| ᠦᠨᠦᠳᠦᠷ ᠳᠡᠯᠭᠡᠭᠦᠷ ᠠᠴᠠ ᠬᠡᠳᠦᠨ ᠬᠡᠰᠡᠭ ᠬᠤᠷᠤᠳ ᠬᠤᠳᠠᠯᠳᠤᠨ ᠠᠪᠤᠪᠠ᠃ ᠴᠠᠭᠠᠨ ᠢᠳᠡᠭᠡᠨ ᠳᠤ | ᠴᠠᠭᠠᠨᠠ ᠠᠴᠠ ᠪᠠᠨ ᠲᠠᠳᠠᠭᠳᠠᠳᠠᠭ ᠬᠤᠪᠳᠤᠭ ᠭᠧᠨ ᠮᠢᠨᠢ ᠬᠦᠦ ᠳᠤ ᠤᠯᠠᠮᠵᠢᠯᠠᠭᠳᠠᠴᠢᠬᠠᠭᠰᠠᠨ ᠬᠤᠶᠢᠨᠠ ᠬᠤᠷᠤᠳ | ᠵᠥᠭᠡᠬᠡᠢ ᠶᠢᠨ ᠦᠨᠡ ᠬᠡᠳᠦᠢ ᠦᠰᠪᠡᠴᠦ ᠶᠠᠭᠠᠬᠢᠬᠤ ᠪᠤᠢ᠂ ᠬᠠᠶᠠ ᠴᠠᠶᠠ ᠮᠥᠩᠭᠦ ᠬᠠᠶᠢᠷᠠᠯᠠᠯ ᠦᠭᠡᠢ ᠠᠪᠴᠦ ᠡᠬᠡ | ᠬᠦᠦ ᠬᠤᠶᠠᠭᠤᠯᠠ ᠶᠢᠨ ᠦᠯ ᠢᠶᠠᠨ ᠳᠠᠷᠤᠬᠤ ᠯᠠ ᠴᠢᠬᠤᠯᠠ᠃ ᠳᠡᠯᠭᠡᠭᠦᠷ ᠲᠤ ᠬᠤᠳᠠᠯᠳᠣᠳᠠᠭ ᠵᠢᠭᠵᠢᠭᠡᠷ ᠬᠡᠦᠬᠡᠨ ᠤ | ᠵᠢᠭᠠᠬᠠᠨ ᠠᠯᠠᠭᠠ ᠠᠴᠠ ᠠᠷᠠᠢ ᠶᠡᠬᠡᠳᠡᠮᠡ ᠦᠭᠡᠢ ᠲᠡᠷᠡ ᠠᠷᠪᠠᠨ ᠲᠠᠪᠤᠨ ᠲᠥᠭᠦᠷᠢᠭ ᠨᠢᠭᠡ ᠬᠡᠰᠡᠭ ᠤᠨ ᠬᠢ ᠶᠢ ᠪᠣᠯ | ᠬᠦᠦ ᠪᠢᠳᠡ ᠬᠤᠶᠠᠭᠤᠯᠠ ︽ᠠᠮᠲᠠᠯᠠᠵᠦ ᠪᠠᠶᠢᠨᠠ︾᠂ ︽ᠠᠮᠲᠠᠯᠠᠵᠦ ᠪᠠᠶᠢᠨᠠ︾ ᠭᠡᠭᠰᠡᠭᠡᠷ ᠬᠡᠳᠦᠬᠡᠨ ᠮᠢᠨᠦ᠋ᠲ ᠲᠤ | ᠰᠢᠢᠳᠪᠦᠷᠢᠯᠡᠴᠢᠬᠡᠨᠡ᠃ ᠬᠠᠷᠢᠨ ᠬᠤᠷᠢᠨ ᠲᠠᠪᠤᠨ ᠲᠥᠭᠦᠷᠢᠭ ᠨᠢᠭᠡ ᠬᠡᠰᠡᠭ ᠤᠨ ᠬᠢ ᠶᠢ ᠨᠢ ᠠᠪᠤᠪᠠᠯ ᠠᠷᠭᠠᠯᠠᠵᠦ | ᠴᠠᠷᠭᠠᠯᠠᠵᠤ ᠬᠠᠭᠠᠰ ᠡᠳᠦᠷ ᠤᠨ ᠬᠠᠯᠠ ᠳᠠᠭᠠᠭᠠᠳᠠᠭ ᠨᠢ ᠦᠨᠡᠨ ᠲᠠᠢ᠃ ᠢᠩᠭᠢᠭᠡᠳ ᠡᠨᠡ ᠤᠳᠠᠭᠠ ᠶᠡᠬᠡᠬᠡᠨ | ᠬᠡᠰᠡᠭᠲᠦ ᠬᠤᠷᠤᠳ ᠠᠴᠠ ᠨᠢ ᠢᠯᠡᠭᠦᠦ ᠬᠡᠳᠦᠨ ᠬᠡᠰᠡᠭ ᠠᠪᠴᠢᠬᠠᠪᠠ᠃ | ᠬᠠᠷᠠ ᠴᠠᠢ ᠣᠭᠤᠴᠢᠯᠠᠬᠤ ᠶᠢᠨ ᠵᠠᠪᠰᠠᠷ ᠬᠤᠳᠠᠯᠳᠤᠭᠠᠨ ᠤ ᠬᠤᠷᠤᠳ ᠢᠶᠠᠨ ᠡᠮᠲᠡᠯᠡᠨ ᠵᠤᠭᠤᠭᠯᠠᠵᠦ ᠰᠠᠭᠤᠯᠠ᠃ | ᠬᠤᠷᠤᠳ ᠤᠨ ᠠᠮᠲᠠ ᠨᠢᠭᠡ ᠯᠠ ᠰᠡᠳᠬᠢᠯ ᠳᠤ ᠬᠦᠷᠬᠦ ᠦᠭᠡᠢ ᠴᠢᠮᠠᠯᠠᠭᠳᠠᠬᠤ ᠰᠢᠭ᠋᠃ ︽ᠰᠦᠨ ᠦᠢᠯᠡᠳᠪᠦᠷᠢ ᠶᠢᠨ | ᠮᠠᠰᠢᠨ ᠢᠶᠠᠷ ᠳᠠᠷᠣᠳᠠᠭ ᠬᠤᠷᠤᠳ ᠶᠡᠷᠦ ᠨᠢ ᠮᠠᠨ ᠤ ᠮᠠᠯᠴᠢᠨ ᠡᠵᠢ ᠨᠠᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠳᠡᠭ ᠬᠤᠷᠤᠳ ᠢ | ᠬᠤᠯᠠ ᠬᠦᠷᠬᠦ ᠦᠭᠡᠢ ᠶᠤᠮ ᠡ︾ ᠭᠡᠵᠦ ᠪᠤᠳᠤᠭᠳᠠᠬᠤ ᠪᠤᠯᠤᠭᠰᠠᠨ ᠨᠢ ᠶᠠᠮᠠᠷ ᠥᠨᠦᠬᠡᠨ ᠤ ᠣᠴᠢᠷ ᠯᠠ ᠪᠢᠰᠢ ᠳ᠋ᠠ᠃ | ᠨᠠᠳᠠ ᠡᠵᠢ ᠶᠢᠨ ᠮᠢᠨᠢ ᠨᠤᠬᠤᠭᠰᠠᠨ ᠬᠤᠷᠤᠳ ᠤᠨ ᠠᠮᠲᠠ ᠶᠠᠭᠤ ᠬᠠᠢ ᠦᠭᠡᠢ ᠡᠷᠢᠭᠳᠡᠪᠡ᠃ | ᠮᠠᠨ ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠵᠤᠨ ᠤ ᠨᠠᠷᠠ ᠣᠷᠭᠠ ᠶᠢᠨ ᠦᠵᠦᠭᠦᠷ ᠬᠥᠭᠡᠷᠬᠦ ᠬᠢᠷᠢ ᠪᠠᠷ ᠯᠠ ᠥᠷᠯᠥᠭᠡ | ᠡᠷᠲᠡ ᠶᠢᠨ ᠠᠯᠢ ᠣᠯᠠᠨ ᠠᠵᠢᠯ ᠢᠶᠠᠨ ᠳᠦᠩᠭᠡᠵᠦ ᠰᠢᠪᠲᠤᠷᠠᠭᠤᠯᠤᠭᠰᠠᠨ ᠡᠵᠢ ᠭᠠᠳᠠᠨᠠ ᠬᠢᠰᠠ ᠳᠤ ᠠᠷᠭᠠᠯ ᠤᠨ | ᠭᠠᠯ ᠨᠤᠴᠤᠭᠠᠨ ᠬᠤᠷᠤᠳ ᠬᠢᠬᠦ ᠠᠵᠢᠯ ᠳᠤ ᠪᠠᠨ ᠣᠷᠣᠳᠠᠭ᠃ ᠰᠢᠨᠡᠭᠡᠨ ᠡᠭᠡᠳᠡᠭᠰᠡᠨ ᠰᠦ ᠪᠠᠨ ᠵᠢᠯᠠᠪᠴᠢᠨ | ᠲᠤᠭᠤᠭᠠᠨ ᠳᠤ ᠶᠡᠭᠦᠯᠡᠵᠦ ᠠᠷᠭᠠᠯ ᠤᠨ ᠭᠠᠯ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠪᠠᠯ ᠲᠦᠳᠡᠯ ᠦᠭᠡᠢ ᠬᠤᠭᠤᠯᠠᠢ | ᠭᠤᠪᠤᠭᠤᠨᠠᠭᠤᠯᠤᠮᠠ ᠢᠰᠬᠦᠯᠡᠩ ᠦᠨᠦᠷ ᠬᠠᠩᠬᠤᠯᠵᠦ ᠰᠢᠷᠠᠰᠣ ᠢᠯᠭᠠᠷᠠᠵᠦ ᠡᠬᠢᠯᠡᠨᠡ᠃ ᠡᠵᠢ ᠱᠦᠭᠦᠷ ᠢᠶᠠᠷ ᠠᠬᠢᠨ | ᠳᠠᠬᠢᠨ ᠰᠢᠷᠠᠰᠣ ᠢᠯᠭᠠᠷᠠᠭᠤᠯᠵᠦ᠂ ᠡᠭᠡᠳᠡᠮᠡᠭ ᠥᠳᠭᠡᠷᠡᠬᠦ ᠬᠢᠷᠢ ᠪᠠᠷ ᠭᠠᠯ ᠢᠶᠠᠨ ᠵᠥᠭᠡᠯᠡᠬᠡᠨ ᠪᠣᠯᠭᠠᠨᠠ᠃ ᠲᠡᠭᠡᠭᠡᠳ | ᠤᠯᠠᠮ ᠤᠯᠠᠮ ᠢᠶᠠᠷ ᠢᠵᠠᠮᠠᠭᠲᠤᠨ ᠥᠳᠭᠡᠷᠡᠵᠦ ᠪᠠᠶᠢᠭᠠ ᠡᠭᠡᠳᠡᠮᠡᠭ ᠢᠶᠠᠨ ᠰᠢᠨᠠᠭᠠᠨ ᠳᠤᠬᠤ ᠪᠠᠷ ᠲᠦᠷᠭᠡᠨ ᠲᠦᠷᠬᠡᠨ | ᠨᠤᠬᠤᠯᠠᠵᠦ ᠪᠠᠶᠢᠭᠰᠠᠭᠠᠷ ᠲᠣᠮᠤᠬᠠᠨ ᠪᠥᠭᠡᠮ ᠪᠤᠯᠭᠠᠭᠠᠳ ᠲᠡᠭᠦᠨ ᠢᠶᠠᠨ ᠲᠤᠭᠤᠭᠠᠨ ᠢᠷᠤᠭᠠᠷ ᠲᠤ ᠨᠠᠭᠠᠯᠳᠤᠭᠤᠯᠬᠤ | ᠦᠭᠡᠢ ᠪᠠᠶᠢᠬᠤ ᠶᠢ ᠬᠢᠴᠢᠶᠡᠨ ᠲᠠᠰᠤᠷᠠᠭᠠ ᠦᠭᠡᠢ ᠡᠶᠢᠰᠢ ᠲᠡᠶᠢᠰᠢ ᠪᠦᠮᠪᠦᠷᠢᠬᠦᠯᠦᠨᠡ᠃ ᠡᠨᠡ ᠨᠢ ᠰᠠᠶᠢᠬᠠᠨ | ᠲᠣᠭᠤᠭᠠᠨ ᠠᠴᠠ ᠭᠠᠷᠬᠤ ᠰᠢᠬᠢᠷ ᠬᠤᠯᠢᠭᠰᠠᠨ ᠬᠠᠯᠠᠭᠤᠨ ᠬᠤᠷᠤᠳ ᠢ ᠵᠥᠭᠡᠬᠡᠢ ᠲᠠᠢ ᠬᠤᠳᠬᠤᠵᠦ ᠢᠳᠡᠨᠡ ᠭᠡᠵᠦ | ᠬᠠᠵᠠᠭᠤ ᠬᠠᠪᠢ ᠪᠠᠷ ᠨᠢ ᠥᠩᠭᠡᠶᠢᠯᠴᠡᠵᠦ ᠰᠦᠢᠳ ᠪᠤᠯᠵᠦ ᠪᠠᠶᠢᠭᠰᠠᠨ ᠪᠢᠳᠡᠨ ᠳᠤ ᠬᠡᠴᠢᠨᠡᠬᠡᠨ ᠵᠤᠭᠠᠲᠠᠢ ᠰᠠᠨᠠᠭᠳᠠᠵᠦ | ᠪᠠᠶᠢᠭᠰᠠᠨ ᠠᠵᠢ︕ | ᠡᠵᠢ ᠶᠢᠨ ᠮᠢᠨᠢ ᠨᠤᠬᠤᠯᠠᠵᠦ ᠳᠠᠷᠤᠭᠰᠠᠨ ᠬᠤᠷᠤᠳ ᠪᠡᠷᠬᠡ ᠵᠤᠬᠢᠷᠠᠳᠠᠭ ᠪᠠᠶᠢᠭᠰᠠᠨ ᠡ᠃ ᠬᠡᠪ ᠲᠤ ᠳᠠᠷᠤᠭᠰᠠᠨ | ᠬᠤᠷᠤᠳ ᠢᠶᠠᠨ ᠰᠡᠷᠢᠭᠦᠬᠡᠨ ᠭᠠᠵᠠᠷ ᠲᠠᠯᠪᠢᠵᠦ ᠪᠠᠭ᠋ᠠᠨ ᠡᠪᠡᠷᠡᠭᠡᠮᠡᠭᠴᠡ ᠳᠠᠬᠢᠨ ᠲᠡᠭᠰᠢ ᠢᠷᠤᠭᠠᠷ ᠲᠠᠢ ᠪᠤᠷᠭᠠᠰᠤᠨ | ᠰᠠᠭᠰᠣᠨ ᠳᠤ ᠬᠦᠮᠦᠷᠢᠵᠦ ᠭᠠᠳᠠᠨᠠ ᠠᠪᠠᠴᠢᠵᠦ ᠡᠯᠭᠦᠨ ᠬᠠᠳᠠᠭᠠᠨᠠ᠃ ᠮᠠᠨ ᠤ ᠬᠢᠨ ᠬᠡᠳᠦ᠋ᠢᠪᠡᠷ ᠴᠥᠭᠡᠨ ᠬᠡᠳᠦᠬᠡᠨ | ᠰᠠᠭᠠᠯᠢ ᠶᠢᠨ ᠦᠨᠢᠶᠡ ᠲᠠᠢ ᠪᠠᠶᠢᠭᠰᠠᠨ ᠴᠦ ᠲᠡᠷᠡ ᠦᠶᠡ ᠳᠤ ᠪᠡᠯᠴᠢᠭᠡᠷ ᠣᠰᠤ ᠰᠠᠶᠢᠨ ᠤ ᠬᠢ ᠪᠤᠯᠪᠠ ᠦᠦ᠂ | ᠦᠨᠢᠶᠡᠳ ᠨᠢᠭᠡᠳ ᠨᠢᠭᠡ ᠪᠠᠷ ᠢᠶᠠᠨ ᠰᠠᠭᠠᠮᠠ ᠰᠠᠶᠢᠲᠠᠢ ᠪᠠᠶᠢᠵᠦ ᠪᠤᠷᠭᠠᠰᠤᠨ ᠰᠠᠭᠰᠣᠨ ᠳᠤ ᠬᠢ ᠬᠤᠷᠤᠳ ᠡᠳᠦᠷ | ᠡᠳᠦᠷ ᠢᠶᠠᠷ ᠨᠡᠮᠡᠭᠳᠡᠭᠰᠡᠭᠡᠷ ᠣᠳᠠᠯ ᠦᠭᠡᠢ ᠪᠠᠭᠲᠠᠵᠦ ᠶᠠᠳᠠᠮᠠ ᠪᠤᠯᠳᠠᠭ ᠪᠥᠭᠡᠳ ᠬᠡᠲᠦᠷᠡᠮᠡᠭᠡᠢ ᠱᠠᠩᠳᠠᠭᠤᠨ | ᠦᠨᠦᠷ ᠨᠢ ᠬᠤᠯᠠ ᠠᠴᠠ ᠢᠷᠡᠭᠰᠡᠨ ᠬᠦᠮᠦᠨ ᠤ ᠰᠠᠮᠰᠠ ᠶᠢ ᠴᠣᠷᠭᠢᠭᠤᠯᠤᠨ ᠤᠭᠲᠤᠳᠠᠭ ᠪᠠᠶᠢᠭᠰᠠᠨ᠃ ᠡᠵᠢ ᠮᠢᠨᠢ | ᠢᠷᠡᠭᠰᠡᠨ ᠭᠡᠶᠢᠴᠢᠨ ᠢᠶᠠᠨ ᠬᠤᠷᠤᠳ ᠲᠠᠪᠠᠭᠯᠠᠵᠦ ᠲᠠᠶᠢᠯᠠᠨᠠ᠃ ᠵᠠᠷᠢᠮ ᠨᠢᠭᠡ ᠨᠢ ᠪᠤᠴᠠᠬᠤ ᠦᠶᠡ ᠳᠤ ᠨᠢ ᠪᠠᠰᠠ | ᠬᠡᠳᠦ ᠭᠤᠷᠪᠠ ᠪᠠᠷ ᠬᠠᠶᠢᠷᠠᠯᠠᠵᠦ ᠲᠠᠯᠠ ᠵᠠᠰᠠᠨᠠ᠃ ᠡᠵᠢ ᠶᠢᠨ ᠮᠢᠨᠢ ᠬᠢᠭᠰᠡᠨ ᠬᠤᠷᠤᠳ ᠤᠨ ᠰᠢᠷᠬᠡᠭ ᠨᠢ ᠨᠢᠭᠲᠠ᠂ | ᠥᠩᠬᠡ ᠨᠢ ᠭᠦᠯᠲᠦᠭᠡᠨᠡᠮᠡ ᠲᠤᠰᠤᠷᠬᠠᠭ ᠪᠠᠶᠢᠵᠦ ᠠᠮᠲᠠᠯᠠᠭᠰᠠᠨ ᠪᠥᠬᠦᠨ ᠱᠠᠭᠰᠢᠨ ᠮᠠᠭᠲᠠᠳᠠᠭ ᠪᠠᠶᠢᠭᠰᠠᠨ ᠢ | ᠪᠣᠳᠤᠪᠠᠯ ᠪᠠᠭᠠ ᠳᠤ ᠪᠠᠨ ᠪᠢ ᠠᠮᠲᠠᠲᠤ ᠬᠤᠷᠤᠳ ᠲᠠᠢ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠣᠨᠴᠠ ᠰᠠᠶᠢᠨ ᠪᠠᠶᠢᠭᠰᠠᠨ ᠠᠵᠤᠭᠤ᠃ | | ᠰᠡᠭᠦᠯ ᠤᠨ ᠵᠢᠯ ᠤᠳ ᠲᠤ ᠪᠢᠳᠡ ᠠᠮᠲᠠᠳᠤ ᠬᠤᠷᠤᠳ ᠢ ᠲᠠᠭᠠ ᠳᠤᠷᠠ ᠪᠠᠷ ᠢᠶᠠᠨ ᠣᠯᠵᠦ ᠢᠳᠡᠬᠦ ᠪᠠᠨ | ᠪᠤᠯᠢᠭᠰᠠᠨ᠃ ᠠᠪᠤ ᠮᠢᠨᠢ ᠳᠡᠩᠳᠡᠬᠦᠦ ᠡᠷᠲᠡ ᠳᠠᠯᠢᠢᠴᠢᠬᠠᠭᠰᠠᠨ ᠲᠤᠯᠠ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠵᠦ ᠥᠷᠦᠪ | ᠴᠦᠷᠦᠪ ᠳᠦᠷᠪᠡᠨ ᠬᠡᠦᠬᠡᠳ ᠢᠶᠠᠨ ᠮᠦᠷᠦ ᠪᠦᠲᠦᠨ ᠶᠠᠪᠤᠭᠤᠯᠵᠦ᠂ ᠬᠦᠮᠦᠨ ᠲᠠᠢ ᠠᠳᠠᠯᠢ ᠪᠢᠴᠢᠭ ᠦᠵᠡᠭᠦᠯᠬᠦ ᠶᠢᠨ | ᠲᠦᠯᠦᠭᠡ ᠡᠵᠢ ᠮᠢᠨᠢ ᠬᠢᠭᠰᠡᠨ ᠬᠤᠷᠤᠳ ᠢᠶᠠᠨ ᠲᠠᠪᠤ ᠠᠷᠪᠠ ᠪᠤᠯᠭᠠᠭᠠᠳ ᠲᠠᠯᠠ ᠶᠢᠨ ᠠᠶᠢᠯ ᠤᠨ ᠴᠤᠭᠯᠠᠭᠠ ᠮᠠᠶᠢᠮᠠᠢ | ᠳᠡᠭᠡᠷᠡ ᠠᠪᠠᠴᠢᠵᠦ ᠬᠤᠳᠠᠯᠳᠣᠳᠠᠭ ᠪᠤᠯᠪᠠ᠃ ᠠᠳᠠᠯᠢᠬᠠᠨ ᠬᠤᠷᠤᠳ ᠰᠦ ᠬᠤᠳᠠᠯᠳᠣᠳᠠᠭ ᠬᠦᠮᠦᠨ ᠵᠥᠩᠳᠡᠭᠡᠨ | ᠪᠠᠶᠢᠭᠰᠠᠨ ᠴᠦ ᠬᠦᠮᠦᠰ ᠡᠵᠢ ᠶᠢᠨ ᠮᠢᠨᠢ ᠬᠤᠷᠤᠳ ᠲᠤ ᠯᠠ ᠦᠨᠳᠦᠷ ᠦᠨᠡ ᠥᠭᠴᠦ ᠦᠷᠢᠰᠦᠨ ᠠᠪᠴᠠᠭᠠᠵᠦ | ᠪᠠᠶᠢᠭᠰᠠᠨ ᠨᠢ ᠲᠡᠳᠡ ᠪᠦᠬᠦᠨ ᠤ ᠥᠷᠦᠪᠴᠢ ᠰᠡᠳᠬᠢᠯ ᠤᠨ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠭᠰᠡᠨ ᠳᠤ ᠪᠠᠨ ᠪᠢᠰᠢ᠂ ᠬᠠᠷᠢᠨ | ᠬᠤᠪᠲᠤᠯ ᠳᠤ ᠰᠢᠩᠭᠡᠮᠡ ᠬᠤᠷᠤᠳ ᠤᠨ ᠠᠮᠲᠠᠨ ᠠᠴᠠ ᠪᠣᠯᠤᠭᠰᠠᠨ ᠭᠡᠵᠦ ᠪᠢ ᠳᠠᠩᠳᠠ ᠪᠤᠳᠤᠳᠠᠭ ᠪᠠᠶᠢᠭᠰᠠᠨ᠃ | ᠰᠢᠨᠡ ᠵᠠᠭᠤᠨ ᠤ ᠡᠬᠢ ᠪᠠᠷ ᠦᠬᠢᠨ ᠳᠡᠭᠦᠦ ᠪᠢᠳᠡ ᠬᠤᠶᠠᠭᠤᠯᠠ ᠬᠤᠶᠢᠨᠠ ᠡᠮᠦᠨᠡ ᠭᠡᠷᠯᠡᠵᠦ᠂ ᠬᠤᠶᠢᠲᠤ | ᠤᠷᠢᠲᠤ ᠲᠠᠯᠠ ᠶᠢᠨ ᠠᠶᠢᠯ ᠳᠤ ᠮᠣᠷᠳᠠᠴᠢᠬᠠᠭᠠᠳ ᠳᠠᠩᠳᠠ ᠲᠥᠷᠬᠦᠮ ᠰᠠᠨᠠᠬᠤ ᠶᠢᠨ ᠵᠡᠷᠭᠡ ᠪᠠᠷ ᠰᠦ ᠬᠤᠷᠤᠳ ᠢᠶᠠᠨ | ᠰᠠᠨᠠᠳᠠᠭ ᠳᠦᠷᠰᠦᠭᠦᠢ ᠬᠤᠶᠠᠷ ᠠᠪᠠᠭᠠᠢ ᠪᠤᠯᠵᠠᠢ᠃ ᠵᠤᠨ ᠤ ᠤᠯᠠᠷᠢᠯ ᠢᠶᠠᠷ ᠲᠥᠷᠬᠦᠮᠴᠢᠯᠡᠪᠡᠯ ᠬᠠᠷᠢᠵᠦ ᠢᠷᠡᠬᠦ ᠭᠡᠳ | ᠶᠠᠭᠤᠮᠠ ᠬᠡᠦᠮᠡ ᠪᠠᠨ ᠲᠦᠬᠦᠭᠡᠷᠴᠦ ᠡᠬᠢᠯᠡᠮᠡᠭᠴᠡ ᠪᠢᠳᠡ ᠬᠤᠷᠤᠳ ᠲᠣᠰᠣ᠂ ᠵᠥᠭᠡᠬᠡᠢ ᠴᠦᠴᠦᠭᠡᠢ ᠰᠠᠪᠠᠯᠠᠵᠦ | ᠶᠠᠭᠠᠷᠠᠨᠠ᠃ ᠬᠤᠶᠠᠭᠤᠯᠠ ᠪᠠᠨ ᠴᠤᠭ ᠣᠴᠢᠭᠰᠠᠨ ᠲᠠᠭᠠᠷᠠᠪᠠᠯ ᠪᠠᠷᠤᠭ ᠪᠡᠯᠡᠨ ᠪᠠᠶᠢᠬᠤ ᠶᠢ ᠨᠢ ᠪᠦᠬᠦᠨ ᠢ ᠬᠠᠮᠦᠵᠦ | ᠴᠥᠯᠪᠡᠴᠢᠬᠡᠭᠡᠳ᠄ ︽ᠪᠢᠳᠡ ᠶᠠᠭ ᠳᠡᠭᠡᠷᠡᠮ ᠲᠤᠨᠤᠭᠠ ᠪᠠᠭᠤᠭᠰᠠᠨ ᠠᠳᠠᠯᠢ︾ ᠭᠡᠵᠦ ᠬᠥᠭᠡᠷᠦᠯᠳᠦᠬᠦ ᠳᠤ ᠡᠵᠢ ᠮᠢᠨᠢ | ᠮᠦᠨ ᠥᠭᠬᠦ ᠶᠣᠰᠣᠲᠠᠢ ᠪᠠᠨ ᠦᠭᠴᠦ ᠠᠮᠠᠷᠠᠭᠰᠠᠨ ᠬᠦᠮᠦᠨ ᠪᠤᠯᠵᠦ ᠰᠡᠳᠬᠢᠯ ᠬᠠᠨᠣᠮᠵᠢᠲᠠᠢ ᠮᠠᠨ ᠢ ᠳᠠᠭᠠᠵᠦ | ᠮᠦᠰᠢᠶᠡᠨᠡ᠃ | ᠡᠮᠦᠨᠡ ᠬᠡᠳᠦᠨ ᠵᠢᠯ ᠠᠴᠠ ᠡᠬᠢᠯᠡᠭᠡᠳ ᠮᠠᠨ ᠤ ᠨᠤᠲᠤᠭ ᠲᠤ ᠵᠤᠨᠵᠢᠨ ᠬᠤᠷᠠ ᠪᠣᠷᠣᠭᠠᠨ ᠤ ᠪᠠᠷᠠ ᠲᠠᠰᠤᠷᠠᠵᠤ | ᠲᠠᠩᠳᠠ ᠭᠠᠨᠭ᠍ᠳᠠᠳᠠᠭ ᠪᠣᠯᠪᠠ᠃ ᠡᠭᠦᠨ ᠢ ᠳᠠᠭᠠᠯᠲᠤᠵᠦ ᠪᠤᠲᠠ ᠪᠤᠷᠭᠠᠰᠣᠨ ᠤ ᠤᠷᠭᠤᠴᠠ ᠮᠠᠭᠤᠲᠠᠵᠦ ᠪᠡᠯᠴᠢᠭᠡᠷ | ᠬᠠᠲᠠᠵᠦ᠂ ᠮᠦᠨ ᠲᠡᠬᠦᠨ ᠢ ᠨᠢ ᠳᠠᠭᠠᠯᠳᠤᠵᠦ ᠮᠠᠯ ᠡᠴᠡᠵᠦ ᠰᠠᠭᠠᠯᠢ ᠲᠠᠳᠠᠭᠤᠷᠠᠵᠦ ᠁ ᠬᠠᠶᠠ ᠨᠢᠭᠡ ᠬᠥᠷᠦᠭᠡᠳ | ᠣᠴᠢᠬᠤ ᠪᠠᠷ ᠡᠵᠢ ᠮᠢᠨᠢ ᠶᠠᠭᠤᠨ ᠤ ᠤᠷᠢᠳ᠄ ︽ᠡᠨᠡ ᠤᠳᠠᠭᠠ ᠲᠠᠨ ᠳᠤ ᠠᠷᠪᠢᠨ ᠥᠭᠴᠦ ᠳᠡᠶᠢᠯᠬᠦ ᠦᠭᠡᠢ᠂ ᠭᠡᠷ | ᠭᠡᠷ ᠲᠤ ᠬᠤᠶᠠᠷᠬᠠᠨ ᠬᠡᠰᠡᠭ ᠁︾ ᠭᠡᠳᠡᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠡᠭᠦᠯ ᠳᠤ ᠨᠢ ︽ᠭᠡᠷ ᠭᠡᠷ ᠲᠤ ᠨᠢᠭᠡᠬᠡᠨ | ᠬᠡᠰᠡᠭ ᠁︾ ᠭᠡᠵᠦ ᠠᠷᠭᠠ ᠶᠠᠳᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠬᠡᠯᠡᠳᠡᠭ ᠪᠣᠯᠤᠭᠰᠠᠨ᠃ ᠪᠦᠷ ᠰᠡᠭᠦᠯ ᠳᠤ ᠨᠢ ᠦᠨᠢᠶᠡ | ᠲᠤᠭᠤᠯ ᠢᠶᠠᠨ ᠬᠠᠶᠢᠷᠠᠯᠠᠵᠦ ᠨᠤᠲᠤᠭ ᠤᠨ ᠬᠦᠮᠦᠰ ᠤᠨ ᠣᠯᠠᠩᠬᠢ ᠨᠢ ᠰᠠᠭᠠᠯᠢ ᠢᠳᠡᠬᠦ ᠪᠠᠨ ᠪᠤᠯᠢᠴᠢᠬᠠᠭᠰᠠᠨ | ᠣᠴᠢᠷ ᠠᠴᠠ ᠪᠢᠳᠡᠨ ᠤ ︽ᠨᠢᠭᠡ ᠨᠢᠭᠡ ᠬᠡᠰᠡᠭ︾ ᠴᠦ ᠠᠶᠠᠡᠳᠠᠭᠠᠨ ᠪᠠᠶᠢᠬᠤ ᠦᠭᠡᠢ ᠪᠣᠯᠴᠢᠬᠠᠯᠠ ᠁ | ᠬᠤᠳᠠᠯᠳᠤᠭᠠᠨ ᠤ ᠬᠤᠷᠤᠳ ᠲᠤ ᠦᠯ ᠵᠢᠭᠠᠬᠠᠨ ᠳᠠᠷᠤᠭᠳᠠᠳᠠᠭ ᠴᠦ ᠡᠵᠢ ᠶᠢᠨ ᠮᠢᠨᠢ ᠨᠤᠬᠤᠵᠦ ᠳᠠᠷᠤᠵᠦ | ᠬᠡᠪᠯᠡᠭᠰᠡᠨ ᠬᠤᠷᠤᠳ ᠤᠨ ᠠᠮᠲᠠ ᠲᠡᠰᠭᠡᠯ ᠦᠭᠡᠢ ᠡᠷᠢᠭᠳᠡᠭᠡᠳ ᠪᠠᠶᠢᠬᠤ ᠶᠢ ᠶᠠᠭᠠᠬᠢᠨᠠ᠃ ᠲᠡᠶᠢᠨ ᠬᠦ ᠪᠢ ᠬᠡᠳᠦᠨ | ᠡᠳᠦᠷ ᠤᠨ ᠡᠮᠦᠨᠡ ᠰᠤᠨᠤᠰᠤᠭᠰᠠᠨ ︽ᠡᠨᠡ ᠵᠢᠯ ᠢᠯᠡᠭᠦᠦ ᠬᠡᠳᠦ ᠤᠳᠠᠭᠠ ᠪᠣᠷᠤᠭᠠᠨ ᠤᠷᠤᠭᠰᠠᠨ ᠠᠴᠠ ᠮᠠᠨ ᠤ | ᠲᠡᠡᠳᠡᠬᠢ ᠪᠡᠯᠴᠢᠭᠡᠷ ᠡᠪᠡᠰᠦ ᠬᠠᠷᠢᠴᠠᠩᠭᠤᠢ ᠰᠠᠶᠢᠨ ᠪᠠᠶᠢᠨᠠ︾ ᠭᠡᠳᠡᠭ ᠦᠭᠡ ᠶᠢ ᠮᠦᠷᠲᠡᠨ᠂ ᠨᠢᠭᠡᠨ ᠪᠡᠷᠬᠡ ᠶᠢᠨ | ᠠᠶᠢᠯ ᠳᠤ ᠬᠠᠷᠢᠯᠴᠠᠭᠠ ᠦᠭᠡᠢ ᠤᠳᠠᠭᠰᠠᠨ ᠰᠠᠳᠤᠨ ᠢᠶᠠᠨ ᠡᠷᠭᠢᠵᠦ ᠦᠵᠡᠬᠦ ᠪᠠᠷ ᠬᠦᠷᠦᠭᠡᠳ ᠣᠴᠢᠯᠠ᠃ | ᠰᠠᠳᠤᠨ ᠤ ᠬᠢᠨ ᠮᠠᠨᠢ ᠶᠡᠬᠡᠳᠡ ᠪᠠᠶᠠᠷᠯᠠᠵᠦ᠂ ᠣᠷᠤᠮᠠᠭᠴᠠ ᠬᠤᠷᠤᠳ ᠴᠠᠭᠠ ᠪᠠᠷ ᠳᠠᠶᠢᠯᠠᠵᠦ ᠭᠠᠷᠤᠭᠰᠠᠨ᠃ | ᠲᠡᠳᠡᠨ ᠤ ᠬᠢ ᠤᠳᠤᠮᠲᠤ ᠮᠠᠯ ᠲᠠᠢ᠂ ᠤᠷᠠᠨ ᠭᠠᠷ ᠲᠠᠢ ᠭᠡᠵᠦ ᠬᠠᠪᠢ ᠲᠥᠰᠦᠷ ᠲᠤ ᠪᠠᠨ ᠠᠯᠳᠠᠷ ᠲᠠᠢ ᠶᠤᠮ ᠴᠢᠨᠢ | ᠬᠤᠷᠤᠳ ᠤᠨ ᠬᠢᠨᠢ ᠠᠮᠲᠠ ᠴᠦ ᠭᠡᠵᠦ ᠬᠡᠯᠡᠨᠡ ᠦᠦ ᠳ᠋ᠠ︕ ᠶᠠᠷᠢᠯᠴᠠᠭᠠᠨ ᠳᠤᠮᠳᠠ ᠪᠠᠨ ᠪᠢ ᠲᠡᠳᠡᠨ ᠤ ᠬᠢᠨ ᠨᠢᠭᠡ | ᠬᠡᠰᠡᠭ ᠬᠤᠷᠤᠳ ᠢᠶᠠᠨ ᠲᠠᠪᠢ ᠵᠢᠷᠠᠨ ᠲᠥᠭᠦᠷᠢᠭ ᠢᠶᠠᠷ ᠬᠠᠩᠰᠢᠯᠠᠵᠦ ᠪᠤᠰᠤᠳ ᠲᠤ ᠲᠠᠯᠠ ᠬᠦᠷᠭᠡᠬᠦ ᠭᠡᠵᠦ ᠡᠷᠢᠵᠦ | ᠢᠷᠡᠳᠡᠭ ᠬᠦᠮᠦᠰ ᠦᠷᠭᠦᠯᠵᠢ ᠬᠠᠩᠭᠠᠳᠠᠭ ᠢ ᠣᠯᠵᠦ ᠮᠡᠳᠡᠪᠡ᠃ ᠶᠣᠰᠤᠲᠠᠢ ᠯᠠ ︽ᠡᠳ᠋ ᠬᠤᠪᠤᠷ ᠲᠤ ᠪᠠᠨ ᠦᠨᠡᠲᠡᠢ | ︾ ᠭᠡᠳᠡᠭ ᠡᠨᠡ ᠪᠢᠵᠡ︕ ᠪᠤᠴᠠᠬᠤ ᠳᠤ ᠪᠠᠨ ᠪᠢ ᠪᠠᠰᠠ ᠠᠬᠠ᠂ ᠡᠭᠡᠴᠢ ᠳᠡᠭᠦᠦ ᠨᠠᠷ ᠲᠤ ᠪᠠᠨ ᠪᠡᠯᠡᠭ ᠪᠤᠯᠭᠠᠶᠠ | ᠭᠡᠵᠦ ᠠᠷᠪᠠᠨ ᠬᠡᠰᠡᠭ ᠬᠤᠷᠤᠳ ᠬᠤᠳᠠᠯᠳᠣᠨ ᠠᠪᠤᠭᠰᠠᠨ ᠪᠤᠯᠪᠠᠴᠦ ᠵᠠᠭᠤᠲᠤ ᠶᠢᠨ ᠳᠡᠪᠢᠰᠭᠡᠷᠲᠦ ᠪᠠᠨ ᠲᠠᠪᠤ ᠶᠢ | ᠰᠤᠭᠤᠯᠵᠦ ᠭᠠᠷᠳᠠᠭᠤᠯᠬᠤ ᠦᠶᠡ ᠳᠤ ᠪᠠᠨ ᠲᠤᠳᠤᠷᠠ ︽ᠰᠢᠷ︾ ᠬᠢᠬᠦ ᠰᠢᠭ ᠪᠤᠯᠤᠭᠰᠠᠨ ᠢ ᠨᠢᠭᠤᠬᠤ ᠬᠡᠷᠡᠭ ᠶᠠᠭᠤ | ᠪᠢᠯᠡ᠃ | ᠠᠢ᠂ ᠡᠳᠦᠷ ᠠᠴᠠ ᠡᠳᠦᠷ ᠬᠤᠯᠠᠳᠠᠭᠰᠠᠨ᠂ ᠦᠰᠴᠦ ᠪᠤᠶᠢᠵᠢᠭᠰᠠᠨ ᠪᠠᠭᠠ ᠨᠠᠰᠤᠨ ᠳᠤ ᠮᠢᠨᠢ ᠥᠯ ᠰᠢᠮᠡ | ᠬᠠᠩᠭᠠᠭᠰᠠᠨ᠂ ᠦᠭᠡᠳᠡᠯᠡᠬᠦ ᠪᠠᠷ ᠵᠢᠳᠭᠦᠭᠰᠡᠨ ᠬᠠᠲᠠᠭᠤᠬᠠᠨ ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠠᠴᠢ ᠬᠡᠰᠢᠭ ᠢᠶᠠᠨ ᠬᠦᠷᠲᠡᠭᠡᠭᠰᠡᠨ | ᠡᠵᠢ ᠶᠢᠨ ᠬᠢᠭᠰᠡᠨ ᠬᠤᠷᠤᠳ ᠢ ᠪᠢ ᠤᠳᠤ ᠲᠠᠩᠳᠠ ᠵᠡᠬᠦᠳᠦᠨ ᠳᠤ ᠪᠠᠨ ᠯᠠ ᠤᠯᠵᠤ ᠲᠠᠮᠰᠢᠶᠠᠯᠠᠬᠤ ᠪᠣᠯᠣᠭᠰᠠᠨ ᠴᠦ | ᠶᠤᠮ ᠪᠣᠯᠪᠠ ᠦᠦ︖ | ︵ᠪ᠊ · ᠮᠥᠴᠢᠷ︶ | |