠭᠠᠳ ᠨᠢᠭᠡ ᠡᠮ᠎ᠠ ᠬᠦᠮᠦᠨ ᠢ ᠴᠦ ᠡᠷᠢᠵᠣ ᠣᠯᠬᠤ ᠦᠭᠡᠢ᠂ ᠶᠠᠮᠠᠷ ᠴᠠᠭᠳᠠᠭ᠎ᠠ᠂ ᠶᠠᠮᠠᠷ ᠠᠮᠣᠷ ᠢ ᠬᠠᠮᠠᠭᠠᠯᠠᠭᠴᠢ ᠭᠡᠵᠣ ᠭᠡᠯᠡᠬᠦ ᠪᠣᠢ︖ ᠲᠠ ᠨᠠᠷ ᠪᠦᠷ ᠴᠠᠭ ᠢ ᠦᠡᠭᠭᠡᠷᠡᠭᠡᠵᠣ ᠴᠠᠯᠢᠩ ᠢᠶᠠᠨ ᠬᠠᠭᠤᠷᠣᠨ ᠳᠣᠰᠴᠣ ᠶᠠᠪᠣᠭ᠎ᠠ ᠰᠠᠷᠪᠠᠭ ᠮᠠᠯᠠᠭᠠᠢ ᠲᠠᠢ ᠮᠠᠨᠠᠭᠤᠯ ᠤᠳ ᠪᠠᠶᠢᠨ᠎ᠠ ᠁ ᠭᠡᠵᠣ ᠭᠡᠷ ᠤᠨ ᠡᠵᠡᠨ ᠣᠷᠢᠯᠠᠵᠣ ᠡᠬᠢᠯᠠᠵᠠᠢ᠃     ᠶᠠᠷᠰᠢᠭ ᠲᠠᠢ ᠣᠴᠢᠷ ᠤᠳ ᠢ ᠰᠢᠢᠳᠪᠣᠷᠢᠯᠠᠵᠣ᠂ ᠶᠠᠩᠵᠣ ᠶᠢᠨ ᠬᠦᠮᠦᠰ ᠲᠠᠢ ᠣᠴᠠᠷᠠᠭᠰᠠᠭᠠᠷ ᠬᠠᠰᠢᠷ ᠳᠣᠬᠢ ᠰᠠᠭᠤᠭᠰᠠᠨ ᠴᠠᠭᠳᠠᠭᠠᠨ ᠳᠠᠷᠤᠭ᠎ᠠ ᠢᠨᠢᠶᠡᠮᠰᠦᠭᠯᠡᠭᠡᠭᠰᠡᠭᠡᠷ ᠢᠷᠠᠵᠣ ᠭᠡᠷ ᠤᠨ ᠡᠵᠡᠨ ᠤ ᠭᠠᠷ ᠠᠴᠠ ᠠᠳᠬᠤᠵᠣ᠄     — — ᠠᠪᠣᠭᠠᠢ ᠲᠨ ᠪᠢᠳᠡᠭᠡᠢ ᠰᠠᠭᠭᠠᠵᠤ ᠠᠭᠤᠷᠯᠠ᠂ ᠪᠢᠳᠠ ᠴᠦ ᠠᠵᠢᠯ ᠣᠯᠠᠨ᠂ ᠬᠦᠮᠦᠨ ᠬᠦᠳᠡᠯᠮᠣᠷᠢ ᠨᠢ ᠴᠦ ᠳᠣᠭᠠᠳᠠᠢ ᠣᠴᠢᠷ ᠠᠴᠠ ᠵᠠᠷᠢᠮ ᠶᠠᠪᠣᠳᠠᠯ ᠳᠤ ᠰᠠᠨᠠᠭ᠎ᠠ ᠪᠠᠶᠢᠭ᠎ᠠ ᠴᠦ ᠣᠨᠤᠭ᠎ᠠ ᠬᠦᠷᠬᠦ ᠦᠭᠡᠢ ᠰᠠᠨᠳᠣᠷᠳᠠᠭ ᠰᠢᠣ᠃ ᠪᠢ ᠳᠠᠨ ᠤ ᠣᠳᠣ ᠶᠢᠨ ᠰᠡᠳᠬᠢᠯ ᠰᠠᠨᠠᠭᠠᠨ ᠤ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠨ᠎ᠠ᠃ ᠭᠡᠪᠡᠴᠣ ᠶᠠᠭᠠᠬᠢᠵᠣ ᠠᠭᠤᠷᠯᠠᠵᠣ᠂ ᠶᠠᠭᠠᠬᠢᠵᠣ ᠬᠤᠷᠣᠰᠣᠭᠰᠠᠨ ᠴᠦ ᠠᠮᠢᠳᠣᠷᠠᠬᠤ ᠦᠭᠡᠢ   ᠪᠠᠶᠢᠵᠤ ᠪᠣᠯᠣᠨ᠎ᠠ ᠤᠤ︖ ᠡᠳᠣᠷᠵᠢᠨ ᠢᠡᠭᠬᠢᠵᠣ ᠠᠷᠢᠬᠢ ᠬᠦᠨᠳᠣᠷᠡᠭᠡᠳ᠂ ᠭᠡᠪᠳᠡᠷᠢ ᠳᠠᠷᠣᠭᠠᠳ ᠯᠠ ᠪᠠᠶᠢᠵᠦ ᠪᠣᠯᠬᠤ ᠦᠭᠡᠢ ᠪᠢᠵᠠ︖ ᠪᠢᠳᠠ ᠡᠷᠢᠵᠣ ᠰᠣᠷᠠᠭᠯᠠᠵᠣ ᠦᠭᠴᠣ ᠪᠠᠶᠢᠨ᠎ᠠ ᠭᠡᠬᠦ ᠳᠤ ᠳᠠ ᠴᠦ ᠦᠪᠡᠷ ᠢᠶᠠᠨ ᠰᠣᠷᠬᠠᠯᠠᠨ ᠴᠢᠮᠡᠭᠡᠯᠡᠵᠦ ᠦᠵᠠᠨ᠎ᠠ ᠪᠢᠵᠠ ᠳ᠋ᠠ︖ ᠡᠷ᠎ᠠ ᠡᠮ᠎ᠠ ᠶᠢᠨ ᠬᠤᠭᠤᠷᠣᠨᠳᠣ ᠶᠠᠮᠠᠷ ᠯᠠ ᠲᠠᠶᠢᠮᠤ ᠦᠰᠢᠶ᠎ᠠ ᠬᠤᠷᠣᠰᠣᠯ ᠭᠡᠵᠣ ᠪᠠᠶᠢᠬᠤ ᠪᠣᠢ︖ ᠠᠷᠭᠠᠯᠠᠵᠣ ᠰᠣᠷᠠᠭᠯᠠᠵᠣ ᠪᠠᠶᠢᠨ ᠠᠪᠴᠢᠷᠠᠭᠠᠳ ᠠᠮᠢᠳᠣᠷᠠᠪᠠᠯ ᠪᠠᠰᠠ ᠡᠪᠯᠡᠬᠦᠯᠵᠦ ᠪᠣᠯᠣᠨ᠎ᠠ ᠰᠢᠳᠠ︕ ᠠᠯᠠᠨ᠎ᠠ ᠫᠣᠣᠳᠠᠨ᠎ᠠ ᠭᠡᠭᠴᠢ ᠶᠢ ᠶᠠᠮᠠᠷ ᠰᠢᠢᠳᠪᠣᠷᠢᠯᠠᠬᠦ ᠠᠷᠭ᠎ᠠ ᠬᠡᠵᠦ ᠭᠡᠯᠡᠬᠦ ᠶᠣᠮ ᠳ᠋ᠠ︖ ᠳᠠ ᠬᠤᠶᠠᠷ ᠦᠪᠠᠷ ᠤᠨ ᠪᠠᠶ᠎ᠠ ᠪᠠᠨ ᠪᠣᠳᠣᠬᠤ ᠦᠭᠡᠢ ᠴᠦ ᠨᠠᠢᠮᠠᠨ ᠨᠠᠰᠣᠳᠠᠢ ᠨᠢᠯᠬ᠎ᠠ ᠭᠡᠦᠭᠡᠳ ᠢᠶᠠᠨ ᠪᠣᠳᠣᠬᠤ ᠦᠭᠡᠢ ᠤᠤ︖ ᠰᠣᠷᠭᠠᠭᠤᠯᠢ ᠳᠤ ᠨᠢ ᠬᠦᠷᠭᠡᠭᠡ ᠦᠭᠡᠢ ᠭᠡᠳᠣᠨ ᠰᠠᠷ᠎ᠠ ᠪᠣᠯᠵᠣ ᠪᠠᠶᠢᠭ᠎ᠠ ᠪᠠᠨ ᠦᠪᠡᠷ ᠢᠶᠠᠨ ᠮᠠᠳᠠᠵᠣ ᠪᠠᠶᠢᠭ᠎ᠠ ᠪᠢᠵᠠ︖ ᠡᠨᠡ ᠬᠤᠭᠤᠷᠣᠨᠳᠣ ᠨᠢ ᠪᠢᠳᠠ ᠴᠦ ᠰᠤᠷᠠᠭᠯᠠᠵᠤ ᠡᠷᠢᠵᠣ   ᠪᠠᠶᠢᠶ᠎ᠠ᠂ ᠴᠢᠮᠡᠭᠡ ᠣᠯᠪᠠᠯ ᠯᠠᠪᠲᠠᠢ ᠬᠠᠮᠤᠭ ᠳᠠᠷᠢᠬᠦᠨ ᠳᠤ ᠴᠢᠮ᠎ᠠ ᠳᠤ ᠳᠠᠮᠵᠢᠭᠤᠯᠬᠤ ᠶᠣᠮ ᠡ ᠁ ᠭᠡᠵᠣ ᠡᠪᠯᠡᠬᠦᠯᠵᠣ ᠢᠳᠬᠠᠵᠣ ᠭᠡᠯᠡᠭᠰᠡᠭᠡᠷ ᠭᠡᠷ ᠤᠨ ᠡᠵᠡᠨ ᠢ ᠴᠢᠷᠦᠬᠦᠯ ᠱᠠᠬᠠᠢ ᠲᠠᠢ ᠨᠢ ᠬᠠᠮᠳᠣ ᠭᠡᠷ ᠲᠤ ᠨᠢ ᠳᠦᠡᠭᠭᠡᠵᠦ ᠣᠷᠣᠭᠤᠯᠣᠭᠠᠳ ᠲᠡᠳᠡ ᠨᠠᠷ ᠳᠡᠷᠭᠡᠨ ᠳᠤ ᠪᠠᠨ ᠪᠣᠰᠢᠭᠤ ᠭᠠᠷᠴᠠᠭᠠᠪᠠ᠃ ᠳᠠᠷᠭᠤᠨ ᠵᠢᠯᠣᠭᠤᠴᠢ ᠴᠦ ᠳᠠᠪᠠ ᠮᠠᠭᠤᠳᠠᠢ ᠴᠢᠷᠠᠶᠢᠯᠠᠭᠰᠠᠭᠠᠷ᠄     — — ᠴᠠᠢ ᠴᠦ ᠦᠭᠡᠢ᠂ ᠴᠢᠷᠠᠢ ᠴᠦ ᠦᠭᠡᠢ᠂ ᠳᠠᠭᠠᠳᠠᠢ ᠭᠡᠳᠣᠨ ᠦᠭᠡ ᠴᠦ ᠦᠭᠡᠢ ᠮᠦᠷᠳᠡᠭᠡᠨ ᠭᠤᠢᠷᠠᠨᠴᠢ ᠰᠢᠬ ᠡᠪᠣᠯ ᠤᠨ ᠬᠦᠢᠳᠠᠨ ᠳᠤ ᠭᠤᠷᠦ᠋ᠢᠳᠠᠯ᠎ᠠ ᠬᠦᠷᠢᠶᠠᠨ ᠳᠣᠮᠳᠠ ᠪᠠᠨ ᠭᠡᠳᠣᠨ ᠴᠠᠭ ᠵᠤᠭᠰᠤᠭᠠᠴᠢᠬᠠᠨ᠎ᠠ ᠭᠡᠳᠡᠭ ᠴᠢᠨᠢ᠂ ᠦᠯᠦᠭᠴᠢᠨ᠂ ᠦᠯᠦᠭᠴᠢᠨ ᠭᠡᠳ ᠯᠠ᠂ ᠦᠯᠦᠭᠴᠢᠨ ᠢ ᠨᠢ ᠪᠢᠳᠠ   ᠲᠠᠰᠬᠠᠭᠠᠳ ᠠᠪᠴᠢᠬᠠᠭᠰᠠᠨ ᠰᠢᠬ᠂ ᠠᠪᠣᠭᠰᠠᠨ ᠡᠮ᠎ᠠ ᠳᠤ ᠪᠠᠨ ᠴᠦ ᠵᠦᠪᠯᠡᠵᠣ   ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠭᠠᠳ ᠠᠷᠠᠳ ᠤᠨ ᠴᠠᠭᠳᠠᠭ᠎ᠠ ᠳᠤ ᠠᠭᠠᠰᠢ ᠪᠠᠨ ᠭᠠᠷᠭᠠᠬᠤ ᠭᠡᠳᠡᠭ ᠴᠢᠨᠢ ᠶᠠᠮᠠᠷ ᠣᠰᠣᠨ ᠳᠠᠨᠡᠭ ᠠᠮᠢᠳᠠᠨ ᠪᠣᠢ︖ ᠪᠢᠳᠠ ᠵᠣᠷᠢᠭᠤᠳᠠ ︽ᠦᠯᠦᠭᠴᠢᠨ ︾ ᠢ ᠴᠢᠨᠢ ᠡᠷᠢᠵᠣ ᠦᠭᠬᠦ ᠦᠭᠡᠢ᠃ ᠶᠠᠮᠠᠷ ᠲᠤ ᠪᠠᠨ ᠬᠦᠮᠦᠨ ᠠᠯᠠᠭᠰᠠᠨ ᠶᠠᠯᠠᠳᠠᠨ ᠪᠢᠰᠢ ᠳ᠋ᠠ︕ ᠦᠪᠠᠷ ᠤᠨ ᠳᠣᠷᠠᠳᠠᠢ ᠳᠤ ᠪᠠᠨ ᠡᠷ᠎ᠠ ᠳᠠᠭᠤᠨ ᠶᠠᠪᠣᠭᠰᠠᠨ ᠢ ᠬᠠᠣᠯᠢ ᠴᠠᠭᠠᠵᠠ ᠴᠦ ᠭᠡᠳ ᠶᠠᠭᠠᠬᠢᠳᠠᠭ ᠪᠣᠢ︖ ᠭᠡᠨᠭ᠂ ᠴᠣᠬᠤᠮ ᠨᠣᠬᠠᠢ ᠰᠢᠬ ᠠᠮᠢᠳᠠᠨ᠂ ᠨᠣᠬᠠᠢ ᠶᠢ ᠴᠦ ᠬᠦᠷᠬᠦ ᠦᠭᠡᠢ ᠠᠮᠢᠳᠠᠨ ᠁ ᠭᠡᠵᠣ ᠰᠠᠬᠦᠵᠢ ᠪᠠᠨ ᠳᠠᠮᠳᠠᠷᠢᠨ ᠳᠣᠭᠤᠯᠳᠠᠨ ᠠᠯᠬᠤᠯᠠᠭᠰᠠᠭᠠᠷ ᠳᠡᠷᠭᠡᠨ ᠳᠤ ᠪᠠᠨ ᠭᠠᠷᠬᠤ ᠳᠤ ᠳᠡᠳᠡᠭᠡᠷ ᠭᠡᠳᠣᠨ ᠴᠠᠭᠳᠠᠭ᠎ᠠ ᠴᠦ ᠬᠤᠭᠤᠷᠦ ᠬᠤᠭᠤᠷᠣᠨᠳᠣ ᠪᠠᠨ ᠡᠷᠡᠣ ᠳᠡᠯᠭᠡᠨ ᠠᠮᠠ   ᠢᠷᠪᠠᠶᠢᠯᠭᠠᠵᠤ ᠭᠡᠵᠢᠶ᠎ᠠ ᠴᠦ ᠬᠠᠨᠳᠣᠬᠤ ᠦᠭᠡᠢ ᠭᠡᠰᠡᠨ ᠮᠠᠳᠣ ᠳᠡᠷᠭᠡᠨ ᠡᠬᠦᠳᠠ ᠪᠠᠨ ︽ᠫᠠᠰ︾ ᠬᠢᠲᠡᠯ᠎ᠡ ᠬᠦᠴᠦᠳᠠᠢ ᠬᠠᠭᠠᠵᠣ ᠪᠢᠯᠠ᠃     ᠬᠠᠯᠳᠠᠷ ᠯᠠ ᠬᠠᠵᠠᠭᠤ ᠳᠠᠯ᠎ᠠ ᠠᠴᠠ ᠲᠠ ᠨᠠᠷ ᠶᠠᠭᠤᠠ ᠳᠤ ᠮᠠᠭᠤ ᠪᠦᠬᠦᠨ ᠢ ᠪᠦᠷ ᠨᠣᠬᠠᠢ ᠲᠠᠢ ᠵᠦᠢᠷᠯᠠᠵᠣ ᠬᠤᠯᠪᠣᠨ ᠬᠠᠷᠢᠶᠠᠳᠠᠭ ᠪᠣᠢ︖ ᠨᠣᠬᠠᠢ ᠴᠣᠬᠤᠮ ᠭᠡᠨ ᠳᠤ ᠨᠢ ᠣᠰᠣᠯᠳᠠᠵᠣ᠂ ᠶᠠᠮᠠᠷ ᠶᠠᠯ᠎ᠠ ᠬᠢᠭᠰᠡᠨ ᠪᠣᠢ︖ ᠭᠡᠰᠡᠨ ᠳᠦᠯᠦᠪᠳᠡᠢ ᠰᠦᠷᠡᠭᠡᠢ ᠬᠤᠷᠭᠤᠭᠠᠨ ᠬᠤᠴᠠᠵᠣ ᠭᠠᠷᠣᠭᠰᠠᠨ ᠢ ᠨᠢ ᠲᠠᠳᠠ ᠶᠠᠭᠤ ᠴᠦ ᠪᠤᠯᠭᠠᠯ ᠦᠭᠡᠢ ᠴᠠᠰᠣ ᠪᠤᠲᠠᠷᠠᠭᠠᠨ ᠴᠠᠭᠠᠰᠢ ᠳᠠᠪᠬᠢᠭᠤᠯᠵᠤ ᠬᠤᠯᠠᠳᠠᠵᠠᠢ᠃     ᠴᠠᠰᠣ ᠪᠠᠰᠠ ᠯᠠ ᠬᠠᠶᠠᠯᠠᠭᠰᠠᠭᠠᠷ᠃ ᠤᠶᠢᠷ᠎ᠠ ᠬᠠᠪᠢ ᠶᠢᠨ ᠶᠠᠭᠤ ᠪᠦᠬᠦᠨ ᠪᠦᠷ ᠮᠦᠰᠦᠨ ᠴᠠᠭᠠᠨ ᠪᠣᠯᠣᠨ ᠬᠤᠴᠢᠭᠳᠠᠵᠠᠢ᠃ ᠰᠠᠯᠬᠢ ᠮᠦᠨ ᠰᠢᠷᠦᠬᠦᠰᠦᠭᠰᠡᠭᠡᠷ   ᠪᠠᠶᠢᠪᠠ᠃     ᠬᠢᠯᠠᠭᠠᠷ ᠴᠠᠭᠠᠨ ᠡᠬᠦᠳᠠ ︽ᠳᠦᠷ︾ ᠬᠢᠨ ᠨᠡᠭᠡᠭᠡᠭᠳᠡᠵᠣ ᠪᠢᠴᠢᠬᠠᠨ ᠡᠵᠡᠨ ᠨᠢ ᠰᠦᠷ ᠮᠠᠭᠤᠳᠠᠢ ᠭᠠᠷᠴᠣ ᠢᠷᠡᠪᠡ᠃ ᠭᠠᠷ ᠲᠤ ᠪᠠᠨ ᠱᠠᠭᠠᠵᠠᠩ ᠠᠶᠠᠭ᠎ᠠ ᠪᠠᠷᠢᠵᠣ ᠭᠡᠦᠭᠡᠳ ᠤᠨ ᠰᠢᠩᠭᠡᠨ ᠬᠤᠭᠤᠯᠠᠢ ᠪᠠᠷ ᠰᠦᠷᠡᠭᠡᠢ ᠭᠡᠭᠴᠢ ᠬᠠᠨᠢᠶᠠᠯᠭᠠᠵᠣ   ᠪᠠᠶᠢᠭᠰᠠᠨ ᠴᠦ ᠬᠠᠯᠳᠠᠷ ᠤᠨ ᠬᠠᠪᠢ ᠳᠤ ᠢᠷᠡᠭᠡᠳ ᠪᠢᠴᠢᠬᠠᠨ ᠭᠠᠷ ᠢᠶᠠᠷ ᠢᠶᠠᠨ ᠬᠦᠨ ᠴᠠᠰᠣᠨ ᠠᠴᠠ ᠡᠷᠢᠵᠣ ᠮᠠᠯᠳᠠᠭᠰᠠᠭᠠᠷ ᠪᠠᠶᠢᠵᠦ ᠬᠤᠭᠤᠯᠠᠨ ᠰᠠᠪᠠ ᠶᠢ ᠨᠢ ᠠᠷᠠᠢ ᠭᠡᠵᠣ ᠣᠯᠵᠣ ᠠᠪᠣᠭᠠᠳ ᠬᠤᠷᠠᠭᠰᠠᠨ ᠴᠠᠰᠣ ᠶᠢ ᠨᠢ ᠬᠦᠪᠢᠵᠣ ᠣᠷᠬᠢᠭᠠᠳ ᠱᠠᠭᠠᠵᠠᠩ ᠠᠶᠠᠭ᠎ᠠ ᠲᠠᠢ ᠪᠠᠨ ᠭᠡᠴᠢᠶᠡᠮᠵᠢᠳᠠᠢ ᠭᠡᠭᠴᠢ ᠴᠢᠳᠬᠤᠵᠣ ᠦᠭᠪᠠ᠃     ᠬᠠᠯᠳᠠᠷ ᠤᠶᠢᠷᠠᠳᠴᠤ ᠣᠴᠢᠭᠠᠳ ᠬᠠᠷ᠎ᠠ ᠬᠤᠰᠢᠭᠤ ᠪᠠᠨ ᠳᠦᠷᠢᠵᠣ ᠦᠨᠦᠷᠯᠠᠵᠣ ᠦᠵᠠᠪᠠᠯ ᠪᠠᠰᠠ ᠯᠠ ᠦᠨᠦ ᠭᠤᠸᠠᠮᠢᠶᠠᠨ ᠤ ᠱᠦᠯᠦ   ᠪᠠᠶᠢᠯ᠎ᠠ᠃     ᠪᠢᠴᠢᠬᠠᠨ ᠡᠵᠡᠨ ᠨᠢ ᠪᠠᠶᠢᠳᠤᠭᠠᠢ ᠬᠠᠯᠳᠠᠷ ᠴᠦ ᠣᠳᠣ ᠭᠤᠸᠠᠮᠢᠶᠠᠨ ᠤ ᠱᠦᠯᠦ ᠶᠢ ᠦᠨᠦᠷᠳᠦᠬᠦ ᠠᠴᠠ ᠳᠣᠷ᠎ᠠ ᠪᠣᠯᠬᠢᠮᠠᠷ ᠪᠣᠯᠴᠢᠬᠠᠭᠰᠠᠨ ᠢ ᠶᠠᠭᠠᠬᠢᠶ᠎ᠠ︕     ᠭᠡᠪᠡᠴᠣ ᠭᠡᠳᠣᠨ ᠡᠳᠣᠷ ᠬᠤᠭᠤᠯᠠ ᠦᠭᠡᠢ ᠶᠠᠪᠣᠭᠰᠠᠨ ᠬᠠᠯᠳᠠᠷ ᠲᠤ ᠠᠷᠠᠢ ᠴᠢᠮᠠᠯᠠᠭᠳᠠᠮᠠᠷ ᠦᠭᠡᠢ ᠪᠣᠯᠬᠤᠷ ᠨᠠᠷᠢᠨ ᠣᠯᠠᠭᠠᠨ ᠭᠡᠯᠡ ᠪᠠᠨ ᠰᠣᠨᠣᠯᠵᠠᠭᠤᠯᠣᠨ ᠬᠤᠪᠳᠤᠭ ᠭᠡᠭᠴᠢ ᠢᠳᠡᠵᠣ ᠡᠬᠢᠯᠠᠵᠠᠢ᠃     ᠪᠢᠴᠢᠬᠠᠨ ᠡᠵᠡᠨ ᠨᠢ ᠬᠠᠯᠳᠠᠷ ᠤᠨ ᠳᠣᠯᠣᠭᠠᠢ ᠶᠢ ᠨᠢᠷᠠᠢ ᠵᠦᠭᠡᠯᠡᠨ ᠭᠠᠷ ᠢᠶᠠᠷ ᠢᠶᠠᠨ ᠬᠦᠡᠭᠭᠡᠨ ᠢᠯᠢᠭᠰᠡᠭᠡᠷ᠄ ︽ ᠬᠠᠯᠳᠠᠷ ᠡ᠂ ᠮᠢᠨᠣ ᠬᠠᠢᠷᠠᠳᠠᠢ ᠬᠠᠯᠳᠠᠷ ᠮᠢᠨᠢ᠂ ᠣᠳᠣ ᠪᠢ ᠴᠢᠮ᠎ᠠ ᠠᠴᠠ ᠦᠭᠡᠷ᠎ᠠ ᠶᠠᠮᠠᠷ ᠴᠦ   ᠨᠠᠶᠢᠵᠠ ᠦᠭᠡᠢ ᠪᠣᠯᠣᠭᠰᠠᠨ᠃ ᠡᠵᠢ ᠨᠠᠮ᠎ᠠ ᠶᠢ ᠣᠷᠬᠢᠭᠠᠳ ᠬᠤᠯᠠ ᠶᠠᠪᠣᠭᠰᠠᠨ᠂ ᠠᠪᠤ ᠡᠳᠣᠷᠵᠢᠨ ᠠᠷᠢᠬᠢ ᠣᠣᠭᠤᠵᠣ ᠭᠡᠪᠳᠡᠷᠢ ᠳᠠᠷᠣᠭᠠᠳ ᠪᠣᠰᠬᠤ ᠪᠠᠨ ᠪᠣᠯᠢᠭᠰᠠᠨ᠃ ᠨᠠᠳᠠ ᠳᠤ ᠬᠤᠭᠤᠯᠠ ᠴᠦ ᠬᠢᠵᠣ ᠦᠭᠬᠦ ᠪᠠᠨ ᠪᠣᠯᠢᠭᠰᠠᠨ ᠮᠦᠷᠳᠡᠭᠡᠨ ᠨᠠᠮ᠎ᠠ ᠶᠢ ᠦᠬᠢᠨ ᠬᠦᠮᠦᠨ ᠡᠭᠡ ᠪᠠᠨ ᠳᠠᠭᠤᠷᠢᠶᠠᠨ᠎ᠠ ᠭᠡᠵᠣ ᠬᠤᠵᠢᠮ ᠪᠠᠰᠠ ᠯᠠ ᠡᠵᠢ ᠳᠤ ᠪᠠᠨ ᠠᠳᠠᠯᠢ ᠬᠦᠮᠦᠨ ᠴᠢᠨᠠᠷ ᠡᠯᠪᠡᠷᠢᠯ ᠵᠢᠷᠣᠮ ᠦᠭᠡᠢ ᠠᠮᠢᠳᠠᠨ ᠪᠣᠯᠣᠨ᠎ᠠ ᠭᠡᠵᠣ ᠵᠠᠩᠨᠠᠳᠠᠭ᠃ ᠬᠠᠯᠳᠠᠷ ᠡ᠂ ᠣᠳᠣ ᠨᠠᠮ᠎ᠠ ᠶᠢ ᠨᠢᠭᠡ ᠴᠦ ᠰᠠᠨᠠᠬᠤ ᠬᠦᠮᠦᠨ ᠦᠭᠡᠢ ᠪᠣᠯᠣᠭᠰᠠᠨ᠃ ᠴᠢ ᠪᠣᠯ ᠮᠢᠨᠣ ᠬᠠᠮᠤᠭ ᠰᠠᠶᠢᠨ ᠨᠠᠶᠢᠵᠠ᠂ ᠪᠢ ᠴᠢᠮ᠎ᠠ ᠠᠴᠠ ᠰᠠᠯᠬᠤ ᠳᠣᠷ᠎ᠠ ᠦᠭᠡᠢ᠃ ᠭᠡᠪᠡᠴᠣ ᠪᠢ ᠴᠦ ᠦᠪᠠᠷ ᠤᠨ ᠪᠠᠶ᠎ᠠ ᠪᠠᠨ ᠬᠠᠮᠢᠶᠠᠷᠴᠣ ᠳᠠᠶᠢᠯᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠪᠣᠯᠬᠤᠷ ᠨᠠᠩ ᠴᠢᠮ᠎ᠠ ᠶᠢ ᠬᠠᠮᠢᠶᠠᠷᠬᠤ ᠳᠠᠩᠭᠡᠭᠡ ᠨᠠᠳᠠ ᠳᠤ ᠦᠭᠡᠢ ᠪᠣᠯᠣᠭᠰᠠᠨ᠃ ᠬᠠᠯᠳᠠᠷ ᠡ︕ ᠬᠠᠮᠤᠭ ᠰᠠᠬᠦᠯᠴᠢ ᠶᠢᠨ ᠡᠨᠡ ᠠᠶᠠᠭ᠎ᠠ ᠱᠦᠯᠦ ᠲᠠᠢ ᠬᠤᠭᠤᠯᠠ ᠪᠠᠨ ᠢᠳᠡᠵᠣ ᠪᠠᠷᠠᠪᠠᠯ ᠴᠢ ᠦᠪᠠᠷ ᠤᠨ ᠳᠣᠷᠠᠳᠠᠢ ᠭᠠᠵᠠᠷ ᠲᠤ ᠪᠠᠨ ᠣᠴᠢᠵᠣ ᠦᠪᠡᠷ ᠢᠶᠠᠨ ᠢᠳᠡᠰᠢ ᠡᠷᠢᠵᠣ ᠶᠠᠪᠣᠭᠠᠷᠠᠢ︕ ᠠᠳᠠ   ᠪᠠᠶᠢᠪᠠᠯ ᠴᠢ ᠪᠢᠳᠠ ᠬᠤᠶᠠᠭᠤᠯᠠ ᠪᠠᠨ ᠪᠦᠷ ᠬᠦᠯᠳᠡᠵᠣ ᠦᠬᠦᠬᠦ ᠦᠭᠡᠢ ᠴᠦ ᠦᠯᠪᠠᠷᠴᠣ ᠥᠬᠦᠵᠦ ᠮᠠᠳᠠᠨ᠎ᠠ ᠁︾ ᠭᠡᠵᠣ ᠪᠢᠴᠢᠬᠠᠨ ᠡᠵᠡᠨ ᠨᠢ ᠡᠷᠢᠶᠡᠡᠲᠦᠭᠰᠡᠨ ᠬᠤᠭᠤᠯᠠᠢ ᠪᠠᠷ ᠳᠦᠳᠦᠨᠡᠭᠰᠡᠭᠡᠷ ᠬᠠᠯᠳᠠᠷ ᠤᠨ ᠬᠦᠵᠦᠬᠦᠨ ᠳᠤ ᠬᠢ ᠳᠠᠮᠣᠷ ᠬᠢᠨᠵᠢ ᠶᠢᠨ ᠳᠠᠪᠡᠭᠡ ᠶᠢ ᠴᠡᠴᠡᠷᠬᠢᠯᠡᠭᠰᠡᠨ ᠪᠢᠴᠢᠬᠠᠨ ᠭᠠᠷ ᠢᠶᠠᠷ ᠢᠶᠠᠨ ᠬᠦᠡᠭᠭᠡᠨ ᠰᠣᠯᠠᠯᠠᠵᠣ ᠭᠠᠵᠠᠷ ᠬᠠᠶᠠᠵᠠᠢ᠃     ︽ᠬᠠᠨᠭ᠍ᠬᠢᠷ︾ ᠭᠡᠵᠣ ᠬᠦᠢᠳᠠᠨ ᠳᠠᠮᠣᠷ ᠬᠢᠨᠵᠢ ᠬᠦᠯᠳᠡᠬᠦᠦ ᠭᠠᠵᠠᠷ ᠪᠠᠭᠤᠪᠠ᠃     ᠬᠠᠯᠳᠠᠷ ᠬᠤᠭᠤᠯᠠ ᠪᠠᠨ ᠢᠳᠡᠬᠦ ᠪᠠᠨ ᠳᠦᠷ ᠵᠣᠭᠰᠣᠵᠣ ᠪᠢᠴᠢᠬᠠᠨ ᠡᠵᠡᠨ ᠢᠶᠠᠨ ᠱᠤᠬᠤᠭᠤᠷᠬᠠᠨ ᠰᠢᠷᠳᠠᠨ᠎ᠠ᠃ ᠬᠡᠴᠢᠨᠡᠭᠡᠨ ᠵᠢᠯ ᠭᠡᠴᠢᠨᠡᠭᠡᠨ ᠰᠠᠷ᠎ᠠ ᠵᠡᠬᠦᠯᠭᠡᠭᠰᠡᠨ ᠳᠠᠮᠣᠷ ᠬᠢᠨᠵᠢ ᠶᠢ ᠨᠢ ᠲᠡᠭᠡᠵᠦ ᠨᠢᠭᠡ ᠠᠯᠳᠠᠷᠠᠭᠠᠭᠰᠠᠨ ᠳᠤ ᠨᠢ ᠭᠠᠶᠢᠬᠠᠭᠰᠠᠨ ᠤ ᠬᠢ ᠤᠤ︖ ᠡᠰᠡᠬᠦᠯ᠎ᠠ ᠪᠢᠴᠢᠬᠠᠨ ᠡᠵᠡᠨ ᠤ ᠪᠠᠨ ᠦᠭᠡ ᠶᠢ ᠦᠨᠡᠭᠡᠷ   ᠤᠶᠢᠯᠭᠠᠭᠰᠠᠨ ᠴᠦ ᠪᠤᠯᠪᠠ ᠤᠤ︖     ᠬᠠᠯᠳᠠᠷ ᠤᠨ ᠬᠠᠷᠠᠴᠠ ᠶᠠᠷᠣ ᠪᠣᠰᠣ ᠶᠢᠨ ᠳᠦᠯᠭᠡᠨ ᠵᠦᠭᠡᠯᠡᠨ ᠢᠶᠠᠷ ᠪᠢᠴᠢᠬᠠᠨ ᠡᠵᠡᠨ ᠤ ᠪᠠᠨ ᠨᠢᠯᠪᠣᠰᠣᠳᠠᠢ ᠨᠢᠳᠣ ᠶᠢ ᠡᠭᠴᠡᠯᠡᠨ ᠰᠢᠷᠳᠠᠵᠣ ᠬᠦᠳᠠᠯᠣᠯ ᠦᠭᠡᠢ ᠣᠷᠣᠨ ᠳᠤ ᠪᠠᠨ ᠬᠦᠯᠢᠷᠠᠵᠠᠢ᠃     ᠪᠢᠴᠢᠬᠠᠨ ᠡᠵᠡᠨ ᠨᠢ ᠬᠠᠯᠳᠠᠷ ᠤᠨ ᠬᠦᠵᠦᠬᠦᠨ ᠠᠴᠠ ᠡᠵᠢ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠨᠢ ᠨᠠᠭᠠᠯᠳᠣᠵᠣ᠂ ᠭᠤᠮᠣᠳᠠᠯ ᠢᠶᠠᠨ ᠳᠣᠭᠠᠴᠢᠳᠠᠭ ᠬᠡᠣᠭᠡᠳ ᠰᠢᠭ ᠨᠠᠯᠠᠨ ᠳᠠᠪᠠᠷᠢᠵᠣ ᠮᠡᠭᠰᠢᠨ ᠣᠬᠢᠯᠬᠠᠦ ᠳᠤ ᠬᠠᠯᠳᠠᠷ ᠴᠦ᠄ ︽  ᠨᠠᠶᠢᠵᠠ ᠮᠢᠨᠢ ᠡᠨᠡ ᠶᠢᠷᠳᠢᠨᠴᠣ ᠳᠤ ᠭᠡᠨ ᠴᠦ ᠴᠢᠮ᠎ᠠ ᠶᠢ ᠰᠠᠨᠠᠬᠤ ᠦᠭᠡᠢ ᠬᠠᠷᠠᠬᠤ ᠦᠭᠡᠢ ᠪᠣᠯᠣᠭᠰᠠᠨ ᠴᠦ ᠪᠢ ᠯᠠᠪᠳᠠᠢ ᠴᠢᠮ᠎ᠠ ᠶᠢ ᠬᠠᠶᠠᠵᠣ ᠶᠠᠪᠣᠬᠤ ᠦᠭᠡᠢ᠃ ᠡᠵᠡᠨ ᠨᠢ ᠭᠤᠶᠢᠷᠠᠨᠴᠢ ᠪᠣᠯᠣᠭᠰᠠᠨ ᠴᠦ ᠪᠣᠰᠣᠳ ᠤᠨ ᠡᠬᠦᠳᠠ ᠶᠢ ᠰᠠᠬᠢᠳᠠᠭ ᠦᠭᠡᠢ ᠨᠢ ᠮᠠᠨ ᠤ ᠪᠠᠷᠢᠮᠳᠠᠯᠠᠳᠠᠭ ᠣᠳᠣᠮᠰᠢᠯ ᠰᠢᠣ᠃ ᠪᠢᠴᠢᠬᠠᠨ ᠡᠵᠡᠨ ᠮᠢᠨᠢ ᠰᠠᠨᠠᠭ᠎ᠠ ᠠᠮᠣᠷ ᠪᠠᠶᠢᠭᠠᠴᠢ᠂ ᠪᠢ ᠦᠯᠪᠡᠷᠴᠣ ᠦᠬᠦᠭᠰᠡᠨ ᠴᠦ ᠡᠬᠦᠳᠠᠨ ᠳᠤ ᠪᠠᠨ ᠦᠬᠦᠨ᠎ᠠ᠂ ᠡᠮᠦᠨ᠎ᠠ ᠴᠢᠨᠢ ᠢᠷᠡᠵᠣ ᠬᠠᠯᠬᠠᠪᠴᠢ ᠪᠣᠯᠵᠣ ᠭᠡᠪᠳᠡᠨ᠎ᠠ︾ ᠭᠡᠰᠡᠨ ᠰᠢᠭ ᠬᠠᠷ᠎ᠠ ᠬᠤᠰᠢᠭᠤ ᠪᠠᠨ ᠰᠣᠩᠭᠠᠨ ᠪᠢᠴᠢᠬᠠᠨ ᠡᠵᠡᠨ ᠤ ᠪᠠᠨ ᠨᠢᠯᠪᠣᠰᠣ ᠣᠷᠣᠮᠯᠠᠭᠰᠠᠨ ᠬᠦᠢᠳᠠᠨ ᠬᠠᠴᠠᠷ ᠢ ᠨᠢ ᠠᠶᠠᠷᠬᠠᠨ ᠦᠨᠦᠷᠯᠠᠨ᠎ᠠ᠃                                                                   ︵ᠸᠠᠩ ᠡᠷᠳᠡᠮᠳᠣ︶
 
ᠢᠷᠡᠯᠲᠡ᠄ ᠨᠠᠢᠮᠠᠨ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
 ᠡᠩᠭᠡ ᠲᠠᠶᠢᠪᠤᠡᠭ ᠢ ᠬᠠᠶᠢᠷᠠᠯᠨ
ᠨᠠᠮ ᠢᠶᠠᠨ ᠮᠠᠭᠲᠠᠶ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备06000874号