ᠨᠢᠭᠡ | ᠨᠠᠮᠠ ᠶᠢ ᠰᠡᠭᠡᠭᠡ ᠤᠷᠤᠬᠤ ᠦᠶᠡ ᠳᠤ ᠨᠢᠭᠡᠨᠲᠡ ᠰᠦᠨᠢ ᠲᠦᠯᠢ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ ᠪᠠᠷᠠᠭᠤᠨ ᠬᠦᠯ | ᠱᠠᠷᠬᠢᠷᠠᠨ ᠡᠪᠡᠳᠴᠦ᠂ ᠲᠤᠯᠤᠭᠠᠢ ᠲᠦᠢᠷᠠᠨ ᠦᠴᠦᠬᠡᠨ ᠴᠦ ᠬᠦᠳᠡᠯᠬᠦ ᠶᠢᠨ ᠠᠷᠭᠠ ᠦᠭᠡᠢ᠃ ᠨᠢᠳᠤ ᠪᠠᠨ | ᠨᠡᠬᠡᠬᠡᠮᠡᠭᠴᠡ ᠪᠢ ᠮᠡᠳᠡᠷᠡᠪᠡ᠃ ᠪᠢ ᠡᠮᠨᠡᠯᠭᠡ ᠳᠤ ᠪᠠᠶᠢᠨᠠ᠃ ᠪᠠᠰᠠ ᠦᠬᠦᠭᠡ ᠦᠭᠡᠢ ᠪᠠᠶᠢᠭᠰᠠᠭᠠᠷ᠃ ᠶᠠᠭᠤᠨ ᠳᠤ | ᠦᠬᠦᠳᠡᠭ ᠦᠭᠡᠢ ᠶᠤᠮ ᠭᠡᠵᠦ ᠭᠠᠶᠢᠬᠠᠰᠢ ᠲᠦᠷᠦᠨᠡ᠃ | ᠲᠡᠮᠦᠷ ᠤᠷᠤ ᠶᠢᠨ ᠲᠡᠷᠭᠡᠲᠡ ᠬᠦᠯ ᠤᠨ ᠦᠵᠦᠭᠦᠷ ᠨᠢᠭᠡ ᠬᠦᠮᠦᠨ ᠡᠯᠢᠭᠡᠳᠡᠨ ᠬᠡᠪᠲᠡᠭᠡ ᠨᠢ ᠪᠦᠷᠦᠯᠵᠡᠨ | ᠦᠵᠡᠭᠳᠡᠪᠡ᠃ ᠡᠨᠡ ᠬᠦᠮᠦᠨ ᠪᠤᠯ ᠨᠠᠳᠠ ᠡᠵᠢ ᠪᠤᠯᠬᠤ ᠲᠡᠷᠡ ᠪᠦᠰᠡᠬᠦᠢ ᠭᠡᠵᠦ ᠲᠤᠲᠤᠭᠠᠳᠤ ᠰᠡᠷᠡᠯ ᠳᠤ | ᠮᠡᠳᠡᠷᠡᠭᠳᠡᠨᠡ᠃ ᠲᠡᠭᠡᠬᠦ ᠳᠤ ᠲᠤᠲᠤᠷᠠ ᠭᠠᠰᠢᠭᠤ ᠤᠷᠬᠢᠵᠤ᠂ ᠨᠢᠭᠡᠨ ᠦᠯᠦ ᠦᠵᠡᠭᠳᠡᠬᠦ ᠭᠠᠷ ᠵᠢᠷᠦᠬᠡ ᠶᠢ ᠪᠠᠵᠠᠯᠠᠬᠤ | ᠰᠢᠭ᠋ ᠡᠪᠡᠷᠰᠢᠶᠡᠬᠦ ᠪᠠᠷ ᠪᠡᠶᠡ ᠪᠠᠨ ᠰᠢᠯᠭᠡᠭᠡᠪᠡ᠃ ᠲᠡᠷᠡ ᠬᠦᠮᠦᠨ ᠦᠷᠭᠦᠨ ᠨᠠᠳᠬᠤᠭᠰᠠᠨ ᠰᠢᠭ᠋ ᠡᠷᠪᠠᠶᠢᠨ ᠪᠤᠰᠴᠤ | ᠨᠠᠮᠠ ᠶᠢ ᠬᠠᠷᠠᠭᠠᠳ᠄ | — — ᠡᠪᠡᠤ᠂ ᠬᠦᠤ ᠮᠢᠨᠢ᠂ ᠪᠠᠮᠪᠠᠷ ᠮᠢᠨᠢ ᠰᠠᠷᠭᠦᠴᠢᠬᠡᠯᠡ ᠤᠤ︖ ᠲᠤᠲᠤᠷᠠ ᠴᠢᠨᠢ ᠶᠠᠮᠠᠷᠬᠠᠨ ᠪᠠᠶᠢᠨᠠ︖ | ᠭᠡᠵᠡᠢ᠃ | ᠮᠢᠨᠤ ᠦᠭᠡ ᠶᠠᠷᠢᠬᠤ ᠤᠷᠮᠠ ᠠᠯᠳᠠᠷᠠᠵᠤ᠂ ᠠᠨᠢᠰᠬᠠ ᠴᠦ ᠵᠠᠯᠬᠠᠭᠤ ᠬᠦᠷᠦᠨ ᠠᠨᠢᠯᠳᠤᠪᠠ᠃ | ᠲᠡᠷᠡ ᠬᠦᠮᠦᠨ ᠤᠯᠠᠮ ᠢᠶᠠᠷ ᠵᠠᠵᠢᠭ ᠪᠠᠵᠢᠭ ᠠᠯᠳᠠᠷᠠᠨ᠂ ᠭᠠᠷ ᠢᠶᠠᠨ ᠨᠤᠬᠤᠴᠢᠨ ᠳᠡᠪᠭᠡᠴᠡᠬᠦ ᠨᠢ ᠲᠤᠲᠤᠷᠠ | ᠰᠡᠷᠡᠭᠳᠡᠨᠡ᠃ | — — ᠬᠦᠤ ᠮᠢᠨᠢ᠂ ᠬᠤᠭᠤᠯᠠᠢ ᠪᠠᠨ ᠨᠤᠷᠭᠠᠬᠤ ᠤᠤ︖ ᠶᠠᠮᠠᠷ ᠬᠡᠴᠡᠭᠦᠤ ᠪᠤᠯᠵᠤ ᠪᠠᠶᠢᠨᠠ ᠭᠡᠵᠦ | ᠤᠬᠢᠯᠠᠩᠨᠠᠨ ᠦᠭᠦᠯᠡᠨᠡ᠃ | ᠪᠢ ᠨᠢᠳᠤ ᠪᠠᠨ ᠨᠡᠬᠡᠭᠡᠵᠦ ᠲᠡᠷᠡ ᠬᠦᠮᠦᠨ ᠢ ᠠᠰ ᠬᠠᠷᠠᠪᠠ᠃ | — — ᠲᠡᠷᠡ ᠬᠦᠮᠦᠨ ᠦᠬᠦᠴᠢᠬᠡᠭᠰᠡᠨ ᠤᠤ︖ | — — ᠦᠭᠡᠢ᠂ ᠡᠮᠨᠡᠯᠭᠡ ᠳᠤ ᠪᠤᠢ᠃ | — — ᠪᠢ ᠶᠠᠭᠠᠬᠢᠭᠠᠳ ᠦᠬᠦᠳᠡᠭ ᠦᠭᠡᠢ ᠶᠤᠮ︖ | ᠠᠨᠢᠭᠠᠷ ᠨᠠᠷᠢᠬᠠᠨ ᠨᠢᠳᠤ ᠨᠢ ᠤᠰᠤᠩᠳᠦᠨ᠂ ᠤᠷᠤᠭᠤᠯ ᠢᠶᠠᠨ ᠬᠠᠵᠠᠯᠬᠢᠯᠠᠬᠤ ᠶᠢ ᠨᠢ ᠬᠠᠷᠠᠭᠠᠳ ᠡᠭᠳᠡᠭᠦᠤ | ᠬᠦᠷᠪᠡ᠃ ᠳᠠᠬᠢᠭᠠᠳ ᠶᠠᠭᠤ ᠴᠦ ᠲᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠡᠮᠡᠭᠲᠡᠢ ᠨᠠᠶᠢᠵᠨ ᠮᠢᠨᠢ ᠲᠠᠨᠢᠯ ᠠᠬᠠ ᠲᠡᠭᠦᠤ ᠲᠠᠢ | ᠱᠠᠯ ᠰᠤᠭᠲᠤᠭᠤ ᠭᠠᠷ ᠬᠤᠯᠪᠤᠯᠴᠠᠨ ᠶᠠᠪᠤᠬᠤ ᠨᠢ ᠨᠢᠳᠦᠨ ᠳᠤ ᠳᠠᠬᠢᠨ ᠲᠤᠳᠤᠷᠠᠪᠠ᠃ ᠶᠠᠮᠠᠷ ᠤᠯᠢᠭ ᠦᠭᠡᠢ ᠬᠤᠶᠠᠷ | ᠪᠤᠢ᠂ ᠦᠬᠦᠯ ᠲᠠᠭᠠᠷᠢᠭᠰᠠᠨ ᠤᠳ᠃ | — — ᠲᠠ ᠬᠤᠶᠠᠷ ᠶᠠᠭᠠᠬᠢᠵᠤ ᠰᠠᠮᠠᠭᠤᠷᠠᠵᠤ ᠪᠠᠶᠢᠬᠤ ᠪᠤᠢ︖ | — — ᠮᠠᠨ ᠤ ᠬᠤᠶᠠᠷ ᠪᠠᠭᠠᠬᠠᠨ ᠠᠷᠢᠬᠢᠳᠠᠭᠠᠳ ᠬᠠᠯᠠᠰᠤᠴᠢᠬᠠᠭᠰᠠᠨ ᠢᠶᠠᠷ ᠲᠦᠰᠢᠯᠴᠡᠭᠡᠳ ᠁ | ᠡᠮᠡᠭᠲᠡᠢ ᠨᠠᠶᠢᠵᠨ ᠮᠢᠨᠢ ᠬᠤᠯᠮᠠᠯᠵᠠᠨ ᠭᠤᠨᠭ᠍ᠰᠢᠪᠠ᠃ | — — ᠵᠦᠭᠡᠷ ᠵᠤᠭᠤᠭ ᠳᠡᠯᠭᠡᠵᠦ ᠁ | ᠳᠠᠷᠢᠬᠢᠨ ᠳᠤ ᠲᠡᠷᠡ ᠵᠢᠯ ᠤᠨ ᠤᠯᠠᠭᠠᠨ ᠬᠡᠷᠡᠭᠦᠯ ᠪᠠ ᠠᠪᠤ ᠶᠢᠨ ᠯᠤᠩᠬᠤ ᠪᠠᠨ ᠲᠡᠪᠡᠷᠢᠭᠰᠡᠨ ᠤᠬᠢᠯᠠᠯ ᠴᠦᠢᠳᠧᠩ | ᠵᠢᠷᠤᠭᠰᠠᠨ ᠰᠢᠭ᠋ ᠭᠢᠯᠠᠰ ᠬᠢᠬᠦ ᠪᠠᠷ ᠡᠮᠡᠭᠲᠡᠢ ᠨᠠᠶᠢᠵᠨ ᠶᠢᠨ ᠦᠭᠡ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠭᠠᠭᠴᠠᠬᠠᠨ ᠲᠦᠭᠦᠰᠢᠯᠡᠪᠡ᠃ | | — — ᠴᠢᠳᠬᠦᠷ ᠤᠨ ᠦᠬᠢᠨ ᠶᠢᠰᠤᠨ ᠲᠦᠷᠦᠯ ᠲᠠᠢ ᠪᠠᠨ ᠴᠠᠭᠠᠰᠢ ᠵᠢᠯᠢᠢ᠃ | — — ᠡᠮᠤ ᠡ᠂ ᠠᠯᠠᠬᠤ ᠨᠢ︕ ᠭᠤᠳ ᠰᠢᠩᠬᠡᠨ ᠳᠠᠭᠤ᠃ | ᠴᠡᠭᠡᠵᠢᠨ ᠳᠤ ᠬᠡᠢ ᠰᠠᠭᠭᠠᠵᠤ᠂ ᠬᠠᠮᠠᠷ ᠢᠶᠠᠷ ᠤᠲᠤᠭᠠ ᠪᠤᠷᠭᠢᠨᠠ᠃ | — — ᠪᠠᠮᠪᠠᠷ ᠴᠢ ᠰᠤᠯᠢᠶᠠᠷᠠᠬᠤ ᠨᠢ ᠤᠤ᠃ ᠨᠠᠶᠢᠵᠨ ᠶᠢ ᠴᠢᠨᠢ ᠵᠦᠭᠡᠷ ᠨᠢᠭᠡ ᠪᠤᠳᠠᠭᠠᠯᠠᠬᠤ ᠳᠤ᠃ ᠡᠨᠡ | ᠴᠢᠨᠢ ᠡᠬᠡ ᠶᠢᠨ ᠢᠶᠠᠨ ᠲᠤᠮᠤᠭ ᠲᠤ ᠰᠢᠪᠠᠷᠳᠠᠴᠢᠬᠠᠭᠰᠠᠨ ᠭᠠᠶᠢᠬᠠᠯ᠃ | — — ᠦᠬᠦᠭᠰᠡᠨ ᠤ ᠴᠢᠨᠢ᠃ ᠴᠢᠮᠠ ᠠᠴᠠ ᠪᠤᠰᠤᠳ ᠬᠦᠮᠦᠨ ᠪᠦᠷ ᠲᠤᠯᠤᠭᠠᠢ ᠳᠤ ᠪᠠᠨ ᠤᠰᠤ ᠲᠠᠢ | ᠭᠡᠵᠦ ᠤᠤ᠃ ᠬᠦᠯ ᠲᠤᠤᠷᠠ ᠠᠴᠠ ᠪᠠᠨ ᠲᠤᠭᠤᠰᠬᠠ ᠠᠪᠴᠤ ᠲᠤᠯᠤᠭᠠᠢ ᠤᠷᠤᠭᠤ ᠨᠢ ᠨᠢᠭᠡ ᠪᠠᠯᠪᠠᠪᠠ᠃ ᠴᠠᠭᠠᠨᠠᠬᠢ | ᠡᠷᠡ ᠶᠢᠨ ᠲᠤᠯᠤᠭᠠᠢ ᠤᠯᠠᠭᠠᠨ ᠨᠦᠵᠢ ᠪᠤᠯᠵᠦ ᠬᠠᠷᠠᠭᠳᠠᠨᠠ᠃ ᠲᠡᠭᠡᠬᠦ ᠳᠤ ᠰᠢᠷᠬᠠᠨ ᠤ ᠬᠠᠯᠠᠭᠤᠨ ᠤᠤ᠂ ᠡᠰᠡᠪᠡᠯ | ᠠᠷᠢᠬᠢᠨ ᠤ ᠬᠠᠯᠠᠭᠤᠨ ᠢᠶᠠᠷ ᠤᠤ᠂ ᠪᠤᠤ ᠮᠡᠳᠡ᠂ ᠤᠨᠠᠬᠤ ᠡᠷᠡ ᠪᠢᠰᠢ᠃ ᠰᠠᠳᠠᠭᠠᠨᠠᠨ ᠤᠷᠤᠰᠬᠤ ᠴᠢᠰᠤ ᠪᠠᠨ | ᠠᠯᠠᠭᠠ ᠪᠠᠷ ᠢᠶᠠᠨ ᠵᠦᠯᠭᠦᠵᠦ᠂ ᠬᠠᠷᠮᠠᠨ ᠠᠴᠠ ᠪᠠᠨ ᠤᠬᠤᠷ ᠬᠢᠳᠤᠭᠠ ᠭᠠᠷᠭᠠᠨ ᠨᠦᠷᠢᠵᠦ ᠢᠷᠡᠪᠡ᠃ | ᠨᠢᠭᠡ ᠪᠠᠨ ᠬᠤᠤᠷᠯᠠᠬᠤ ᠤᠶᠢᠯᠡ ᠢᠡᠭᠬᠢᠵᠦ ᠡᠭᠦᠰᠦᠭᠰᠡᠨ ᠶᠤᠮ᠃ ᠡᠮᠨᠡᠯᠭᠡ ᠳᠤ ᠬᠡᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ᠂ | ᠬᠡᠷᠡᠭᠦᠯ ᠶᠠᠭᠠᠬᠢᠵᠤ ᠲᠡᠭᠦᠰᠦᠭᠰᠡᠨ ᠲᠤᠬᠠᠢ ᠪᠤᠳᠤᠭᠳᠠᠬᠤ ᠶᠠᠭᠤᠮᠠ ᠠᠯᠠᠭᠠ ᠪᠠᠶᠢᠪᠠ᠃ | ᠲᠤᠯᠤᠭᠠᠢ ᠰᠢᠷᠠᠭᠲᠠᠵᠤ᠂ ᠪᠠᠷᠠᠭᠤᠨ ᠬᠦᠯ ᠬᠢᠲᠤᠭᠠᠯᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠰᠢᠷᠬᠠᠨ ᠤ ᠬᠤᠤᠷᠯᠠᠯ ᠳᠤ ᠪᠦᠬᠦ | ᠪᠡᠶᠡ ᠱᠠᠷᠬᠢᠷᠠᠵᠤ ᠨᠦᠢᠷ ᠢᠶᠠᠨ ᠠᠯᠳᠠᠪᠠ᠃ ᠬᠦᠳᠡᠯᠵᠦ ᠴᠢᠳᠠᠯ ᠦᠭᠡᠢ ᠳᠡᠭᠡᠭᠰᠢ ᠬᠠᠷᠠᠵᠤ ᠬᠡᠪᠲᠡᠭᠰᠡᠭᠡᠷ᠃ | ᠡᠷᠲᠡ ᠶᠢᠨ ᠬᠤᠭᠤᠯᠠ ᠶᠢ ᠠᠪᠤ ᠬᠦᠷᠭᠡᠵᠦ ᠢᠷᠡᠪᠡ᠃ ᠪᠤᠴᠠᠵᠤ ᠵᠤᠭᠤᠰ ᠵᠤᠭᠠ ᠴᠤᠭᠯᠠᠭᠤᠯᠤᠭᠠᠳ ᠡᠷᠲᠡ ᠶᠢᠨ | ᠮᠠᠰᠢᠨ ᠢᠶᠠᠷ ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠡᠭᠦᠳᠡ ᠤᠷᠤᠵᠤ ᠢᠷᠡᠮᠡᠭᠴᠡ ᠰᠡᠷᠭᠦᠭᠰᠡᠨ ᠢ ᠬᠠᠷᠠᠵᠤ ᠦᠨᠡᠰᠦᠷᠡᠭᠰᠡᠨ ᠴᠢᠷᠡᠢ | ᠳᠡᠭᠡᠷᠡ ᠨᠢ ᠪᠠᠶᠠᠰᠤᠯ ᠤᠨ ᠦᠡᠭᠭᠡ ᠲᠤᠲᠤᠷᠠᠭᠰᠠᠨ ᠨᠢ ᠬᠤᠯᠠᠭᠠᠢ ᠬᠠᠷᠠᠴᠠ ᠳᠤ ᠤᠨᠠᠪᠠ᠃ | — — ᠰᠡᠷᠡᠴᠢᠭᠡᠭᠰᠡᠨ ᠶᠤᠮ ᠤᠤ︖ ᠠᠰᠢᠬᠦᠢ ᠳ᠋ᠠ ᠭᠡᠵᠦ ᠭᠠᠷ ᠲᠤ ᠬᠢ ᠢᠳᠡᠭᠡᠨ ᠢᠶᠠᠨ ᠤᠷᠤ ᠶᠢᠨ | ᠬᠠᠵᠠᠭᠤ ᠳᠤ ᠬᠢ ᠠᠪᠳᠠᠷᠠ ᠳᠡᠭᠡᠷᠡ ᠲᠠᠯᠪᠢᠪᠠ᠃ | — — ᠠᠯᠢ᠂ ᠬᠦᠤ ᠮᠢᠨᠢ ᠠᠮᠠ ᠪᠠᠨ ᠵᠠᠶᠢᠯᠠᠴᠢᠬᠠᠭᠠᠳ ᠡᠨᠡ ᠨᠠᠷᠢᠮᠤᠨ ᠰᠢᠩᠬᠡᠨ ᠢ ᠤᠭᠤᠴᠢ᠃ ᠪᠡᠶᠡ | ᠴᠢᠨᠢ ᠲᠠᠮᠢᠷ ᠤᠷᠤᠬᠤ ᠶᠤᠮ᠃ | ᠰᠢᠯ ᠴᠤᠮᠤᠨ ᠤ ᠪᠤᠴᠠᠯᠤᠭᠰᠠᠨ ᠴᠠᠭᠠᠨ ᠤᠰᠤᠨ ᠳᠤ ᠰᠦᠯᠢᠶᠤᠤ ᠭᠤᠤᠷᠰᠤ ᠬᠠᠳᠬᠤᠭᠠᠳ ᠠᠮᠠᠨ ᠳᠤ | ᠰᠤᠷᠤᠭᠤᠯᠪᠠ᠃ ᠳᠠᠬᠢᠨ ᠠᠯᠴᠢᠭᠤᠷ ᠢᠶᠠᠷ ᠵᠠᠪᠠᠵᠢ ᠠᠴᠠ ᠭᠠᠳᠠᠭᠰᠢ ᠤᠷᠤᠰᠬᠤ ᠤᠰᠤ ᠶᠢ ᠲᠤᠰᠴᠤ ᠠᠪᠤᠨᠠ᠃ | ᠬᠦᠳᠡᠭᠡ ᠶᠢᠨ ᠠᠪᠤ ᠳᠤ ᠪᠠᠶᠢᠮᠠᠷ ᠦᠭᠡᠢ ᠵᠠᠩ ᠢᠶᠠᠷ ᠬᠦᠡᠭᠬᠡᠮᠰᠦᠭᠯᠡᠵᠦ᠂ ᠬᠦᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠬᠦᠤ ᠶᠢᠨ ᠢᠶᠠᠨ | ᠠᠮᠢ ᠲᠠᠢ ᠦᠯᠡᠳᠡᠭᠰᠡᠨ ᠳᠤ ᠬᠡᠤᠬᠡᠳ ᠰᠢᠭ ᠪᠠᠶᠠᠰᠴᠠᠢ᠃ ᠠᠪᠤᠷᠠᠯ ᠤᠨ ᠳᠡᠭᠡᠳᠦ ᠪᠤᠷᠬᠠᠨ ᠠᠪᠤ ᠮᠢᠨᠢ ᠡ᠃ | ᠲᠦᠭᠡᠷᠢᠭᠰᠡᠨ ᠬᠡᠤᠬᠡᠳ ᠭᠡᠷ ᠢᠶᠠᠨ ᠤᠯᠤᠭᠰᠠᠨ ᠰᠢᠭ᠋᠂ ᠪᠢ ᠠᠪᠤ ᠪᠠᠨ ᠦᠵᠡᠭᠡᠳ ᠠᠷᠭᠠ ᠦᠭᠡᠢ ᠤᠶᠠᠰᠤᠨ᠂ | ᠨᠡᠷᠡᠯᠬᠡᠭᠰᠡᠨ ᠬᠤᠷᠤᠰᠤᠯ ᠭᠤᠮᠤᠳᠠᠯ ᠠᠭᠠᠵᠢᠮ ᠢᠶᠠᠷ ᠠᠯᠳᠠᠷᠠᠪᠠ᠃ ᠠᠪᠤ ᠳᠤ ᠪᠠᠨ ᠡᠷᠭᠡᠯᠡᠮᠡᠷ ᠰᠠᠨᠠᠭᠳᠠᠬᠤ ᠠᠪᠠᠴᠦ ᠪᠢ | ᠡᠷᠡ ᠬᠦᠮᠦᠨ ᠤ ᠪᠦᠳᠦᠭᠦᠨ ᠵᠤᠷᠢᠭ ᠭᠠᠷᠭᠠᠵᠤ ᠬᠠᠰᠢᠨᠠ᠃ | ᠠᠪᠤ ᠨᠠᠷᠢᠮᠤ ᠶᠢᠨ ᠰᠢᠩᠬᠡᠨ ᠪᠤᠳᠠᠭᠠ ᠪᠠᠨ ᠴᠤᠮᠤᠨ ᠳᠤ ᠬᠢᠵᠦ᠂ ᠳᠠᠬᠢᠨ ᠪᠦᠳᠦᠭᠦᠨ ᠰᠦᠯᠢᠶᠦᠤ ᠭᠤᠦᠷᠰᠤ | ᠬᠠᠳᠬᠤᠨ ᠠᠮᠠᠨ ᠳᠤ ᠰᠤᠷᠤᠭᠤᠯᠪᠠ᠃ ᠲᠤᠯᠤᠭᠠᠢ ᠬᠦᠳᠡᠯᠬᠦ ᠳᠤ ᠪᠡᠷᠬᠡ ᠪᠠᠶᠢᠪᠠ᠃ ᠡᠷᠡᠤ ᠬᠦᠳᠡᠯᠬᠦ ᠪᠦᠷᠢ ᠬᠤᠶᠠᠷ | ᠰᠠᠨᠴᠢᠭ ᠯᠤᠭᠰᠢᠨ ᠡᠪᠡᠷᠰᠢᠶᠡᠵᠦ᠂ ᠵᠠᠵᠢᠯᠬᠤ ᠳᠤ ᠨᠠᠩ ᠬᠦᠴᠢᠷ᠃ | — — ᠮᠠᠭᠤ ᠰᠠᠶᠢᠨ ᠦᠬᠢᠳ ᠤᠨ ᠲᠦᠯᠦᠭᠡ ᠠᠮᠢ ᠪᠠᠨ ᠠᠯᠳᠠᠬᠤ ᠨᠢ ᠤᠤ︖ ᠴᠢᠨᠤ ᠠᠮᠢ ᠭᠠᠭᠴᠠ | ᠴᠢᠨᠦ ᠬᠢ ᠪᠢᠰᠢ ᠭᠡᠳᠡᠭ ᠢ ᠴᠡᠭᠡᠵᠢᠯᠡ᠃ ᠴᠢ ᠪᠣᠯ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠠᠮᠢ ᠭᠤᠦᠯ ᠭᠡᠳᠡᠭ ᠢ ᠮᠡᠳᠡᠵᠦ ᠠᠪ᠃ | ᠠᠪᠤ ᠠᠵᠢᠯ ᠳᠤ ᠪᠦᠬᠡᠰᠢᠭᠰᠡᠨ ᠬᠠᠲᠠᠭᠤ ᠭᠠᠷ ᠤᠨ ᠢᠶᠠᠨ ᠡᠪ ᠲᠦᠢ ᠶᠢ ᠤᠯᠵᠤ᠂ ᠬᠦᠨᠵᠢᠯᠡ ᠶᠢ ᠢᠷᠡᠨ ᠬᠦᠯ ᠢ | ᠵᠠᠰᠠᠬᠤ ᠵᠠᠪᠰᠠᠷ ᠲᠤᠷᠤᠭᠰᠢ ᠬᠠᠷᠠᠭᠰᠠᠨ ᠬᠡᠪ ᠢᠶᠠᠷ ᠢᠶᠠᠨ ᠶᠠᠷᠢᠨᠠ᠃ | — — ᠡᠷᠡ ᠬᠦᠮᠦᠨ ᠤ ᠲᠠᠷᠬᠠᠨ ᠨᠡᠷᠡ ᠬᠦᠨᠳᠦ ᠶᠢ ᠭᠤᠳᠤᠭᠠᠬᠤ ᠶᠢ ᠪᠢ ᠬᠦᠯᠢᠶᠡᠬᠦ ᠦᠭᠡᠢ᠃ ᠡᠨᠡ | ᠳᠡᠯᠡᠬᠡᠢ ᠳᠤ ᠶᠠᠭᠠᠬᠢᠬᠤ ᠳᠤ ᠪᠠᠨ ᠲᠡᠭᠡᠵᠦ ᠳᠠᠷᠤᠩᠭᠤᠢ ᠦᠭᠡᠶᠢᠳᠡᠨ ᠳᠠᠪᠠᠭᠤᠷᠠᠳᠠᠭ ᠬᠦᠮᠦᠨ ᠤᠯᠠᠨ ᠪᠠᠶᠢᠳᠠᠭ ᠢ ᠪᠤᠦ | ᠮᠡᠳᠡ᠃ | ᠪᠢ ᠦᠭᠡ ᠪᠠᠨ ᠨᠢᠭᠡᠳ ᠨᠢᠭᠡ ᠪᠠᠷ ᠵᠦᠭᠡᠭᠡᠵᠦ ᠵᠠᠨᠤᠯᠲᠠᠶᠢᠬᠠᠨ ᠬᠡᠯᠡᠪᠡ᠃ ᠬᠦᠯ ᠢ ᠪᠠᠵᠠᠯᠠᠨ ᠠᠮᠠᠷᠠᠭᠤᠯᠵᠤ | ᠪᠠᠶᠢᠭᠰᠠᠨ ᠠᠪᠤ ᠶᠢᠨ ᠭᠠᠷ ᠬᠦᠨᠵᠢᠯᠡ ᠲᠤᠲᠤᠷᠠ ᠵᠤᠭ ᠲᠤᠰᠪᠠ᠃ ᠴᠢᠷᠠᠢ ᠨᠢ ᠶᠠᠮᠠᠷ ᠴᠦ ᠬᠤᠪᠢᠷᠠᠯ ᠦᠭᠡᠢ᠃ | ᠬᠠᠷᠠᠴᠠ ᠪᠠᠨ ᠲᠡᠷᠡ ᠡᠮᠡᠭᠲᠡᠢ — — ᠮᠢᠨᠦ ᠡᠵᠢ ᠪᠤᠯᠬᠤ ᠲᠡᠷᠡ ᠬᠦᠮᠦᠨ ᠳᠡᠭᠡᠷᠡ ᠰᠠᠮ ᠬᠦᠶᠦᠯᠭᠡᠨᠡ᠃ | ᠲᠡᠷᠡ ᠬᠦᠮᠦᠨ ᠨᠢ ᠯᠠ ᠬᠠᠯᠠᠭᠤᠨ ᠤᠰᠤᠨ ᠳᠤ ᠵᠤᠮᠤᠭᠠᠭᠳᠠᠭᠰᠠᠨ ᠰᠢᠭ᠋ ᠪᠠᠯᠲᠠᠯᠵᠠᠨ᠂ ᠵᠤᠪᠬᠢ ᠪᠠᠨ ᠵᠦᠯᠭᠦᠵᠦ | ᠵᠤᠭᠰᠤᠨᠠ᠃ | ᠬᠤᠶᠠᠷ | ᠪᠢ ᠬᠡᠤᠬᠡᠳ ᠨᠠᠰᠤᠨ ᠳᠤ ᠪᠠᠨ ᠨᠢᠭᠡᠨᠲᠡ ᠡᠷᠡ ᠬᠦᠮᠦᠨ ᠪᠤᠯᠴᠢᠬᠠᠭᠰᠠᠨ ᠤᠬᠠᠭᠠᠨ ᠲᠠᠢ᠃ ᠳᠠᠷᠤᠢ ᠠᠪᠤ ᠶᠢᠨ | ᠠᠷᠢᠬᠢᠨ ᠯᠤᠩᠬᠤ ᠪᠠᠨ ᠲᠡᠪᠡᠷᠢᠭᠡᠳ ᠰᠡᠮ ᠨᠢᠯᠪᠤᠰᠤᠷᠠᠬᠤ ᠶᠢ ᠬᠤᠯᠠᠭᠠᠶᠢᠯᠠᠨ ᠬᠠᠷᠠᠭᠰᠠᠨ ᠲᠡᠷᠡ ᠡᠳᠦᠷ ᠠᠴᠠ ᠪᠢ | ᠡᠷᠡ ᠬᠦᠮᠦᠨ ᠪᠤᠯᠴᠢᠬᠠᠵᠠᠢ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠰᠡᠨ ᠵᠢᠯ ᠶᠤᠮ᠃ ᠠᠪᠤ ᠶᠢ ᠮᠢᠨᠢ ᠡᠶᠢᠨ ᠬᠦ ᠰᠡᠳᠬᠢᠯ ᠢᠶᠠᠷ ᠤᠨᠠᠭᠠᠨ | ᠰᠢᠨᠠᠯᠭᠠᠭᠰᠠᠨ ᠨᠢ ᠦᠭᠡᠷᠡ ᠬᠦᠮᠦᠨ ᠪᠢᠰᠢ᠃ ᠯᠢᠩᠬᠸᠠ ᠭᠡᠳᠡᠭ ᠲᠡᠷᠡ ᠨᠢᠬᠡᠨ ᠪᠦᠰᠡᠬᠦᠢ᠂ ᠳᠠᠷᠤᠢ ᠨᠠᠮᠠ ᠶᠢ | ᠲᠦᠷᠦᠵᠦ ᠦᠰᠭᠡᠭᠰᠡᠨ ᠡᠵᠢ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠢ ᠶᠠᠭ ᠠᠷᠪᠠᠨ ᠭᠤᠷᠪᠠᠲᠠᠢ᠃ | ᠪᠢ ᠰᠤᠮᠤᠨ ᠤ ᠲᠦᠪ ᠲᠤ ᠪᠢᠴᠢᠭ ᠦᠵᠡᠳᠡᠭ ᠤᠴᠢᠷ ᠠᠴᠠ ᠡᠵᠢ ᠴᠦ ᠨᠠᠮᠠ ᠶᠢ ᠬᠠᠷᠠᠭᠠᠯᠵᠠᠬᠤ ᠪᠠᠷ ᠢᠷᠡᠵᠦ᠂ | ᠬᠤᠶᠠᠭᠤᠯᠠ ᠪᠠᠨ ᠭᠡᠷ ᠲᠦᠷᠢᠶᠡᠰᠦᠯᠡᠨ ᠰᠠᠭᠤᠳᠠᠭ᠃ ᠡᠵᠢ ᠭᠤᠷᠪᠠᠨ ᠴᠠᠭ ᠤᠨ ᠬᠤᠭᠤᠯᠠ ᠶᠢ ᠪᠡᠯᠡᠳᠬᠡᠵᠦ | ᠰᠠᠭᠤᠳᠠᠭ᠃ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ᠂ ᠭᠠᠷᠠᠭ ᠤᠨ ᠡᠳᠦᠷ ᠪᠤᠯᠤᠭᠰᠠᠭᠠᠷ ᠠᠪᠤ ᠮᠠᠰᠢᠨ ᠲᠡᠷᠭᠡ ᠪᠠᠨ ᠵᠢᠯᠤᠭᠤᠳᠴᠤ | ᠢᠷᠡᠭᠡᠳ ᠮᠠᠨ ᠤ ᠬᠤᠶᠠᠷ ᠢ ᠲᠤᠰᠴᠤ ᠭᠡᠷ ᠲᠤ ᠪᠠᠨ ᠬᠠᠷᠢᠳᠠᠭ᠃ ᠶᠡᠷᠤ ᠶᠢᠨ ᠴᠠᠭ ᠠᠪᠤ ᠭᠡᠷ ᠲᠤ ᠪᠠᠨ ᠦᠯᠡᠳᠡᠵᠦ | ᠮᠠᠯ ᠢᠶᠠᠨ ᠮᠠᠯᠵᠢᠵᠤ ᠲᠠᠷᠢᠶᠠᠯᠠᠵᠤ ᠰᠠᠭᠤᠳᠠᠭ ᠶᠤᠮ᠃ | ᠨᠢᠭᠡ ᠦᠳᠡ ᠳᠤ ᠪᠢ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠪᠤᠴᠠᠬᠤ ᠳᠤ ᠡᠵᠢ ᠬᠤᠭᠤᠯᠠ ᠪᠠᠨ ᠴᠦ ᠪᠡᠯᠡᠳᠬᠡᠭᠡ ᠦᠭᠡᠢ᠂ | ᠭᠠᠷ ᠤᠳᠠᠰᠤ ᠪᠠᠨ ᠤᠷᠤᠯᠳᠤᠵᠤ ᠯᠠ ᠰᠠᠭᠤᠨᠠ᠃ ᠶᠡᠭᠡᠳᠡ ᠲᠠᠶᠢᠪᠤᠭᠤ ᠠᠯᠳᠠᠷᠠᠨ ᠰᠡᠳᠬᠢᠯ ᠠᠯᠭᠠᠰᠤᠩᠭᠤᠢ | ᠪᠠᠶᠢᠴᠠ ᠲᠠᠢ᠃ | — — ᠡᠵᠢ ᠡ᠂ ᠬᠤᠭᠤᠯᠠ ᠪᠠᠨ ᠬᠢᠭᠡᠳᠦᠢ ᠤᠤ︖ | — — ᠡ᠂ ᠡᠮᠤ᠂ ᠰᠤᠴᠢᠭᠠᠵᠤ ᠠᠯᠠᠬᠤ ᠨᠢ ᠤᠤ︖ ᠡᠨᠡ ᠬᠦᠤ ᠴᠢᠨᠢ᠃ ᠶᠠᠭᠠᠬᠢᠭᠰᠠᠨ ᠨᠠᠮ ᠵᠢᠮ | ᠤᠷᠤᠵᠤ ᠢᠷᠡᠭᠡᠳ ᠁ ᠡᠵᠢ ᠶᠢᠨ ᠴᠢᠷᠠᠢ ᠬᠡᠰᠡᠭ ᠴᠠᠶᠢᠷᠠᠨ ᠬᠡᠰᠡᠭ ᠤᠯᠠᠶᠢᠵᠤ᠂ ᠨᠢᠳᠤ ᠨᠢ ᠤᠷᠤᠨ ᠲᠤᠷᠤᠨ | ᠦᠭᠡᠢ ᠪᠤᠯᠪᠠ᠃ | — — ᠪᠢ ᠦᠯᠦᠰᠴᠦ ᠪᠠᠶᠢᠬᠤ ᠳᠤ ᠲᠠ ᠡᠳᠦᠷᠵᠢᠨ ᠭᠠᠷ ᠤᠳᠠᠰᠤ ᠤᠷᠤᠯᠳᠤᠭᠠᠳ ᠁ ᠪᠢ | ᠠᠮᠠᠨ ᠳᠤ ᠪᠠᠨ ᠲᠦᠳᠦᠨᠡᠪᠡ᠃ ᠦᠨᠡᠬᠡᠷ ᠰᠢᠦ ᠤᠷᠴᠢᠮ ᠤᠨ ᠬᠡᠳᠤᠨ ᠰᠠᠷᠠ ᠡᠵᠢ ᠶᠢᠨ ᠭᠠᠷ ᠤᠲᠠᠰᠤᠨ ᠤ | ᠬᠠᠯᠠ ᠨᠢ ᠶᠡᠭᠡᠰᠴᠦ᠂ ᠡᠵᠢ ᠴᠢᠯᠤᠭᠡ ᠭᠠᠷᠤᠭᠰᠠᠭᠠᠷ ᠯᠠ ᠭᠠᠷ ᠤᠲᠠᠰᠤ ᠪᠠᠨ ᠤᠷᠤᠯᠳᠤᠵᠤ ᠰᠠᠭᠤᠳᠠᠭ ᠪᠤᠯᠪᠠ᠃ | ᠪᠢ ᠡᠵᠢ ᠶᠢᠨ ᠬᠠᠭᠠᠷᠢᠭᠰᠠᠨ ᠰᠢᠬᠢᠷᠳᠤ ᠪᠤᠦᠪᠤ ᠶᠢ ᠢᠳᠡᠭᠡᠳ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠶᠠᠪᠤᠭᠰᠠᠨ ᠶᠤᠮ᠃ | ᠤᠷᠤᠢ ᠨᠢ ᠰᠤᠷᠭᠠᠭᠤᠯᠢ ᠲᠠᠷᠬᠠᠭᠠᠳ ᠲᠦᠷᠢᠶᠡᠰᠦᠨ ᠭᠡᠷ ᠲᠤ ᠪᠠᠨ ᠪᠤᠴᠠᠬᠤ ᠳᠤ ᠠᠪᠤ ᠢᠷᠡᠴᠢᠬᠡᠭᠡᠳ ᠴᠢᠷᠡᠢ | ᠮᠠᠭᠤᠲᠡᠢ ᠰᠠᠭᠤᠵᠤ ᠪᠠᠶᠢᠪᠠ᠃ ᠡᠵᠢ ᠶᠢᠨ ᠨᠢᠳᠦ ᠬᠠᠪᠤᠩᠨᠠᠨ ᠤᠯᠠᠶᠢᠳᠪᠠ᠃ ᠡᠵᠢ ᠶᠢᠨ ᠭᠠᠷ ᠤᠲᠠᠰᠤ ᠴᠦ ᠭᠠᠵᠠᠷ | ᠰᠠᠪᠠᠭᠲᠠᠭᠰᠠᠨ ᠠᠶᠠᠲᠠᠢ ᠰᠠᠯᠪᠠᠷᠠᠴᠢᠬᠠᠭᠰᠠᠨ ᠬᠠᠷᠠᠭᠳᠠᠨᠠ᠃ | ᠰᠠᠭᠤᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠣᠯ ᠰᠠᠯᠴᠢᠬᠠᠶᠠ᠃ ᠪᠢᠲᠡᠬᠡᠢ ᠳᠡᠰᠪᠤᠷᠢ ᠠᠯᠳᠠᠵᠤ ᠨᠢᠭᠤᠷ ᠢ ᠪᠠᠷᠠᠭᠠᠳ ᠪᠠᠢ᠃ ᠴᠢ | ᠢᠴᠢᠵᠦ ᠵᠤᠪᠠᠭ᠋ᠤ ᠨᠢᠭᠤᠷ ᠦᠭᠡᠢ ᠴᠦ ᠬᠦᠤ ᠪᠠᠨ ᠪᠤᠳᠤ ᠡ᠃ | — — ᠪᠢ ᠶᠠᠭᠤ ᠴᠦ ᠬᠢᠭᠡ ᠦᠭᠡᠢ ᠪᠠᠶᠢᠬᠤ ᠳᠤ᠃ ᠴᠢ ᠬᠠᠷᠢᠨ ᠪᠤᠰᠤᠳ ᠤᠨ ᠦᠭᠡ ᠶᠢ ᠢᠲᠡᠭᠡᠵᠦ᠂ | ᠮᠢᠨᠦ ᠬᠢ ᠶᠢ ᠢᠲᠡᠭᠡᠳᠡᠭ ᠦᠭᠡᠢ᠃ | — — ᠴᠢ ᠦᠨᠡᠨ ᠢᠴᠢᠬᠦ ᠨᠢᠭᠤᠷ ᠲᠤ ᠪᠠᠨ ᠢᠰᠡᠭᠡᠢ ᠬᠠᠳᠠᠴᠢᠬᠠᠵᠠᠢ ᠬᠦᠢ᠃ ᠲᠡᠭᠡᠭᠡᠳ ᠲᠡᠷᠡ ᠴᠠᠬᠢᠮ | ᠴᠢᠮᠡᠭᠡ ᠨᠤᠭᠤᠳ ᠴᠢᠨᠢ ᠶᠠᠮᠠᠷ ᠤᠴᠢᠷ ᠪᠤᠢ︖ ᠴᠢ ᠲᠠᠶᠢᠯᠪᠤᠷᠢᠯᠠᠵᠤ ᠠᠯᠢ ᠳ᠋ᠠ᠃ ᠵᠦᠭᠡᠷ ᠰᠠᠭᠤᠵᠤ ᠴᠢᠳᠠᠯ | ᠦᠭᠡᠢ ᠬᠦᠮᠦᠨ ᠤ ᠡᠷᠡ ᠳᠤ ᠰᠠᠨᠠᠯᠠ ᠪᠤᠳᠤᠯᠠ ᠭᠡᠵᠦ ᠴᠢᠮᠡᠭᠡ ᠶᠠᠪᠤᠭᠤᠯᠳᠠᠭ ᠤᠤ︖ ᠬᠦᠮᠦᠨ ᠤ ᠭᠡᠷ ᠢ ᠴᠦ | ᠦᠢᠮᠡᠬᠦᠯᠵᠦ ᠤᠷᠬᠢᠯᠠ᠃ ᠤᠳᠤ ᠶᠠᠭᠠᠬᠢᠳᠠᠭ ᠢ ᠴᠢᠨᠢ ᠦᠵᠡᠶᠡ᠃ ᠤᠳᠠᠯ ᠦᠭᠡᠢ ᠬᠦᠮᠦᠨ ᠢᠷᠡᠵᠦ ᠦᠰᠢᠶᠡ ᠪᠠᠨ | ᠠᠪᠬᠤ ᠶᠤᠮ᠃ ᠰᠡᠪᠡᠰᠦ ᠦᠭᠡᠢ ᠠᠮᠢᠳᠠᠨ᠃ ᠢᠡᠭᠬᠢᠵᠦ ᠨᠡᠷᠡ ᠨᠢᠭᠤᠷ ᠢᠶᠠᠨ ᠪᠠᠷᠠᠵᠤ ᠠᠮᠢᠳᠤᠷᠠᠬᠤ ᠪᠠᠷ | ᠦᠬᠦᠴᠢᠬᠡᠭᠰᠡᠨ ᠨᠢ ᠳᠡᠭᠡᠷᠡ ᠡ᠃ | — — ᠪᠢ ᠦᠬᠦᠴᠢᠬᠡᠪᠡᠯ ᠴᠢ ᠪᠠᠶᠠᠷᠯᠠᠬᠤ ᠨᠢ ᠡ᠃ ᠴᠢ ᠶᠠᠷᠤ ᠨᠢ ᠨᠠᠮᠠ ᠶᠢ ᠬᠦᠮᠦᠨ ᠢᠶᠠᠷ ᠪᠤᠳᠤᠵᠤ | ᠦᠵᠡᠳᠡᠭ ᠦᠭᠡᠢ ᠶᠤᠮ ᠴᠢᠨᠢ᠃ | — — ᠬᠡᠷᠡᠭ ᠢᠶᠠᠨ ᠬᠢᠴᠢᠬᠡᠭᠡᠳ ᠬᠦᠮᠦᠨ ᠠᠴᠠ ᠪᠤᠷᠤᠭᠤ ᠡᠷᠢᠬᠦ ᠨᠢ ᠤᠤ︖ ᠪᠢ ᠴᠢᠮᠠ ᠶᠢ ᠭᠦᠤ ᠪᠠᠨ | ᠬᠠᠷᠠᠵᠤ ᠰᠠᠭᠤ ᠭᠡᠵᠤ ᠭᠡᠷ ᠲᠦᠷᠢᠶᠡᠰᠤᠯᠡᠬᠦᠯᠦᠨ ᠦᠭᠭᠦᠭᠰᠡᠨ ᠠᠴᠠ ᠪᠢᠰᠢ ᠪᠤᠰᠤᠳ ᠤᠨ ᠡᠷᠡ ᠶᠢ ᠬᠤᠯᠠᠭᠤᠵᠤ | ᠰᠠᠭᠤ ᠭᠡᠵᠤ ᠭᠡᠷ ᠳᠦᠷᠢᠶᠡᠰᠦᠯᠡᠵᠦ ᠦᠭᠭᠦᠭᠰᠡᠨ ᠪᠢᠰᠢ᠃ ᠲᠡᠷᠡ ᠬᠦᠮᠦᠨ ᠲᠠᠢ ᠪᠠᠨ ᠬᠠᠶᠢᠷᠠ ᠰᠡᠳᠬᠢᠯ ᠲᠠᠢ | ᠪᠤᠯᠴᠢᠬᠠᠭᠰᠠᠨ ᠪᠣᠯ ᠡᠷᠢᠵᠦ ᠤᠴᠢᠭᠠᠳ ᠰᠠᠭᠤ ᠳ᠋ᠠ᠃ ᠬᠤᠶᠠᠭᠤᠯᠠ ᠪᠠᠨ ᠤᠷᠤᠭ ᠰᠠᠯᠤᠶᠠ ᠴᠢ ᠶᠠᠭᠠᠷᠠᠯᠭᠠᠨ ᠦᠭᠡᠢ | ᠃ | ᠠᠪᠤ ᠭᠡᠷ ᠲᠤ ᠪᠠᠨ ᠪᠤᠴᠠᠪᠠ᠃ ᠡᠵᠢ ᠪᠢᠳᠡ ᠬᠤᠶᠡᠷ ᠲᠦᠷᠢᠶᠡᠰᠦᠨ ᠭᠡᠷ ᠲᠤ ᠪᠠᠨ ᠦᠯᠡᠳᠡᠯᠡ᠃ ᠡᠵᠢ | ᠤᠷᠤᠢ ᠶᠢᠨ ᠬᠤᠭᠤᠯᠠ ᠪᠠᠨ ᠬᠢᠭᠰᠡᠨ ᠴᠦ ᠳᠠᠭᠤ ᠦᠭᠡᠢ ᠲᠤᠮᠪᠤᠶᠢᠨ ᠰᠠᠭᠤᠨᠠ᠃ | — — ᠡᠵᠢ ᠡ︕ ᠠᠪᠤ ᠲᠠ ᠬᠤᠶᠠᠷ ᠶᠠᠭᠠᠬᠢᠴᠢᠬᠠᠪᠠ︖ | — — ᠶᠠᠭᠠᠬᠢᠭᠠ ᠴᠤ ᠦᠭᠡᠢ᠃ ᠮᠢᠨᠤ ᠬᠦᠤ ᠤᠨᠲᠠᠵᠤ ᠠᠮᠠᠷᠠ᠃ ᠮᠠᠷᠭᠠᠰᠢ ᠪᠠᠰᠠ ᠡᠷᠲᠡᠯᠡᠨ ᠪᠤᠰᠬᠤ | ᠦᠭᠡᠢ ᠤᠤ︖ | ᠪᠢ ᠤᠷᠤᠢ ᠶᠢᠨ ᠳᠠᠰᠬᠠᠯ ᠢᠶᠠᠨ ᠳᠠᠭᠤᠰᠬᠠᠵᠤ᠂ ᠬᠦᠯ ᠭᠠᠷ ᠢᠶᠠᠨ ᠤᠬᠢᠶᠠᠭᠠᠳ ᠤᠨᠲᠠᠪᠠ᠃ ᠡᠵᠢ ᠶᠢᠨ | ᠤᠨᠲᠠᠭᠰᠠᠨ ᠡᠰᠡᠬᠦ ᠶᠢ ᠤᠪᠠᠶᠢᠯᠠᠭᠠ ᠦᠭᠡᠢ᠃ ᠠᠷᠪᠠᠭᠠᠳ ᠨᠠᠰᠤᠨ ᠤ ᠬᠡᠤᠬᠡᠳ ᠤᠨ ᠤᠢ ᠲᠤᠢ ᠳᠤ ᠰᠠᠭᠤᠮᠠ | ᠦᠭᠡᠢ ᠶᠡᠬᠡᠴᠤᠦᠯ ᠤᠨ ᠬᠡᠷᠡᠭᠦᠯ ᠭᠠᠶᠢᠬᠠᠰᠢ ᠲᠦᠷᠦᠭᠦᠯᠦᠨᠡ᠃ ︽ᠮᠢᠨᠤ ᠡᠵᠢ ᠯᠠᠪ ᠲᠡᠶᠢᠮᠤ ᠬᠦᠮᠦᠨ ᠪᠢᠰᠢ᠃ ᠠᠪᠤ | ᠯᠠᠪ ᠪᠤᠷᠤᠭᠤ ᠤᠶᠢᠯᠠᠭᠠᠭᠰᠠᠨ ᠪᠠᠶᠢᠯᠭᠦᠢ᠃ ᠭᠡᠬᠦ ᠳᠤ ᠠᠪᠤ ᠶᠢᠨ ᠲᠦᠷᠢ ᠬᠡᠴᠡᠭᠦᠤ ᠦᠨᠡᠨ ᠪᠠᠶᠢᠨᠠ᠃ ᠦᠨᠡᠨ | ᠤᠷᠤᠭ ᠰᠠᠯᠪᠠᠯ ᠪᠢ ᠶᠠᠭᠠᠬᠢᠳᠠᠭ ᠪᠢᠯᠠ︖︾ ᠭᠡᠵᠦ ᠶᠢᠰᠦᠨ ᠵᠦᠢᠯ ᠢ ᠪᠤᠳᠤᠵᠤ ᠶᠠᠪᠤᠬᠤ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ᠡᠨᠡ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠳᠤ ᠠᠪᠤ ᠮᠠᠨ ᠢ ᠲᠤᠰᠬᠤ ᠪᠠᠷ ᠢᠷᠡᠭᠡ ᠦᠭᠡᠢ ᠤᠴᠢᠷ ᠠᠴᠠ ᠡᠵᠢ ᠪᠢᠳᠡ ᠬᠤᠶᠠᠷ | ᠵᠡᠭᠡᠯᠢ ᠲᠤᠭᠤᠷᠢᠯᠠ᠃ ᠪᠠᠭᠠ ᠰᠠᠭᠠ ᠪᠢᠷ ᠴᠠᠭᠠᠰᠤ ᠠᠪᠤᠭᠰᠠᠨ ᠢᠶᠠᠨ ᠬᠤᠪᠴᠠᠰᠤᠨ ᠤ ᠳᠡᠯᠭᠡᠭᠦᠷ ᠢᠶᠠᠷ ᠤᠷᠤᠪᠠ᠃ | ᠦᠨᠡᠨ ᠳᠤ ᠪᠠᠨ ᠡᠵᠢ ᠪᠢᠳᠡ ᠬᠤᠶᠡᠷ ᠬᠡᠨ ᠨᠢ ᠴᠦ ᠬᠤᠪᠴᠠᠰᠤ ᠠᠪᠬᠤ ᠪᠠᠷ ᠦᠭᠡᠢ ᠶᠤᠮ᠃ ᠵᠦᠪᠬᠡᠨ ᠡᠵᠢ | ᠭᠡᠷ ᠲᠤ ᠰᠠᠭᠤᠭᠠᠳ ᠲᠤᠯᠤᠭᠠᠢ ᠡᠪᠡᠳᠦᠭᠡᠳ ᠪᠠᠶᠢᠨᠠ ᠭᠡᠳ ᠵᠤᠭᠠᠯᠠᠬᠤ ᠪᠠᠷ ᠭᠠᠷᠤᠭᠰᠠᠨ ᠲᠡᠲᠦᠢ᠃ | — — ᠬᠦᠱᠢ᠂ ᠯᠢᠩᠬᠸᠠ ᠡ᠃ ᠴᠢ ᠵᠤᠭᠰᠤᠵᠤ ᠪᠠᠢ︕ | ᠡᠵᠢ ᠪᠢᠳᠠ ᠬᠤᠶᠠᠷ ᠭᠡᠳᠡᠷᠭᠦ ᠡᠷᠭᠢᠪᠡ᠃ ᠠᠳᠤᠷᠢᠶᠠᠳᠤᠭᠰᠠᠨ ᠭᠡᠵᠢᠭᠡ ᠲᠠᠢ ᠦᠨᠳᠦᠷᠬᠡᠨ ᠪᠡᠶᠡ ᠲᠠᠢ ᠨᠢᠭᠡ | ᠪᠦᠰᠡᠬᠦᠢ ᠡᠵᠢ ᠶᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠵᠢᠭᠠᠭᠰᠠᠭᠠᠷ ᠬᠦᠷᠴᠦ ᠢᠷᠡᠪᠡ᠃ | — — ᠨᠢᠭᠤᠷ ᠦᠭᠡᠢ ᠶᠠᠩᠬᠠᠨ ᠡᠮᠡ᠃ ᠡᠷᠡ ᠴᠢᠨᠢ ᠴᠢᠮᠠ ᠲᠡᠵᠢᠭᠡᠵᠦ ᠲᠡᠶᠢᠯᠬᠦ ᠪᠠᠨ ᠪᠤᠯᠢᠪᠠ ᠤᠤ︖ | ᠪᠡᠶᠡ ᠪᠠᠨ ᠬᠤᠳᠠᠯᠳᠤᠵᠤ ᠬᠤᠶᠡᠷ ᠵᠤᠭᠤᠰ ᠰᠤᠯᠢᠳᠠᠭ ᠨᠢ᠃ ᠴᠢ ᠪᠡᠶᠡ ᠪᠠᠨ ᠶᠠᠭᠤ ᠪᠠᠷ ᠦᠵᠡᠪᠡ ᠡ᠃ ᠲᠦᠮᠡᠨ | ᠬᠦᠮᠦᠨ ᠤ ᠨᠠᠭᠠᠳᠤᠮ ᠤᠨ ᠪᠠᠭᠠᠵᠢ ᠪᠠᠶᠢᠭᠠᠳ᠃ | — — ᠴᠢ ᠰᠤᠯᠢᠶᠠᠷᠠᠵᠤ ᠪᠠᠶᠢᠬᠤ ᠤᠤ︖ ᠶᠠᠭᠤ ᠳᠤᠷᠠ ᠪᠠᠷ ᠢᠶᠠᠨ ᠴᠠᠯᠴᠠᠭᠠᠳ᠃ ᠪᠢ ᠡᠷᠡ ᠲᠠᠢ | ᠴᠢᠨᠢ ᠨᠡᠶᠢᠯᠡᠭᠰᠡᠨ ᠢ ᠴᠢ ᠨᠢᠳᠤ ᠪᠠᠷ ᠢᠶᠠᠨ ᠦᠵᠡᠭᠰᠡᠨ ᠤᠤ︖ ᠡᠵᠢ ᠪᠠᠰᠠ ᠬᠦᠯᠢᠶᠡᠵᠦ ᠦᠭᠬᠦ ᠦᠭᠡᠢ᠃ | ᠪᠢ ᠬᠠᠷᠢᠨ ᠰᠢᠷᠪᠡᠭᠡᠳᠤᠯ ᠭᠡᠳᠡᠭ ᠶᠠᠭᠤᠮᠠᠨ ᠳᠤ ᠪᠠᠯᠪᠠ ᠴᠤᠬᠢᠭᠳᠠᠪᠠ᠃ | — — ᠠᠶᠠ︕ ᠶᠠᠭᠠᠬᠢᠭᠰᠠᠨ ᠨᠢᠭᠤᠷ ᠪᠦᠬᠡ ᠡᠮᠡ ᠪᠤᠢ︖ ᠴᠢ ᠬᠡᠷᠡᠴᠢ ᠠᠪᠬᠤ ᠰᠠᠨᠠᠭᠠ ᠲᠠᠢ ᠤᠤ︖ | ᠴᠢ ᠡᠷᠡ ᠪᠠᠨ ᠬᠠᠭᠤᠷᠴᠤ ᠴᠢᠳᠠᠪᠠᠴᠤ ᠨᠠᠮᠠ ᠶᠢ ᠬᠠᠭᠤᠷᠴᠤ ᠴᠢᠳᠠᠬᠤ ᠦᠭᠡᠢ ᠰᠢᠤ᠃ ᠡᠷᠡ ᠬᠦᠤ ᠪᠠᠨ ᠪᠠᠶᠢᠬᠤ | ᠦᠭᠡᠢ ᠦᠶᠡ ᠳᠤ ᠴᠢᠨᠤ ᠬᠡᠷᠬᠢᠨ ᠪᠤᠰᠤᠳ ᠡᠷᠡᠰ ᠲᠠᠢ ᠪᠤᠯᠵᠤᠳᠠᠭ ᠢ ᠴᠢᠨᠢ ᠪᠦᠷ ᠮᠡᠳᠡᠨᠡ ᠰᠢᠤ᠃ ᠴᠢ ᠪᠠᠰᠠ | ᠦᠭᠡᠶᠢᠰᠭᠡᠬᠦ ᠰᠠᠨᠠᠭᠠ ᠲᠠᠢ ᠤᠤ︖ ᠡᠷᠡ ᠶᠢᠨ ᠢᠶᠠᠨ ᠨᠢᠭᠤᠷ ᠲᠤ ᠪᠠᠭᠠᠰᠤ ᠲᠦᠯᠬᠢᠭᠰᠡᠨ ᠤᠯᠢᠭ ᠦᠭᠡᠢ ᠠᠮᠢᠳᠠᠨ᠃ | | — — ᠦᠪᠡᠷ ᠤᠨ ᠡᠷᠡ ᠪᠠᠨ ᠬᠠᠮᠢᠶᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠠᠳ ᠠᠳᠡ ᠢᠷᠡᠵᠦ ᠡᠷᠡᠶᠢᠵᠦ ᠶᠠᠭᠤ | ᠬᠢᠨᠡ︖ | ᠡᠵᠢ ᠶᠢ ᠬᠡᠯᠡᠵᠦ ᠪᠠᠷᠠᠬᠤ ᠠᠴᠠ ᠡᠮᠤᠨᠡ ᠲᠡᠷᠡ ᠠᠨᠢᠶᠠ ᠨᠢᠭᠡᠨᠲᠡ ᠲᠦᠭᠦᠰᠢᠯᠡᠪᠡ᠃ ᠪᠢ ᠬᠤᠭᠤᠷᠤᠨᠳᠤ ᠨᠢ | ᠤᠷᠤᠵᠤ ᠰᠠᠯᠭᠠᠪᠠ᠃ ᠤᠯᠠᠨ ᠬᠦᠮᠦᠨ ᠬᠤᠯᠠᠭᠤᠷ ᠲᠤᠭᠤᠷᠢᠨ ᠵᠤᠭᠰᠤᠵᠤ ᠰᠢᠪᠡᠨᠡᠯᠳᠤᠨᠡ᠃ ᠪᠦᠬᠦ ᠪᠡᠶᠡᠨ ᠠᠴᠠ | ᠬᠦᠯᠦᠰᠦ ᠴᠢᠬᠢᠭᠯᠡᠨ ᠨᠢᠯᠪᠤᠰᠤ ᠨᠢᠳᠤᠨ ᠳᠤ ᠬᠤᠷᠠᠵᠤ᠂ ᠲᠤᠳᠤᠷᠠ ᠬᠠᠯᠠᠭᠤ ᠤᠷᠭᠢᠨ ᠳᠠᠪᠴᠢᠭᠤᠳᠠᠨᠠ᠃ ᠪᠢ | ᠡᠵᠢ ᠶᠢ ᠴᠢᠩᠭᠠᠭᠠᠬᠤ ᠶᠢᠨ ᠠᠴᠢ ᠪᠠᠷ ᠲᠡᠷᠡ ᠠᠨᠢᠶᠠ ᠠᠴᠠ ᠰᠠᠯᠭᠠᠵᠤ ᠠᠪᠤᠪᠠ᠃ ᠲᠤᠬᠤᠨ ᠠᠷᠤ ᠠᠴᠠ ᠲᠡᠷᠡ | ᠠᠨᠢᠶᠠ ᠶᠢᠨ ᠰᠤᠨᠤᠰᠪᠤᠷᠢ ᠮᠠᠭᠤᠲᠠᠢ ᠬᠠᠷᠢᠶᠠᠯ ᠭᠡᠵᠢᠭᠡᠳᠡᠭᠰᠡᠭᠡᠷ᠃ | ᠦᠳᠡ ᠶᠢᠨ ᠬᠤᠶᠢᠨᠠ ᠪᠢ ᠠᠶᠢᠯ ᠤᠨ ᠲᠡᠷᠭᠡ ᠲᠠᠭᠠᠷᠠᠵᠤ ᠭᠡᠷ ᠲᠤ ᠪᠠᠨ ᠬᠠᠷᠢᠪᠠ᠃ ᠡᠵᠢ ᠲᠦᠷᠢᠶᠡᠰᠦᠨ | ᠭᠡᠷ ᠲᠤ ᠪᠠᠨ ᠦᠯᠡᠳᠡᠯᠡ᠃ ᠡᠵᠢ ᠶᠠᠭᠤ ᠴᠦ ᠶᠠᠷᠢᠭᠰᠠᠨ ᠦᠭᠡᠢ᠃ ᠪᠢ ᠴᠦ ᠶᠠᠭᠤ ᠴᠦ ᠤᠬᠤᠴᠢᠯᠠᠭᠰᠠᠨ ᠦᠭᠡᠢ᠃ | ᠭᠡᠨᠡᠳᠲᠡ ᠠᠪᠤ ᠪᠠᠨ ᠶᠡᠭᠡ ᠰᠠᠨᠠᠬᠤ ᠪᠠᠷ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠶᠤᠮ᠃ ᠨᠠᠮᠠ ᠶᠢ ᠬᠤᠷᠤᠭᠠᠨ ᠡᠭᠦᠳᠡ ᠪᠠᠷ | ᠤᠷᠤᠵᠤ ᠤᠴᠢᠬᠤ ᠳᠤ ᠭᠡᠷ ᠤᠷᠤᠴᠠ ᠮᠢᠨᠢ ᠢᠯᠢᠮ ᠵᠢᠯᠢᠮ᠃ ᠡᠭᠡᠭᠡ ᠯᠠ ᠪᠤᠯᠠᠰᠢᠨ ᠤ ᠭᠠᠵᠠᠷ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠭᠡᠷ ᠤᠨ ᠡᠭᠦᠳᠡ ᠨᠡᠬᠡᠭᠡᠯᠲᠡᠲᠡᠢ ᠴᠦ ᠶᠠᠮᠠᠷ ᠴᠦ ᠠᠨᠢᠷ ᠴᠢᠮᠡᠭᠡ ᠦᠭᠡᠢ᠃ ᠦᠴᠦᠬᠡᠨ ᠴᠦ ᠤᠳᠤᠭᠠ ᠤᠨᠢᠶᠠᠷ ᠴᠦ | ᠦᠭᠡᠢ᠃ ︽ᠠᠪᠤ ᠮᠢᠨᠢ ᠶᠠᠭᠠᠬᠢᠯᠠ︖︾ ᠭᠡᠵᠦ ᠪᠤᠳᠤᠬᠤ ᠠᠴᠠ ᠲᠤᠳᠤᠷᠠ ᠡᠮᠢᠶᠡᠵᠦ ᠬᠦᠯ ᠢᠶᠠᠨ ᠬᠦᠡᠭᠭᠡᠭᠡᠨ | ᠵᠦᠭᠡᠭᠡᠨ ᠲᠤᠳᠤᠭᠰᠢᠯᠠᠪᠠ᠃ ᠬᠦᠴᠦᠲᠡᠢ ᠠᠮᠢᠰᠬᠤᠵᠤ ᠴᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠪᠠ᠃ ᠲᠤᠳᠤᠷᠠ ᠭᠡᠷ ᠤᠨ | ᠡᠭᠦᠳᠡᠨ ᠰᠢᠯ ᠢᠶᠠᠷ ᠰᠡᠮᠬᠡᠨ ᠱᠠᠭᠠᠶᠢᠪᠠ᠃ | ᠠᠪᠤ ᠭᠠᠭᠴᠠᠭᠠᠷ ᠢᠶᠠᠨ ᠪᠠᠶᠢᠨᠠ᠃ ᠨᠢᠭᠡ ᠫᠢᠯᠠ ᠳᠠᠪᠤᠰᠤᠯᠠᠭᠰᠠᠨ ᠨᠤᠭᠤᠭᠠ ᠳᠠᠯᠪᠢᠵᠦ ᠠᠷᠢᠬᠢᠳᠠᠵᠤ ᠪᠠᠶᠢᠨᠠ᠃ | ᠪᠦᠳᠦᠬᠦᠨ ᠠᠯᠠᠭᠠ ᠪᠠᠷ ᠢᠶᠠᠨ ᠨᠢᠭᠤᠷ ᠢᠶᠠᠨ ᠪᠠᠶᠢᠨ ᠳᠠᠬᠢᠨ ᠠᠷᠴᠢᠨᠠ᠃ ᠡᠷᠡᠬᠡᠢ ᠬᠤᠷᠤᠭᠤ ᠪᠠ ᠳᠤᠯᠢᠶᠠᠪᠤᠷ | ᠬᠤᠷᠤᠭᠤ ᠪᠠᠷ ᠢᠶᠠᠨ ᠬᠠᠮᠠᠷ ᠢᠶᠠᠨ ᠴᠢᠮᠬᠢᠨ ᠨᠢᠰᠤ ᠪᠠᠨ ᠠᠷᠢᠯᠭᠠᠨᠠ᠃ ᠳᠠᠬᠢᠨ ᠰᠢᠯ ᠴᠤᠮᠤ ᠪᠠᠨ ᠠᠪᠴᠤ ᠬᠦᠨᠳᠤᠷᠴᠦ | ᠪᠠᠶᠢᠨᠠ᠃ | ᠠᠪᠤ ᠶᠢᠨ ᠪᠢᠲᠡᠭᠦᠤ ᠭᠤᠨᠢᠭ ᠡᠯᠢᠭᠡ ᠶᠢ ᠮᠢᠨᠢ ᠡᠮᠲᠡᠷᠡᠭᠦᠯᠪᠡ᠃ ᠨᠢᠯᠪᠤᠰᠤ ᠳᠤᠷᠠ ᠪᠠᠷ ᠤᠷᠤᠰᠤᠨᠠ᠃ ᠪᠢ | ᠲᠡᠷᠡᠬᠦᠭᠡᠨ ᠵᠠᠭᠤᠷᠠ ᠲᠤᠮᠤᠭᠠᠵᠢᠵᠤ᠂ ᠡᠷᠡ ᠬᠦᠮᠦᠨ ᠡᠷᠡ ᠬᠦᠮᠦᠨ ᠳᠤ ᠪᠠᠨ ᠠᠷᠭᠠ ᠦᠭᠡᠢ ᠭᠦᠨ ᠬᠠᠶᠢᠷᠠᠲᠠᠢ | ᠪᠠᠶᠢᠳᠠᠭ ᠢ ᠵᠢᠷᠤᠬᠡ ᠪᠠᠷ ᠢᠶᠠᠨ ᠮᠡᠳᠡᠷᠡᠪᠡ᠃ | ︽ᠬᠦᠭᠡᠷᠦᠬᠦᠢ ᠠᠪᠤ ᠮᠢᠨᠢ᠃ ᠬᠦᠤ ᠴᠢᠨᠢ ᠴᠢᠮᠠ ᠳᠤ ᠪᠠᠨ ᠬᠠᠶᠢᠷᠠᠲᠠᠢ᠃︾ ᠪᠢ ᠪᠤᠴᠠᠵᠤ ᠠᠯᠬᠤᠪᠠ᠃ ᠪᠢ | ᠳᠠᠬᠢᠨ ᠬᠤᠷᠤᠭᠠᠨ ᠡᠭᠦᠳᠡ ᠠᠴᠠ ᠳᠠᠭᠤᠨ ᠴᠢᠮᠡᠭᠡ ᠲᠠᠢ ᠪᠠᠷ ᠤᠷᠤᠵᠤ ᠤᠴᠢᠬᠤ ᠴᠢᠬᠤᠯᠠᠳᠠᠢ᠃ | ᠭᠤᠷᠪᠠ | ᠠᠪᠤ ᠪᠤᠴᠠᠭᠰᠠᠨ ᠨᠢ ᠯᠠᠪ ᠨᠢᠭᠡ ᠡᠳᠦᠷ ᠪᠠᠷᠠ ᠦᠭᠡᠢ᠃ ᠪᠢ ᠴᠦ ᠳᠠᠭᠤ ᠦᠭᠡᠢ ᠲᠦᠡᠭᠰᠦᠭᠦᠷ ᠨᠢᠭᠡ ᠡᠳᠦᠷ ᠢ | ᠦᠡᠭᠭᠡᠷᠡᠭᠦᠯᠪᠡ᠃ ᠭᠠᠷᠴᠠᠭᠠ ᠦᠭᠡᠢ ᠡᠵᠢ ᠮᠦᠨ ᠭᠡᠵᠦ ᠴᠠᠭᠠᠨᠠ ᠪᠠᠨ ᠮᠡᠳᠡᠷᠡᠪᠡᠴᠦ ᠨᠢᠭᠤᠷᠯᠡᠨ ᠳᠠᠭᠤᠳᠠᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠡᠨᠡ ᠬᠦᠮᠦᠨ ᠯᠠ ᠬᠤᠭᠤᠯᠠ ᠤᠮᠳᠠ᠂ ᠡᠮ ᠲᠠᠩ ᠬᠡᠮᠡᠨ ᠪᠦᠭᠴᠦᠭᠡᠨᠡᠨ ᠭᠦᠶᠦᠨᠡ᠃ | ᠤᠨᠲᠠᠯᠭᠠ ᠶᠢᠨ ᠦᠶᠡ ᠳᠤ ᠪᠦᠯᠢᠶᠡᠨ ᠤᠰᠤ ᠠᠪᠴᠢᠷᠠᠨ ᠤᠷᠢᠳᠠᠪᠠᠷ ᠨᠢᠭᠤᠷ ᠲᠤᠯᠤᠭᠠᠢ ᠶᠢ ᠬᠦᠡᠭᠭᠡᠬᠡᠨ ᠮᠦᠷᠲᠡᠭᠡᠨ | ᠱᠠᠯᠠᠮᠠᠭ ᠠᠷᠴᠢᠵᠤ᠂ ᠳᠠᠷᠠᠭᠠ ᠨᠢ ᠴᠡᠭᠡᠵᠢᠨ ᠪᠡᠶᠡ᠂ ᠵᠡᠭᠦᠤ ᠲᠠᠷᠢᠯᠭᠠ ᠲᠠᠢ ᠬᠤᠶᠠᠷ ᠭᠠᠷ ᠢ ᠬᠢᠴᠢᠶᠡᠮᠵᠢᠯᠡᠨ | ᠠᠷᠴᠢᠨᠠ᠃ | ᠬᠤᠶᠠᠷ ᠠᠨᠢᠰᠬᠠ ᠨᠢ ᠬᠠᠪᠤᠩᠨᠠᠨ ᠴᠢᠷᠠᠢ ᠨᠢ ᠴᠤᠬᠤᠷᠲᠠᠵᠤ᠂ ᠦᠨᠳᠡᠭᠡᠨ ᠬᠠᠴᠠᠷ ᠤᠨ ᠨᠢᠮᠬᠡᠨ ᠠᠷᠠᠰᠤ ᠶᠢᠨ | ᠴᠠᠭᠠᠨᠠ ᠦᠨᠳᠦᠷ ᠮᠤᠳᠤᠨ ᠤ ᠦᠨᠳᠦᠰᠦ ᠰᠠᠯᠠᠭᠠ ᠬᠡᠮᠡᠷ ᠵᠤᠷᠪᠤᠰ ᠵᠤᠷᠪᠤᠰ ᠤᠯᠠᠭᠠᠨ ᠬᠦᠷᠠᠩ ᠰᠤᠳᠠᠰᠤ ᠢᠯᠡᠬᠡᠨ | ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ ᠰᠠᠨᠴᠢᠭ ᠨᠢ ᠬᠤᠨᠭ᠍ᠬᠤᠶᠢᠨ ᠱᠤᠪᠳᠦ᠋ᠢᠵᠤ᠂ ᠪᠤᠲᠠᠷᠬᠠᠢ ᠭᠡᠵᠢᠭᠡ ᠨᠢ ᠦᠷᠪᠤᠶᠢᠨ ᠪᠠᠭᠤᠭᠰᠠᠨ | ᠪᠠᠶᠢᠪᠠ᠃ ᠦᠵᠡᠬᠦ ᠳᠤ ᠡᠨᠡ ᠬᠦᠮᠦᠨ ᠲᠡᠨᠡᠭ ᠤᠶᠢᠯᠠ ᠶᠢᠨ ᠢᠶᠠᠨ ᠨᠢᠭᠦᠯ ᠤᠨ ᠦᠷᠡ ᠶᠢ ᠠᠮᠰᠠᠵᠤ ᠪᠠᠶᠢᠬᠤ ᠨᠢ | ᠢᠯᠡᠳᠲᠡ᠃ | ᠬᠠᠮᠤᠭ ᠰᠡᠭᠦᠯ ᠳᠤ ᠠᠷᠠᠰᠤ ᠨᠢ ᠰᠤᠯᠠᠷᠠᠨ ᠰᠤᠳᠠᠯ ᠰᠢᠷᠪᠤᠰᠤ ᠨᠢ ᠭᠦᠷᠪᠤᠶᠢᠭ᠍ᠰᠡᠨ ᠲᠡᠷᠡ ᠬᠤᠦᠰ ᠭᠠᠷ ᠨᠦᠢᠲᠠᠨ | ᠠᠯᠴᠢᠭᠤᠷ ᠢᠶᠠᠷ ᠬᠤᠶᠠᠷ ᠬᠦᠯ ᠵᠢᠴᠢ ᠠᠷᠪᠠᠨ ᠬᠤᠷᠤᠭᠤᠨ ᠤ ᠰᠠᠯᠠᠭᠠ ᠪᠦᠬᠦᠨ ᠢ ᠠᠯᠳᠠᠯ ᠦᠭᠡᠢ ᠨᠠᠷᠢᠨ ᠠᠷᠴᠢᠪᠠ᠃ | | — — ᠠ᠂ ᠬᠦᠤ ᠮᠢᠨᠢ ᠰᠠᠶᠢᠨ ᠤᠨᠲᠠᠵᠤ ᠠᠮᠠᠷᠠᠭᠠᠷᠠᠢ︕ | ᠬᠠᠷᠢᠭᠤ ᠤᠯᠬᠤ ᠦᠭᠡᠢ ᠪᠠᠨ ᠮᠡᠳᠡᠵᠤ᠂ ᠬᠡᠯᠡᠵᠦ ᠪᠠᠷᠠᠮᠠᠭᠴᠠ ᠵᠡᠷᠭᠡᠯᠡᠳᠡᠭᠡ ᠲᠡᠮᠦᠷ ᠤᠷᠤ ᠤᠷᠤᠭᠤ ᠶᠤᠭᠤᠪᠠ᠃ | | ᠳᠦᠴᠢ ᠭᠠᠷᠤᠭᠰᠠᠨ ᠨᠠᠰᠤ ᠠᠵᠢ᠃ ᠶᠠᠳᠠᠷᠠᠯ ᠤᠨ ᠬᠠᠯᠠ ᠶᠢ ᠭᠡᠳᠦᠢ ᠯᠠ ᠳᠠᠭᠠᠭᠠᠬᠤ ᠭᠡᠵᠦ ᠳ᠋ᠠ᠃ ᠲᠦᠳᠡᠯ | ᠦᠭᠡᠢ ᠡᠵᠢ ᠨᠠᠮ ᠬᠤᠷᠬᠢᠷᠠᠬᠤ ᠲᠤᠭᠤᠯᠳᠠᠪᠠ᠃ | ᠳ᠋ᠸᠡᠭ ᠤᠨ ᠭᠡᠷᠡᠯ ᠳᠤᠦᠷᠠᠬᠢ ᠦᠪᠴᠢ ᠴᠠᠭᠠᠨ ᠶᠢᠷᠳᠢᠨᠴᠦ ᠤᠨᠴᠠ ᠶᠢᠨ ᠵᠢᠪᠡᠭᠦᠨ ᠴᠢᠯᠳᠡᠩ ᠰᠠᠨᠠᠭᠳᠠᠨᠠ᠃ | ᠳ᠋ᠧᠡᠭ ᠤᠨ ᠴᠡᠭᠡᠨ ᠭᠡᠷᠡᠯ ᠶᠠᠮᠠᠷ ᠨᠢᠭᠡᠨ ᠦᠯᠦ ᠦᠵᠡᠭᠳᠡᠭᠴᠢ ᠬᠦᠴᠦᠨ ᠢᠶᠠᠷ ᠪᠡᠶᠡ ᠶᠢᠨ ᠰᠢᠮᠡ ᠰᠢᠭᠦᠰᠦ ᠶᠢ | ᠰᠤᠭᠤᠴᠢᠬᠤ ᠰᠢᠭ᠋᠃ ᠬᠡᠭᠦᠷ ᠪᠡᠶᠡ ᠮᠢᠨᠢ ᠲᠠᠮᠢᠷ ᠰᠤᠯᠠᠳᠠᠨ ᠨᠤᠵᠤᠭᠤᠷᠠᠨᠠ᠃ ᠬᠤᠶᠠᠷ ᠬᠦᠯ ᠴᠢᠨᠤᠷᠠᠨ ᠯᠤᠭᠰᠢᠵᠤ᠂ | ᠳᠠᠪᠤᠰᠠᠩ ᠳᠡᠭᠡᠷᠡ ᠱᠠᠷᠬᠢᠷᠠᠨ ᠬᠤᠦᠷᠯᠠᠨᠠ᠃ ᠰᠢᠩᠬᠡᠨ ᠪᠡᠶᠡᠳᠤ ᠭᠠᠳᠠᠭᠰᠢᠯᠠᠬᠤ ᠰᠠᠨᠠᠭᠠ ᠲᠠᠢ ᠠᠳᠠᠯᠠ ᠶᠠᠮᠠᠷ ᠨᠢᠭᠡᠨ | ᠬᠤᠷᠢᠭᠠ ᠴᠡᠭᠡᠷ ᠲᠤ ᠠᠪᠲᠠᠨ ᠭᠠᠳᠠᠭᠰᠢᠯᠠᠵᠤ ᠡᠰᠡ ᠴᠢᠳᠠᠨᠠ᠃ ᠲᠤᠯᠤᠭᠠᠢ ᠴᠦ ᠤᠯᠠᠮ ᠢᠶᠠᠷ ᠲᠦᠨᠡᠷᠡᠬᠦ ᠪᠠᠷ ᠪᠢ | ᠬᠦᠮᠦᠬᠡᠢ ᠪᠠᠨ ᠵᠠᠭᠤᠨ ᠲᠡᠰᠪᠦᠷᠢᠯᠡᠪᠡ᠃ ᠴᠠᠭ ᠮᠦᠴᠡ ᠶᠢ ᠬᠠᠮᠢᠶᠠᠷᠳᠠᠭ ᠡᠵᠡᠨ ᠨᠢ ᠮᠠᠩᠬᠠᠨ ᠲᠤᠯᠤᠭᠠᠳ ᠤᠨ | ᠪᠤᠷᠭᠠᠰᠤᠨ ᠤ ᠪᠤᠳᠠᠨ ᠳᠤ ᠨᠢᠭᠤᠭᠳᠠᠴᠢᠬᠠᠭᠰᠠᠨ ᠰᠢᠭ᠋᠂ ᠴᠠᠭ ᠮᠦᠴᠡ ᠤᠷᠤᠨ ᠠᠴᠠ ᠪᠠᠨ ᠬᠦᠳᠡᠯᠬᠦ ᠦᠭᠡᠢ ᠯᠠ | ᠪᠠᠶᠢᠯᠠ᠃ ︽ᠶᠠᠭᠠᠬᠢᠭᠰᠠᠨ ᠤᠷᠳᠤ ᠰᠦᠨᠢ ᠪᠤᠢ︖︾ ᠪᠡᠶᠡ ᠵᠤᠪᠠᠭᠤᠷᠢᠯᠠᠬᠤ ᠪᠠᠷ ᠪᠢ ᠡᠷᠬᠡ ᠦᠭᠡᠢ ᠭᠠᠰᠠᠯᠪᠠ᠃ | ᠡᠪᠡᠷᠰᠢᠶᠡᠯ ᠨᠠᠮᠬᠠᠷᠠᠯ ᠤᠨ ᠲᠤᠮᠳᠠ ᠪᠢ ᠵᠡᠭᠦᠷᠮᠡᠭᠯᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠤᠡᠲᠠᠵᠤ᠂ ᠦᠳᠡ ᠠᠴᠠ ᠤᠷᠢᠳᠠᠭᠤᠷ | ᠯᠠ ᠰᠠᠷᠠᠪᠠ᠃ ᠰᠡᠷᠡᠬᠦ ᠳᠤ ᠠᠪᠤ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠨᠠ᠃ ᠭᠠᠷ ᠲᠤ ᠪᠠᠨ ᠨᠦᠢᠲᠠᠨ ᠠᠯᠴᠢᠭᠤᠷ ᠪᠠᠷᠢᠵᠤ | ᠤᠷᠤᠨ ᠤ ᠬᠠᠵᠠᠭᠤ ᠳᠤ ᠵᠤᠭᠰᠤᠨᠠ᠃ | — — ᠰᠡᠷᠭᠦᠴᠢᠬᠡᠭᠰᠡᠨ ᠤᠤ︖ ᠬᠦᠤ ᠮᠢᠨᠢ᠃ ᠴᠤᠬᠤᠮ ᠤᠷᠲᠦ ᠬᠤᠭᠤᠴᠠᠭᠠ ᠬᠠᠯᠠᠭᠤᠷᠠᠯᠠ ᠰᠢᠤ᠃ | ᠠᠪᠤ ᠶᠢᠨ ᠨᠠᠰᠤᠨ ᠠᠴᠠ ᠪᠠᠨ ᠡᠷᠲᠡ ᠦᠲᠡᠯᠦᠭᠰᠡᠨ ᠨᠢᠮᠬᠡᠨ ᠰᠢᠷᠠᠩᠭᠤᠢ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠤᠴᠢ ᠴᠠᠯᠬᠢᠪᠠ᠃ | — — ᠴᠤᠬᠤᠮ ᠶᠠᠭᠠᠬᠢᠴᠢᠬᠠᠭᠰᠠᠨ ᠶᠤᠮ ᠪᠤᠢ︖ ᠵᠦᠪᠬᠡᠨ ᠭᠠᠳᠠᠷ ᠰᠢᠷᠬᠠ ᠲᠡᠳᠦᠢ ᠰᠢᠳᠡ᠃ | ᠶᠠᠭᠠᠬᠢᠨ ᠶᠠᠪᠤᠬᠤ ᠲᠤᠰᠤᠮ ᠬᠦᠨᠳᠦᠷᠡᠭᠡᠳ᠃ ᠪᠢ ᠡᠮᠴᠢ ᠳᠤ ᠲᠠᠪᠠ ᠦᠭᠡᠢ ᠪᠠᠶᠢᠨᠠ ᠡ᠃ | ᠮᠢᠨᠤ ᠦᠭᠡᠨ ᠠᠴᠠ ᠪᠤᠯᠤᠭᠰᠠᠨ ᠭᠡᠨᠡᠳᠳᠡ ᠶᠢᠨ ᠴᠤᠴᠢᠷᠳᠠᠯ ᠢᠶᠠᠨ ᠠᠪᠤ ᠳᠠᠷᠦ᠋ᠢᠬᠠᠨ ᠦᠭᠡᠳᠡ ᠴᠢᠷᠠᠢ ᠪᠠᠷ | ᠬᠠᠯᠬᠠᠯᠠᠵᠤ᠄ | — — ᠬᠠᠮᠢᠶᠠ ᠦᠭᠡᠢ ᠰᠢᠤ᠃ ᠵᠤᠳᠤᠯᠳᠤᠭᠠᠨ ᠲᠤᠮᠳᠠ ᠲᠤᠳᠤᠷᠠ ᠪᠦᠭᠡᠷᠡ ᠴᠢᠨᠢ ᠪᠠᠭᠠ | ᠰᠢᠷᠬᠠᠳᠤᠭᠰᠠᠨ ᠭᠡᠨᠡ᠃ ᠬᠠᠯᠠᠭᠤᠷᠠᠬᠤ ᠴᠢᠨᠢ ᠵᠤᠭᠰᠤᠭᠰᠠᠭᠠᠷ ᠮᠠᠰᠠ ᠵᠠᠰᠠᠯ ᠬᠢᠬᠦ ᠪᠤᠯᠤᠨᠠ᠃ ᠬᠦᠡᠭᠬᠡᠨ ᠮᠠᠰᠠ | ᠵᠠᠰᠠᠯ ᠰᠢᠤ᠃ ᠠᠪᠤ ᠡᠪᠡᠷᠰᠢᠨ ᠬᠠᠲᠠᠭᠤᠷᠠᠭᠰᠠᠨ ᠠᠯᠠᠭᠠ ᠪᠠᠨ ᠮᠠᠩᠨᠠᠢ ᠳᠡᠭᠡᠷᠡ ᠮᠢᠨᠢ ᠲᠠᠯᠪᠢᠭᠠᠳ᠄ | — — ᠬᠠᠯᠠᠭᠤᠷᠠᠬᠤ ᠪᠠᠨ ᠪᠤᠯᠢᠪᠠ᠃ ᠡᠮᠴᠢ ᠶᠢ ᠳᠠᠭᠤᠳᠠᠶᠠ ᠭᠡᠪᠡ᠃ | — — ᠠᠪᠤ ᠭᠠᠭᠴᠠᠭᠠᠷ ᠪᠠᠶᠢᠬᠤ ᠤᠤ︖ | — — ᠲᠡᠶᠢᠮᠦ ᠯᠠᠢ᠃ ᠡᠵᠢ ᠴᠢᠨᠢ ᠬᠠᠷᠢᠴᠢᠬᠠᠪᠠ᠃ ᠭᠡᠷ ᠤᠨ ᠠᠵᠢᠯ ᠴᠦ ᠤᠪᠤᠭᠠᠷᠠᠯᠳᠤᠭᠠᠳ ᠁ | — — ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ᠃ | — — ᠶᠠᠭᠤ︖ | ᠪᠢ ᠬᠠᠷᠢᠭᠤ ᠦᠭᠡᠢ ᠪᠤᠯᠪᠠ᠃ ︽ᠨᠢᠳᠤᠨ ᠳᠤ ᠦᠷᠳᠦᠭᠰᠡᠭᠡᠷ ᠲᠠᠭᠠ ᠦᠭᠡᠢ ᠪᠤᠯᠬᠤ ᠶᠤᠮ︾ ᠭᠡᠵᠦ ᠬᠡᠯᠡᠬᠦ | ᠰᠢᠬᠠᠯᠠ᠃ ᠠᠪᠤ ᠲᠡᠮᠦᠷ ᠤᠷᠤ ᠪᠤᠯᠤᠨ ᠡᠭᠦᠳᠡᠨ ᠤ ᠬᠤᠭᠤᠷᠤᠨᠳᠤ ᠬᠤᠷᠤᠮ ᠲᠦᠲᠡᠭᠡᠯᠵᠡᠨ ᠵᠤᠭᠰᠤᠭᠰᠠᠨ ᠢᠶᠠᠨ | ᠳᠠᠬᠢᠨ ᠪᠤᠴᠠᠵᠤ ᠢᠷᠡᠪᠡ᠃ ᠬᠠᠪᠤᠩᠨᠠᠨ ᠯᠠᠪᠲᠠᠶᠢᠭᠰᠠᠨ ᠴᠢᠷᠠᠶᠢᠨ ᠳᠤ ᠨᠢ ᠶᠠᠮᠠᠷ ᠴᠦ ᠦᠡᠭᠭᠡ ᠠᠯᠠᠭᠠ᠃ ᠶᠡᠭᠡ | ᠲᠦᠪᠯᠡᠭᠦᠨ ᠴᠢᠩᠭᠠ ᠪᠠᠶᠢᠪᠠ᠃ | — — ᠬᠦᠤ ᠮᠢᠨᠢ ᠤᠳᠤ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠴᠢᠬᠡᠭᠰᠡᠨ ᠪᠠᠶᠢᠨᠠ᠃ ᠵᠠᠷᠢᠮ ᠤᠴᠢᠷ ᠢ ᠨᠠᠷᠢᠨ | ᠲᠤᠩᠭᠠᠬᠤ ᠴᠢᠬᠤᠯᠠ ᠲᠠᠢ ᠰᠢᠤ᠃ ᠡᠵᠢ ᠴᠢᠨᠢ ᠶᠠᠮᠠᠷ ᠠᠯᠳᠠᠭᠠ ᠲᠤᠲᠠᠭᠳᠠᠯ ᠲᠠᠢ ᠴᠦ ᠴᠢᠮᠠ ᠳᠤ ᠪᠠᠨ ᠪᠤᠯ ᠠᠮᠢ | ᠨᠠᠰᠤ ᠤᠯᠭᠤᠭᠰᠠᠨ ᠠᠴᠢ ᠲᠠᠢ ᠬᠦᠮᠦᠨ᠃ ᠠᠷᠪᠠᠨ ᠰᠠᠷᠠ ᠠᠴᠢᠨ ᠪᠠᠶᠢᠵᠤ᠂ ᠠᠩᠬᠢᠷ ᠤᠭᠤᠷᠠᠭ ᠢᠶᠠᠨ | ᠰᠢᠮᠡᠭᠦᠯᠦᠭᠰᠡᠨ ᠠᠴᠢ ᠲᠠᠢ ᠬᠦᠮᠦᠨ᠃ ᠡᠵᠢ ᠪᠠᠨ ᠭᠠᠳᠠᠭᠤᠷᠰᠢᠶᠠᠵᠤ ᠪᠤᠯᠬᠤ ᠦᠭᠡᠢ᠃ ᠡᠬᠡ ᠬᠦᠮᠦᠨ ᠤ | ᠰᠡᠳᠬᠢᠯ ᠳᠤ ᠦᠷᠡ ᠪᠤᠯ ᠵᠢᠷᠦᠬᠡ ᠨᠢ ᠪᠠᠶᠢᠳᠠᠭ᠃ ᠡᠵᠢ ᠶᠢᠨ ᠬᠠᠶᠢᠷᠠ ᠳᠤ ᠠᠯᠠᠭ ᠦᠭᠡᠢ ᠰᠢᠤ᠃ ᠮᠢᠨᠦ ᠬᠦᠤ | ᠡᠵᠢ ᠪᠠᠨ ᠰᠡᠳᠬᠢᠯ ᠳᠤ ᠪᠠᠨ ᠰᠠᠭᠤᠯᠭᠠᠵᠤ ᠶᠠᠪᠤᠬᠤ ᠬᠡᠷᠡᠭᠲᠡᠢ᠃ | ᠠᠪᠤ ᠲᠠᠯᠪᠢᠭᠤᠨ ᠶᠠᠷᠢᠭᠠᠳ ᠬᠠᠷᠢᠭᠤ ᠬᠦᠯᠢᠶᠡᠨᠡ᠃ ᠬᠠᠮᠠᠷ ᠱᠠᠷᠬᠢᠷᠠᠬᠤ ᠪᠠᠷ ᠪᠢ ᠤᠷᠤᠭᠤᠯ ᠢᠶᠠᠨ | ᠬᠠᠵᠠᠯᠬᠢᠯᠠᠵᠤ᠂ ᠬᠠᠷᠠᠴᠠ ᠪᠠᠨ ᠪᠤᠷᠤᠭᠤᠯᠪᠠ᠃ ᠲᠡᠷᠡ ᠪᠦᠬᠦᠨ ᠢ ᠪᠢ ᠪᠦᠷ ᠤᠶᠢᠯᠠᠭᠠᠨᠠ᠃ ᠲᠡᠭᠡᠬᠦ ᠳᠤ ᠲᠡᠳᠡᠭᠡᠷ | ᠭᠠᠵᠠᠷ ᠤᠨ ᠴᠠᠪ ᠲᠤ ᠳᠠᠷᠤᠵᠤ ᠬᠠᠶᠠᠭᠰᠠᠨ ᠪᠠᠷᠠᠭᠠᠨ ᠰᠡᠭᠦᠳᠡᠷ ᠤᠳ ᠢᠰᠡᠭᠡᠢ ᠳᠤ ᠵᠠᠭᠤᠷᠠᠯᠳᠤᠭᠰᠠᠨ ᠬᠤᠨᠢᠨ | ᠵᠠᠩᠭᠤᠦ ᠰᠢᠭ᠋ ᠪᠦᠬᠦ ᠪᠡᠶᠡ ᠶᠢ ᠤᠷᠢᠶᠠᠯᠭᠠᠵᠤ ᠭᠠᠷᠤᠨᠠ᠃ ᠪᠢ ᠨᠢᠳᠤ ᠪᠠᠨ ᠠᠨᠢᠭᠠᠳ ᠲᠡᠷᠡ ᠲᠤᠲᠤᠷᠠ ᠪᠠᠨ | ᠰᠢᠷᠬᠢᠬᠦ ᠳᠤ ᠠᠪᠤ ᠬᠦᠡᠭᠬᠡᠨ ᠰᠡᠭᠦᠷᠡᠰᠦᠯᠡᠭᠡᠳ ᠭᠠᠷᠴᠤ ᠶᠠᠪᠤᠪᠠ᠃ | ᠨᠠᠮᠠ ᠶᠢ ᠮᠠᠰᠠ ᠵᠠᠰᠠᠯ ᠬᠢᠵᠦ ᠨᠡᠯᠢᠶᠡᠳ ᠡᠷᠡᠭᠦᠯᠵᠢᠳᠡᠯᠡ ᠡᠵᠢ ᠶᠠᠷᠦ ᠢᠷᠡᠭᠡ ᠦᠭᠡᠢ᠃ ᠭᠠᠭᠴᠠ ᠬᠦ ᠠᠪᠤ ᠯᠠ | ᠨᠠᠮᠠ ᠶᠢ ᠠᠰᠠᠷᠠᠪᠠ᠃ ᠠᠪᠤ ᠪᠠᠶᠢᠨ ᠪᠠᠶᠢᠨ ︽ᠭᠠᠳᠠᠭᠤᠷ ᠭᠠᠷᠤᠭᠠᠳ ᠳᠠᠮᠠᠬᠢᠯᠠᠭᠠᠳ ᠢᠷᠡᠶᠡ︾ ᠭᠡᠳ ᠭᠠᠷᠴᠤ | ᠶᠠᠪᠤᠨᠠ᠃ ᠠᠪᠤ ᠶᠢᠨ ᠮᠠᠷᠢᠶᠠ ᠨᠢ ᠮᠡᠳᠡᠭᠳᠡᠮᠡ ᠰᠢᠭᠤᠷᠠᠵᠤ᠂ ᠨᠦᠢᠷ ᠠᠯᠲᠠᠭᠰᠠᠨ ᠤᠯᠠᠭᠠᠨ ᠰᠤᠳᠠᠰᠤ ᠲᠠᠢ | ᠨᠢᠳᠤᠨ ᠳᠤ ᠨᠢ ᠶᠠᠭᠤ ᠨᠢᠭᠡᠨ ᠳᠤ ᠪᠤᠯᠤᠭᠰᠠᠨ ᠰᠠᠨᠠᠭᠠᠰᠢᠷᠠᠯ ᠨᠢᠭᠤᠭᠳᠠᠭᠠ ᠶᠢ ᠪᠢ ᠰᠡᠷᠡᠵᠦ ᠪᠠᠶᠢᠪᠠ᠃ ︽ᠠᠷᠠᠢ | ᠲᠡᠷᠡ ᠬᠦᠮᠦᠨ ᠠᠪᠤ ᠪᠢᠳᠡ ᠬᠤᠶᠠᠷ ᠢ ᠬᠠᠶᠠᠭᠠᠳ ᠵᠢᠯᠢᠢᠴᠢᠬᠡᠭᠰᠡᠨ ᠦᠭᠡᠢ ᠪᠠ︖ ᠪᠠᠷᠠ ᠲᠠᠰᠤ ᠪᠠᠶᠢᠬᠤ ᠪᠠᠷ︾ | ᠭᠡᠬᠦ ᠪᠤᠳᠤᠯ ᠴᠦᠢᠳᠧᠩ ᠤᠨ ᠭᠠᠯ ᠰᠢᠭ᠋ ᠵᠢᠷᠢᠰᠬᠢᠭᠡᠳ ᠦᠡᠭᠭᠡᠷᠡᠨᠡ᠃ ᠠᠪᠤ ᠠᠴᠠ ᠴᠦ ᠠᠰᠠᠭᠤᠵᠤ ᠴᠢᠳᠠᠭᠠ | ᠦᠭᠡᠢ᠃ ᠭᠤᠮᠤᠷᠬᠠᠯ ᠳᠤ ᠴᠦᠭᠦᠷᠡᠵᠦ᠂ ᠮᠦᠰᠦᠨ ᠤᠷᠤ ᠳᠡᠭᠡᠷᠡ ᠬᠡᠪᠲᠡᠭᠡ ᠰᠢᠭ᠃ ︽ᠶᠠᠭᠠᠬᠢᠯᠠ ᠴᠦ ᠨᠢᠭᠡ | ᠤᠴᠢᠷ ᠪᠤᠯᠵᠤ ᠳ᠋ᠠ᠃︾ ᠠᠮᠢᠰᠬᠤᠯ ᠴᠢᠬᠤᠯᠳᠠᠵᠤ ᠲᠤᠯᠤᠭᠠᠢ ᠲᠦᠢᠷᠡᠨᠡ᠃ ᠴᠡᠭᠡᠵᠢᠨ ᠳᠤ ᠬᠡᠢ ᠰᠠᠭᠭᠠᠵᠤ᠂ | ᠲᠦᠷᠪᠡᠨ ᠮᠦᠴᠢ ᠰᠤᠯᠠᠷᠠᠨᠠ᠃ ᠪᠢ ᠪᠠᠰᠠ ᠯᠠ ᠬᠠᠯᠠᠭᠤᠷᠠᠵᠤ ᠡᠬᠢᠯᠡᠪᠡ᠃ | — — ᠡᠷᠬᠡᠳᠡᠨ ᠨᠢ ᠪᠡᠶᠡᠨ ᠳᠤ ᠨᠢ ᠵᠤᠬᠢᠷᠠᠵᠤ᠂ ᠭᠠᠳᠠᠭᠤᠷᠰᠢᠶᠠᠬᠤ ᠢᠯᠡᠷᠡᠯ ᠦᠭᠡᠢ ᠠᠳᠠᠯᠠ ᠡᠨᠡ | ᠬᠦᠮᠦᠨ ᠶᠠᠭᠤᠨ ᠳᠤ ᠪᠠᠨ ᠬᠠᠯᠠᠭᠤᠷᠠᠭᠠᠳ ᠪᠠᠶᠢᠬᠤ ᠶᠤᠮ ᠪᠤᠢ︖ ᠤᠳᠤ ᠶᠢᠨ ᠬᠦᠮᠦᠨ ᠶᠠᠭᠠᠬᠢᠭᠰᠠᠨ ᠬᠡᠪᠡᠷᠡᠭ | ᠶᠤᠮ ᠪᠤᠢ︖ ᠡᠵᠢ ᠶᠢ ᠨᠢ ᠦᠵᠡ︕ ᠬᠦᠤ ᠠᠴᠠ ᠪᠠᠨ ᠬᠤᠯᠠ ᠬᠤᠷᠳᠤᠨ ᠡᠷᠡᠭᠦᠯᠵᠢᠵᠦ ᠪᠠᠶᠢᠨᠠ᠃ | — — ᠠᠪᠤ ᠨᠢ ᠯᠠ ᠬᠦᠭᠡᠷᠦᠬᠦᠢ᠃ ᠬᠤᠶᠠᠷ ᠲᠡᠶᠢᠰᠢ ᠬᠦᠶᠦᠭᠰᠡᠭᠡᠷ ᠵᠤᠲᠠᠵᠤ ᠳᠠᠭᠤᠰᠬᠤ ᠨᠢ᠃ | ᠶᠢᠷᠳᠢᠨᠴᠦ ᠳᠡᠭᠡᠷᠡ ᠡᠵᠢ ᠠᠪᠤ ᠬᠦᠮᠦᠨ ᠯᠠ ᠡᠨᠡ ᠬᠠᠯᠠ ᠶᠢ ᠳᠡᠰᠪᠦᠷᠢᠯᠡᠵᠦ ᠴᠢᠳᠠᠬᠤ ᠠᠴᠠ ᠳ᠋ᠠ᠃ ᠠᠢ ᠳ᠋ᠠ᠂ | ᠶᠠᠭᠠᠬᠢᠬᠤ ᠪᠤᠢ︕ | — — ᠡᠨᠡ ᠬᠦᠤ ᠶᠢ ᠦᠵᠡᠯ ᠳ᠋ᠠ᠃ ᠡᠵᠢ ᠶᠢᠨ ᠢᠶᠠᠨ ᠦᠷᠦᠭᠡᠰᠦᠨ ᠪᠦᠭᠡᠷᠡ ᠶᠢ ᠠᠴᠢᠵᠤ | ᠶᠠᠪᠤᠬᠤ ᠳᠤ ᠪᠠᠨ ᠮᠦᠨ ᠬᠦᠤ ᠶᠢᠨ ᠡᠷᠬᠡ ᠵᠢᠭᠠᠵᠤ ᠡᠷᠬᠡᠯᠡᠨ ᠪᠠᠶᠢᠬᠤ ᠴᠢᠨᠢ᠃ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠵᠤᠪᠠᠯ ᠢ | ᠪᠤᠳᠤᠪᠠᠯ ᠬᠤᠷᠳᠤᠨ ᠡᠷᠡᠭᠦᠯᠵᠢᠬᠦ ᠨᠢ ᠶᠠᠭᠠᠬᠢᠪᠠ︕ | ᠤᠨᠳᠠᠭᠠᠳ ᠰᠡᠷᠡᠬᠦ ᠪᠠᠷ ᠲᠤᠳᠤᠷᠠ ᠲᠤᠩ ᠴᠤ ᠰᠠᠷᠠᠭᠤᠯ ᠪᠠᠶᠢᠪᠠ᠃ ᠬᠤᠶᠠᠷ ᠰᠤᠪᠢᠯᠠᠭᠴᠢ ᠬᠡᠤᠬᠡᠨ ᠰᠢᠷᠬᠠᠨ ᠤ | ᠪᠤᠭᠤᠯᠲᠠ ᠶᠢ ᠠᠯᠳᠠᠷᠠᠭᠠᠨ ᠤᠰᠤᠨ ᠡᠮ ᠢᠶᠠᠷ ᠠᠷᠢᠭᠤᠳᠬᠠᠨ ᠪᠠᠶᠢᠵᠦ ᠵᠤᠭᠤᠭ ᠪᠤᠯᠤᠯᠴᠠᠨᠠ᠃ ᠲᠡᠳᠡ ᠬᠤᠶᠠᠷ ᠤᠨ | ᠵᠤᠭᠤᠭ ᠴᠢᠬᠢᠨ ᠭᠡᠩᠭᠡᠷᠭᠡ ᠶᠢ ᠳᠡᠯᠡᠰᠴᠦ᠂ ᠵᠢᠷᠦᠬᠡᠨ ᠰᠤᠳᠠᠰᠤ ᠶᠢ ᠴᠡᠴᠡᠷᠡᠭᠦᠯᠦᠨᠡ᠃ ᠬᠤᠶᠠᠷ ᠨᠢᠳᠤᠨ ᠤ | ᠠᠳᠬᠤᠷᠠᠯᠳᠤᠭᠰᠠᠨ ᠰᠤᠷᠮᠤᠤᠰᠤ ᠰᠠᠯᠬᠤ ᠠᠴᠠ ᠡᠮᠤᠨᠡ ᠵᠤᠪᠬᠢ ᠪᠦᠯᠢᠶᠡᠰᠪᠡ᠃ ᠪᠢ ᠡᠭᠡᠷ ᠳᠠᠲᠠᠨ ᠤᠬᠢᠯᠠᠬᠤ ᠶᠢ | ᠰᠠᠨᠠᠨᠠ᠃ ᠬᠡᠴᠢᠨᠡᠭᠡᠨ ᠵᠢᠯ ᠤᠨ ᠴᠤᠭᠯᠠᠷᠠᠭᠰᠠᠨ ᠭᠤᠮᠤᠷᠡᠯ ᠵᠢᠪᠡᠭᠦᠴᠡᠯ ᠤᠨ ᠬᠠᠭ ᠡᠨᠡᠬᠦᠭᠡᠨ ᠬᠤᠭᠤᠷᠤᠨᠳᠤ | ᠬᠤᠭᠵᠢᠷᠠᠨ ᠬᠤᠪᠬᠤᠷᠠᠨᠠ᠃ | ᠳᠡᠭᠦᠵᠢᠩ ᠰᠢᠩᠬᠡᠨ ᠪᠡᠶᠡᠳᠤ ᠶᠡᠭᠦᠯᠡᠭᠦᠷ ᠢᠶᠠᠷ ᠲᠠᠮᠵᠢᠨ ᠰᠤᠳᠠᠰᠤ ᠪᠠᠷ ᠭᠦᠶᠦᠬᠦ ᠨᠢ ᠲᠤᠳᠤ ᠮᠡᠳᠡᠷᠡᠭᠳᠡᠨᠡ᠃ | ᠵᠡᠭᠦᠳᠦ ᠪᠢᠰᠢ᠃ ᠶᠠᠭᠤ ᠪᠦᠬᠦᠨ ᠦᠨᠡᠨ ᠪᠠᠶᠢᠯᠠ᠃ ᠪᠢ ᠬᠤᠶᠢᠰᠢᠲᠡ ᠡ᠋ᠭ ᠲᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠨᠠᠨᠳᠢᠨ ᠠᠴᠢ | ᠬᠠᠶᠢᠷᠠ ᠶᠢ ᠡᠭᠦᠷᠴᠦ ᠶᠠᠪᠤᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠢᠷᠡᠭᠡᠳᠦᠢ ᠳᠤ ᠪᠢ ᠪᠠᠰᠠ ᠴᠦ ᠦᠯᠢᠭᠡᠷ ᠤᠨ ᠭᠤᠦᠯ | ᠪᠠᠭᠠᠳᠤᠷ ᠪᠤᠯᠬᠤ ᠶᠤᠮ᠃ | ︵◎ ᠡᠤ ᠤᠶᠤᠨᠬᠠᠰ︶ | |