ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᡁᠢ ᠠᠨ ᠪᠠᠯᠭᠠᠰᠣ ᠤᠯᠤᠰ ᠤᠨ   ᠳᠡᠰ    ᠤᠨ   ᠪᠤᠳᠠᠰ  ᠤᠨ   ᠪᠤᠰᠤ ᠰᠤᠶᠤᠯ  ᠤᠨ   ᠦᠯᠡᠳᠡᠭᠳᠡᠯ    ᠤᠨ ᠳᠦᠷᠦᠯ ᠵᠦᠢᠯ   ︽ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠳᠦᠷᠪᠡᠨ ᠤᠳᠠᠰᠤᠳᠤ   ᠬᠤᠭᠤᠷ  ᠤᠨ ᠳᠠᠭᠤᠤ ᠬᠦᠭᠵᠢᠮ  ᠢ   ᠬᠠᠮᠠᠭᠠᠯᠠᠵᠤ   ᠤᠯᠠᠮᠵᠢᠯᠠᠬᠤ   ᠰᠠᠭᠤᠷᠢᠨ   ᠭᠠᠵᠠᠷ  ︾    ᠤᠨ   ᠫᠠᠶᠢᠰᠠ   ᠤᠯᠭᠤᠬᠤ   ᠶᠤᠰᠤᠯᠠᠯ    ᠢ   ᠡᠷᠬᠢᠯᠡᠪᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-05-29
   5 ᠰᠠᠷ᠎ᠠ   ᠶᠢᠨ 9  ᠤ   ᠦᠳᠡ    ᠶᠢᠨ   ᠡᠮᠦᠨ᠎ᠠ  ᠂ ᠤᠯᠤᠰ   ᠤᠨ   ᠳᠡᠰ   ᠤᠨ   ᠪᠤᠳᠠᠰ  ᠤᠨ   ᠪᠤᠰᠤ   ᠰᠤᠶᠤᠯ   ᠤᠨ   ᠦᠯᠡᠳᠡᠭᠳᠡᠯ   ᠤᠨ ᠳᠦᠷᠦᠯ   ᠵᠦᠢᠯ   ︽ᠮᠤᠩᠭᠤᠯ ᠦᠨᠳᠦᠰᠦᠳᠡᠨ   ᠤ   ᠳᠦᠷᠪᠡᠨ ᠤᠳᠠᠰᠤᠳᠤ   ᠬᠤᠭᠤᠷ  ᠤᠨ ᠳᠠᠭᠤᠤ ᠬᠦᠭᠵᠢᠮ ᠢ   ᠬᠠᠮᠠᠭᠠᠯᠠᠵᠤ   ᠤᠯᠠᠮᠵᠢᠯᠠᠬᠤ   ᠰᠠᠭᠤᠷᠢᠨ   ᠭᠠᠵᠠᠷ  ︾    ᠤᠨ ᠫᠠᠶᠢᠰᠠ   ᠤᠯᠭᠤᠬᠤ   ᠶᠤᠰᠤᠯᠠᠯ ᡁᠢ   ᠠᠨ   ᠪᠠᠯᠭᠠᠰᠤ   ᠶᠢᠨ   ᠵᠠᠰᠠᠭ   ᠤᠨ   ᠤᠷᠳᠤᠨ   ᠳᠤ   ᠦᠪᠡᠳᠡᠭᠰᠢ   ᠶᠡᠭᠡ   ᠪᠠᠷ   ᠶᠠᠪᠤᠭᠳᠠᠪᠠ᠃   ᠳᠦᠡᠭᠯᠢᠶᠤᠤ ᠬᠤᠳᠠ   ᠶᠢᠨ   ᠦᠨᠳᠦᠰᠦᠳᠡᠨ   ᠤ   ᠳᠠᠭᠤᠤ ᠪᠦᠵᠢᠭ  ᠤᠨ   ᠪᠦᠯᠭᠦᠮ  ᠤᠨ   ᠳᠡᠳ᠋   ᠪᠦᠯᠭᠦᠮ  ᠤᠨ ᠳᠠᠷᠤᠭ᠎ᠠ ᠯᠢ ᠪᠢᠡᠭ᠂ ᠳᠦᠡᠭᠯᠢᠶᠤᠤ ᠬᠤᠳᠠ  ᠶᠢᠨ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠪᠦᠵᠢᠭ  ᠤᠨ ᠪᠦᠯᠬᠦᠮ  ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ  ᠤ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠤᠨ   ᠮᠤᠩᠭᠤᠯ ᠳᠦᠷᠪᠡᠨ ᠤᠳᠠᠰᠤᠳᠤ   ᠬᠤᠭᠤᠷ  ᠤᠨ ᠳᠠᠭᠤᠤ ᠬᠦᠭᠵᠢᠮ  ᠤᠨ ᠵᠠᠯᠭᠠᠮᠵᠢᠯᠠᠬᠴᠢ ᠵᠠᠩ ᠪᠠᠶᠠᠷ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠰᠤᠶᠤᠯ ᠷᠠᠳᠢᠤ᠋ ᠨᠡᠪᠳᠡᠷᠡᠭᠦᠯᠭᠡ  ᠶᠢᠨ   ᠳᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠸᠠᠩ ᠱᠦ ᠪᠦᠸᠧ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠤᠳᠬ᠎ᠠ   ᠤᠷᠠᠯᠢᠭ  ᠤᠨ ᠬᠤᠯᠪᠤᠭᠠᠨ  ᠤ ᠳᠡᠷᠢᠭᠦᠯᠡᠭᠴᠢ ᠰᠢ ᠯᠢᠶᠠᠩ ᠴᠧᠨ᠂ ᠡᠷᠬᠢᠯᠡᠭᠴᠢ ᠬᠦᠸᠧ ᠬᠠᠢ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠦᠨᠳᠦᠰᠦᠳᠡᠨ ᠱᠠᠰᠢᠨ ᠰᠤᠷᠳᠠᠬᠤᠨ  ᠤ ᠭᠡᠷᠡᠭ ᠡᠷᠬᠢᠯᠡᠭᠦ ᠳᠤᠪᠴᠢᠶ᠎ᠠ  ᠶᠢᠨ ᠳᠠᠪᠴᠢᠶᠠᠨ ᠳᠠᠷᠤᠭ᠎ᠠ ᠰᠢ ᠰᠠᠶᠢᠨ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠠᠬᠠᠮᠠᠳ ᠺᠠᠳ᠋ᠷ  ᠤᠨ ᠳᠤᠪᠴᠢᠶ᠎ᠠ  ᠶᠢᠨ ᠳᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠯᠢ ᠮᠤᠤ   ᠵᠢᠶᠧ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠰᠤᠶᠤᠯ    ᠤᠨ ᠤᠷᠳᠤᠨ  ᠤ ᠳᠠᠷᠤᠭ᠎ᠠ ᠲᠠᠨ ᠯᠢ ᠹᠸᠡᠭ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ︽  ᠭᠢᠳᠠᠨ ᠳᠠᠭᠤᠤ ᠬᠦᠭᠵᠢᠮ  ᠤᠨ ᠰᠤᠳᠤᠯᠤᠯ  ᠤᠨ ᠨᠡᠶᠢᠭᠡᠮᠯᠢᠭ︾  ᠤᠨ ᠳᠠᠷᠤᠭ᠎ᠠ ᠪᠤᠤ ᠶᠢᠨ ᠱᠠᠨ᠂ ᠳᠡᠷᠢᠭᠦᠯᠡᠭᠴᠢ ᠡᠤ ᠪᠤᠤ ᠵᠢᠴᠢ ᡁᠢ ᠠᠨ ᠪᠠᠯᠭᠠᠰᠤᠨ  ᠤ ᠨᠠᠮ  ᠤᠨ ᠬᠤᠷᠢᠶ᠎ᠠ  ᠶᠢᠨ ᠳᠡᠳ᠋ ᠱᠦᠵᠢ᠂ ᠪᠠᠯᠭᠠᠰᠤᠨ   ᠳᠠᠷᠤᠭ᠎ᠠ ᠽᠦᠢ   ᠢᠣᠢ ᠪᠦᠸᠧ ᠵᠡᠷᠭᠡ ᠤᠳᠤᠷᠢᠳᠤᠯᠭ᠎ᠠ ᠵᠢᠴᠢ ᡁᠢ   ᠠᠨ ᠪᠠᠯᠭᠠᠰᠤ  ᠶᠢᠨ ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ   ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠤᠨ ᠳᠠᠷᠤᠭ᠎ᠠ ᠯᠢᠶᠠᠩ ᠶᠢᠨ ᠱᠠᠨ   ᠵᠢᠴᠢ ᠭᠡᠰᠢᠭᠦᠳ ᠡᠨᠡ ᠤᠳᠠᠭᠠᠨ ᠤ ᠫᠠᠶᠢᠰᠠ ᠤᠯᠭᠤᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠵᠦ᠂ ᡁᠢ   ᠠᠨ ᠪᠠᠯᠭᠠᠰᠤᠨ  ᠤ ᠨᠠᠮ  ᠤᠨ ᠬᠤᠷᠢᠶ᠎ᠠ  ᠶᠢᠨ ᠤᠬᠠᠭᠤᠯᠬᠤ ᠭᠡᠰᠢᠭᠦᠨ ᠸᠠᠩ ᠬᠤᠤ ᠶᠤᠰᠤᠯᠠᠯ  ᠢ ᠡᠷᠬᠢᠯᠡᠵᠡᠢ᠃     ᠡᠩ ᠳᠡᠷᠢᠭᠦᠨ ᠳᠤ ᡁᠢ ᠠᠨ ᠪᠠᠯᠭᠠᠰᠤᠨ  ᠤ ᠨᠠᠮ  ᠤᠨ ᠬᠤᠷᠢᠶ᠎ᠠ  ᠶᠢᠨ ᠳᠡᠳ᠋ ᠱᠦᠵᠢ᠂ ᠪᠠᠯᠭᠠᠰᠤᠨ ᠳᠠᠷᠤᠭ᠎ᠠ ᠽᠦᠢ ᠢᠣᠢ ᠪᠦᠸᠧ ᠨᠦᠭᠦᠷ ᠠᠴᠠ   ᠪᠠᠶᠠᠷ ᠤᠨ ᠦᠭᠡ ᠬᠡᠯᠡᠵᠡᠢ᠃ ︽ᠣᠯᠣᠰ  ᠤᠨ ᠳᠡᠰ  ᠤᠨ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠤᠨ ᠳᠦᠷᠦᠯ ᠵᠦᠢᠯ ᠪᠤᠯᠬᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ   ᠬᠤᠭᠤᠷ  ᠤᠨ ᠳᠠᠭᠤᠤ ᠭᠦᠭᠵᠢᠮ  ᠢ   ᠬᠠᠮᠠᠭᠠᠯᠠᠵᠦ ᠤᠯᠠᠮᠵᠢᠯᠠᠬᠤ ᠰᠠᠭᠤᠷᠢᠨ ᠭᠠᠵᠠᠷ︾ ᡁᠢ   ᠠᠨ ᠪᠠᠯᠭᠠᠰᠤᠨ ᠳᠤ   ᠨᠤᠳᠤᠬᠰᠢᠬᠰᠠᠨ ᠢ ᠪᠡᠯᠭᠡᠯᠡᠵᠦ᠂   ᠫᠠᠶᠢᠰᠠ ᠤᠯᠭᠤᠬᠤ ᠶᠤᠰᠤᠯᠠᠯ  ᠳᠤ ᠮᠤᠷᠢᠯᠠᠨ ᠰᠠᠭᠠᠳᠠᠭᠰᠠᠨ   ᠤᠳᠤᠷᠢᠳᠤᠯᠭ᠎ᠠ  ᠂ ᠵᠤᠴᠢᠳ  ᠲᠤ ᠴᠢᠩ ᠰᠡᠳᠬᠢᠯ  ᠤᠨ ᠳᠠᠯᠠᠷᠬᠠᠯ  ᠢᠶᠠᠨ ᠢᠯᠡᠳᠭᠡᠵᠠᠢ᠃     ︽ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ︾ ᠪᠤᠯ ᠦᠨᠳᠦᠰᠦᠳᠡᠨ  ᠤ ᠰᠤᠶᠤᠯ  ᠤᠨ ᠤᠬᠢ᠂ ᠦᠨᠳᠦᠰᠦᠳᠡᠨ  ᠤ   ᠤᠢ ᠪᠢᠯᠢᠭ  ᠤᠨ ᠪᠡᠯᠭᠡ ᠳᠡᠮᠳᠡᠭ᠂ ᠮᠦᠨᠴᠤ ᠦᠨᠳᠦᠰᠦᠳᠡᠨ  ᠤ ᠵᠤᠷᠢᠭ ᠰᠠᠨᠠᠭᠠᠨ  ᠤ ᠳᠠᠯᠠᠰᠳᠤ᠂ ᠳᠡᠷᠨ ᠨᠢ ᠨᠢᠭᠡ ᠦᠨᠳᠦᠰᠦᠳᠡᠨ  ᠤ   ᠲᠡᠤᠭᠡ ᠰᠤᠶᠤᠯ ᠪᠠ ᠦᠨ᠎ᠠ ᠦᠷᠳᠡᠭ  ᠤᠨ ᠦᠵᠡᠯᠳᠡ ᠳᠠᠨᠢᠯᠳᠠ  ᠶᠢ ᠤᠯᠠᠮᠵᠢᠯᠠᠵᠠᠢ᠃ ᠽᠦᠢ ᠪᠠᠯᠭᠠᠰᠤᠨ ᠳᠠᠷᠤᠭ᠎ᠠ ᠳᠤᠷᠠᠳᠤᠭᠰᠠᠨ ᠨᠢ᠂ ︽ᡁᠢ   ᠠᠨ ᠪᠠᠯᠭᠠᠰᠤᠨ  ᠤ ᠤᠯᠤᠰ  ᠤᠨ ᠳᠡᠰ  ᠤᠨ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠤᠨ ᠳᠦᠷᠦᠯ   ᠵᠦᠢᠯ ᠪᠤᠯᠬᠤ   ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠤᠨ ᠳᠠᠭᠤᠤ ᠬᠦᠭᠵᠢᠮ  ᠢ ᠬᠠᠮᠠᠭᠠᠯᠠᠵᠦ ᠤᠯᠠᠮᠵᠢᠯᠠᠬᠤ ᠰᠠᠭᠤᠷᠢᠨ ᠭᠠᠵᠠᠷ︾  ᠢ ᠪᠠᠶᠢᠭᠤᠯᠤᠭᠰᠠᠨ ᠵᠤᠷᠢᠯᠭ᠎ᠠ ᠪᠤᠯ ᠳᠤᠰᠬᠠᠢ ᠰᠡᠳᠦᠪᠳᠤ ᠪᠤᠯᠪᠠᠰᠤᠷᠠᠯ  ᠤᠨ   ᠠᠷᠭ᠎ᠠ ᠪᠠᠷ ᠮᠠᠨ  ᠤ ᠪᠠᠯᠭᠠᠰᠤᠨ  ᠤ ᠠᠷᠠᠳ  ᠤᠨ ᠤᠷᠠᠯᠢᠭ ᠪᠠ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠢ ᠬᠠᠮᠠᠭᠠᠯᠠᠬᠤ᠂   ᠤᠬᠠᠭᠤᠯᠬᠤ᠂ ᠳᠤᠭᠯᠠᠬᠤ ᠠᠷᠭ᠎ᠠ ᠠᠪᠴᠠᠯ ᠵᠡᠷᠭᠡ ᠳᠠᠯ᠎ᠠ ᠪᠠᠷ   ᠨᠡᠭᠡᠭᠡᠵᠦ᠂   ᠰᠤᠳᠤᠯᠵᠦ᠂   ᠠᠰᠢᠬᠠᠯᠠᠬᠤ ᠪᠠ ᠤᠯᠠᠮᠵᠢᠯᠠᠬᠤ  ᠶᠢᠨ ᠤᠯᠠᠮ ᠠᠴᠠ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ  ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠬᠦᠨᠵᠡᠭᠡᠶᠢᠷᠡᠭᠦᠯᠵᠦ᠂   ᠪᠠᠰᠠᠴᠤ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠰᠤᠶᠤᠯ  ᠤᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠬᠦᠭᠵᠢᠬᠦ ᠪᠠ ᠴᠡᠴᠡᠭᠯᠡᠭᠦ  ᠶᠢᠨ ᠰᠠᠭᠤᠷᠢ  ᠶᠢ ᠳᠠᠯᠪᠢᠵᠠᠢ᠃ ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ ᠤᠷᠠᠯᠢᠭ  ᠤᠨ ᠪᠦᠯᠭᠦᠮ ᠪᠠ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠢ ᠬᠠᠮᠠᠭᠠᠯᠠᠬᠤ ᠪᠤᠯᠪᠠᠰᠤᠷᠠᠯ  ᠤᠨ ᠠᠩᠬᠢ ᠪᠠᠶᠢᠭᠤᠯᠤᠭᠳᠠᠰᠠᠨ  ᠤ ᠰᠡᠭᠦᠯᠡᠷ᠂ ᠪᠦᠳᠦᠮᠵᠢᠳᠡᠢ ᠠᠵᠢᠯᠯᠠᠬᠤ ᠳᠤᠭᠳᠠᠴᠠ ᠶᠢ ᠳᠠᠷᠤᠢ ᠳᠦᠷᠭᠡᠨ ᠪᠦᠷᠢᠳᠦᠭᠦᠯᠵᠦ᠂ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠤᠨ ᠠᠵᠢᠯᠴᠢᠳ  ᠤᠨ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ᠂ ᠳᠤᠰᠬᠠᠢ ᠠᠰᠠᠭᠤᠨ ᠰᠤᠷᠪᠤᠯᠵᠢᠯᠠᠭ᠎ᠠ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠴᠢ ᠬᠠᠮᠭᠠᠯᠠᠯᠳᠠ ᠪᠠ ᠤᠯᠠᠮᠵᠢᠯᠠᠬᠤ ᠳᠠᠯ᠎ᠠ ᠪᠠᠷ ᠴᠢᠬᠤᠯᠨ ᠦᠢᠯᠡᠳᠦᠯ ᠪᠠᠳᠠᠷᠠᠭᠤᠯᠵᠦ᠂ ᠮᠠᠨ  ᠤ ᠪᠠᠯᠭᠠᠰᠤᠨ  ᠤ ᠠᠷᠠᠳ  ᠤᠨ   ᠰᠤᠶᠤᠯ ᠤᠷᠠᠯᠢᠭ ᠪᠠ ᠪᠤᠳᠠᠰ  ᠤᠨ ᠪᠤᠰᠤ ᠰᠤᠶᠤᠯ  ᠤᠨ ᠦᠯᠡᠳᠡᠭᠳᠡᠯ  ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ  ᠤᠨ ᠰᠢᠨ᠎ᠠ ᠪᠠᠶᠢᠳᠠᠯ  ᠢ ᠴᠢᠷᠮᠠᠶᠢᠨ ᠡᠭᠦᠳᠭᠦ  ᠶᠢ ᠬᠦᠰᠡᠵᠦ ᠪᠠᠶᠢᠨ᠎ᠠ ᠭᠡᠵᠡᠢ᠃     ᠰᠡᠭᠦᠯ ᠳᠤ᠂   ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠦᠨᠳᠦᠰᠦᠳᠡᠨ ᠱᠠᠰᠢᠨ ᠰᠤᠷᠳᠠᠬᠤᠨ  ᠤ ᠭᠡᠷᠡᠭ ᠡᠷᠬᠢᠯᠡᠭᠦ ᠳᠤᠪᠴᠢᠶ᠎ᠠ  ᠶᠢᠨ ᠳᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠰᠢ ᠰᠠᠶᠢᠨ ᠪᠠ ᠳᠦᠡᠭᠯᠢᠶᠤᠤ ᠬᠤᠳᠠ  ᠶᠢᠨ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠪᠦᠵᠢᠭ  ᠤᠨ   ᠪᠦᠯᠭᠦᠮ  ᠤᠨ ᠳᠡᠳ᠋   ᠪᠦᠯᠭᠦᠮ  ᠤᠨ   ᠳᠠᠷᠤᠭ᠎ᠠ ᠯᠢ ᠪᠢᠡᠭ ᠨᠦᠭᠦᠷ ᠠᠴᠠ ᠳᠤᠰᠪᠤᠷᠢ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠦᠨᠳᠦᠰᠦᠳᠡᠨ ᠱᠠᠰᠢᠨ ᠰᠤᠷᠳᠠᠬᠤᠨ  ᠤ ᠭᠡᠷᠡᠭ ᠡᠷᠬᠢᠯᠡᠭᠦ ᠳᠤᠪᠴᠢᠶ᠎ᠠ ᠪᠠ ᠳᠦᠡᠭᠯᠢᠶᠤᠤ ᠬᠤᠳᠠ  ᠶᠢᠨ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠪᠦᠵᠢᠭ  ᠤᠨ ᠪᠦᠯᠭᠦᠮ  ᠤᠨ ᠪᠦᠭᠦ   ᠤᠳᠤᠷᠢᠳᠬᠤ ᠪᠠᠭ ᠪᠠ ᠳᠤᠬᠯᠠᠬᠴᠢᠳ  ᠢ ᠳᠦᠯᠦᠭᠡᠯᠡᠨ ᠴᠢᠬᠤᠯᠨ   ᠶᠠᠷᠢᠶ᠎ᠠ ᠳᠠᠯᠪᠢᠵᠠᠢ᠃ ᠳᠡᠳᠡᠨᠤᠰ ᠢᠯᠡᠷᠭᠡᠶᠢᠯᠡᠭᠰᠡᠨ ᠨᠢ᠂ ᠤᠷᠴᠢᠮ  ᠤᠨ   ᠵᠢᠯ  ᠳᠤ ᠯᠢᠶᠠᠩ  ᠶᠢᠨ ᠱᠠᠨ ᠪᠦᠯᠭᠦᠮ  ᠤᠨ   ᠳᠠᠷᠤᠭ᠎ᠠ ᠪᠠᠷ ᠳᠦᠯᠦᠭᠡᠯᠡᠭᠦᠯᠦᠭᠰᠡᠨ ᡁᠢ ᠠᠨ ᠪᠠᠯᠭᠠᠰᠤᠨ  ᠤ ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ ᠤᠷᠠᠯᠢᠭ  ᠤᠨ ᠪᠦᠯᠭᠦᠮ ᠬᠤᠰᠢᠭᠤᠨ  ᠤ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤ  ᠶᠢᠨ ᠡᠯ᠎ᠠ ᠳᠡᠰ  ᠤᠨ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠦ᠂ ᠤᠯᠠᠨ ᠠᠷᠪᠢᠨ ᠶᠡᠭᠡ ᠱᠠᠩ ᠳᠤᠰᠴᠤ᠂ ᠨᠠᠢᠮᠠᠨ ᠬᠤᠰᠢᠭᠤᠨ   ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠬᠦᠭᠵᠢᠮ   ᠢ ᠬᠠᠮᠠᠭᠠᠯᠠᠬᠤ ᠪᠠ ᠤᠯᠠᠮᠵᠢᠯᠠᠬᠤ ᠠᠵᠢᠯ  ᠢ ᠨᠠᠩ ᠦᠨᠳᠦᠷ ᠳᠦᠪᠰᠢᠨ  ᠳᠤ ᠬᠦᠷᠭᠡᠵᠦ᠂ ᠨᠠᠢᠮᠠᠨ ᠬᠤᠰᠢᠭᠤᠨ  ᠤ ᠰᠤᠶᠤᠯ  ᠤᠨ ᠪᠠᠶᠢᠭᠤᠯᠤᠯᠳᠠ  ᠳᠤ ᠳᠤᠪᠤᠶᠢᠮ᠎ᠠ ᠬᠤᠪᠢ ᠨᠡᠮᠡᠭᠦᠷᠢ ᠦᠵᠡᠭᠦᠯᠵᠡᠢ᠃ ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠤᠨ ᠪᠦᠭᠦ ᠭᠡᠰᠢᠭᠦᠨ   ᠠᠴᠠ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠤᠨ ᠪᠠᠭᠰᠢ ᠡᠤ ᠶᠦᠨ ᠯᠦᠡᠭ  ᠤᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠲᠠᠬᠢ ᠤᠷᠬᠢᠯᠤᠮ᠎ᠠ ᠰᠡᠳᠬᠢᠯᠭᠡ ᠪᠠ ᠡᠷᠬᠢᠮ ᠳᠡᠭᠡᠳᠤ   ᠵᠤᠷᠢᠭ ᠰᠠᠨᠠᠭ᠎ᠠ  ᠶᠢ ᠰᠤᠷᠤᠯᠴᠠᠨ ᠪᠠᠳᠠᠷᠠᠭᠤᠯᠵᠦ᠂ ᠡᠭᠦᠨ ᠠᠴᠠ ᠬᠤᠶᠢᠰᠢᠳᠠ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠢ ᠪᠠᠳᠠᠷᠠᠭᠤᠯᠤᠨ ᠬᠦᠭᠵᠢᠭᠦᠯᠭᠦ᠂ ᠬᠠᠮᠠᠭᠠᠯᠠᠵᠦ ᠤᠯᠠᠮᠵᠢᠯᠠᠬᠤ ᠳᠠᠯ᠎ᠠ ᠪᠠᠷ ᠢᠳᠡᠪᠬᠢᠳᠡᠢ ᠰᠦᠪᠡᠭᠴᠢᠯᠡᠯᠳᠠ ᠬᠢᠵᠦ᠂ ᠨᠡᠩ ᠶᠡᠭᠡ ᠬᠤᠪᠢ ᠨᠡᠮᠡᠭᠦᠷᠢ ᠦᠵᠡᠭᠦᠯᠭᠦ  ᠶᠢ ᠬᠦᠰᠡᠵᠦ ᠪᠠᠶᠢᠨ᠎ᠠ ᠭᠡᠵᠡᠢ᠃     ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠤᠨ ᠭᠡᠰᠢᠭᠦᠨ ᠬᠤᠷᠴᠢᠨ ᠠᠴᠠ ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠢ ᠳᠦᠯᠦᠭᠡᠯᠡᠨ ᠶᠠᠷᠢᠶ᠎ᠠ ᠳᠠᠯᠪᠢᠪᠠ᠃ ᠳᠡᠷᠨ ᠢᠯᠡᠷᠭᠡᠶᠢᠯᠡᠭᠰᠡᠨ ᠨᠢ   ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠤᠨ ᠪᠦᠭᠦ ᠭᠡᠰᠢᠭᠦᠨ ᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠤᠷᠰᠢᠯᠭ᠎ᠠ ᠪᠠᠶᠠᠯᠢᠭ ᠪᠠᠭᠰᠢ ᠠᠴᠠ  ᠲᠠᠭᠠᠨ ᠰᠤᠷᠤᠯᠴᠠᠵᠦ᠂   ᠨᠠᠢᠮᠠᠨ ᠬᠤᠰᠢᠭᠤᠨ   ᠤ ᠳᠦᠷᠪᠠᠨ ᠤᠳᠠᠰᠤᠳᠤ ᠬᠤᠭᠤᠷ   ᠲᠤ   ᠳᠤᠷᠠᠳᠠᠢ ᠬᠦᠮᠦᠰ  ᠲᠤ ᠰᠤᠷᠤᠯᠴᠠᠬᠤ ᠳᠠᠪᠴᠠᠩ ᠪᠠᠶᠢᠭᠤᠯᠤᠨ ᠦᠭᠴᠦ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠪᠠᠳᠤ ᠴᠡᠭᠡᠵᠢᠯᠡᠵᠦ᠂ ᠬᠦᠨᠳᠤ ᠨᠠᠶᠢᠳᠠᠯᠭ᠎ᠠ  ᠶᠢ ᠦᠯᠦ ᠮᠠᠷᠳᠠᠨ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ  ᠢ ᠬᠠᠮᠭᠠᠯᠠᠵᠦ ᠤᠯᠠᠮᠵᠢᠯᠠᠬᠤ   ᠴᠢᠬᠤᠯᠨ ᠡᠭᠦᠷᠭᠡ  ᠶᠢ ᠡᠭᠦᠷᠭᠡᠯᠡᠭᠦ ᠢᠳᠡᠭᠡᠯ   ᠪᠠᠶᠢᠨ᠎ᠠ ᠭᠡᠵᠡᠢ᠃       ᠬᠠᠮᠤᠭ ᠰᠡᠭᠦᠯ  ᠳᠤ᠂ ᠤᠯᠤᠰ   ᠤᠨ   ᠳᠡᠰ   ᠤᠨ   ᠪᠤᠳᠠᠰ  ᠤᠨ   ᠪᠤᠰᠤ ᠰᠤᠶᠤᠯ  ᠤᠨ   ᠦᠪ   ᠤᠨ   ᠦᠯᠡᠳᠡᠭᠳᠡᠯ   ᠤᠨ ᠳᠦᠷᠦᠯ ᠵᠦᠢᠯ   ︽ᠮᠤᠩᠭᠤᠯ ᠦᠨᠳᠦᠰᠦᠳᠡᠨ   ᠤ   ᠳᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ   ᠤᠨ   ᠳᠠᠭᠤᠤ ᠬᠦᠭᠵᠢᠮ   ᠢ   ᠬᠠᠮᠠᠭᠠᠯᠠᠵᠤ   ᠤᠯᠠᠮᠵᠢᠯᠠᠬᠤ   ᠰᠠᠭᠤᠷᠢᠨ   ᠭᠠᠵᠠᠷ  ︾   ᠤᠨ   ᠫᠠᠶᠢᠰᠠ   ᠤᠯᠭᠤᠬᠤ   ᠶᠤᠰᠤᠯᠠᠯ  ᠢ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠶᠠᠪᠤᠭᠳᠠᠭᠤᠯᠵᠦ᠂ ᠳᠦᠡᠭᠯᠢᠶᠤᠤ   ᠬᠤᠳᠠ  ᠶᠢᠨ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠪᠦᠵᠢᠭ  ᠤᠨ ᠪᠦᠯᠭᠦᠮ  ᠤᠨ ᠯᠢ ᠪᠢᠡᠭ ᠳᠡᠳ᠋   ᠳᠠᠷᠤᠭ᠎ᠠ ᠪᠠ ᠳᠦᠡᠭᠯᠢᠶᠤᠤ ᠬᠤᠳᠠ  ᠶᠢᠨ ᠦᠨᠳᠦᠰᠦᠳᠡᠨ  ᠤ ᠳᠠᠭᠤᠤ ᠪᠦᠵᠢᠭ  ᠤᠨ   ᠪᠦᠯᠭᠦᠮ  ᠤᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠳᠦᠷᠪᠠᠨ ᠤᠳᠠᠰᠤᠳᠤ ᠬᠤᠭᠤᠷ  ᠤᠨ ᠳᠠᠭᠤᠤ ᠬᠦᠭᠵᠢᠮ  ᠤᠨ ᠤᠯᠠᠮᠵᠢᠯᠠᠬᠴᠢ ᠵᠠᠩ ᠪᠠᠶᠠᠷ ᠪᠠᠭᠰᠢ ᠠᠴᠠ ᡁᠢ ᠠᠨ ᠪᠠᠯᠭᠠᠰᠤ  ᠶᠢᠨ ︽  ᠪᠤᠷᠤ ᠬᠤᠰᠢᠭᠤ︾ ᠠᠷᠠᠳ  ᠤᠨ   ᠤᠷᠠᠯᠢᠭ  ᠤᠨ ᠪᠦᠯᠭᠦᠮ  ᠤᠨ   ᠳᠠᠷᠤᠭ᠎ᠠ ᠯᠢᠶᠠᠩ ᠶᠢᠨ ᠱᠠᠨ ᠪᠠ ᠭᠡᠰᠢᠭᠦᠨ ᠪᠤᠤ ᠯᠠᠨ  ᠳᠤ ᠫᠠᠶᠢᠰᠠ ᠤᠯᠭᠤᠪᠠ᠃
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠳᠠᠯ᠎ᠠ ᠰᠤᠮᠤᠨ ᠤ ᠰᠦᠮ᠎ᠡ ᠶᠢᠨ ᠠᠶᠢᠯ ᠤᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠵᠠᠩ ᠦᠢᠯᠡ ᠁
ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠪᠠᠶᠢᠰᠢᠩᠳᠤ ᠪᠠᠯᠭᠠᠰᠤ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠮᠠᠯᠴᠢᠨ ᠳᠠᠷᠢᠶᠠᠴᠢᠳ ᠤᠨ ᠁
ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠦᠨᠳᠤᠰᠤᠨ ᠱᠠᠳᠤᠨ ᠳᠤ ᠬᠦᠨᠵᠡᠭᠡᠶᠢᠷᠠᠨ ᠤᠯᠠᠨ ᠳᠦᠮᠡᠨ ᠤ ᠬᠠᠯᠠᠭᠤᠨ ᠁
 ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠡᠬᠦᠰᠤᠯ ᠭᠠᠷᠤᠯ ᠬᠢᠭᠡᠳ ᠰᠤᠶᠤᠯ ᠳᠡᠤᠭᠡ ᠶᠢᠨ ᠳᠤᠬᠠᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠁
ᠨᠠᠢᠮᠠᠨ ᠬᠤᠰᠢᠭᠤᠨ ᠤ ︵ᠮᠤᠩᠭᠤᠯ︶ ᠸᠠᠩ ᠤᠨ ᠬᠤᠷᠤᠭ᠎ᠠ ᠶᠢᠨ ᠮᠥᠽᠸᠢ ᠲᠠᠬᠢᠨ ᠰᠢᠨ᠎ᠡ ᠪᠠᠷ ᠡᠭᠦᠳᠡ ᠪᠠᠨ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备06000874号