| | ᠥᠪᠡᠷᠰᠡᠳ ᠤᠨ ᠡᠷᠬᠡ ᠪᠠᠨ ᠥᠪᠡᠷ ᠢᠶᠠᠨ ᠲᠡᠮᠡᠴᠡᠵᠦ ᠣᠯᠣᠭᠰᠠᠨ | ᠦᠨᠡᠲᠡᠢ ᠡᠨᠡ ᠵᠢᠳᠬᠦᠯ ᠢ ᠴᠢᠨᠢ ᠳᠡᠯᠡᠬᠡᠢ ᠮᠡᠳᠡᠷᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠶᠤᠮ | ᠦᠶᠡ ᠦᠶᠡ ᠶᠢᠨ ᠳᠠᠷᠤᠯᠠᠯ ᠬᠠᠷᠠᠩᠭᠤᠢ ᠴᠠᠭ ᠢ ᠦᠯᠳᠡᠭᠰᠡᠨ | ᠥᠮᠥᠭ ᠪᠣᠯᠤᠭᠰᠠᠨ ᠶᠣᠰᠣ ᠶᠢ ᠨᠢ ᠣᠨ ᠵᠢᠯ ᠤᠳ ᠭᠡᠷᠡᠴᠢᠯᠡᠭᠰᠡᠨ ᠶᠤᠮ | ᠦᠨᠡᠬᠡᠷ ᠶᠤᠮ ᠤᠤ ᠳ᠋ᠠ ᠢᠯᠠᠯᠲᠠ ᠪᠠᠨ ᠪᠡᠯᠡᠭᠯᠡᠭᠰᠡᠨ ᠳᠤᠷᠠᠰᠬᠠᠯᠲᠤ ᠡᠳᠦᠷ | ᠥᠨᠥᠳᠥᠷ ᠤᠨ ᠪᠢᠳᠡᠨ ᠳᠤ ᠢᠷᠠᠭᠤ ᠠᠯᠳᠠᠷ ᠢ ᠨᠢ ᠠᠪᠴᠢᠷᠠᠭᠰᠠᠨ ᠶᠤᠮ | ᠦᠯᠡᠮᠵᠢ ᠶᠢᠨ ᠰᠠᠶᠢᠬᠠᠨ ᠪᠦᠭᠦᠨ ᠢᠶᠠᠨ | ᠦᠯᠡᠳᠡᠭᠡᠵᠦ ᠥᠪᠯᠡᠵᠦ ᠢᠷᠡᠭᠰᠡᠨ ᠶᠤᠮ | ᠭᠠᠴᠢᠭᠳᠠᠯ ᠤᠨ ᠡᠰᠡᠷᠭᠦ ᠭᠠᠷ ᠨᠤᠬᠤᠯᠠᠨ ᠵᠣᠭᠰᠣᠭᠰᠠᠨ ᠦᠭᠡᠢ | ᠭᠠᠵᠢᠭᠤ ᠪᠤᠷᠤᠭᠤ ᠶᠢᠨ ᠡᠮᠦᠨᠡ ᠠᠴᠠ ᠴᠡᠭᠡᠵᠢ ᠲᠦᠷᠢᠨ ᠪᠣᠰᠣᠭᠰᠠᠨ ᠶᠤᠮ | ᠭᠠᠪᠢᠶᠠ ᠮᠠᠭᠲᠠᠭᠠᠯ ᠠᠯᠢᠨ ᠢ ᠨᠢ ᠴᠦ ᠲᠣᠭᠤᠵᠤ ᠬᠠᠷᠠᠭᠰᠠᠨ ᠦᠭᠡᠢ | ᠭᠠᠵᠠᠷ ᠲᠡᠭᠷᠢ ᠶᠢᠨ ᠳᠤᠮᠳᠠ ᠡᠷᠬᠡ ᠴᠢᠯᠦᠭᠡ ᠪᠠᠨ ᠲᠤᠩᠬᠠᠭᠯᠠᠭᠰᠠᠨ ᠶᠤᠮ | ᠭᠠᠶᠢᠬᠠᠮᠠᠷ ᠶᠤᠮ ᠳ᠋ᠠ ᠵᠤᠪᠠᠯᠠᠩ ᠤᠨ ᠡᠴᠦᠰ ᠵᠢᠷᠭᠠᠯᠲᠤ ᠡᠳᠦᠷ | ᠭᠠᠯᠪᠠ ᠳᠡᠯᠡᠬᠡᠢ ᠳᠤ ᠠᠶᠠᠨᠳᠠᠭᠠᠨ ᠦᠷᠭᠦᠯᠵᠢᠯᠡᠵᠦ ᠢᠷᠡᠭᠰᠡᠨ ᠶᠤᠮ | | ᠭᠠᠷ ᠭᠠᠷ ᠢᠶᠠᠨ ᠬᠤᠯᠪᠣᠭᠰᠠᠨ ᠪᠠᠶᠠᠷ ᠤᠨ ᠳᠠᠭᠤᠯᠠᠯ ᠡᠭᠡᠰᠢᠭᠯᠡᠵᠦ | ᠭᠠᠷᠠᠭ ᠰᠠᠨᠰᠠᠷ ᠤᠨ ᠣᠷᠣᠨ ᠭᠦᠷᠳᠡᠯᠡ ᠴᠤᠤᠷᠢᠶᠠᠯᠠᠭᠰᠠᠨ ᠶᠤᠮ | ᠭᠠᠯ ᠤᠰᠤ ᠭᠦᠷᠳᠡᠯᠡ ᠬᠠᠰᠢᠵᠤ ᠴᠢᠳᠠᠳᠠᠭ ᠦᠭᠡᠢ | ᠭᠠᠷᠴᠠᠭᠠ ᠦᠭᠡᠢ ᠪᠡᠶᠡᠯᠡᠬᠦ ᠮᠥᠷᠥᠭᠡᠳᠦᠯ ᠤᠨ ᠢᠶᠠᠨ ᠵᠦᠭ ᠲᠡᠮᠡᠦᠯᠦᠭᠡᠳ | ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠴᠤᠭ ᠵᠢᠪᠬᠤᠭᠠ ᠪᠠᠨ ᠪᠠᠳᠠᠷᠠᠭᠤᠯᠤᠭᠰᠠᠨ ᠶᠤᠮ | |